haiariner «Հայ-Արիներ» պարբերականը հրատարակվում է 2002թ. փետրվարի 2-ից: Հայ Արիական Միաբանության պաշտոնաթերթն է: Հրատարակվել է որպես ամսաթերթ, որոշ ժամանակ անց՝ որպես երկշաբաթաթերթ, այժմ կրկին ամսաթերթ է: 2002-2009թթ. ընթացքում, շուրջ վեցուկեսամյա ընթացքում հրատարակվել է «Հայ-Արիներ»-ի ավելի քան 100 թողարկում: Հայ ազգայնական քաղաքական, գաղափարախոսական, հավատամքային թերթ է (տպագրվում է հիմնականում՝ 24 կամ 48 էջով (վերջին ժամանակներս նաեւ՝ 56, 62, 64, 72 էջով), A-4 ձեւաչափով)), որ ներառում է ինչպես գաղափարաբանական (հիմնականում՝ հայ-արիական, ցեղակրոն բնույթի), այնպես էլ՝ պատմական-հայագիտական, քաղաքական, հոգեւոր-մշակութային, ազգագրական, տոմարագիտական, տիեզերագիտական-աստվածաբանական, լեզվապահպանական եւ այլ հոդվածներ

haier

«Հայեր»-ը եռամսյա հանդես է (տպագրվել է հիմնականում 4 եւ 8 էջով, A-4 ձեւաչափով), որը հրատարակվել է ոչ պարբերականորեն: Լրացնում է «Հայ-Արիներ»-ին, սակայն տպագրվում է ավելի քիչ ծավալով: Հրատարակվում է 2003թ. մարտի 3-ից: 2003-2009թթ. հինգուկեսամյա ընթացքում եղել է «Հայեր»-ի 8 թողարկում, որից վերջինը գրքույկի ձեւով՝ «Թուրքիան, սիոնիզմը, մասոնները եւ Հայոց ցեղասպանությունը» վերնագրով:

.

.

.
.

haiaria

«Հայ-Արիա»-ն ամսագիր է, տպագրվել է 1998թ. դեկտեմբերի 12-ին: Եղել է ընդամենը 1 թողարկում (32 էջ, A-4 ձեւաչափով) գունավոր կազմով: Հանդիսացել է Հայ Արիական-Ցեղապաշտական կուսակցության եւ Հայ Արիական-Ցեղապաշտական դաշինք հ/կ-ի համատեղ պաշտոնաթերթը: 1998թ. մայիսի 8-ին ստացել է պետական գրանցում՝ ՀՀ արդարադատության նախարարությունում, որպես շաբաթաթերթ (հրաման N-144, վկայական-799), սակայն հետագայում չի հրատարակվել դրամամիջոցների բացակայության պատճառով: Հետագայում «Հայ-Արիա»-ի գործառույթներն իրականացրեցին Հայ Արիական Միաբանության պաշտոնաթերթ «Հայ-Արիներ»-ը եւ «Հայեր»-ը:


ԼուսանցքՀայ Արիական Միաբանությունը կարեւորելով ազգայնական մամուլի տարածումը, ի թիվս մի շարք լրատվամիջոցների («Հայ-Արիներ», «Հայեր», «Հանուն Հայրենիքի», «Ուխտ Արարատի» եւ այլն), իր պաշտոնական կայքում տեղադրել է նաեւ «Լուսանցք» շաբաթերթի թողարկումները, քանի որ տպագիր այս մամուլը թերեւս միակ զանգվածային լրատվամիջոցն է ՀՀ ԶԼՄ-ների ոլորտում (որն ըստ կարգի հանվել է վաճառքի մամուլի կրպակներում, մյուսները հիմնականում բաժանվում են ըստ անհրաժեշտության), որ հետամուտ է ազգայնական ու արիա-հեթանոսական գաղափարների ու սկզբունքների պաշտպանությանը: Համաձայնության գալով «Լուսանցք»-ի Խմբագրական խորհրդի հետ՝ տեղադրում ենք թերթի բոլոր թողարկումները (այն շարունակական կլինի): 1 տարվա ընթացքում եղել է «Լուսանցք»-ի 50 թողարկում (թերթային 2 տպագրական մամուլ ծավալով, իսկ 2 տարվա ընթացքում՝ մինչեւ 2009թ. մայիս ամիսը, եղել է ավելի քան 100 թողարկում): 1-ին համարը լույս է տեսել 2007թ. մարտի 16-ին: Կայքի այցելուները կարող են հայտնել նաեւ իրենց տեսակետները թերթի մասին: Շաբաթաթերթի նոր համարները կարելի է ձեռք բերել մամուլի կրպակներից՝ ամեն ուրբաթ օր կամ կարելի է բաժանորդագրվել (նաեւ՝ խմբագրությունում): «Լուսանցք»-ի հետ կապ հաստատելու համար կարելի է զանգահարել Խմբագրական խորհուրդ (52-38-75) կամ՝ թողարկման պատասխանատու Արմենուհի Մելքոնյանին (091) 49-64-51: Էլ. հասցե- mailto:arm_yan՜@՜yahoo.com / mailto:lusantsk՜@՜list.ru / Բացի մեր կայքից, «Լուսանցք»-ի համարները PDF ձեւով կարելի է կարդալ նաեւ www.pressinfo.am կայքի «Բեռնում» բաժնում:

«Լուսանցք» շաբաթաթերթի գլխավոր խմբագիր Արմենուհի Մելքոնյան