Խորագրերի պահոցը. Հոդվածներ

Այս բաժնում տեղադրվում են Հայ Արիական Միաբանության գաղափարախոսությանը համահունչ հոդվածներ ու վերլուծականներ:

Հարցազրույց ՀԱՄ առաջնորդ Արմեն Ավետիսյանի հետ

Արմեն Ավետիսյան

Հնարավորինս համադրել տեսակետները

Հարցազրույց Հայ Արիական Միաբանության առաջնորդ Արմեն Ավետիսյանի հետ


- Ինչու՞ հայ արմատական ազգայնականությունը չպաշտպանեց ՀՀ նախագահի որեւէ թեկնածուի:

- Մինչընտրական ու ընտրական ժամանակահատվածում Հայ Արիական Միաբանությունը մի շարք ազգայնական ուժերի հետ պաշտոնապես հայտնել է իր դիրքորոշումը, որում մանրամասնորեն բացատրություն էր տրված, թե ինչու՞ ոչ մի թեկնածու չի համապատասխանում արմատական հայ ազգայնականության պահանջներին: Բոլոր 9 թեկնածուներին էլ անդրադարձել էինք այդ հայտարարության մեջ՝ նշելով նրանց դրական կամ բացասական կողմերը, անհամապատասխանությունը մեր սկզբունքներին:

Ինչ մնում է ՀՀ նախագահի ընտրությանը մեր մասնակցությանը, ապա հիշյալ հայտարարությունը ստորագրած կազմակերպությունների հազարավոր անդամներ ու համակիրներ մասնակցել են քվեարկությանը ու որեւէ թեկնածուի ձայն չեն տվել, ինչը նույնպես մեր համատեղ որոշման պահանջներից էր: Այսինքն՝ մենք չենք հրաժարվել ընտրությանը մասնակցելուց, պաշտպանել ենք մեր ընտրելու իրավունքը եւ հայտարարած դիրքորոշումը:

Հետընտրական ընթացքում եւ մարտի 1-2-ի դեպքերից հետո էլ առաջարկել ենք մեր միջնորդական առաքելությունը՝ հակամարտող կողմերին բանակցության սեղանի շուրջ բերելու նպատակով: Բայց՝ ապարդյուն: Իսկ հետո՝ ընտրական ու հետընտրական գործընթացներին տվել ենք քաղաքական ու բարոյական գնահատական:

Շարունակել կարդալ

Հարցազրույց ՀԱՄ առաջնորդ Արմեն Ավետիսյանի հետ

Armen AvetisyanՀարցազրույց Հայ Արիական Միաբանության առաջնորդ

Արմեն Ավետիսյանի հետ

- Հայ Արիական Միաբանությունը չմասնակցեց ՀՀ նախագահի ընտրությանը, իսկ հետընտրական գործընթացներում կարծես թե չեզոք դիրք գրավեց: Արդյո՞ք հիմա էլ, երբ անցել է բավականաչափ ժամանակ, համարում եք, որ ճիշտ եք վարվել:

- Նախ՝ սկսեմ այն բանից, որ համամիտ չեմ հարցադրումների ձեւակերպման հետ: ՀՀ նախագահի թեկնածու չառաջադրելը կամ առաջադրված որեւէ թեկնածուի չպաշտպանելը ամենեւին չի նշանակում, որ մենք չենք մասնակցել ՀՀ նախագահի ընտրությանը: ՀԱՄ-ը մի քանի ազգայնական ուժերի հետ պաշտոնապես հայտնել է իր դիրքորոշումը, բացատրելով, թե ինչու ոչ մի թեկնածու չի համապատասխանում արմատական հայ ազգայնականության պահանջներին, իսկ մեր կազմակերպությունների հազարավոր անդամներն ու համակիրները մասնակցել են քվեարկությանը եւ որեւէ մի թեկնածուի ձայն չեն տվել: Այսինքն՝ մենք չենք հրաժարվել ընտրությանը մասնակցելուց, եւ պաշտպանել ենք եւ’ մեր ընտրելու իրավունքը, եւ’ հիմնավորված դիրքորոշումը: Կասեմ ավելին՝ մենք չպաշտպանելով ոչ մի նախագահի թեկնածուի, ավելի հստակ դիրքորոշումով (այդ թվում՝ հրապարակայնորեն) ենք մասնակցել ՀՀ նախագահի ընտրությանը, քան այս կամ այն թեկնածուին մի քանի «հերթապահ» նախադասությամբ պաշտպանողները կամ շահախնդրորեն ու ստիպողաբար «կողմնորոշված» կուսակցությունները: Ինչ մնում է չեզոք հետընտրական դիրքորոշմանը, դրա հետ էլ համաձայն չեմ, ՀԱՄ-ը մի շարք հայտարարություններով ու ոչ պաշտոնական հանդիպումներով ցուցաբերել է սկզբունքային դիրքորոշում, շատ հստակ հասկացնելով, որ երկու հակամարտող կողմերում էլ մեր ժողովրդի հատվածներն են, որ բողոքող մարդկանց շատ պահանջներ արդարացի են ու հրատապ լուծում են պահանջում, որ իշխանության եւ ընդդիմության ղեկավարները նաեւ հայտնի գերտերությունների ու որոշ մութ ուժերի շահերն են մեր երկրում խաչաձեւում, որ պետք է անհապաղ բանակցել… ու մենք մեր պատրաստակամությունն էինք հայտնել միջնորդական առաքելությամբ հանդես գալու համար՝ դեռ մինչեւ մարտի 1-ի դեպքերը, նաեւ՝ դրանից հետո: Մենք շատերի նման բերաններս ջուր չառանք, նախընտրական ու հետընտրական «բիզնես» չարեցինք կամ էլ չվազեցինք այս կամ այն թվացյալ ուժեղի կողմը: Եվ կրկնում եմ, ունեցանք հստակ դիրքորոշում: Նաեւ ընտրական ու հետընտրական գործընթացներին տվեցինք քաղաքական ու բարոյական գնահատական: Սա ամենեւին չեզոքություն չէ: Ուստի, հիմա էլ, վստահ եմ հետո էլ, ես համոզված եմ լինելու մեր կեցվածքի ու դիրքորոշումների՝ ազգայնական տեսանկյունից ճիշտ լինելում:


Շարունակել կարդալ

Ներքին ապակայունության փորձն իսկ հղի է արտաքին վտանգներով

Մարտի 3-4-ը, Արցախի Մարտակերտի հյուսիս-արեւելյան հատվածում, ադրբեջանցիները փորձելով օգտվել մարտի 1-2-ին Երեւանում կատարված ներքաղաքական զանգվածային միջադեպերից ու բախումներից, խախտել են զինադադարը եւ անցել ԼՂՀ եւ Ադրբեջանի միջեւ հաստատված սահմանագիծը:

Ըստ ՀՀ պաշտպանության նախարարության մամուլի կենտրոնի հաղորդագրության, «մարտի 4-ին, ժամը 05:00-ի սահմաններում ԼՂՀ եւ Ադրբեջանի Հանրապետության շփման գծում՝ Մարտակերտից հյուսիս-արեւելք, Լեւոնարխ գյուղից 3,5 կմ հեռավորությամբ ադրբեջանական զինված ուժերը, խախտելով զինադադարի ռեժիմը, կրակ են բացել ԼՂՀ դիրքերի վրա, որի հետեւանքով վիրավորվել է պաշտպանության բանակի երկու զինվորական»: Այսքանով չբավարարվելով՝ ադրբեջանցիներն առաջանալով գրավել են առաջնային պաշտպանական հենակետերից մեկը: Արցախի զինված ուժերը պատասխան կրակ են բացել, դիմել են համարժեք գործողությունների եւ թշնամուն ստիպել են վերադառնալ նախկին դիրքերը: Այս մարտի ընթացքում ադրբեջանական կողմը կրել է կորուստներ՝ կան վիրավորներ եւ զոհեր: Մեր դիրքերում թողել են նաեւ մեծ քանակությամբ զենք եւ զինամթերք:

Շարունակել կարդալ

Միջուկային էներգետիկա. զարգացումներ. աշխարհ եւ տարածաշրջան

Մեծամորի ԱԷԿԶեկույց`
«Իրանի միջուկային խաղաղ ծրագիրը եւ գործունեությունը. ատոմային էներգիայի միջազգային գործակալության հետ համագործակցության որակը» Թեհրանում (2008թ. մարտի 9-ին) կազմակերպված միջազգային գիտաժողովի

* * *

Զեկույցը`Հայ Արիական Միաբանության առաջնորդ Արմեն Ավետիսյանի

Խորհրդատվությամբ` «Հայաստանի Հանրապետություն» պաշտոնաթերթի
տնտեսական թեմաներով գրող, վերլուծաբան Արմենուհի Մելքոնյանի

* * *

Միջուկային էներգետիկա. զարգացումներ. աշխարհ եւ տարածաշրջան

«Իրանի միջուկային խաղաղ ծրագիրը եւ գործունեությունը. ատոմային էներգիայի միջազգային գործակալության հետ համագործակցության որակը» միջազգային գիտաժողովի կազմակերպումը հստակ խոսում է այն քաղաքականության մասին, որ  միջուկային էներգիայի խնդիրը ընդհանրապես փակ թեմա չէ եւ այն կարելի է քննարկել: Իսկ քննարկումը, մանավանդ եթե այն իրանցի եւ օտարերկրյա փորձագետների ու իրավաբանների մասնակցությամբ է, արդեն ենթադրում է, որ այն բացառապես հետապնդում է խաղաղ նպատակներ:
Իրանը բազմիցս հայտարարել է այդ մասին եւ պատրաստակամ է շարունակել ՄԱԳԱՏԷ-ի (ատոմային էներգիայի միջազգային գործակալություն) հետ համագործակցությունը` միջուկային զենքի չտարածման պայմանագրի շրջանակներում: 

Շարունակել կարդալ

Նախընտրական «համազարկ»-ից առաջ…

Ավարտին է մոտենում ՀՀ նախագահի թեկնածուների բուռն նախընտրական արշավը: Այս ընտրարշավն էապես, նաեւ բնույթով տարբերվում է նախորդներից: Նախ՝ առաջին անգամ պայքարի մեջ են մտել ՀՀ 1-ին եւ 2-րդ՝ նախկին ու ներկա նախագահների թիմերը (անուղղակի՝ հենց երկու ՀՀ նախագահները), ինչը ներքաղաքաղաքական (նաեւ՝ աշխարհաքաղաքական) ու բարոյա-հոգեբանական լարվածություն է մտցրել նախընտրական գործընթացներում: Եվ երկրորդ՝ այդ գործընթացներն անցնում են, այսպես կոչված, սեւ «PR»-ի ամենացայտուն դրսեւորումներով, որի հետեւանքով «ջրի երես» են դուրս գալիս նաեւ բազմաթիվ ճշմարտություններ, ինչը խնամքով տարիներ շարունակ իրենց օրոք թաքցրել են ե՛ւ նախկին, ե՛ւ ներկա իշխանությունները: Այսօր եթե մարդիկ դեռ չեն գիտակցում այդ՝ կամա, թե ակամա արվող բացահայտումների խորքայնությունը, քանզի տարված են նախընտրական աղմուկ-աղաղակով, հետագայում՝ ընտրություններից հետո, վերստին անդրադառնալով դրանց, շա՜տ լուրջ եզրահանգումներ կանեն: Դրա համար հսկայական նյութ կա արդեն: Դա կարող է ավելանալ նաեւ հետընտրական գործընթացների ժամանակ: Երբ պատրաստվում էինք ՀՀ նախագահի թեկնածուների նախընտրական քարոզարշավի վերջին դիտարկումն անել, որոշեցինք նաեւ վերլուծել «Լուսանցք»-ում հրապարակված ավելի քան 30 ՀՀ քաղաքական գործիչների, ազգային փոքրամասնությունների 3 ներկայացուցիչների, մի շարք պետական, մշակութային եւ տնտեսական գործիչների, տնտեսվարողների, սփյուռքահայ մտավորականների կարծիքները նույնպես: Հատկապես, երբ թերթի էջերում զետեղված էին նաեւ ՀՀ նախագահի որոշ թեկնածուների կամ նրանց գաղափարական թիմի անդամների հարցազրույցները:

Այսինքն՝ կփորձենք երկու դիտարկում իրականացնել, ինչպես ՀՀ նախագահի թեկնածուներին առնչվող, այնպես էլ՝ «Լուսանցք»-ում հանդես եկած քաղաքական ուժերի՝ «ի՞նչ պետություն է մեզ պետք եւ ինչպե՞ս հզորացնել պետականությունը» մոտեցումների ու քաղաքական հնարավոր վերադասավորումների մասին:

Շարունակել կարդալ

Յօգա գիտությունը ըստ Պատանջալիի

Գլուխ 1. Վասն ինքնահաստատման

1.1. Ահավասիկ, Յոգայի ստույգ բացատրությունը:
1.2. Յոգան գիտակցության վերցնցումային վիճակն է:
1.3. Դա Էության բնական վիճակն է:
1.4. Այլ ժամանակ Էությունը միաձուլվում է ցնցումներին:
1.5. Կա ցնցումների 5 տեսակ, – ցավագին և հաճելի:
1.6. Դրանք են՝ իմացությունը, մոլորությունը, երևակայությունը, թմբիրը և հիշողությունը:
1.7. Ուղղակի ընկալումը, փորձը և հեղինակավոր աղբյուրը՝ իմացության սկզբունքն է:
1.8. Մոլորությունը – իրականությամբ չհաստատվող կեղծ իմացությունն է:
1.9. Երևակայությունը – փորձով չհաստատված մտքերի հոսքն է:
1.10. Թմբիրը – սկզբունքներից նահանջելու հետևանքն է:

Շարունակել կարդալ

Միջազգային վարկատու հաստատությունները աղքատացնում են

 ԽՍՀՄ-ից անկախություն հռչակելուց ի վեր տնտեսական ցեղասպանություն է կատարվում ՀՀ-ում: Միջազգային ֆինանսական հաստատությունների կառուցվածքային փոփոխությունների ծրագրերը նպատակ են հետապնդում միջազգայնացնել երկրի մակրոտնտեսական քաղաքականությունը եւ այն դնել Միջազգային դրամական հիմնադրամի (ՄԴՀ) եւ Համաշխարհային դրամատան (ՀԴ) անմիջական ղեկավարության ներքո: Պատմության որեւէ այլ շրջանում «ազատ» շուկան այնքան մեծ դեր չի խաղացել «ինքնիշխան» պետությունների ճակատագիրը տնօրինելու հարցում, ինչքան այսօր:

Անցած երկու տասնամյակների ընթացքում ՄԴՀ եւ ՀԴ կողմից զարգացող երկրներին պարտադրված «մակրոտնտեսական կայունացման» եւ «կառուցվածքային կանոնավորման» ծրագրերը (որպես արտաքին պարտքերի վերանայման պայման) հարյուր միլիոնավոր մարդկանց հասցրել են աղքատության: Հակառակ Բրեթըն Վուդի համաձայնագրի, որը նախատեսում էր «տնտեսական վերակառուցում» եւ հիմնական տարադրամների համաշխարհային գների կայունացում, կառուցվածքային կանոնավորման այս ծրագրերը մեծապես նպաստել են ազգային տարադրամների ապակայունացմանն ու զարգացող երկրների տնտեսության քայքայմանը: Դեռ ավելին, այդ ծրագրերի ազդեցությունը զարգացող երկրների հասարակության վրա ավերիչ է եղել:

ՄԴՀ-ն եւ ՀԴ-ն կարողացել են դանդաղեցնել ՀՀ տնտեսական զարգացումը՝ վարկեր տրամադրելով:

ՄԴՀ-ն ուշադիր հետեւում է Կենտրոնական դրամատան գործունեությանը եւ միջոցներ տրամադրում դրա վերակառուցման համար: Սա նշանակում է, որ պետության փոխարեն ՄԴՀ-ն է տնօրինում երկրի դրամական քաղաքականությունը, որը նրան հնարավորություն է տալիս անդամալուծել տնտեսական զարգացման ֆինանսավորումը: Ներքին տնտեսական հնարավորությունները դրամական քաղաքականությամբ խթանել չկարողանալով՝ երկիրը դառնում է ավելի ու ավելի կախված վարկի միջազգային աղբյուրներից, որի հետեւանքներից մեկը մեծացող արտաքին պարտքն է:

Շարունակել կարդալ

Մասոնականության քողի գաղտնիքները

 Մեր թերթի էջերում, մանավանդ այն օրից, երբ Երեւան ժամանեցին «Մեծ Արեւելք» մասոնական օթյակի անդամները, բազմիցս անդրադարձել ենք մասոնականությանը, դրա նպատակներին ու բացասական ազդեցությանը հայ ազգի պատմության ընթացքին: Անդրադարձերի անհրաժեշտությունը կարեւորում ենք հատկապես այն գործոնով պայմանավորված, որ դրան այսօր էլ կուլ են գնում մեր հայրենակցները՝ հաճախ չհասկանալով ու, ավելին, երբեմն նաեւ հպարտանալով այդ օթյակներին իրենց անդամակցությամբ: Մինչդեռ…

Մասոնական կազմակերպություններին անդամակից եւ հարող մարդկանց մեծամասնությունը հիմնականում տեղյակ չէ, թե իրականում ինչ է ուսուցանում ու իրականացնում մասոնականությունը: Մասոնական եւ նմանատիպ գաղտնի կազմակերպություններին անդամագրվելը հաճախ կատարվում է հասարակական ու բարեգործական նպատակներով, որոշ դեպքերում էլ անդամագրվում են անձնական շահերից ելնելով: Թափանցելով մասոնական օթյակ՝ մարդիկ հանդիպում են բազմաթիվ նշանների, խորհուրդների, որոնք ունեն տարատեսակ գաղտնի նշանակություններ: Նույնիսկ մասոնական առաջնորդները շատ լավ գիտակցում են, որ իրենց կազմակերպություններին անդամագրվող մարդկանց մեծամասնությունը իրականում չի գիտակցում մասոնականության ուսմունքի բուն էությունը: Պարզապես շատերն են ուզում «վերեւներին» մոտ լինել ու, իրենց կարծիքով, ըստ այդմ՝ նաեւ ապահով:

Փաստորեն մասոնականությունը գիտակցաբար մոլորեցնում է մասոնական օթյակներ նոր անդամագրված անձանց՝ նրանցից թաքցնելով մասոնականության իրական ուսմունքը, նպատակները, իսկական դեմքը…

Շարունակել կարդալ

Ինչպես շնորհավորում են, այնպես էլ տոնում են

 Տոներ բոլորն են սիրում: Խնդիրը մեկն է: Հաջողվու՞մ է այդ տոնը իսկապես տոն դարձնել, թե՞ տոնում են, որովհետեւ բոլորն են տոնում, ասել է թե՝ պետք է: «Լուսանցք»-ը 2007թ. դեկտեմբերի 31-ի դրությամբ ուսումնասիրեց քաղաքական ուժերի կայքէջերը՝ դիտարկելու, թե որ կազմակերպությունն ինչպես է շնորհավորել մեր ժողովրդին Ամանորի կապակցությամբ: Պարզվեց՝ շատ քչե’րն իրապես մաղթանք ունեն հենց ժողովրդի համար: Կազմակերպությունների մեծ մասը մաղթել էին… առաջիկա ընտրություններում սեփական-նեղ անձնական ցանկությունները:

Առաջ անցնելով ասենք. քաղաքական շատ կուսակցություններ, այդ թվում մեծ հավակնություններ ունեցող, կայքէջ չունեն: Տեղեկատվական այս դարում քաղաքական լուրջ նկրտումներ ունեցող ուժերի համար կայքէջ չունենալը պարզապես զարմանալի է: Որոշ կուսակցություններ էլ, ճիշտ է, կայքէջ ունեին, բայց մաղթանք չունեին՝ հավանաբար նախընտրական թոհուբոհում դրա համար ժամանակ չունենալով:

Շարունակել կարդալ

Խորհուրդ Արարատի

1. Արարչագործության Խորհուրդ է Արարատը՝ ԱՐԱՐ-ԱՏ /տեղ/՝ Արարման վայր: Արարատը հենց Հայկական Լեռնաշխարհն է:

2. Արարատը ցամաքային կղզի է: Դրանով արդեն նա առանձնանում է Երկրի ընդհանրությունից: Արարատը Տիեզերական Էներգետիկ Դաշտի խտացումն է Երկրի վրա: Եվ Արարատի Հողը պայմանականորեն է հող կոչվում: Նա տարբերվում է Երկրի հողից:

3. Արարատի Հողը իր մեջ կրում է եւþ տիեզերական, եւ’ երկրային հատկանիշներ: Արարատը հագեցած է բավական բարձր ռադիոակտիվ լիցքավորումով, որ հատուկ չէ Երկրին:

4. Եթե ամբողջ Երկրի հողը հիմնականում կրում է բացասական էներգիա, ապա Արարատը իր մեջ ունի եւþ դրական, եւþ բացասական էներգիա:

5. Եվ Արարատը դրական էներգիայով կապված է Տիեզերական Էներգետիկ Դաշտի հետ, իսկ բացասական էներգիայով կապված է Երկրի հետ:

6. Արարատը Երկրի վրա այն կենսավայրն է, որի միջոցով Երկիրը միանում է տիեզերական ամբողջությանը, կապվում է Տիեզերական Զորություններին եւ կենսական սնունդ ստանում մշտապես:

7. Եվ հենց Արարատում են Աստվածամարդերի համար ապահովված կենսական ամենանպաստավոր բնական պայմանները:

8. Հենց Արարատում է Երկրի տաքության ու սառնության, լույսի ու խավարի համաչափ հարաբերությունը հաստատված:

9. Արարատից դեպի հարավ տաքության ու սառնության, լույսի ու խավարի համաչափությունը խախտվում է հոգուտ տաքության եւ լույսի: Եվ որքան հեռանում ենք Արարատից, այնքան պակասում են սառնությունն ու խավարը, այնքան ավելանում են տաքությունն ու լույսը: Եվ Արարատից որքան հեռանում ենք դեպի հյուսիս, այնքան պակասում են տաքությունն ու լույսը, եւ ավելանում են սառնությունն ու խավարը:

10. Միայն Արարատում է օրինաչափորեն ընդգծված տարվա բոլոր չորս եղանակների հաջորդականությունը: Իսկ Արարատից դուրս տարվա եղանակները ընդգծված չեն, եւ աստիճանաբար չեզոքանում է նրանց անցումը:

Շարունակել կարդալ

Բլեյանիզմը թեւակոխեց իր վերջին փուլը

Ներքին թուրքը հո պոզով-պոչով չի…

Հայ հանրությունը ծանոթ է բլեյանիզմի թուրք-ադրբեջանապաշտական նկրտումներին, բայց որ այն շատ արագ կանցնի մի նոր՝ բլեյանօղլիիզմի փուլի, երեւի քչերն էին սպասում:

Այո, ՀՀ-ում թուրք-ադրբեջանական համատեղ դեսպանատանը՝ «Մխիթար Սեբաստացի» (խե~ղճ Սեբաստացի) կրթահամալիրում, դեկտեմբերի 17-20-ին կայացավ «Ադրբեջանի օրեր» անվամբ միջոցառումների շարքը: Միջոցառումը, որն իրականացվում էր «Հայաստան-Ադրբեջան-Թուրքիա. քայլ դեպի երկխոսություն» ծրագրի շրջանակներում, նախաձեռնել էին «Խաղարարար նախաձեռնությունների կովկասյան կենտրոն»-ը եւ ՀՀ-ում Մեծ Բրիտանիայի դեսպանատունը: Դե Աշոտ Բլեյանն էլ հին «ադրբեջանագետ» է, էն մութ ու ցուրտ տարիներին Բաքու այցելա~ծ ու հետո Հայաստանում նրանց՝ մեր թշնամիների (ովքեր հայ մորթելը աստվածահաճո գործ էին համարում) գովքն արա~ծ… համ էլ ծագումով վայթե հայ չի, իրան ի~նչ, թե…

Եվ բլեյանիզմի հայրը ՀՀ-ում թուրք-ադրբեջանական համատեղ դեսպանատանը ՀՀ-ում մի այլ օտար դեսպանատան փողերով «լվացք արեց», ներողություն՝ «փողեր լվաց», չէ~ ոնց որ էլի այն չէ, հա՝ «դրամաշնորհային մարդասիրական, երկու ազգերի հաշտեցման միջոցառում» իրականացրեց, իր ուսմունքը գործնականում տեսանելի եւ ակնառու դարձնելու մղումով:

Շարունակել կարդալ

Հայ տեսակի ծագումն ու կազմավորումը

Երբ քաղաքական միտումով է նաեւ պատմությունը-1

Հայագիտության մեջ առավել արծարծված խնդիրներից մեկը եղել եւ մնում է հայության ծագման ու կազմավորման հարցը, ինչը մի շարք դեպքերում ցայսօր վիճահարույց է: Որտեղի՞ց է ծագում հայ ազգը, ո՞րն է նրա բնօրրանը, ե՞րբ է ձեւավորվել իբրեւ ինքնուրույն էթնիկ միավոր եւ ո՞ր ժամանակներից է հիշատակվում հատկապես հնագույն գրավոր հուշարձաններում: Այս հարցերի կամ դրանց առանձին կետերի խնդրահարույց լինելը պայմանավորված է ոչ միայն սկզբնաղբյուրների տեղեկությունների բազմազանությամբ, այլեւ երբեմն դրանցով զբաղվողների քաղաքական ու այլաբնույթ շահագրգռություններով, թեպետ առկա փաստերն ու ուսումնասիրության այսօրվա մակարդակը լիովին թույլ են տալիս պատասխանելու հայ տեսակի ծագմանն ու կազմավորմանը վերաբերող բոլոր հիմնահարցերին: Նպատակ չունենալով մանրամասն ներկայացնելու հիմնախնդրի ամբողջ պատմությունն ու վերլուծությունը՝ անդրադառնանք նախ հայերի ծագման մասին հին ու միջին դարերում գրի առնված ավանդազրույցներին, ընդհանուր գծերով ներկայացնենք պատմագիտությունում տարբեր ժամանակներում առավել տարածված տեսությունները (չնշելով մասնավոր կարծիքները), ապա՝ հարցի ուսումնասիրության այսօրվա վիճակը եւ Հայաստանի ու հայերի մասին պահպանված հնագույն տեղեկությունները:


Շարունակել կարդալ

Բարու եւ Չարի հակամարտության բեկումը – Տեղեկանք գաղտնի իշխանության…

                                     

 

 

Տեղեկանք գաղտնի իշխանության

Աշխարհի գաղտնի կառույցների շարքը մշտապես համալրվում է կամ՝ նպատակայնորեն փոփոխվում. «տամպլիերներ», «ռոզենկրեյցերներ», «իլյումինանտներ», «մասոններ», որոնց օրդենները (միաբանությունները), եղբայրակցություններն ու օթյակները հանդես են գալիս ամենախայտաբղետ անուններով, քաղաքական, կրոնական ու տնտեսական ուղղություններով…

Դիցուկ՝ ամենահայտնիներից մասոնների նպատակն է՝ դառնալ աշխարհի տերերը, հասնելով լիարժեք «համաշխարհային տիրապետության»: Իսկ համապարփակեցման (գլոբալիզացիա) «համաշխարհային դավադրության» մեջ հայտնի են հետեւյալ «գաղտնի» կառավարությունները՝ «Միջազգային հարաբերությունների խորհուրդ»-ը (ՄՀԽ), «Բիլդերբերգյան ակումբ»-ը եւ «Եռակողմ հանձնաժողով»-ը («Տրիլատերալ», որում ընդգրկված են ներկայացուցիչներ՝ ԱՄՆ-ից, Ճապոնիայից եւ Արեւմտյան Եվրոպայից):

Շարունակել կարդալ

Հանգիստ թողեք Նժդեհին ու Ցեղակրոնությանը

Նժդեհ

Վերջերս ներկա իշխանություններին ընդդիմադիր քաղաքական գործիչներն ու լրատվամիջոցները հետեւողականորեն վարում են մեծանուն հայ Գարեգին Տեր-Հարությունյանի (Նժդեհ) եւ նրա ստեղծած Ցեղակրոն ուսմունքի (որոշակիորեն նաեւ՝ Հայկ Ասատրյանի Տարոնական ոսմունքի) դատափետման քաղաքականություն:

Սկզբում կարծես հիմնական մաղձը թափվում էր իշխանական կուսակցությունների՝ ՀՀԿ-ի եւ ՀՅԴ-ի վրա, հետո՝ միայն ՀՀԿ-ի: Այս կուսակցությունը իրավացիորեն մեղադրվում էր Նժդեհին ու Ցեղակրոնության գաղափարները վարկաբեկելու մեջ: Հարցերն ու մեղադանքները կարծես հստակ էին եւ ինչ-որ տեղ համապատասխանում էին իրականությանը:

«Լուսանցք»-ը նույնպես անդրադարձել է այս խնդրին՝ բայց զատելով Նժդեհյան Ցեղակրոնությունը հանրապետական ցեղակրոնությունից:

Սակայն, այդ նույն գործիչներից ու լրատվամիջոցներից շատերն արդեն այնքան են ոգեւորվել, որ ՀՀԿ-ական ցեղակրոնությանը զուգահեռ սկսել են փնովել ու վատաբանել Նժդեհյան Ցեղակրոնությունը, Գարեգին Նժդեհի ազգանվեր գործունեությունը: Սա շատ վտանգավոր, եթե չասենք հակազգային կեցվածք է եւ անհարիր է ազգից ու հայրենիքից ամեն օր խոսացող քաղաքական այրերին ու մամուլի աշխատակիցներին:

Եթե ցանկություն կա իշխանություններին կամ ՀՀԿ-ին ինչ-որ բան հասկացնել, հասկացրեք ուղղակի: Չի կարելի անուղղակիորեն հարվածել մի հայորդու ու նրա ստեղծած կուռ ազգային ուսմունքին ինչ-որբան ոմանց հասկացնելու համար: Այսօրվա ազգային հերոսներին հարգանքի տուրք տալու մասին ենք խոսում, բայց վարկաբեկում ենք մեր փառապանծ նախնու կերպարը: Ավելին՝ ուզու՞մ եք ՀՀԿ-ին բան հասկացնել, հասկացրեք հենց Նժդեհով եւ ոչ նա դեմ խոսելով:

Իսկ եթե իրապես Նժդեհի ու Ցեղակրոնության դեմ խոսացողներ կան, ապա սա այլ թեմա է…

Հայկ Թորգոմյան

Շարունակել կարդալ

Ժողովրդավարությունը՝ համաշխարհայնացման խայծ

Ժողովրդավարություն

Ժողովրդի իշխանության հաստատումը կամ ժողովրդավարությունը պետական կառավարման ձեւ, նաեւ քաղաքակրթական հասարակական համակարգ է, ինչն առաջանում եւ գոյատեւում է ազգային արժեքների դերի նվազման կամ նվազեցման ժամանակ, հաճախ՝ նաեւ անտեսման հաշվին: Ազգային արժեքների նվազեցման դեպքում ժողովրդավարությունը վերածվում է կենտրոնաձիգ ամբոխավարության, քանզի բնական ու բնականոն ուրույն ազգային դիմագծով էությանն ու մտածողությանը հետզհետե գերակշռում է անդեմ զանգվածի՝ ամբոխի հոգեբանությունը, վարվելակարգը: Իսկ ազգային արժեքների անտեսման պարագայում, ժողովրդավարությունը վեր է ածվում միջազգային համապարփակեցմանն սպասարկող գաղափարաբանության, մարդու ազատությունները ազգատյացությամբ սանձարձակեցնող քաղաքականության:

Ժողովրդավարությունը կարող է գործուն համակարգ լինել բազմազգ եւ ապազգային բնույթի պետության մեջ, որում չկա բնօրրանատեր ազգ կամ՝ լինելուց էլ թույլ են նրա դիրքերը: Ժողովրդավարությունը հասարակական համակարգ է, քանզի հասարակների համակարգ է, որին մխիթարելու նպատակով ստեղծել են քաղաքացիական համակարգ անունը: Ստացվում է գյուղացիներն էլ քաղաքացիներ են, բայց այդ մասին միայն մամուլից են իմանում…

Շարունակել կարդալ