Սեպտեմբերի 13-21-ը Երեւանում կկազմակերպվեն ՀՀ անկախության 20-ամյակի տոնակատարություններ: Մայրաքաղաքի Հանրապետության հրապարակում արդեն բեմն են պատրաստում: ՀՀ նախագահ Սերժ Սարգսյանը անկախության 20-րդ տարեդարձի առթիվ Հայաստանի ազգային պատկերասրահում հրավիրել էր տոնական ընդունելություն, որին մասնակցին ՀՀ քաղաքական կուսակցությունների, զլմ-ների, Հանրային խորհրդի, հասարակական եւ մշակութային, կրոնական եւ ազգային փոքրամասնությունների կազմակերպությունների ներկայացուցիչները: Տոնախմբություններին մասնակցելու նպատակով Հայաստան են ժամանել նաեւ սփյուռքի բազմաթիվ ներկայացուցիչներ, հյուրեր այլ երկրներից:  

Սեպտեմբերը գրանցել է Հայաստանի ու Արցախի անկախությունները, եւ գուցե այս ամիսն էլ մի օր դառնա երկու հայկական պետությունների վերամիավորումը գրանցած ամիս…

ՌԴ – ԱՄՆ հակասություններ մեր տարածաշրջանում

Օրերս, Ուրուգվայի ԱԳ նախարարը, այդ երկրի խորհրդարանում Հայաստան-Ուրուգվայ հարաբերություններին նվիրված համաժողովի ժամանակ հայտարարել է, որ պետք է ճանաչել ԼՂՀ անկախությունը: Սա նաեւ ողջունելի է, որովհետեւ ԱԳ նախարարն ասել է, որ Լեռնային Ղարաբաղը պատմականորեն Հայաստանի մասն է, եւ իրենք այսօր ուսումնասիրում են պետական որոշումով համաձայնություն կայացնելու եւ ճանաչելու հարցը. «Համոզված եմ՝ Լեռնային Ղարաբաղը պետք է լինի անկախ եւ ժամանակի ընթացքում միանա Հայսատանին: Սա է հարցի լուծման միակ ճանապարհը»,- հայտնել է Մոնտեվիդեոի արտաքին ոլորտի պատասխանատուն: Հիշեցնենք, որ Ուրուգվայն այն երկիրն է, որն առաջինը պետականորեն ճանաչեց Հայոց ցեղասպանությունը:

Մեր պետությունը հայաբնույթ չէ

Բազմիցս անդրադարձել ենք իշխանություն-ընդդիմություն հարաբերություններին, դեռ երբ դրանք կարգավորված չէին եւ առճակատում կար, եթե չասենք՝ թշնամանք, ներքին բախումները հաճախ ճակատային գծերի էին վերածվում: Երբ դրանք կարգավորման ընթացք էին բռնել ու բանակցային ուղի կար: Նաեւ՝ երբ դրանք կարգազանց վիճակում հայտնվեցին ու շահադիտական ակնհայտ երեւակումներ եղան:

Մենք էլի անդրադառնալու ենք իշխանություն-ընդդիմություն հարաբերություններին, քանզի ունենք այն, ինչ ունենք, եւ որքան կարեւոր է ներքաղաքական կյանքի մասին տեղեկություն ստանալը, այնքան կարեւոր է այդ կյանքում տեղ գտած երեւույթների վերլուծությունն ու մեկնաբանումը:

Սա նաեւ ելքերի ճար ու հնար է ստեղծում:

Երբ իշխանական կոալիցիա-ընդդիմադիր կոնգրես բանակցությունների առաջարկ եղավ, թե՛ քաղաքական, թե՛ լրատվական, թե՛ հանրային ու մշակութային եւ թե՛ մնացյալ ոլորտներում աշխուժություն առաջացավ, որ ահա երկրում կայունությունն ու առաջընթացը, համերաշխությունն ու փոխզիջումային քաղաքականությունը կդառնան չափորոշիչներ, եւ մեր հոգնատանջ ազգ-ժողովուրդը մի փոքր շունչ կքաշի:

Երեւանում օգոստոսի վերջերին կայացավ հայ-իսրայելյան քաղաքական խորհրդակցությունների հերթական փուլը: Քննարկվել են Հայաստան-Իսրայել համագործակցությանը վերաբերող խնդիրներ, մերձավորարեւելյան ու հարավկովկասյան տարածաշրջաններում տեղի ունեցող զարգացումները, ինչպես նաեւ երկկողմ հետաքրքրություն ներկայացնող այլ հարցեր:

Իսկ գլխավոր հարցը դեռ առկախ է՝ ի՞նչ հետաքրքրություններ ունեն Հայաստանն ու Իսրայելը:

Աստվածների տունը. Արարատ-Հայաստանը որպես հավատքի բնօրրան

Ժամանակակից կրոնական հոտի վերածված հավատուրաց մարդկության կողմից այն աստիճան են  պղծվել Աստված ու Աստծո տուն խորհուրդները, որ նա մարդուն, անգամ ոչ լիարժեք մարդուն` ապօրինածնին Աստված է հռչակել, իսկ նրա` կրոնա-գաղափարախոսության հիմամբ ապրել-հարստանալու համար ստեղծած կառույցները, ոչ ավել ոչ պակաս` Աստծո տուն:

«Ղարաբաղի ազատագրում» ճռճռան անունով ադրբեջանական կազմակերպությունը հերթական անգամ հանդես է եկել Լեռնային Ղարաբաղի դեմ 2-րդ պատերազմի սկսման կոչով: Հայտարարությունը հերոսաբար տարածվել է ադրբեջանական բոլոր լրատվամիջոցներով: Մասնավորապես ասվում է, որ միջազգային հանդիպումներում «Ադրբեջանը ոչ մի զիջման չպետք է գնա եւ Հայաստանի դեմ գործողությունների պահանջ պետք է ներկայացնի: Մադրիդյան սկզբունքներ կոչվող անարդար լուծումը համանախագահների կողմից համառորեն պնդելը Ադրբեջանի արտաքին քաղաքականություն վարողների մեղքով է»: Այնուհետ կազմակերպությունը պնդում է, որ եթե միջնորդ պետությունները Հայաստանի դեմ պատժամիջովներ չկիրառեն, ապա անհրաժեշտ է ռազմական գործողություններ սկսել հայերի դեմ: Այս կազմակերպության անդամների մեծամասնությունը հաստատ պատերազմին չի մասնակցել կամ էլ «ասֆալտի ֆիդայի» է աշխատել Ադրբեջանում… Քանի որ լավ չեն պատկերացնում, թե ինչ է եղել իրականում Արցախյան 1-ին պատերազմում եւ 2-րդն են ուզում սկսել:

«Վրաստանը եւ Ադրբեջանը պետք է միմյանց սատար լինեն, նրանք ընդհանուր հայացքներ ունեն, ամուր կապեր»,- «The Business Year Azerbaijan 2011» ամսագրի Ադրբեջանի անկախության 20-ամյակին նվիրված հատուկ համարի համար մեկնաբանություն է արել Վրաստանի նախագահ Միխեիլ Սաակաշվիլին: Նրա կարծիքով՝ 2 պետությունները լուրջ խնդիրներ ունեն՝ կապված չկարգավորված հակամարտությունների հետ, եւ «Ադրբեջանի ու Վրաստանի յուրաքանչյուր ընդդիմախոս մեր երկու պետությունների թշնամին է: Մեր ուժը միասնության մեջ է, եւ դա ընդամենը խոսքեր չեն, դա իրողություն է»: Չբավարարվելով միասնական պետություն ստեղծելու գաղափարով  (Վրաստան+Ադրբեջան), համայն վրացիների ու համայն ադրբեջանցիների «կնքահայրեր» Սաակաշվիլին ու Ալիեւը առիթը բաց չեն թողնում «Ադրբեջանի ու Վրաստանի յուրաքանչյուր ընդդիմախոս-թշնամու» մասին ճամարտակելու…