Օրվա պահոցը. Հունվար 11, 2020

Եվրամիությունը կոչ է արել պատժել Թուրքիային, իսկ Եվրախորհրդարանը՝ Ադրբեջանին, միաժամանակ ճանաչելով ԼՂՀ-ն – Մոսկվան կվերանայի՞ 1920-ականների իր միջազգային պայմանագրերը… – Արմենուհի Մելքոնյան (քաղաքական հոդվածների հավաքածու)

«Հայաստանի Հանրապետություն» – 09.01.2020թ.

Ինչպես հայտնի է, ռազմա-քաղաքական կամ ֆինանսա-տնտեսական իրավիճակի սրացումները Մերձավոր Արեւելքում հանգեցնում են ընդհանուր միջազգային լարվածության, քանի որ այս տարածաշրջանը (արդեն նշել ենք՝ ավելի ճշգրիտ ընկալմամբ՝ Մերձավոր Արեւելք-Հայկական Լեռնաշխարհ-Կովկաս եռատարածաշրջան) դարեդար համաշխարհային վերաձեւումների գլխավոր խաչմերուկ է։ Եվ տնտեսական առումով նույնպես նշանակալի է այս եռատարածաշրջանի դերը, հատկապես վառելիքաէներգետիկ պաշարների բնական հագեցվածությամբ։ Իսկ նավթի եւ գազի համաշխարհային նշանակության մասին խոսելն ավելորդ կլինի։

Այս եռատարածաշրջանի յուրաքանչյուր հակամարտություն շղթայական ներքին կապով է գործում եւ բացի այդ, լրացուցիչ կապերով ամրակցված է համաշխարհային այս խաչմերուկում շահեր հետապնդող երկրների, հատկապես գերտերությունների հետ։ Եվրոպա-Ասիա կապուղի հանդիսացող այս եռատարածաշրջանը Արաբական թերակղզով առնչվում է նաեւ Աֆրիկայի հետ, ինչն էլ իր հերթին այս խաչմերուկն է դարձնում եռախաչմերուկ։   Շարունակել կարդալ