Օրվա պահոցը. Մայիս 21, 2019

Վերստին վտանգի ազդակներ են երեւակվում մեր երկրում – Արմեն Ավետիսյան (Հայ Արիական Միաբանության առաջնորդ)

Հրապարակվել է Հեղինակ` Hayary

Այդ ազդակները գալիս են տարբեր շերտերից, որ կարող են նաեւ հանգեցնել ներքին անկայունության, որտեղից վտանգի տեղափոխումն արտաքին ոլորտ այլեւս չի բացառվում… Իսկ այդպիսի հեռանկարի անթույլատրելիության մասին նոր բան ասելու կարիք չկա: Թշնամի շնագայլերը շատ մոտիկից են հոտոտում մեր սահմանները՝ կուտակելով հարձակման համար անհրաժեշտ պաշարներ…

Ցավոք, մեր դեմ օրնիբուն դեռ գործում են ինչպես մեր ներքին, այնպես էլ արտաքին թշնամիները, ինչը անկայունությանը նպաստելուփորձ ունի արդեն…

Բայց ուզում եմ հավատալ, որ ազգը հայոց, որ նման փորձություններով շատ է անցել եւ փորձառության պակաս չունի, այս անգամ էլ կհետեւի սեփական պատմության դասերին:

1990-ականներին ազգը հայոց ցույց տվեց այդ դասերից սերտած միասնության կարեւորումը եւ ազգին միացան ինչպես ժողովրդական, այնպես էլ հանրային այս կամ այն հատվածները:

Միասնության նպատակը Հայոց պետականության վերականգնում էր, Հայաստանի տարբեր հատվածների վերամիավորման հարցը եւ կայուն տնտեսություն ու զարգացող ազգ ունենալու հեռանկարը…

Այսօր էլ շատ բան չի փոխվել մեր միասնության նպատակների առումով… պարզապես պետք է ազգովի հեռու մնանք այս կամ այն ուժին խամաճիկային ծառայություն մատուցելուց, ինչը վերեւում նշված վտանգի ազդակներին ծավալվելու հնարավորություն կտա:

Մեր միանսւթյունը Հայոց պետականության պահպանման ու ամրապնդման հիմքով պիտի ձեւավորվի: – www.hayary.org