ՏԵՂԵԿՈՒԹՅՈՒՆՆԵՐ ԴԱՏԱԽԱԶՈՒԹՅՈՒՆԻՑ ՄԱՀԱՓՈՐՁԻ ՎԵՐԱԲԵՐՅԱԼ

Քաղաքական տնտեսական և հասարակական այլ իրադարձություններ Հայաստանում, Սփյուռքում ու Աշխարհում

Moderator: Supermod

ՏԵՂԵԿՈՒԹՅՈՒՆՆԵՐ ԴԱՏԱԽԱԶՈՒԹՅՈՒՆÔ

Postby Armenian on Tue Apr 03, 2007 6:16 pm

ՏԵՂԵԿՈՒԹՅՈՒՆՆԵՐ ԴԱՏԱԽԱԶՈՒԹՅՈՒՆԻՑ ՄԱՀԱՓՈՐՁԻ ՎԵՐԱԲԵՐՅԱԼ

Image

2007 թվականի ապրիլի 2-ին` ժամը 22:20-ի սահմաններում Աշտարակ-Գյումրի մայրուղու` Աշտարակ քաղաքին մոտակա հատվածում անհայտ պետհամարանիշի ավտոմեքենայից կրակոցներ են արձակվել Գյումրիի քաղաքապետ Վարդան Ղուկասյանի ծառայողական` "Մերսեդես-600'մակնիշի 051 ԼԼ 50 պետհամարանիշի եւ նրան ուղեկցող "Գազ-3110" մակնիշի 770 ԼԼ 10 պետհամարանիշի ավտոմեքենաների ուղղությամբ:

Կրակահերթի հետեւանքով ստացած հրազենային վնասվածքներից "Գազ-3110" մակնիշի 770ԼԼ10 պետհամարանիշի ավտոմեքենայի հինգ ուղեւորներից երեքը` Արտյոմ Սամվելի Ադամյանը (ծնված` 1985թ.), Սիսակ Արամի Վարդանյանը (ծնված 1981թ.) եւ Հովհաննես Լեւոնի Միրզաբեկյանյանը (ծնված` 1970թ.) տեղում մահացել են: "Մերսեդես" մակնիշի 051ԼԼ50 պետհամարանիշի ավտոմեքենայում գտնվող Գյումրիի քաղաքապետ Վարդան Ղուկասյանը եւ քաղաքապետի տեղակալ Գագիկ Մանուկյանը ստացած հրազենային վնասվածքներով տեղափոխվել են "Սուրբ Գրիգոր Լուսավորիչ" բժշկական կենտրոն, իսկ վարորդ Վարազդատ Ղուկասյանը` "Արմենիա" բժշկական կենտրոն եւ ենթարկվել վիրահատության:

"Մերսեդես" մակնիշի 051ԼԼ50 պետհամարանիշի ավտոմեքենայի ուղեւոր Գյումրիի քաղաքապետարանի քաղաքաշինության վարչության պետ Հովհաննես Գրքիկյանը եւ "Գազ-3110"մակնիշի 770ԼԼ10 պետհամարանիշի ավտոմեքենայի վարորդ Վաչիկ Գյուղջօղլյանը, ուղեւոր Տիգրան Սիմոնյանը հրազենային վնասվածքներ չեն ստացել եւ բժշկական միջամտության անհրաժեշտություն չի եղել: Դեպքի առթիվ ՀՀ գլխավոր դատախազության քննչական վարչությունում հարուցվել է քրեական գործ ՀՀ քրեական օրենսգրքի 104-րդ հոդվածի 2-րդ մասի 1-ին եւ 6-րդ կետով, 34-104-րդ հոդվածի 2-րդ մասի 1-ին եւ 6-րդ կետով, 235-րդ հոդվածի 1-ին մասի հատկանիշներով:

Կազմվել է քննչական-օպերատիվ խումբ, որի կազմում ընդգրկվել են ՀՀ դատախազության, ՀՀ ազգային անվտանգության ծառայության եւ ՀՀ ոստիկանության փորձառու աշխատակիցները, կատարվում է նախաքննություն: Դեպքի վայրի զննությամբ հայտնաբերվել է ինքնաձիգի թվով 77 պարկուճ, որից 52-ը` ԱԿՄ տեսակի ինքնաձիգի 7.62 մմ տրամաչափի, իսկ 25-ը` ԱԿՍ տեսակի ինքնաձիգի 5.45 տրամաչափի պարկուճներ: Դիակների հերձման ընթացքում հայտնաբերվել է 14 գնդակ:

Հայտնաբերված պարկուճների եւ գնդակների ուսումնասիրման արդյունքում պարզվել է, որ դեպքի վայրում աշխատել է 2 ինքնաձիգ: Նշանակվել են փորձաքննություններ, ձեռնարկվում են բոլոր անհրաժեշտ միջոցառումները դեպքի հանգամանքները եւ հանցագործությունը կատարած անձանց ինքնությունը պարզելու եւ նրանց հայտնաբերելու ուղղությամբ: Նախաքննության արդյունքների մասին կհայտնվի լրացուցիչ:

Կայք: http://www.a1plus.am/amu/?page=issue&iid=47368
Մեր ժողովուրդն արանց հայրենասիրութեան այն է, ինչ որ մի մարմին' առանց հոգու:

Գարեգին Նժդեհ
Armenian
 
Posts: 556
Joined: Wed Jan 24, 2007 3:46 pm
Location: Cyberia

Postby Armenian on Tue Apr 03, 2007 6:30 pm

Այս դեպքը բաւական մտահոքիչ է: Մեկնաբանութիւններ կա՞ն:

Ամերիկյան մամուլը ասում է որ Քաղաքապետը <<Կօնտրովերսիալ>> անձնավորութիւն մըն է: Դա ին՞չ է նշանակում: Ոեւէ մեկը ասյտեղ կարո՞ղ է միքանի տեղեկութիւններ տալ նրա մասին:
Մեր ժողովուրդն արանց հայրենասիրութեան այն է, ինչ որ մի մարմին' առանց հոգու:

Գարեգին Նժդեհ
Armenian
 
Posts: 556
Joined: Wed Jan 24, 2007 3:46 pm
Location: Cyberia


Return to Նորություններ

Who is online

Users browsing this forum: No registered users and 1 guest

cron