Խորագրերի պահոցը. Արվեստ

Արվեստ բաժնում մտեք «Հայկական Երաժշտություն» ենթաբաժինը:

Տիրատոն.- Հայ արիները եւ համախմբված հեթանոս ազգայնականները փառաբանեցին Հայոց իմաստնության Աստված Տիրին

Հոկտեմբերի 15-ին հայ արիները հերթական անգամ նշեցին վերականգնված աստվածային տոներից մեկը՝ Հայոց իմաստնության Տիր Աստծո տոնը, որ հաճախ հենց Տիրատոն են կոչում:

Հայ Արիական միաբանության ներկայացուցիչները այցելեցին Զվարթնոցի հինավուրց տաճար, որտեղ ցայսօր պահպանվում են Տիր Աստծու տաճարի մասնիկները: Նրանք երկրպագեցին Տիր Աստծուն՝ խնդրելով իմաստնություն, որ միշտ հարստացնի հայոց գենը, որ հայի սերմը ազգին մշտապես պարգեւի գիտուն, ավանդապաշտ եւ իմաստուն ու հեռատես զավակներ:

Հայ Արիական Միաբանության հոգեւոր հանձնախմբի քրմական դասի երկու  ներկայացուցիչներ լուսաբացին Արագածի Հարավային գագաթին վառեցին նախօրեին այնտեղ տարած ութանկյուն ջահը: Տիր Աստծո պատվին սրբազան ծես արվեց՝ ի փառս հայի արարչական գենի անաղարտության ու իմաստնության: Քրմերը Տիրից խոհեմություն ու երկարակեցություն խնդրեցին, որպեսզի հնարավորինս շատ կարողանան փնտրել ու վերագտնել հայոց կորսված գաղտնիքներն ու ծածկագրերը:

Այդ օրը՝ Նախնյաց նվիրական նախորդ տոնակատարությունից եւ նախնիների հոգիների հետ հոգեւոր շփումից հետո նորովի է վերաիմաստավորվելու հայ արիների գործունեությունը, ովքեր կփառաբանեն ոչ միայն Տիր Աստծուն, այլեւ մյուս Հայ Աստվածներին ու Տիեզերքի Արարչին:

http://www.hayary.org/wph/?p=5843#more-5843Տիրատոն. Հայ արիները կփառաբանեն Հայոց իմաստնության Աստված Տիրին – Բազմաթիվ տոներ են կատարվում հոկտեմբերին, որոնք, եթե օրվա խորհրդով չեն կապվում Տիր Աստծո հետ, ապա հազարամյակների խորհրդով շաղկապված են ի վերուստ…

Տիր Աստվածը հայոց մեջ համարվել է նաեւ գիտության ու դպրության, գիր-գրականության, արվեստի ու արհեստների, հայ մշակույթի եւ ավանդույթ-սովորույթների պահապան Աստվածը, ինչի համար էլ այդ տոնը նշել են բազմաթիվ ասպարեզների ազգային շերտեր:   Շարունակել կարդալ

Պատմության մութ ծալքերից՝ առանց գրաքննության.- Ինչ գլխարկ է կրում Մաշտոցը 1753թ. նկարում – Ջիովաննի Դիեբոլոն հայերեն գիտե՞ր… Լայնեզր գլխարկը կարող է առնչվել այդ ժամանակաշրջանի յուրաքանչյուր քաղաքային բնակչի հետ, մասնավորապես՝ նաեւ հայերի…

Հոդվածի նկարները դիտել «Լուսանցք»-ի այս թողարկման PDFտարբերակում (4-5 էջեր) – http://www.hayary.org/wph/wp-content/uploads/33-423.pdf

Գերմանա-հայկական պատմական եւ մշակութային կապերը բավականին հին են, սակայն նախաքրիստոնեական կապերի մասին կարող ենք միայն դատել այն մշակութային պատառիկներից, որոնք պահպանված են գերմաներեն լեզվի մեջ, մասնավորապես բուրգ, հայմ, Հայկէ, Գուհար, ավանդապատումների մեջ, Արմենիոս, Հայիմդալ, Տիվաց, Իստվաց, Վան եւ այլ դիցանունների մեջ։

Գերմանա-հայկական մշակութային կապերը ավելի տեսանելի են հետքրիստոնեական շրջանում, սկսած արդեն մ.թ. 4-6 դդ., երբ քրիստոնեության առաջին հայ քարոզիչները հայտնվեցին Գերմանիայում։

Առաջին կայսերական ընտանիքի մայր, հայ իշխանական տան ներկայացուցիչ, Գերմանիայի կայսր Օտտո 2-րդի կինը՝ Թեոֆանուն  (959-991թթ.), ընդունվել է որպես «Ամենագերմանացի կայսրուհին՝ գերմանական կայսրուհիների մեջ»։

957թ-ին Ռուսական պետության առաջին կառավարիչ դարձավ Հայոց իշխանական տան ներկայացուցիչ իշխանուհի Օլգան:

Նա 959թ-ին դեսպաններ ուղարկեց Գերմանիայի կայսր Օտտոն I-ի մոտ՝ եպիսկոպոսներ եւ քահանաներ ուղարկելու խնդրանքով, որպեսզի Ռուսաստանում եկեղեցի հիմնեն, հավանաբար իր քրոջ կամ հորեղբոր դստեր միջամտությամբ, ով այդ ժամանակ Օտտո 2-րդի կինն էր։

Նշանավոր դեպքերից է Մայնցի արքեպիսկոպոս Կոնրադ  Վիթելսբախի (Konrad von Wittelsbach) կողմից Լեւոնի թագադրումը՝ որպես Հայկական Կիլիկիայի թագավոր։

Այս շարքի մեջ առանձնակի տեղ ունի Հայերեն առաջին տպագիր տեքստը՝ արված 1475-ին Մայնցում, լույս տեսած Յոհան Շիլդբերգերի «Ուղեգրությունների» մեջ զետեղված լատինատառ «Հայր մեր» աղոթքն է:   Շարունակել կարդալ

Մուտանտները գլխներիս փորձանք են դառնում – Ովքեր են օժանդակում քուրդ կեղծարարներին… Ինչ ուզում ես ասա՝ քոչվորը մնում է քոչվոր՝ թալանի սովոր… Մեր գիտնականներից էլ են քոչվորի հոգեբանություն ձեռք բերում՝ գենի մուտացիա դեռ կա…

Հովսեփ Օրբելու այսպես կոչված «Քուրդ-ռուսերեն» բառարանի  (հատոր II, հրատ. 2, Քուրդ-ռուսերեն բառարան, Երեւան-2002) գոյության մասին իմացա վերջերս, երբ գրադարանում փնտրում էի նրա գրքերից մեկը:

Բառարանի վերնագիրը զարմացրեց ինձ, որովհետեւ ծանոթ էի Հ. Օրբելու կենսագրությանը, գիտեի նաեւ այն մասին, որ նա ուսումնասիրել է Մոկսի հայերի եւ քրդերի բարբառն ու բանահյուսությունը, բայց որ կազմել է «Քուրդ-ռուսերեն բառարան», ոչ մի տեղ չի նշվում:

Սրանից բացի ուշագրավ մեկ ուրիշ փաստ էլ կա: Բառարանի առաջաբանում պրոֆեսոր Պ. Մ. Մուրադյանը գրում է. «…ըստ երեւույթի արձանագրության մեջ թույլ է տրվել սխալ՝ «Քուրդ-ռուսերեն բառարանի» փոխարեն պետք է կարդալ «Մոկսի բարբառի հայ-ռուսերեն բառարան», ինչի համար էլ մատնանշվում է Մոկսի բարբառը»: Ի գիտություն. Հ. Օրբելու արխիվում, մեր տեղեկություններով, «Քուրդ-ռուսերեն բառարանին» վերաբերող «փաթեթներով թերթիկներ» չեն հայտնաբերվել:

Հայաստանի արեւելագետները համոզված են՝ Հ. Օրբելու «Քուրդ-ռուսերեն բառարանի» հրատակարումը համարվում է մեր մեծ հայրենակցի՝ Հայաստանի գիտությունների ակադեմիայի առաջին նախագահի, որի հիմնադրման 60-ամյակն է 2003թ., ոչ միայն նրա գիտական ժառանգության նոր էջն է հանդիսանում, այլ նաեւեւ ներդրում հայրենական քրդագիտության մեջ, որի հիմնադիրներից մեկն է եղել ակադեմիկոս Հ.Ա. Օրբելին»:   Շարունակել կարդալ

Հազարամյակների քաղաքամայր Երեւան.- հոկտեմբերի 8-ին Երեւանի ծննդյան՝ Էրեբունի-Երեւան տոնի օրն է («Էրեբունի-Երեւան-2798»)… Էջմիածինը դարձավ 2701 տարեկան… Շնորհավորում ենք եւ՛ Ոսուցչի օրը եւ՛ Գրադարանավարի օրը… Այցելե՛ք եւ օգտվե՛ք ՀԱՄ պաշտոնական կայքից՝ www.hayary.org-ից… Կարդացե՛ք եւ բաժանորդագրվե՛ք «Լուսանցք»… Տարվա լավագույն ոսոցիչն ու դաստիարակը… Արցախում կայացել է «Գոթան» ազգագրական երգի-պարի փառատոնը…

Հազարամյակների քաղաքամայր Երեւան.- հոկտեմբերի 8-ին Երեւանի ծննդյան՝ Էրեբունի-Երեւան տոնի օրն է… «Էրեբունի-Երեւան 2798»… «Երեւան՝ արեւի քաղաք»…

Երեւանի քաղաքապետարանի տեղեկատվության և հասարակայնության հետ կապերի վարչությունից տեղեկացրեցին որ «Էրեբունի-Երեւան 2798» տոնակատարությունն այս տարի կանցկացվի հոկտեմբերի 8-ին՝ «Երևան՝ արևի քաղաք» կարգախոսով:

«Էրեբունի-Երեւան 2798» աշխատանքային խմբի համակարգող, փոխքաղաքապետ Արամ Սուքիասյանը Երեւանի քաղաքապետարանում հրավիրված մամուլի ասուլին ներկայացրել է «Էրեբունի-Երեւան 2798» տոնակատարության շրջանակում նախատեսված միջոցառումների ծրագիրը:

Խոսելով մշակութային ծրագրերի մասին` քաղաքապետի տեղակալն ընդգծել է, որ այս տարի «Էրեբունի-Երեւան 2798» տոնակատարությունը, ի տարբերություն նախորդ տարիների, կանցկացվի մեկ օր՝ հոկտեմբերի 8-ին«Երևան՝ արևի քաղաք» կարգախոսով:

Արամ Սուքիասյանը տեղեկացրել է, որ այս տարի ծրագրում չեն ներառվել տոնակատարության ծավալով ամենամեծ միջոցառումները՝ ավանդական դարձած Հանրապետության հրապարակի տոնական գալա-համերգն ու Երեւանի քաղաքապետարանի գլխավոր մասնաշենքի առջեւ անցկացվող տոնական շքերթը: «Հաշվի առնելով ապրիլի սկզբին առաջնագծում տեղի ունեցած դեպքերը՝ դեռևս այս տարվա մայիսին Երեւանի քաղաքապետի նախաձեռնությամբ փոփոխություններ կատարվեցին 2016թ. բյուջեում, մասնավորապես մշակութային ծրագրերի մասով, որոնք ուղղվեցին առաջնագծում զոհված, վիրավոր ու հաշմանդամություն ձեռք բերած երևանաբնակ զինծառայողների ընտանիքների օժանդակությանը: Այս տրամաբանությամբ էլ «Էրեբունի-Երեւան 2798» տոնակատարությունը կլինի ավելի քան զուսպ»,- ընդգծել է Արամ Սուքիասյանը՝ հավելելով, որ միջոցառումների սոցիալական բաղադրիչով սեպտեմբերի 27-ից կմեկնարկի արդեն մի քանի տարի Երեւանի քաղաքապետ Տարոն Մարգարյանի որոշմամբ մայրաքաղաքի ծննդյան տարեթվին համապատասխան թվով սոցիալապես անապահով ընտանիքներին ցուցաբերվող աջակցության ծրագիրը:

Անդրադառնալով հիմնական միջցառումներին՝ Արամ Սուքիասյանը նշել է, որ մեր համաքաղաքացիների եւ այդ օրերին Երեւանում գտնվող հյուրերի համար հիմնական բեմահարթակներում՝ հրապարկներում, զբոսայգիներում եւ բացօթյա այլ հատվածներում կկազմակերպվեն ավանդական դարձած բազմաժանր համերգային ծրագրեր՝ ռոքի, ջազի, դասական երաժշտության սիրահարների համար: Իսկ «Հանրապետության հրապարակ» մետրոյի կայարանի հարակից պուրակում (Խաչքարերի պուրակ) կտեղակայվի ազգային բեմահարթակը, ուր սկզբում հանդես կգան ազգային փոքրամասնություններն՝ իրենց էթնոմշակույթով, ապա հայկական ազգագրական երգի-պարի համույթները: Այս տարի նախատեսված են բազմաթիվ անակնկալ ֆլեշմոբեր, որոնք կմեկնարկեն 14:00-ից՝ ամենատարբեր վայրերում ու տարբեր ժամերի: Հոկտեմբերի 8-ին երթեւեկությունը մայրաքաղաքում էապես չի դադարեցվի: Այս տարի ժամանակավորապես կփակվեն միայն Էրեբունի փողոցը եւ Աբովյան փողոցի մի հատվածը:    Շարունակել կարդալ

Գեղեցկության մրցույթում հայուհին հաղթեց թրքուհուն – Երբ ժյուրիի կազմում նկարիչներ ու քանդակագործներ են… Ինչպես են 19-րդ դարում ընտրել աշխարհում ամենագեղեցիկին… Գեղեցկությունը՝ քաղաքականության մեջ (կանայք աշխարհի գրավման ճանապարհին)… Լեոնարդո դա Վինչիի Մոնա Լիզայի հայտնի ժպիտը տարբեր ազգերի պատկերացմամբ… Հայացք.- Ամենագեղեցիկ հայուհիները…

Գեղեցկության մրցույթում հայուհին հաղթեց թրքուհուն

Երբ ժյուրիի կազմում նկարիչներ ու քանդակագործներ են

Գերմանիայում օրերս կայացած Top Model of the World գեղեցկության մրցույթին Թուրքիան ներկայացնող բրիտանաբնակ մոդել Էջեմ Ուզգյորի տապալումը մեծ իրարանցում է առաջացրել իր երկրում. այս մասին գրում է թուրքական «Միլլիյեթ»-ը:

Թուրքիայի բնակիչները դժգոհ են, որ իրենց երկիրը գեղեցկության այս մրցույթում ներկայացնում է հենց Էջեմը, ով, ըստ իրենց, արժանի չէ կրելու «Միսս Թուրքիա» տիտղոսը:

Համացանցում հայտնվել է լուսանկար, որում մրցույթի դեֆիլեի ընթացքում թուրք մոդելը քայլում է հայ գեղեցկուհի Մարիամ Դարձյանի կողքով: Ըստ թուրք օգտատերերի՝ հայ եւ թուրք մոդելների իրար կողք քայլելն է՛լ ավելի է խայտառակել իրենց՝ ի ցույց դնելով հայ գեղեցկուհու առավելությունը:

Top Model of the World մրցույթն անցկացվում է 1993թ.-ից, այս տարվա հաղթող է դարձել Բուլղարիայի ներկայացուցիչ Մարգո Քուփերը:

Ինչպես են 19-րդ դարում ընտրել աշխարհում ամենագեղեցիկին

Բելգիայի Սպա առողջարանային քաղաքում 1988թ. սեպտեմբերի 19-ին  պատմության մեջ առաջին անգամ տեղի է ունեցել  գեղեցկության միջազգային մրցույթ: 19-րդ դարում գեղեցկության մասին պատկերացումները, ընտրության սկզբունքները, մրցույթի անցկացման կանոնները տարբերվում են այսօրվա չափանիշներից:   Շարունակել կարդալ

Հայ արիականներն ու համախմբված հեթանոս ազգայնականները սեպտեմբերի 21-ին նշեցին Անկախության ու Նախնյաց տոները… Սեպտեմբերի 23-ին՝ աշնանային գիշերահավասարի օրը, Նախնյաց հիշատակի առանձնահատուկ հոգեզրույցի ծես կատարվեց…

Հայ Արիական Միաբանության եւ Հայ Ազգայնականների Համախմբման լրատվական կենտրոնները «Լուսանցք»-ին են փոխանցել Հայաստանի անկախության եւ հայ նախնյաց տոները շնորհավորող հայտարարություն, որը ներկայացնում ենք առանց փոփոխությունների:

«Եթե մայիսը հայության համար հաղթանակների ամիս է, ապա սեպտեմբերը՝ հայության անկախության եւ պետականաշինության ամիսն է:

Սեպտեմբերի 2-ին նշվում է Արցախի, սեպտեմբերի 21-ին՝ Հայաստանի անկախության հոբելյանը: Հայկական 2 հանրապետությունների ծնունդն էլ նվիրական պայքարի, կամքի դրսեւորման ու հայ նահատակների անմահ գործը շարունակելու արդյունք են:

Ավելի քան 600 տարի առանց պետականության գոյատեւելուց հետո, հայությունը 20-րդ դարում 3 Հանրապետություն կերտեց, չնայած անցավ ցեղասպանության, պատերազմների ու դաժան մաքառումների ճանապարհով…   Շարունակել կարդալ

Հայկական խոհանոց – Հայկական կանաչեղենով եւ չեչիլով աղցան… Արցախի գինու փառատոնին մասնակցել է նախագահ Բակո Սահակյանը… Շուշիում կայացավ «Արցախ ԷթնոՖեստ» 1-ին միջազգային փառատոնը… Մեկնարկում է «Սոսե» միջազգային 3-րդ կինոփառատոնը… Այլ մշակութային եւ բնապահպանական լուրեր… Այցելե՛ք եւ օգտվե՛ք www.hayary.org-ից… Կարդացե՛ք եւ բաժանորդագրվե՛ք «Լուսանցք»…

Հայկական խոհանոց – Խորագիրը վարում է սննդի տեխնոլոգ  Ռուզաննա Նահապետյանը:

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

- Հայկական կանաչեղենով եւ չեչիլով աղցան

Բաղադրությունը – Համեմ – 30 գրամ, կոտեմ – 30 գրամ, թարխուն – 30 գրամ, չեչիլ պանիր – 100 գրամ, ծիրանաչիր (բնական, առանց քաղցրաջրի չորացրած) – 100 գրամ, կարագ – 10 գրամ, կոնյակ – 20 գրամ, չորացրած թարխուն – 1 պտղունց, չորացրած ծիտրոն – 1 պտղունց:

Պատրաստման եղանակը – Կանաչեղենը լվանալ, տերեւներն առանձնացնել, դրանք լցնել մեծ ափսեի կենտրոնում:

Թավայի մեջ կարագը մի փոքր հալեցնել, ծիրանաչիրը լցնել մեջը եւ աննշան տաքացնել: Ապա ավելացնել կոնյակն ու վերցնել կրակի վրայից: Ավելացնել չոր թարխունն ու ծիտրոնը:

Չեչիլը բաժանել բարակ թելիկների ու լցնել ափսեի մեջտեղի կանաչեղենի վրա: Հետո պանրի վրա էլ լցնել կանաչեղենի պարունակությունը: Աղցանը մատուցել սեւ չորահացով:

Արցախի գինու փառատոնին մասնակցել է նախագահ Բակո Սահակյանը

Արցախի Հանրապետության նախագահ Բակո Սահակյանը սեպտեմբերի 17-ին Հադրութի շրջանի Տող գյուղում մասնակցել է Արցախյան գինու 3-րդ փառատոնին:

Երկրի ղեկավարը գոհունակությամբ նշել է, որ գինու փառատոնի անցկացումը դարձել է ավանդական եւ արդեն իսկ ակնհայտ դրական ազդեցություն ունի տեղական արտադրանքի խթանման վրա: Նշենք, որ փառատոնի կազմակերպման նախաձեռնությունը ԼՂՀ էկոնոմիկայի նախարարությանն է: Տնային տնտեսություններն ու արտադրողները ներկայացնում են իրենց պատրաստած գինին ու գյուղացիական այլ արտադրանքներ:

Շուշիում կայացավ «Արցախ ԷթնոՖեստ» 1-ին միջազգային փառատոնը

Սեպտեմբերի 15-17-ը Արցախում տեղի ունեցավ  «Արցախ ԷթնոՖեստ» առաջին միջազգային փառատոնը: Արցախի մշակույթի եւ երիտասարդության հարցերի նախարարությունը մշակութային ինքնության պահպանման, ազգային եւ ավանդական արժեքների վերարտադրության ու հանրահռչակման,  ինչպես եւ  միջազգային համագործակցության խթանման քաղաքականության շրջանակներում սկսում է նոր՝ «Արցախ ԷթնոՖեստ» միջազգային  նախագիծը:   Շարունակել կարդալ

Ամեն լավ բան դեռ առջեւում է – Մայրաքաղաքի կրթամշակութային օջախները սաներին դիմավորեցին նոր ու ժամանակակից երաժշտական գործիքներով… Հնամաշի համար կենտրոնում տեղ չկա… Թեքահարթակ հետիոտնային անցումների խնդիրը…

Ամեն լավ բան դեռ առջեւում է

Բոլորս ենք հիշում, թե երկարատեւ մի շրջան ինչ օրի հայտնվեցին մեր երկրի երաժշտական ու արվեստի դպրոցները, այդ թվում՝ Երեւանի: Ցուրտ, մութ, շենքային պայմանների եւ հետեւաբար, երաժշտական գործիքների փչացում, սաների օրեցօր ավելի ու ավելի պակաս:

Այսօր իրավիճակն այլ է՝ նորոգված ու հարմարավետ պայմաններով օջախներ, սաների թվի ավելացում եւ… մեր նորանկախ երկրում չեղած մի երեւույթ, որ այլեւ արձանագրված է որպես փաստ. այն է՝ Երեւանի քաղաքապետարանի ենթակայության երաժշտական ու արվեստների դպրոցներին երաժշտական նոր գործիքների նվիրաբերում:

Այս տարի, նոր ուսումնական տարվան ընդառաջ, արդեն իսկ նորոգված ու հարմարվետ պայմաններով ապահովված մայրաքաղաքի կրթամշակութային օջախները սաներին դիմավորեցին նոր ու ժամանակակից երաժշտական գործիքներով, որն ի դեպ, արդեն ասացինք, աննախադեպ ծրագիր է:

«Վերջին տարիներին իսկապես մեծ աշխատանք ենք կատարել մեր երաժշտական եւ արվեստի դպրոցներում հարմարվետ պայմաններ ապահովվելու ուղղությամբ: Մինչ այդ թե՛ մշակութային օջախների կոլեկտիվների եւ թե՛ ծնողների կողմից մշտապես բարձրացվել են հրատապ լուծում պահանջող տարբեր հարցեր, որոնք, սակայն, հնարավոր չի եղել լուծել: Բայց վերջին 3 տարիների ընթացքում ժամանակին բարձրացված այդ հարցերն ու առաջարկները մենք դարձրեցինք առաջնահերթ լուծում պահանջող աշխատանքային ծրագրեր՝ մշակութային օջախների հիմնանորոգման տեսքով: Եվ այսօր կարող ենք ասել, որ քաղաքապետարանի ենթակայության երաժշտական եւ արվեստի դպրոցները գրեթե 90%-ով հիմնովին նորոգված են: Սա իսկապես մեծ ձեռքբերում է թե՛ Երեւանի եւ թե՛ մեր համաքաղաքացիների համար: Այսօր արդեն մշակութային օջախներ հաճախող շուրջ 15.000 երեխա ունենք ու, համոզվա՛ծ եմ, որ այդ կրթօջախների նորոգման արդյունքում մենք դեռ կունենանք սաների թվի աճ: Այսօրվանից սկիզբն ենք դնում նաեւ Երեւան համայնքի պատմության մեջ աննախադեպ մի ծրագրի, որի շրջանակում մենք հետեւողականորեն կթարմացնենք նաեւ մեր երաժշտական ու արվեստի դպրոցների երաժշտական գործիքները: Եվ վստահեցնում եմ բոլորիդ, որ զարգացման մեր բոլոր ծրագրերը լինելու են շարունակական: Նաեւ համոզված եմ, որ մեր տաղանդաշատ երեխաների եւ, իհարկե, վաստակաշատ մանկավարժների հետեւողական աշխատանքի շնորհիվ մենք կբազմապատկենք այն բոլոր ձեռքբերումները, որ վաստակել են մեր սաները թե՛ Հայաստանի եւ թե՛ արտերկրի տարբեր փառատոներում: Ձեզ հետ միասին մենք անելու ենք ամեն ինչ, որպեսզի միշտ բարձր պահենք թե՛ մայրաքաղաքի եւ թե՛ մեր երկրի պատիվը»,- ընդգծել է Երեւանի քաղաքապետ Տարոն Մարգարյանը քաղաքապետարանի ճեմասրահում, ուր հավաքվել էին մշակութային օջախների ղեկավարներն ու սաները՝ հանդիսավոր պայմաններում նշելու տոնը:   Շարունակել կարդալ

Հայկական խոհանոց – Սմբուկով եւ գառան մսով ճաշ… Հայաստանի ՊՆ-ն ստացել են «Բանակ-2016»-ի «գրան պրին»… Մշակութային լուրեր… Այցելե՛ք եւ օգտվե՛ք Հայ Արիական Միաբանության www.hayary.org-ից… Կարդացե՛ք եւ բաժանորդագրվե՛ք «Լուսանցք»՝ ազգային շաբաթաթերթ…

Հայկական խոհանոց – Խորագիրը վարում է սննդի տեխնոլոգ  Ռուզաննա Նահապետյանը:

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

- Սմբուկով եւ գառան մսով ճաշ

Բաղադրությունը - Գառի ազդրամիս – 1 կգ, սմբուկ – 1 կգ, տաքդեղ – 0.5 կգ, լոլիկ – 1 կգ, սոխ – 2 գլուխ, խառը կանաչի – 1 կապ, սպիտակ գինի – 100 գ:

Պատրաստման եղանակը - Գառան միսը կտրատել, շարել կաթսայի տակ: Շերտ-շերտ վրան շարել կլոր-կլոր կտրատած սմբուկը, տաքդեղը, լոլիկը, սոխը:

Համեմել սեւ պղպեղով, աղով: Գինին լցնել վրան: 15 րոպե եփել ուժեղ կրակի վրա: Եփել դմակով: Հենց եռա, մեկ ժամի չափ եփել մարմանդ կրակի վրա:

Վերջում վրան լցնել կտրտած կանաչին: Եվ բերանը փակ պահել՝ մինչեւ մատուցելը, որպեսզի խառը կանաչու բույրը չկորչի:

* * *

Հայաստանի ՊՆ-ն ստացել են «Բանակ-2016»-ի «գրան պրին»

Հայաստանի, Բելառուսի, Ղազախստանի պաշտպանության նախարարությունները ստացել են «Բանակ-2016» համաժողովի գլխավոր մրցանակները: ՌԴ պաշտպանության փոխնախարար Ռուսլան Ցալիկոը հանձնել է պարգեւները  նաև համաժողովին մասնակցած առաջատար պաշտպանական ձեռնարկությունները:

Ավելի քան կես միլիոն մարդ սեպտեմբերի 6-11-ն է այցելել միջազգային ռազմատեխնիկական «Բանակ-2016» համաժողովի հարթակներ, որը 2-րդ տարին անընդմեջ ընթացել է «Հայրենասեր» այգու կոնգրես-ցուցահանդեսային կենտրոնում, Ալաբինոյի զորավարժարանում եւ մերձմոսկովյան Կուբինկա օդանավակայանում:

Ծառայողական եռամարտ – մարզվում են ոստիկանները… – Ոստիկանության 2016թ. մարտական եւ ֆիզիկական պատրաստականության օրացուցային պլանի համաձայն՝ ծառայողական եռամարտ է անցկացվել:

«Գութան» ազգագրական երգի-պարի փառատոնը կանցկացվի նաեւ Արցախում

Այս տարի «Գութան» ազգագրական երգի-պարի փառատոնը կանցկացվի ոչ միայն Երեւանում, այլ նաեւ Արցախում: Փառատոնի հիմնադիր «Մրրո» հայ ազգային երգարվեստի կենտրոնի նախագահ, ՀՀ վաստակավոր արտիստ Արսեն Գրիգորյանն ասաց, որ արդեն 3-րդ տարին է, ինչ Երեւանում փառատոնն իր շուրջն է հավաքում բոլոր լավագույն ազգագարական խմբերին: Սեպետմբերի 28-ին Գաֆէսճեան քանդակների պարտեզում (Կասկադ) 15 ազգագրական խումբ՝ «Ակունք», «Մարաթուկ», «Կարին», «Սասնա Ծռեր», «Վան», «Մշո հավքեր», «Նուբար», «Գորանի», «Մենք ենք մեր սարերը», «Տարոնցիներ», «Մասունք», «Վերադարձ», «Տավրոս», «Ծովակ», «Ոստան» ներկայացնելու են ամբողջական Հայաստանի տարբեր գավառների ավանդական երգն ու պարը:

Արսեն Գրիգորյանն ասաց, որ այս տարի իրեն հաջողվել է «Գութան» ազգագրական երգի պարի փառատոնն իրականություն դարձնել նաեւ Արցախում, որը երգչի երազանքներից է եղել:

«Վաղուց էր որոշված, սակայն ֆինանսական խնդիրների պատճառով չէր ստացվում, փառք Աստծո, այս տարի դա մեզ հաջողվեց»,- հավելեց նա:

Երեւանից  Արցախ է մեկնելու 8  խումբ, որոնց կմիանա նաեւ Արցախի «Մենք ենք մեր սարերը» խումբը: Փառատոնը կայանալու է հոկտեմբերի 3-ին Ստեփանակերտի Վերածննդի հրապարակում: «Մենք Արցախում փառատոնը նույնպես դարձնելու ենք ամենամյա»,- ընդգծեց փառատոնի հիմնադիրը: Նրա խոսքով, այս փառատոնի հիմնական նպատակն է ավանդական երգ ու պարի պահպանումը, սերնդեսերունդ փոխանցումը, որպեսզի մեր եկող սերունդը դառնա մեր մշակույթի կրողն ու իրենցից հետո եկող սերնդին փոխանցողը: «Պահպանենք մեր ազգային երգն ու պարը»,- ընդգծեց փառատոնի հիմնադիրը:

Երեւանում կանցկացվի Արգենտինյան ֆիլմերի 5-րդ փառատոնը

Սեպտեմբերի 19-23-ը Երեւանի «Մոսկվա» կինոթատրոնում կանցկացվի Արգենտինյան ֆիլմերի 5-րդ փառատոնը, որը կազմակերպվել է Հայաստանի Հանրապետությունում Արգենտինայի Դեսպանության կողմից: Այս մասին տեղեկանում ենք «Արգենտինյան ֆիլմերի V փառատոնը Երեւանում» ֆեյսբուքյան էջից:

Փառատոնի ընթացքում կցուցադրվեն արգենտինացի հեղինակավոր ռեժիսորների ֆիլմեր, այդ թվում` մեկ անիմացիոն ֆիլմ, որոնք կներկայացվեն բնօրինակ լեզվով եւ հայերեն ու անգլերեն ենթագրերով: Բոլոր ցուցադրությունների մուտքն ազատ է:

Սեպտեմբեր 19-ին ներկայացվելու է ռեժիսոր Էրնան Գոլդֆրիդի «Սպասազանգ» կատակերգությունը, սեպտեմբերի 20-ին՝ ռեժիսորներ Լիլիանա Ռոմերոյի, Նորման Ռուիսի «Արեւադարձային անտառի հեքիաթներ» անիմացիոն ֆիլմը: Հաջորդ օրերին ցուցադրվելու է Գուստավո Տառետտոյի «Կողմնապատեր», Մարիանո Կոնի, Գաստոն Դուպրատի «Հարեւանը», Պաբլո Տրապերոյի «Տոհմը» ֆիլմերը:

Սեպտեմբերի 19-ին «Մշակութային կազմակերպություն-դպրոց» ծրագրի շրջանակում Երեւան կայցելի շուրջ 160 երեխա

Մեկնարկեց ՀՀ կառավարության ծրագրում ներառված «Մշակութային կազմակերպություն-դպրոց» աբոնեմենտային համակարգի ներդրման պիլոտային ծրագրի նոր փուլը` նվիրված ՀՀ անկախության 25-րդ տարեդարձին: Լրագրողների հետ հանդիպմանը Մշակույթի նախարարության մշակութային ծրագրերի եւ մոնիթորինգի վարչություն պետ Արմինե Խաչատրյանը հայտնեց, որ ծրագրով նախատեսվում է ԼՂՀ , ՀՀ մարզերից եւ սահմանապահ համայնքներից դպրոցական երեխաների գիտամշակութային այցելություն մայրաքաղաքի մշակութային օջախներ:

«Շուրջ 160 երեխա սեպտեմբերի 19-ին կայցելի Երեւան: Սրան նախորդող փուլը ՝ մայիս-հունիս ամիսներին, շատ հաջող ընթացավ: Միտված ենք ծրագիրը դարձնել շարունակական: Այս տարի ապրիլյան պատերազմից հետո ծրագրում ընդգրկվեցին նաեւ Արցախի երեխաները` մասնավորապես Թալիշ, Մարտակերտ, Մատաղիս համայնքներից»,- նշել է Մշակույթի նախարարության մշակութային ծրագրերի եւ մոնիթորինգի վարչություն պետը: Նրա խոսքով՝ պարբերաբար միանում են սիրիահայ երեխաներն ու Երեւանի հանրակրթական դպրոցների երեխաները:
Հանդիպմանը ներկա Հայաստանի պետական ֆիլհարմոնիայի տնօրեն Գագիկ Մանասյանն էլ ընդգծեց, որ այս ծրագիրը գիտաճանաչողական նշանակություն ունի. «Երեխաներն այցելում են մայրաքաղաք, մշակութային օջախներում ներկա են գտվում տարբեր միջոցառումների: Ծրագիրն այնպես է կազմվել, որպեսզի մշակույթի տարբեր բնագավառներին երեխաները մասնակից դառնան՝թատրոն, թանգարան, համերգային ծրագրեր եւ այցելություններ տեսարժան վայրեր»: Նա ասել է, որ մինչ այցելությունները, երեխաների համար պատրաստում են մի փոքր սոցիոլոգիական հետազոտություն. «Բաժանում ենք հարցաթերթիկներ, որտեղ կա նաև հետևյալ հարցը՝ թե որտե՞ղ կցանկանան մայրաքաղաքում լինել: Եվ հետագա բոլոր ծրագրերը կազմում ենք ըստ այդ հետազոտությունների: Օրինակ կենդանաբանական այգին կապ չունի, բայց քանի որ երեխաները գրել են, դա էլ ենք ներառել»:
Հայաստանի պետական ֆիլհարմոնիայի տնօրենը հավելեց նաեւ, որ օրինակ, եթե երեխանները պետք է դիտեն «Անուշ» օպերան, մինչ ներկայացումը երեխաները ճանաչողական զբոսանք են կատարում Ալ. Սպենդարյանի անվան օպերայի եւ բալետի ազգային ակադեմիական թատրոնի շենքով, ծանոթանում գրիմանոցներին, տեսնում թե որտեղ են պատրաստվում դերասանները, ծանոթանում են բեմի հետևում կատարվող իրադարձություններին:

ՀՀ կառավարության ծրագրում ներառված «Մշակութային կազմակերպություն-դպրոց» աբոնեմենտային համակարգի ներդրման պիլոտային ծրագիրը մեկնարկել  է 2015թ.։ Այն իրականացնում է Հայաստանի պետական ֆիլհարմոնիան:

Հայաստանում 2015-ին գործել է 830 գրադարան

Հայաստանում նախորդ տարվա ընթացքում գործել են 3 հանրապետական եւ 827 հանրային գրադարաններ: Հանրային գրադարաններից 10-ը մարզային կենտրոնական են, 49-ը` տարածքային կենտրոնական, 83-ը` քաղաքային, 659-ը` գյուղական եւ 26-ը` մանկական: Տվյալները ներկայացրել է Հայաստանի Ազգային վիճակագրական ծառայությունը:

Գրադարանային ֆոնդը կազմում է մոտ 19 միլիոն 111 հազար:

2015-ին գրադարաններն ունեցել են 507 հազար այցելու. 160 հազար 196-ը՝ 15 տարեկան եւ ցածր, 89 հազար 125-ը՝ 16-18 տարեկան, 107 հազար 269-ը՝ 19-25 տարեկան, 69 հազար 560-ը՝ 26-40, 37 հազար 78-ը՝ 41-55, 23 հազար 36-ը՝ 56-63, 20 հազար 736-ը՝ 64 եւ բարձր: Այցելուների մեծ մասը՝ 342 հազար 54-ն իգական սեռի ներկայացուցիչներ են:

Գրադարանային աշխատողների թվաքանակն է 2247, նրանիցի կին են 2147-ը:

2015թ. հանրապետությունում գործել են 3 գիտական մասնագիտացված գրադարաններ: Գրադարանների գրադարանային հավաքածուն (ֆոնդը) կազմել 22.800.1 հազար. օրինակ, ընթերցողների թվաքանակը՝ 27 հազար 683 մարդ, հաճախումների քանակը՝ 250,9 հազար, գրադարանային աշխատողների թվաքանակը՝ 150 մարդ:

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարններով՝ (0.10) 52-38-75, (091)49-64-51, կամ գրել redaction@hayary.org եւ hayaryan@gmail.com էլ.հասցեներով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է:

Կայքը եռալեզու է եւ ունի այցելուներ շուրջ 150 երկրից:

Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

«Լուսանցք»-ի բաժանորդագրության համար դիմել`

«Պրես Ստենդ»՝     54-41-99                 «Բլից մեդիա»՝  52-53-01

«Հայփոստ»՝           51-45-01                 «Հայմամուլ»՝    58-94-12

«Պրես Ատտաշե»՝ 32-03-74                 «Լուսանցք»՝     52-38-75

* * *

1 տարվա բաժանորդագրության գինը՝  4800 դրամ

 6 ամսվա բաժանորդագրության գինը՝  2400 դրամ

 3 ամսվա բաժանորդագրության գինը՝  1200 դրամ

 1 ամսվա բաժանորդագրության գինը՝  400 դրամ

- «Լուսանցք»-ը աշխատանքի է հրավիրում շրջիկ լրագրավաճառի եւ գովազդային գործակալի՝ շահավետ պայմաններով: Դրանց ծանոթանալու համար այցելել խմբագրություն:

- «Լուսանցք»-ում կատարում են մեքենագրական եւ խմբագրական աշխատանքներ:

«Լուսանցք» թիվ 30 (420), 2016թ.

«Լուսանցք»-ի թողարկումները PDF ձեւաչափով կարող եք կարդալ www.hayary.org կայքի «Մամուլ» բաժնում, pressinfo.am պորտալում՝ հայկական եւ արտասահմանյան տպագիր մամուլի առցանց գրադարանում եւ pressa.ru-ում:

Հետահայաց.- Ձմերուկի համով գարեջրաբույր Երեւանս… Երեւանյան փառատոններ – Մենք միշտ էլ սիրում ենք այն, ինչ մերն է, հայկական ծագում ունի, հայկական կնիք ունի…

Զբոսաշրջությունը հենց այնպես մեկ օրում չի զարգանում: Զբոսաշրջությունը զարգանում է օրինակ, երբ միջոցառումների շարունակականություն է լինում: Ամռանը Երեւան եկող զբոսաշրջիկը հանգիստ կարող է մայրաքաղաքային անցուդարձին ծանոթանալ, քաղաքային կոլորիտը զգալ, մշակութային, մարզական միջոցառումների, բառիս բուն իմաստով գունագեղ փառատոների մասնակցել, ընդ որում՝ քաղաքի տարբեր վարչական շրջաններում, զբոսայգիներում, հանգստի գոտիներում: Այս առումով այս տարվա՝ Երեւանի քաղաքապետարանի նախաձեռնությամբ արդեն 4-րդ տարին անընդմեջ անցկացվող  «Երեւանյան ամառ»-ը լիովին տվեց դրա հնարավորությունը:

Նկատենք, այդ հնարավորությունը մեր Երեւանի՝ տարբեր տարիքի ու տարբեր ճաշակների հյուրերի համար էր: Եվ՝ ոչ միայն հյուրերի:   Շարունակել կարդալ

Հայ ժողովուրդը մտքի, հոգու բոլոր շերտերով պետք է լինի ամբողջական… Մենք չենք վայելում մեր մշակույթը… Թվում էր՝ ապրիլյան դեպքերը պետք է զարթուցիչի դեր կատարեին… Օպերային թատրոնը մեկնարկում է նոր թատերաշրջանը… Կրթության մասին օրենքում փոփոխություններ են առաջարկվում… Այցելե՛ք www.hayary.org – Կարդացե՛ք «Լուսանցք»…

Հայ ժողովուրդը մտքի, հոգու բոլոր շերտերով պետք է լինի ամբողջական

«Հաճախ անցնում ենք ընդվզումների, խոր հուզումների, երբեմն հիասթափությունների, երբեմն շատ լուրջ ցավերի միջոցով: Արդեն քանի ժամանակ է, ու ինչքան շատ են դրանք մեր շուրջը: Երբեմն դրա շուրջ, հետ, կողքին, արդյունքում գոյանում է չարություն, որը, իմ խորին համոզումով, հազիվ թե մեզ իսկապես առաջնորդող հանդիսանա, քանի որ մենք՝ հայերս, աստվածատուր ժողովուրդ ենք»,- Հայաստանի Կոմպոզիտորների միությունում «Հոգեւոր Հայաստան» հիմնադիր համաժողովի ժամանակ ասել է կոմպոզիտոր Տիգրան Մանսուրյանը:

Նա ընդգծել է, որ հայերը պետք է իրար շատ սիրեն. «Ամեն տեղ ասում եմ՝ պետք է իրար շատ սիրենք, ամեն մեկս մի տեսակի կրողն ենք: Նույն տեսակի երեք հայ չկա, մի հատ է: Եթե մեկին վնասենք, տեսակն ենք վերացնում»: Մաեստրոյի խոսքով, հայ ժողովուրդը մտքի, հոգու բոլոր շերտերով պետք է լինի ամբողջական: «Դրա անհրաժեշտությունը մեծ է, որովհետեւ, իրապես, մենք մեր ներսում ունենք մեծ, զորավոր ցեց, իր ուղղությամբ տանող ցեց: Սրա դեմ կռիվը շատ լուրջ է, որովհետեւ տեր ունեն, հիմքեր ունեն, գիտեն իրենց հիմքերը ճիշտ գործածել, որ միայն իրենց ծառայի: Հանճարեղ մարդիկ ենք սրանք: Առաջին հերթին հոգեւորի  թշնամին են: Մեր մեջ են, ուղարկված, մեզանից ծնված, գնացող-եկող, ամեն տեսակ»,- ասել է Տիգրան Մանսուրյանը՝ միաժամանակ ընդգծելով, որ ինչ էլ լինի Հայաստանի շուրջ՝ բարությունն է հաղթելու, հայ ժողովրդի՝ Աստծո զավակ լինելու գիտակցությունն է հաղթելու:

Արվեստաբան. Մենք չենք վայելում մեր մշակույթը

«Եթե մենք մտածում ենք ուժեղ Հայաստանի մասին, մեր զավակների ապագան կերտելու, լավ ապագա ստեղծելու մասին՝ մենք պետք է ունենանք շատ զորավոր քարոզչություն»,- Հայաստանի Կոմպոզիտորների միությունում «Հոգեւոր Հայաստան» նախաձեռնության հիմնադիր համաժողովի ժամանակ ասաց արվեստաբան Լեւոն Չուգասզյանը:   Շարունակել կարդալ

Որ Հայ մարդը որպես Հայկյան ոգեկիր վերագտնի իրեն – Հայ արիները եւ համախմբված հեթանոս ազգայնականները նշեցին Նավասարդը…

Այս տարի եւս հայ արիականներն ու համախմբված հեթանոս ազգայնականները Նավասարդի տոնը կամ Հայկ Նահապետի՝ Բելի դեմ տարած փառահեղ հաղթանակի օրը, նշեցին օգոստոսի 11-ի արեւածագին, քաղաքամայր Երեւանում՝ Հայկ Նահապետի արձանի մոտ:

Հայկ Դյուցազունն այս օրը, աշնանային արեւադարձից 40 օր առաջ հաղթեց Արարատյան Աշխարհ նենգորեն մտած Տիտանյան Բելին: Հայոց Աշխարհին ու դեռ ցաքուցրիվ հայությանը բերեց ազատ կյանք՝ ի փառս Հայքի վերատիրման ու Հայ Աստվածների կամքի հաստատման:

Հայ Արիական Միաբանության հոգեւոր հանձնախմբի քրմական դասի ներկայացուցիչները ռազմական ծեսով ձոներ հղեցին Հայ Աստվածներին եւ հետո դարձան մարդ-աստծուն՝ Հայկին՝ նրանից խնդրելով ուժ՝ գենետիկորեն մաքուր ապրելու, որպեսզի բելեր չծնվեն այլեւս, եւ Հայոց գենն անսասան ու անաղարտ մնա: Որպեսզի Հայոց գենն այլ ակունքից ջուր չխմի՝ այդպիսով թուլացնելով իրեն եւ զորացնելով դիմացինին:

Հայ Արիական Միաբանության եւ Հայ Ազգայնականների Համախմբման անդամները քրմերի մասնակցությամբ  Հայկի արձանի մոտ ծիսական արարողության ավարտից հետո Նավասարդյան տոնը նշեցին Արարատյան դաշտում՝ Մասիսների հայացքի ներքո: Զոհաբերվեցին 8 աքլորներ՝ ի խորհուրդ հայկական ութանկյուն արեւխաչի: Եվ  արեւխաչի միջոցով ձոներ ու հին երգեր հղվեցին Հայկ Նահապետին, Հայ Աստվածներին ու Տիեզերքի Արարչին: Գինեձոներ հղվեցին առ այն, որ Հայը վերագտնի իր Գենետիկ զորությունները եւ վերատիրի Հայքին, որ Ազգը արթուն մնա եւ Հայի Գենից այլեւս միայն Հայկյաններ ծնվեն:   Շարունակել կարդալ

Հետահայաց.- Ինչու՞ մեր եկեղեցին չմարսեց Հռոմի պապին – Արմենուհի Մելքոնյան («Լուսանցք»-ի գլխավոր խմբագիր)…

Հռոմի պապը եկավ-գնաց: Նրան լավ վերաբերեցին Հայաստանում: Նրան լավ են վերաբերում արտերկրում մեր հայրենակիցները: Խոսքը հենց ա՛յս Հռոմի պապի մասին է, ով մինչեւ Հռոմի պապ լինելը ջերմ հարաբերությունների մեջ է եղել արգենտինահայերի հետ: Խոսքը հենց ա՛յս պապի մասին է, ով առաջին ճիզվիտ պապն է, առաջին պապը՝ Լատինական Ամերիկայից, առաջինը՝ Հարավային կիսագնդից եւ առաջին ոչ եվրոպացի պապը՝ սիրիացի Գրիգոր III պապից հետո, ով վախճանվել է 741թ.։ Ա՛յս պապի մասին է, ով հստակ արտահայտում է իր դիրքորոշումները քաղաքական, տնտեսական, բարոյական եւ սոցիալական հարցերում եւ, ի տարբերություն նախորդների, բնակության համար չի նախընտրել Վատիկանի առաքելական պալատի պապական հարկաբաժինը եւ այլն եւ այլն:

Հռոմի պապը եկավ-գնաց եւ օրեր անց նկատելի դարձավ, որ մեր եկեղեցին չի մարսել Պապի հանդեպ մեր հանրության լավ վերաբերմունքը:

Ու դա այնքան ակնհայտ էր, որ եկեղեցականները խոսելիս չէին կարողանում  թաքցնել: Հատկապես Հայ առաքելական եկեղեցու Շիրակի թեմի առաջնորդ Միքայել եպիսկոպոս Աջապահյանը, ում այնքան էր խոցել Հռոմի պապի հանդեպ մարդկանց սիրառատ վերաբերմունքը, որ «Հրապարակ»-ին տված հարցազրույցում չէր կարողացել թաքցնել դա: Ասում եմ՝ չէր կարողացել, որովհետեւ մի տեսակ չստացված, չկշռադատված պատասխաններ էր տվել (իսկ հարցազրույցը ստացված էր,- Ա.Մ.): Երբ լրագրողը նկատել էր, որ համեմատությունները մեր հոգեւոր առաջնորդի օգտին չէին (թեկուզ հենց այն, որ կաթողիկոսը շքեղ «Մերսեդեսով» է շրջում, իսկ Պապը՝ համեստ «Ռենոյով), Աջապահյանը պատասխանել էր. «Հասկացա, հասկացա… Դուք ամեն ինչ դիտեք ընդհանուր ֆոնի վրա, եթե դուք անձերով եք պայմանավորում, ուրեմն կաթոլիկ եկեղեցին ունի շատ ավելի անձեր ամաչելու համար, քան մենք ունենք ամաչելու համար: Կաթոլիկ եկեղեցին չունի այնքան հպարտանալու անձեր, որքան որ մենք: Խոսքը, եթե կուզեք, նաեւ առաջին դեմքերի մասին է: Կաթոլիկ եկեղեցվո առաջին դեմքեր են եղել, որոնք խայտառակվել են, եւ մինչեւ այժմ այդ խայտառակությունը կաթոլիկ եկեղեցու վրա է: Իսկ մեր հայ եկեղեցին չունի այդպիսի արտառոց խայտառակություններ եւ երբեք չի ունեցել ու այսօր էլ չունի: Եթե դուք համեմատում եք, ուրեմն համեմատեք ընդհանուր համայնապատկերի մեջ: Բախտներդ բերել է, որ մի առաքինի Պապ է հայտնվել Հռոմի աթոռին, եւ հիմի ուզում եք դա շահարկել: Հռոմի Պապի «Ռենոյով» շրջելը չի փոխում Վատիկանի շքեղ ապրելակերպը: Վատիկանը մնում է նույն շքեղ ապրելակերպի մեջ, ու նույնիսկ Պապի հորդորներն իրենց վրա չեն ազդում: Բայց դուք մի Պապի առաքինությունը տարածում ենք ամբողջ կաթոլիկ եկեղեցու վրա: Եվ ուզում եք Հայ եկեղեցու վրա էլ տարածեք չգիտեմ ում պարսավելի գծերը: Ես, համենայնդեպս, առաջին դեմքի մոտ չեմ տեսնում այդ գծերը, որոնք դուք ուզում եք ներկայացնել»: Շարունակել կարդալ

ՅՈւՆԵՍԿՕ-ն շարունակում է քաջալերել պատմագողությունը – Պետությու՛ն, արդեն հոգնել ենք հարցնելուց՝ ու՞ր է մեր մշակույթի նախարարությունը… Ոչխարի աչքը միայն խոտ տեսնելու համար է (Ջուղայի հայկական խաչքարերի ու տապանաքարերի ոչնչացումը)…

ՅՈւՆԵՍԿՕ-ն շարունակում է քաջալերել պատմագողությունը

Թուրքիան, Ադրբեջանը, Իրանը, Ղրղզստանը եւ Ղազախստանը հայտ են ներկայացրել ՅՈւՆԵՍԿՕ՝ լավաշը ոչ նյութական մշակութային ժառանգության ցանկում ներառելու համար։ Ըստ երեւույթին, այժմ նստակյաց թյուրքական քոչվորներն արդեն դաշինքով են սկսել պայքարել ու սեփականացնել հայկական ազգային ու մշակութային արժեքները: Բայց որ Իրանն է մտել այդ ոհմակի մեջ, մի քիչ զարմանալի է:

Չնայած հետեւելով անծագում ու անպատմություն ոմանց ՅՈւՆԵՍԿՕ-ի ցանկերում հայտնվելու ցանկասիրությանը, դժվար չէ կռահել, որ այդ վարակը տարածվում է նաեւ պատմություն ունեցող մի շարք ազգերի վրա, որոնք այնուամենայնիվ, հարեւանների ունեցածին տիրելու մղումներին չեն դիմանում…

ՅՈւՆԵՍԿՕ-ն, ինչպես ասում են, էշի ականջում քնած, իր ցանկերում հայտնվելու ցանկասիրությանը տուրք տալով՝ չի հարցնում, թե ա՛յ նախկին քոչվոր թյուրքեր, այդ ինչպե՞ս եւ ու՞մ համար եք տարին կլոր ամենուր թոնիրներ պատրաստել, երբ տեղից-տեղ քոչելով եք զբաղվել… Քոչելո՞վ եք հացահատիկ ցանել-մշակել, ալյուր ստացել ու լավաշ թխել:

Այդ ի՞նչ հրաշք է, որ միայն թյուրք-արնախում քոչվորներին է հաջողվել: Քոչվորը որտե՜ղ, վարուցանքը որտե~ղ, թոնիրը որտե՜ղ:   Շարունակել կարդալ

Երեւանյան մշակութային խճանկար.- «Ոսկե ծիրանը» պարտավոր է այլ որակ տալ… Հեղինակային երգի հուսո առագաստը… Մնջախաղ.- Միջանցքներում աշխատելով՝ հզոր գործ են անում… Աշխարհազորայինների երեխաներն էլ կհանգստանան…

«Ոսկե ծիրանը» պարտավոր է այլ որակ տալ

Կինոփառատոնը կանցկացվի հուլիսի 10-17-ը։ Միջազգային կինոփառատոնի նշանաբանն է` «Քաղաքակրթությունների ու մշակույթների խաչմերուկ»: Փառատոնի մրցութային եւ արտամրցութային ծրագրերում ներառվել է 135 ֆիլմ։ «Ոսկե ծիրան» 13-րդ միջազգային փառատոնը մեկնարկեց ավանդույթ դարձած Ծիրանօրհնեքի արարողությամբ: Կինոփառատոնի հիմնադիր տնօրեն Հարություն Խաչատրյանն իր խոսքում նշեց, որ ծիրանն ամբողջ աշխարհում հայտնի է որպես հայության խորհրդանիշ. «Եթե մարդ համարձակվում է իր փառատոնի անունը դնել «Ոսկե ծիրան», ապա պարտավորվում է սահմանել ուրիշ չափանիշներ այսինքն` ցուցադրել հոգեւոր, կրթական ֆիլմեր եւ ծիրանի խորհուրդը պատմել բոլոր մարդկանց, ովքեր ամբողջ աշխարհից գալիս են մասնակցելու միջացառմանը»:

Հաղորդագրության համաձայն` ծրագրի ընթացքին եւ օրակարգին երեւանցիներն ու մայրաքաղաքի հյուրերը ծանոթանում են Երեւանի տարբեր հատվածներում տեղադրված տեսաէկրաններից: Կինոփառատոնի բոլոր օրերին Ազնավուրի անվան հրապարակում հնչեցին երեւանյան ջազ՝ անվանի ջազ գործիչների եւ ջազ բենդերի մասնակցությամբ: Կարապի լճի տարածքում կազմակերպվեցին բացօթյա կինոդիտումներ, որը կազմակերպել էր Երեւանի քաղաքապետարանը։ Այս տարի Ազատության հրապարակում տեղակայվել է շարժական կինոավտոմոբիլ, որով պարբերաբար ցուցադրվում են ամենատարբեր ժանրերի ֆիլմեր:

«Ոսկե ծիրան» միջազգային կինոփառատոնը ստեղծվել է 2004թ. կինոյի զարգացման հիմնադրամի, Կինոգետների եւ կինոլրագրողների հայկական ասոցիացիայի կողմից։ «Ոսկե ծիրանը» մտահաղացել են փառատոնի գլխավոր տնօրեն կինոռեժիսոր Հարություն Խաչատրյանը, ծրագրերի տնօրեն, կինոքննադատ Միքայել Ստամբոլցյանը եւ գեղարվեստական տնօրեն կինոքննադատ Սուսաննա Հարությունյանը։ Փառատոնը հիմնել են «Ոսկե ծիրան» կինոյի զարգացման հիմնադրամը, Կինոգետների եւ կինոլրագրողների հայկական ասոցիացիան` Արտաքին գործերի նախարարության, Մշակույթի նախարարության եւ Մշակույթի զարգացման բարեգործական հիմնադրամի աջակցությամբ:

Փառատոնն ամեն տարի կինոարվեստի երկրպագուների ուշադրությանն էներկայացնում հարյուրավոր ֆիլմեր‘մրցութային եւ արտամրցութային տարբեր ծրագրերով։ Տարբեր տարիներին Հայաստան են ժամանել հայտնի դերասաններ եւ ռեժիսորներ, որոնց թվում նաեւ` գրող եւ սցենարիստ Տոնինո Գուերան, հայտնի դերասանուհիներ Կլաուդիա Կարդինալեն եւ Ֆանի Արդանը։   Շարունակել կարդալ