Daily Archives: October 4, 2013

Անկարան եւ Բաքուն ոչ մի առիթ եւ ոչ մի պահ բաց չեն թողնում Հայաստանում ու Արցախում (անգամ՝ սփյուռքում) ինչ-որ բաներ խառնելու համար: 

Պաշտոնական Երեւանը դիվանագիտորեն պետք է մտածի Թուրքիայում իրականացվող ընդվզումներին նաեւ անջատողական նրբերանգներ հաղորդելու առումով: Խոսքն ինչպես բուն ներթուրքական, այնպես էլ միջազգային գործողությունների եւ քայլերի  մասին է: Չնայած քրդական եւ հայկական հարցերը փորձում են «քնացնել», սակայն այն կարող է ուժգնանալ, եթե Երեւանը Թուրքիան մասնատող միջազգային հեռահար ծրագրերի հետեւորդ պետությունների շահերին համահունչ խոսի ու գործի…

Արեւմտյան Հայաստանը մեր կռվախնձորն է ու դա զիջել այլ մեկի չենք կարող…

Սիրիան, Իրանը եւ Կիպրոսը (Հունաստանի հետ), գուցե ընթացքում նաեւ Բուլղարիան ու Մակեդոնիան տարածաշրջանում եւս շահագրգռված կլինեն իրենց դեմ գործող Անկարային պատժելու հարցում…

Նույնը պետք է անել նաեւ Ադրբեջանի պարագայում՝ Արեւելյան Հայաստանի տարածքների վերատիրման համար:

Հատկապես թալիշները, լեզգիներն ու թաթերը ձգտում են անկախության, նրանց եւս պետք է աջակցել: Շուրջ 7-8 միլիոն ադրբեջանցիների բացահայտ մեծամասնությունը այլազգիներ են, որ կարող են Երեւանի, Մոսկվայի ու Թեհրանի համագործակցությամբ դառնալ հակաաադրբեջանցի…

Եթե Վրաստանը շարունակի իր ոչ հայանպաստ եւ թուրքահաճ քաղաքականությունը, ապա Աբխազիային եւ հարավային Օսիային պետք է հետեւեն Ջավախքը, Աջարիան եւ այլ տարածքներ, որը պետք է դառնա հայկական հատուկ ծրագրի մի մասը:

Արմեն Ավետիսյան, Հայ Արիական Միաբանության առաջնորդ

Սեպտեմբերին հայությունը նշում է Հայաստանի ու Արցախի անկախության հոբելյանները: Հայկական մեր երկու հանրապետությունների ծնունդը պայքարի, զոհաբերությունների ու կամքի դրսեւորման, հայ նահատակների իղձերի ու նվիրաբերված արյան արդյունք է:

20-րդ դարում հայությունը 3 հանրապետություններ կերտեց ավելի քան 600 տարի առանց պետականության գոյատեւելուց, ցեղասպանվելուց եւ մաքառումներից հետո, իսկ 21-րդ դարը պետք է հանդիսանա հայոց միասնության՝ միացյալ հայկական պետության վերակերտման հարյուրամյակ:

Հայաստանի եւ Արցախի Հանրապետությունները փաստացի վերամիավորմամբ պետք է սկիզբ դնեն հայոց հողահավաքի՝ ամբողջական Հայաստանի (Հայաստանի Հանրապետություն, Արցախի Հանրապետություն, Նախիջեւան, Ջավախք եւ Արեւմտյան Հայաստան) վերականգնման:

Հայաստանի 3-րդ Հանրապետության անկախության հերթական տարեդարձին մաղթենք, որ հայությունը հիմնավորապես հաջողի Հայկական լեռնաշխարհում հայոց հողահավաքի ու ազգահավաքի լիակատար հաղթանակը:

Ազատությունն ու անկախությունը բնածին երեույթներ են, եւ հայ տեսակն իր առաքելության իրականացման ճանապարհին պետք է ապրի ազա՛տ, պետք է ազատ ապրի իր անկա՛խ պետության մեջ, որն էլ պետք է հարատեւի հայի ազատագրվա՛ծ հայրենիքում… Սա է երաշխիքը՝ առանց շղթաների եւ բնականոն ապրելու, զարգանալու: 

Հայ Արիական Միաբանություն եւ Հայ Ազգայնականների Համախմբում