Արիադավանությունը մարզչից մարզիկին

Հրապարակվել է Հեղինակ` Hayary
Երեւանում, Հայ Արիական միաբանության (ՀԱՄ) գրասենյակում արդեն 2 անգամ է հյուրընկալում են Արցախ-ԼՂՀ կառավարությանն առընթեր սպորտի պետական կոմիտեի հանրապետական մարզադպրոցի Կիոկուշին-կան կարատեդոյի խմբի մարզիկները (ուսուցանվում են նաեւ այլ մարտարվեստներ)` մարզիչ Արմեն Պետրոսյանի հետ, ով նաեւ արցախյան բանակի սպայակազմի ներկայացուցիչ է:
Խմբի 6 մարզիկներ Տաշիրում մասնակցեցին Լոռու մարզի բաց առաջնությանը եւ վաստակեցին 2 ոսկե, 1 արծաթե եւ 3 բրոնզե մեդալներ:
Խումբն այժմ ունի 26 պատանի մարզիկներ, ովքեր չնայած իրենց տարիքին, արդեն փորձառու են:

Լավագույն սաներից են Դավիթ Կարապետյանը (Գերմանիայի 2008թ. բաց առաջնության արծաթե մեդալակիր, Հայաստանի կրկնակի չեմպիոն, Կովկասի 2010թ. առաջնության արծաթե մեդալակիր), Էդուարդ Ժամհարյանը (2010թ. Հայաստանի չեմպիոն, Կովկասի առաջնության արծաթե մեդալակիր), Արման Սարգսյանը (2009թ. Հայաստանի չեմպիոն, Կովկասի առաջնության ոսկե մեդալակիր), Գոռ Ադամյանը (2009թ. Հայաստանի բաց առաջնության բրոնզե մեդալակիր, ԼՂՀ Սանդա-ուշուի չեմպիոն), Արթուր Ասրյանը (2009թ Լոռու մարզի արծաթե մեդալակիր, 2010թ. Հայաստանի գավաթի 3-րդ մրցանակակիր), Արթուր Առուշանյանը (ԼՂՀ կրկնակի չոմպիոն, Հայաստանի բազմակի մրցանակակիր, ԼՂՀ Սանդա-ուշուի չեմպիոն), Մելիք Եգանյանը (Հայաստանի բազմակի մրցանակակիր, Կովկասի առաջնության արծաթե մեդալակիր) եւ այլոք:
Մարզիչը` Արմեն Պետրոսյանը, հավատավոր հեթանոս արորդի է (ՀԱՄ-ի ներկայացուցիչը Արցախում) եւ իր սաներին, բացի մարտարվեստներից, ուսուցանում է նաեւ արիադավանություն եւ նժդեհյան ցեղակրոն ազգային ուսմունք:

* * *

Աբովյանում վերջերս վերսկսել է Ու-շու արեւելյան մարտարվեստի մարզումները «Էություն» ակումբի հիմնադիր, հանրապետական կարգի մարզիչ, նաեւ մրցավար Անդրանիկ Աթոյանը: Նրա տասնյակ սաները ժամանակին լավագույնս էին հանդես գալիս ինչպես քաղաքի եւ Կոտայքի մարզի, այնպես էլ հանրապետության առաջնություններում, տարբեր մրցումներում, նաեւ միջազգային մրցաշարերում, այդ թվում՝ աշխարհի առաջնություններում:
Անդրանիկ Աթոյանը նույնպես արիադավան հայորդի է (ՀԱՄ-ի ներկայացուցիչը Ռուսաստանում (սլավոնա-արիական դաշինքում)) եւ երկար տարիներ արիականությունը ներկայացնում է եւ՛ Հայաստանում եւ՛ Ռուսաստանում:
Նա տիրապետում է հայարիական հոգեւոր ոլորտին, անցկացնում է նաեւ Յոգայի առողջարարական եւ ճանաչողական վարժանքներ, ունի համապատասխան վկայագիր եւ արտոնագիր:

Արսեն Պետրոսյան

«Լուսանցք» թիվ 21 (152), 2010թ.
 

Այս գրառումը հրապարակվել է Հ.Ա.Մ., Հոդվածներ խորագրում։ Էջանշեք մշտական հղումը։