Մի օր Էջմիածինը բոլորովին այլ թեմա կքննարկի

Արման Դավթյան

Սուր անկյուն

Եկեղեցին ինքնաբավ կլինի
Եթե, իհարկե, ՀՀ-ն առաքելական է

«Ֆոկուս» ամսագրի կատարած մի հարցախույզի համաձայն, գերմանացիների 56%-ը վստահություն չունեն եկեղեցու հանդեպ, եւ կաթոլիկ հավատավորների 26%-ը մտադիր են լքել եկեղեցին: Պատճառը անվերջանալի սեռական չարաշահման մեղադրանքներն են ընդդեմ եկեղեցու եւ հոգեւորականների ու նրանց, ովքեր փորձում են այդ ամենը ծածկել:
Հիշեցնենք, որ Գերմանիայում, ինչպես նաեւ եվրոպական մի շարք այլ երկրներում որեւիցե կրոնի անդամակցության համար վճարվող հարկը 8-9% է, որն էլ Կաթոլիկ եկեղեցու պարագայում կազմում է եկամտի 70%-ը:
Կարծում ենք, որ վերոնշյալ ձեւը պետք է կիրառվի  նաեւ Հայաստանի Հանրապետությունում, որպեսզի մեկընդմիշտ ավարտվի այն թյուր կարծիքը,  ըստ որի ՀՀ-ում բնակչության ջախջախիչ մեծամասնությունը առաքելական է: Այդպիսով երեւալու է առաքելական համայնքի հետեւորդների իրական թիվը: Ճիշտ չէ պետությունից պահանջել օգնություն՝ ենթադրելով, որ հասարակության մեծամասնությունը եկեղեցու հետեւորդներ են: Իսկ եթե իրոք այդպես է, թող հավատավորը ուղղակի եւ եւ ոչ թե անուղղակի իր ներդրումը կատարի: Իսկ անուղղակիի դեպքում մուծում է նաեւ ոչ հավատավորը` առանց իր ցանկության:
Եթե Եհովան չի կարողանում իր գործը առաջ տանել, ապա թող փակվի մյուս անհաջող բիզնեսների նման:

Ռաֆֆի Պապիկյան
Հայաստան-Սփյուռք կապերի նախաձեռնության ղեկավար

«Լուսանցք» թիվ 14 (145), 2010թ.