Շարունակում ենք մեր ընթերցողներին տեղեկացնել Հայ Արիական Միաբանության առաջնորդ Արմեն Ավետիսյանի առողջական վիճակի մասին:

Հիշեցնենք, որ մայիսի 4-ին պատահարի հետեւանքով (ըստ ոստիկանության հաղորդագրության՝ վրաերթի) Արմեն Ավետիսյանը հայտնվել էր «Էրեբունի»-ում՝ մարմնական բազմաթիվ ծանր վնասվածքներով: ՀԱՄ առաջնորդը մայիսի 4-21-ը «Էրեբունի» բժշկական կենտրոնի վերակենդանացման բաժանմունքում մահի դեմ կռիվ էր մղում, բժիշկները պայքարում էին նրա կյանքի համար ու, ի դեպ, իրենց գործը պատվով արեցին:

Երեւանը քաղաքապետ կամ կունենա, կամ՝ ոչ: Ընդ որում, քաղաքապետ ունենալ-չունենալը ամենեւին էլ պայմանավորված չէ Երեւանի ավագանու ընտրությունների արդյունքներով: Ըստ դրանց՝ Երեւանի քաղաքապետն է Գագիկ Բեգլարյանը: Սա փաստ է: Բայց կա խնդիր, որի լուծումը կտա ժամանակը: Այն է՝ Գագիկ Բեգլարյանը իրապե՞ս կդառնա Երեւանի քաղաքագլուխը, Երեւանն իսկապե՞ս կսիրի նրան, նա կկարողանա՞ մայրաքաղաքի գործերը կարգավորել ըստ պատշաճի: Ասեմ՝ բավականին բարդ է, մանավանդ, որ Երեւանն այսօր զուրկ է քաղաքային մշակույթից եւ մի մեծ գյուղի է վերածված:

Թերեւս քննություն հանձնելու համար մի բան հաստատ պետք է հաղթահարի Գագիկ Բեգլարյանը՝ չնմանվի նախկին քաղաքապետ Երվանդ Զախարյանին… Թե ինչու, ներկայիս քաղաքապետը դա բոլորից լավ գիտի:

Այս օրերին Հայ Արիական Միաբանությունը, Հայ ազգայնականների համախմբումը եւ «Լուսանցք»-ը անընդհատ հանդես են գալիս քաղաքական դաշտում ազգայնական գործիչ Արմեն Ավետիսյանին զորակցությամբ (տես էջ 1): Ու քանի որ այս օրերին շատերն են հավակնում ազգայնական երեւալ (միշտ այդպես է նախընտրական ու հետընտրական փուլերում), հարկ ենք համարում մեջբերել իրապես ազգայնական Արմեն Ավետիսյանի տեսակետը տարբեր բնագավառների, դրանց զարգացումների ու հեռանկարների մասին:

ՀՀ հանրային ծառայությունները կարգավորող հանձնաժողովի՝ հունիսի 8-ին կայացած նիստում քննարկվել է «Երեւան ջուր» ՓԲԸ կողմից սակագների սահմանման մասին հարցը: Հանձնաժողովը որոշել է սահմանել հետեւյալ սակագները.

Արդեն երկու օր լրատվամիջոցները խոսում են Երուսաղեմի Սուրբ Հարության տաճարում հունիսի 9-ին հայտնաբերված մի հայ քահանայի դիակի մասին: Մահացած հոգեւորականը 34-ամյա Արմեն Խաչատուրյանն է: Երուսաղեմի ոստիկանության խոսնակ Միկի Ռոզենֆելդը հայտնել է, որ հայ հոգեւորականի դիակը հայտնաբերվել է սանդղավանդակում. «Հայ հոգեւորականի մահը հանցագործության հետեւանք չէ: Ամենայն հավանականությամբ, նա վայր է ընկել ու մահացել». սա է ոստիկանության խոսնակի տեսակետը:

Ռուսաստանի Դաշնության ազգային տոնի՝ Պետական ինքնիշխանության մասին հռչակագրի ընդունման օրվա առթիվ ՀՀ նախագահ Սերժ Սարգսյանը երեկ այցելել է Հայաստանում ՌԴ դեսպանություն:

ՀՀ նախագահի մամլո գրասենյակից տեղեկանում ենք, որ նախագաhը շնորհավորանքի իր խոսքում ասել է. «Շատ ուրախ եմ, որ մեր հարաբերությունները գնալով ավելի ու ավելի են լավանում: Տառացիորեն մի քանի օր առաջ ՌԴ նախագահի հետ հանդիպմանը մենք մեկ անգամ եւս ընդգծեցինք, որ մեր հարաբերություններն ամսեամիս, տարեցտարի ավելի ու ավելի են խորանում: Ցանկանում եմ Ռուսաստանին բարեկեցություն, հետագա ամրություն: Ես միշտ համարել եւ այսօր էլ համարում եմ, որ ինչքան ավելի ուժեղ լինի Ռուսաստանը, այնքան ուժեղ կլինի նաեւ Հայաստանը»:

«Մարտի 14-ի կոալիցիան» հաղթանակ է տարել Լիբանանում կայացած խորհրդարանական ընտրություններում: Ըստ վերջնական պաշտոնական արդյունքների, 2005թ. փետրվարին սպանված՝ Լիբանանի նախկին վարչապետ Ռաֆիկ Հարիրիի որդու՝ Սաադի գլխավորած կոալիցիան 71 տեղ է նվաճել երկրի խորհրդարանում: Ընդդիմությունն ստացել է 57 տեղ: Ընդդիմությունը գլխավորող «Հըզբոլլահ»-ը ստացել է 11 պատգամավորական մանդատ: Նախորդ խորհրդարանում կառավարող մեծամասնության ներկայացուցիչներն ունեին 70 տեղ, իսկ ընդդիմությունը՝ 58:

Հանրային խորհուրդը քննարկել է համաներում հայտարարելու վերաբերյալ ՀՀ նախագահին առաջարկ ներկայացնելու մասին որոշումը եւ հնչեցրել համաներում հայտարարելու մասին հասարակության շրջանում ձեւավորված տեսակետները:

Հանրային խորհրդի նախագահ Վազգեն Մանուկյանը կարեւորել է այն հանգամանքը, որ համաներում հայտարարելուն ոգեւորությամբ կողմ են եղել ոչ միայն դատապարտված անձանց հետ այս կամ այն կերպ առնչություն ունեցողները, նրանց հարազատները, այլեւ նրանք, ովքեր ուղղակիորեն շահագրգռված չեն եղել այդ հարցում:

Հանձնաժողովներում կարծիքները տարբեր են եղել մարտ 1-2-ի դեպքերի հետեւանքով ազատազրկված անձանց մասով: Հանձնաժողովներում արձանագրվել է, որ համաներման թիրախը պետք է լինեն անչափահասները, կանայք, 60-ից բարձր տարիք ունեցողները, հաշմանդամները, հայրենիքին ծառայություններ մատուցած եւ արցախյան հերոսամարտին մասնակցածները, առանց դիտավորության հանցանք կատարածները:

Այսօր Իրանում տեղի են ունենալու 10-րդ նախագահական ընտրությունները:

Հիշեցնենք, որ նախագահական թեկնածուների գրացմանը հատկացված ժամկետում գրանցվել էին 475 թեկնածու (42-ը՝ կին): Համեմատության համար նշենք, որ նախորդ ընտրություններին գրանցվել էին 1010 թեկնածու, որից 89–ը՝ կին: Իրանում բոլոր մակարդակի ընտրությունները անցկացնում է ՆԳ նախարարությունը՝ Սահմանադրության պահապան խորհրդի (ՍՊԽ) վերահսկողությամբ: ՍՊԽ-ի պարտականություններից է թեկնածուների համապատասխանության հարցի որոշումը: Ըստ այդմ էլ, այս տարվա մայիսի 20-ին հայտարարվեց այս ընտրությունների հաստատված թեկնածուների՝ 4 հոգուց կազմված վերջնական ցուցակը:

Հարգարժան տիկնայք եւ պարոնայք,
Ձեզ հայտնի է, որ հակագիտական եւ հակահայկական հայագիտության վերաբերյալ ՀՀ ԳԱԱ հումանիտար բաժանմունքը ս. թ. ապրիլի 7-ին ընդունել է համապատասխան կարծիք-որոշում: Նույն բաժանմունքը, հաշվի առնելով ինչ-ինչ հանգամանքներ, ավելի ճիշտ՝ արտասահմանյան հզոր ճնշման տակ որոշել է վերախմբագրել կարծիք-որոշումը՝ այդ նպատակով իր անդամներից կազմելով 5 հոգանոց խմբագրման հանձնաժողով՝ ակադեմիկոս Համլետ Գեւորգյանի ղեկավարությամբ: Վերջինս փոխանակ կատարելու իր ստանձնած պարտավորությունը, բաժանմունքի՝ այդ կեղծ-գիտական ու հակահայկական հայագիտության արտասահմանցի բազմաթիվ ներկայացուցիչների մասնակցությամբ կայացած ապրիլի 23-ի նիստում ցուցադրաբար ստորագրեց վերջիններիս՝ իբրեւ թե գիտական կարծիքի եւ խոսքի ազատության անհրաժեշտությունը պահանջող հանրագիրը: