Հայրենատիրության հասնում են ամենօրյա՜ գործերով

– Ադրբեջանն ամեն քայլի դիմում է, որ Արցախի խնդիրը տեղափոխի նոր ձեւաչափ…

Ըստ «The Fresno Bee» պարբերականի, ԱՄՆ-ի Կալիֆորնիա նահանգի Ֆրեզնո քաղաքը «ընդհանուր լեզու չի գտնում Ադրբեջանի հե­տ»: Ֆրեզնոյի կողմից ԼՂ ճանաչումը հանգեցրել է միջազգային առճակատման, իսկ Ադրբեջանի ժողովուրդը խնդրում է Ֆրեզնոյի ղեկավարներին՝ չեղյալ հայտարարել ապրիլյան՝ ԼՂ անկախության ճանաչման վերաբերյալ բանաձեւը: Բայց հայաշատ քաղաքի ղեկավարները հրաժարվել են իրենց դիրքորոշումը փոխել: «Մենք կանգնած ենք ինչպես Հայաստանում, այնպես էլ Լեռնային Ղարաբաղում մեր հայ ընկերների կողքին: Մենք չենք կարող տեղի տալ Ադրբեջանի կողմից լավ ֆինանսավորվող լոբբինգի ջանքերին»,- նշել է Ֆրեզնոյի շրջանի ղեկավար խորհրդի անդամ Անդրեաս Բորջեասը:

Ապրիլի 23-ին ճանաչելով Լեռնային Ղարաբաղի անկախությունը՝ Ֆրեզնոյի շրջանը դարձավ Կալիֆորնիա նահանգի առաջին շրջանը, որ ճանաչեց ԼՂՀ-ի (Արցախ) անկախությունը: Այսպիսով՝ ճանաչվում է ԼՂՀ-ի անկախությունը՝ այն ներկայացվելով որպես Հայաստանի ու Ադրբեջանի միջեւ ընկած պատմական հայկական շրջան:

Նման հայանպաստ որոշումները դառնում են հաճախակի, քանի որ մինչ այս, ամերիկյան եւ ավստրալական մի շարք նահանգներ ու շրջաններ, ինչպեսեւ եվրոպական երկրների որոշ ինքնավար տարածքներ ճանաչել են նաեւ 1915թ. Հայոց ցեղասպանությունը: Այս ամենը չէր կարող վրիպել ադրբեջանական ու թուրքական իշխանությունների աչքից, սակայն նրանց արձագանքները չեն ազդում կայացրած որոշումների բեկանման վրա:

Իսկ պաշտոնական Բաքուն ավելի է ուժգնացնում պատերազմը վերսկսելու հայտարարությունները՝ փորձելով ահաբեկումներով չեզոքացնել Արցախի անկախության միջազգայնորեն ճանաչմանն ու Հայոց ցեղասպանության դատապարտմանն ուղղված ծավալումները: Ադրբեջանցիները պարբերաբար սադրանքներով խախտում են ոչ միայն արցախա-ադրբեջանական սահմանային հատվածները, այլեւ հայ-ադրբեջանական պետական սահմանները: Մայիսի 19-ին Ոսկեպարի սահմանային հատվածում ադրբեջանական զինուժը կրակ է բացել մեր պաշտպանության նախարարին տեղափոխող ուղղաթիռի վրա, երբ ուղղաթիռը թռչում էր ցածր բարձրությամբ: ՊՆ Սեյրան Օհանյանը Նոյեմբերյանի զորամաս էր ժամանում: Ուղղաթիռի վրա գնդակների հետքեր չկային, բայց սադրանքը մտնում է առավել անպատասխանատու եւ վտանգավոր սահմանագիծ: Ինչ մնում է Արցախի հետ սահմանային հատվածներին, ապա հակառակորդն այստեղ ամեն օր է կրակ բացում:

Continue reading →

– Մեջքից հարված սեփական ժողովուրդներին…

…Ռուսական արջը առայժմ զորեղ է, քանի դեռ քնած է հայկական առյուծը: Իսկ առյուծը կարթնանա, եւ համաշխարհային վերաձեւումների այս փուլում այդ արջը թյուրքական գայլերի ու բորենիների ոհմակների հետ երկար չիդիմանա: Գալիս են առյուծների ժամանակները…

– Եվրոպական իրավունքի գերակայության եւ վարկերով դա  թելադրելու սերիալ…

Մեջքից հարված սեփական ժողովուրդներին

«ՀայՌուսգազարդ» ՓԲԸ բաժնետերերի տարեկան ընդհանուր ժողովը տեղի ունեցավ Երեւանում, որի ժամանակ հաստատվեց 2012թ. տարեկան հաշվետվությունն ու հաշվապահական հաշվեկշիռը՝ հաշվի առնելով ընկերության Վերստուգիչ հանձնաժողովի եզրակացությունը: Քննարկվել է նաեւ 2012թ. շահաբաժինների վճարման հարցը եւ որոշում ընդունվել շահաբաժինները բաժնետոմսերի դիմաց չվճարել ու չբաշխել՝ հաշվի առնելով ընկերության 2012թ. կրած վնասը՝ 64,9 մլրդ. դրամ չափով:

Բաժնետերերի տարեկան ընդհանուր ժողովում ընտրվել է նաեւ «ՀայՌուսգազարդ» ՓԲԸ տնօրենների խորհուրդ հետեւյալ կազմով՝ Վարդան Հարությունյան, Նիկոլայ Վասիլեւ, Վալերի Գոլուբեւ, Իոսիֆ Իսայան, Ելենա Կարպել, Արմեն Մովսիսյան, Ալեքսանդր Ֆրոլով:

Continue reading →

– Չկան մշտական բարեկամներ…

– Եթե չասենք թշնամի, ապա կասենք՝ ոչ բարեկամ – Եվ ով փորձում է բարձրաձայնել, թե ոչ մի վտանգ չկա, նա անցնում է հայության ոչ բարեկամների շարքերը եւ ջուր է լցնում Ռուսաստանի ջրաղացին, որի պտտվող ջուրն այս պահին կարող է թունավորել մեր կյանքը…

Չկան մշտական բարեկամներ

Վլադիմիր Պուտինն իր իսկ բնութագրմամբ՝ անշնորհակալ եւ վտանգավոր մարդ է. քանի որ ըստ նրա,  երբ մարդիկ եւ մարտական համակարգերն օգտագործվում են հակամարտության գոտում զինվորներին, տվյալ դեպքում՝ ռուսական զինվորներին սպանելու համար, դա չափազանց լուրջ ահազանգ է… Իսկ Ադրբեջանին զանգվածային ոչնչացման զենք վաճառելով՝ Ռուսաստանը վտանգում է ոչ միայն հայ զինվորների ու խաղաղ բնակիչների կյանքը (ինչը լրացուցիչ անշնորհակալի կերպար է՝ արդեն ՌԴ նախագահ Պուտինի համար), այլեւ՝ ինչպես սիրում են ասել՝ մեր դաշնակից ռուսական զինվորի, ով պետք է ենթադրաբար կռվի մեր զինվորի կողքին՝ Բաքվի կողմից նոր պատերազմ սանձազերծելու դեպքում:

Վերջին 2-3 շաբաթներին, ըստ քաղաքագետ Սերգեյ Մինասյանի, մի շարք կարեւոր իրադարձություններ են տեղի ունեցել, որոնց թվում ամենաշատը քննարկվեց ռուս-ադրբեջանական հարաբերությունները: Ըստ նրա, հասարակության ու քաղաքական շրջանակները տարակուսեցին՝ ինչո՞ւ է մեր դաշնակիցը զինում Ադրբեջանին, ով չի դադարում ուժի կիրառման սպառնալիքներով հանդես գալ Հայաստանի ու Արցախի հասցեին. «Կարծում եմ, որ զգայական մոտեցումները այս ամենի վերաբերյալ մի քիչ չափազանցված են. պետք չէ ունենալ իլյուզիաներ, որ հետո չհիասթափվենք՝ Ռուսաստանն անում է այն, ինչ արել է վերջին 20 տարիներին, մենք որեւիցե նոր բան չենք տեսնու­մ»:

Continue reading →

– Ներիշխանական դժգոհություն է հասունանում…

– Նախագահը՝ Վերահսկիչին – Էկոնոմնախը՝ Վերահսկիչին – Քաղշինը՝ Վերահսկիչին – Սոցնախը՝ Վերահսկիչին – Նախագահը՝ դատախազին – ԱԻՆ-ը՝ Վերահսկիչին – Ֆիննախը՝ Վերահսկիչին – Բնապ.նախը՝ Վերահսկիչին – Ջրտնտպետը՝ Վերահսկիչին – ԿԳՆ-ն՝ նախ մեզ, հետո ՎՊ-ին…

Ներիշխանական դժգոհություն է հասունանում

Վերահսկիչ պալատի վերջին հաշվետվությունը շատ աղմկոտ ստացվեց: Ինչպես ներիշխանական, այնպես էլ հանրային կյանքում խլրտումներ ու սպասումներ են առաջ եկել, իսկ վերնախավում՝ հասկանալի մտահոգություններ: ՎՊ նախագահ Իշխան Զաքարյանի ներկայացրած խախտումներից ու չարաշահումներից զատ, քննարկվում է նաեւ հենց ՎՊ ղեկավարի գործունեությունը: Կարծիքներ են հնչում, թե ՎՊ ու այդ կառույցի նախագահի գործունեությունը նույնպես անբասիր չէ: Տպավորություն է ստեղծվել, որ ամեն մի հայտնաբերված չարաշահում կամ թալան չէ որ ներկայացվում է հանրությանը, իսկ ներկայացված ամեն դեպք էլ չէ, որ համապատասխանում է իրականությանը:

Տարօրինակ է նաեւ, որ քննարկումներ են լինում, թե որոշ չարաշահումներ պարզապես չեն ներկայացվել, ու դա հավանաբար լինում է որոշակի կոռուպցիոն գործարքի կամ պայմանավորվածության արդյունքում: Գուցե ՀՀ նախագահի կտրուկ խոսքը՝ ՎՊ հայտարարությունների ու ներկայացված տվյալների, ինչպեսեւ դրանց հրապարակավ արձագանքելու հետ կապված, արագություն եւ որոշակի խստություն, ինչու ոչ՝ նաեւ ինտրիգ մտցրեց այս իրավիճակում:

Կարծիք էլ կա, թե որոշ խախտումներ ՎՊ նախագահը ուռճացված կամ հետին թվով է ներկայացնում, եթե տվյալ գերատեսչության ղեկավարի հետ չի կարողացել գործարքի մեջ մտնել, կամ նա չի վայելում քաղաքական լուրջ հովանավորչություն, քանի որ ՎՊ-ի բացահայտումները հաճախ արժանանում են սուր քննադատության:

Continue reading →

– Մերկ ճշմատություն՝ զուգարանով բացված – Յուրաքանչյուրը պիտի պատժվի՝ իր յուրացման չափով…

– Աշխատատե՞ղը կփրկի Սեւանի ձկներին…

– Անպատասխանատվության ջարդոնները – «Նաիրիտ»-ն անպայման պիտի աշխատի՝ ազգային ու պետական շահով պայմանավորված…

Մերկ ճշմատություն՝ զուգարանով բացված

Ինտրիգային ամառ է մեր երկրում: Ավելի ստույգ՝ ինտրիգային պետք է դարձվեր, ինչը եւ հաջողվեց: Վերահսկիչ պալատի նախագահը մալուխը ձեռքին գնաց Ազգային ժողով ու 2012թ. հաշվետվության արդյունքներով մեղադրանք ներկայացրեց բյուջետային միջոցներն անարդյունավետ գործածելու եւ 700 միլիարդ լափելու, մսխելու, յուրացնելու մեջ: ԱԺ նախագահը զարմացավ, թե՝ այ մարդ, էս ի՛նչ թալանչիներ են:

Ի պատասխա՞ն էր ֆինանսների նախարարության վերահսկողականի այն հայտարարությունը, թե ԱԺ նախագահի եղբայրն ու եղբոր որդին օգտվել են պետության տրամադրած էժան դիզվառելիքից: Հաշվի առնելով, որ վարչապետական կադր է վերահսկողական վարչության տիկինը, կարող ենք նման բան ենթադրել: Ենթադրել կարող ենք, որովհետեւ վարչապետին չի սիրում ԲՀԿ ղեկավար Գագիկ Ծառուկյանը, ով նույնպես վարչապետական հավակնություններ ունի եւ ԱԺ ղեկավարի հետ խնամիական կապերի մեջ է: Ելնելով նաեւ այն հանգամանքից, որ մեզ մոտ անձնականն ու գործնականը սերտորեն միացած են գավառական աստիճանային հյուսքով, կարող ենք համոզված էլ լինել: Սրանից հետո երկրի նախագահն էլ բարկացավ ՎՊ ղեկավարի վրա՝ ակնարկելով, թե՝ բա որ Հատուկ քննչական ծառայությունն էլ փորձի տալ ՎՊ-ի գնահատականը: Այս պարագայում էլ մի քանի ենթադրություններ կարող ենք անել՝ ա) պետության նախագահն ու ՎՊ ղեկավարը գործում են փոխհամաձայնեցված, որպեսզի մի լավ թափ տան մեր պետական կառույցներին՝ զուգահեռաբար հող նախապատրաստելով սեպտեմբերյան փոփոխությունների համար, բ) ՎՊ-ն մի քիչ, Սերժ Սարգսյանի խոսքերով, տեմպի մեջ է ընկել ու դուրս է եկել փոխպայմանավորվածության սահմաններից, կամ էլ ընկեր Նաջարյանը մոռացել էր, որ տեղակալի էդ ոտը սախաթ էր, գ) ՎՊ-ն որոշել է պատժել ոչ յուրայիններին՝ նրանց չարաշահումներ վերագրելով եւ յուրայիններին էլ հասկացրել է, որ կարող է պատժել՝ իբրեւ նախազգուշացում թեթեւ թերացումներ վերագրելով:

Տարբերակները շատ են, բայց անձամբ ես վերջինը բացառում եմ: Իշխան Զաքարյանը առանց Սերժ Սարգսյանի գիտության այդքան համարձակ չէր գտնվի, մանավանդ որ իր ոտքերն էլ ամպոտ չեն: Պարզապես ոտքերը վերմակից երկար է մեկնել ու վերջ, այլ կերպ՝ տեմպի մեջ է ընկել ու ժամանակին չի կարողացել արգելակել:

Continue reading →

– Հոգեւոր գործեր օֆշորային գոտում – «օֆշորային սկանդալի» կենտրոնում նաեւ Արարատյան Հայրապետական թեմի առաջնորդ Նավասարդ արք. Կճոյանն է…_­

– Փողերի լվացման հոգեւոր աշխարհը – Իտալիայում փողերի լվացման եւ հափշտակման մեղադրանքով ձերբակալվել է Վատիկանի եպիսկոպոսներից Նունցիո Սկարանոն…

 Հոգեւոր գործեր օֆշորային գոտում

Վերահսկիչ պալատի հայտարարություններից առաջ արդեն կար մեկ այլ մեծ աղմուկ՝ կապված «օֆշորային սկանդալ­ի» հետ:

Դա առնչվում է ինչպես պետական, այնպես էլ հոգեւոր ու գործարար շրջանակների հետ: Վարչապետ Տիգրան Սարգսյանը, Նավասարդ արք. Կճոյանը եւ Աշոտ Սուքիասյանը այդ 3 ոլորտների ներկայացուցիչներն են: Այստեղ կքննարկենք հոգեւոր ոլորտի մասնակցի հարցը, քանզի հոգեւորական խավը հաճախ է բողոքում անարդարությունից ու առավել հաճախ նվիրատվությունների քարոզ անում, ինչը շատերի մոտ արդեն վստահություն չի ներշնչում:

«Ասեկոսե» էլ.կայքի թղթակիցը Նոր Նորքի սբ. Սարգիս եկեղեցու բակում, պատարագին ժամանելիս, մոտեցել է եւ մի քանի հարց ուղղել այդ «օֆշորային սկանդալ­ի» կենտրոնում հայտնված Արարատյան Հայրապետական թեմի առաջնորդ Նավասարդ արք. Կճոյանին՝ նշելով որ իր անունը շրջանառվում է, որն արդեն բազում շահարկումների առիթ է տվել: «Կարող եմ ասել մի բան՝ 2 գործարարներ, իրենց հարաբերությունների ճշտման գործընթացում ներգրավել են ինձ եւ, ոչ ավել ոչ պակաս, երկրի վարչապետին, ընդ որում՝ առանց մեր իմացության, այս գործը համակողմանի ուսումնասիրման եւ բացահայտման կարիք ուն­ի»,- ասել է հոգեւորական պատասխանատուն: Ով զարմացել է, թե Աշոտ Սուքիասյանն իր հայտնի նամակում հայտնել է իբր Կիպրոսում Նավասարդ արք. Կճոյանի եւ ՀՀ վարչապետի անունով օֆշորային կազմակերպություն է գրանցել. «Ինձ համար մի պարզ ճշմարտություն կա՝ ես որեւէ մեկին երբեւէ չեմ լիազորել իմ անունն օգտագործել ինչ-որ կազմակերպություններ գրանցելիս: Ցավում եմ, որ հասարակության եւ լրագրողների մի հատված ամեն գնով փորձում է ինձ վերագրել մի բան, որի հետ որեւէ առնչություն չունեմ: Կարծում եմ՝ ավելի մանրամասն կզրուցենք մի այլ առիթի դեպքում»:

Continue reading →

Մեր փոստից. խոսում է հայ մարդը –

Ինչպես արտագաղթը փոխարինել ներգաղթով

Մեր իշխանությունները հերթական անգամ ապացուցեցին, որ անտարբեր են հայ ժողովրդի հոգսերի հանդեպ: Օրերս կառավարության եւ ԱԺ որոշ ներկայացուցիչներ կրկին հանդիպել են ՀՀ-ում ՌԴ դեսպանին եւ հայտնել իշխանությունների դժգոհությունը՝ Ռուսաստանի՝ Հայաստանի նկատմամբ տարվող միգրացիոն քաղաքականությունից: Նշվել է, թե մեր պետությունը հայաթափելու հատուկ ծրագիր է իրականացվում: Թվում է՝ իշխանություններն անչափ մտահոգ են, բայց «մարդասիրական» այս մտավախության իրական նպատակի կռահումը բնավ մեծ գիտելիքներ ու խորաթափանցություն չի պահանջում, նրանք պարզապես վախենում են, որ թեկուզ մասնակիորեն կզրկվեն հայրենիքում ձրի (այլ ոչ թե էժան) աշխատուժից:

Գուցե Երեւանում աշխատուժին վճարում են համեմատաբար փոքր-ինչ ավելի, քան մարզերում, բայց շրջաններում նախ աշխատանք չես գտնի, հետո, եթե անգամ մեծ ջանքերով ու ծանոթով կամ զանգերով ու կաշառքով մի գործ հայթայթես, ապա այդ աշխատանքի գերակշիռ մասը վարձատրվում է ամսական 50-60 հազար դրամով, որով ընտանիք պահելու համար պիտի աճպարար լինել (նվազագույն աշխատավարձն էլ դարձեցին 45 հազար՝ իբր բարելավելով ժողովրդի վիճակը): Մարդկանց հաճախ աշխատացնում են չարքաշ ու ստորացուցիչ պայմաններով, անգամ առանց շաբաթ-կիրակի հանգստյան օրերի, առանց այդ օրերին տրվող հավելավճարների: Այսպես տարիներով աշխատեցնում են առանց վճարովի արձակուրդների: Իսկ երբ մեկն ու մեկը համարձակվի ու պահանջի տալ հավելավճար՝ տոնական կամ շաբաթ-կիրակի օրերի, արտաժամյա աշխատանքների դիմաց, ապա անմիջապես սպառնում են հեռացնել աշխատանքից: Այն աշխատանքից, որ մի կերպ է ձեռք բերվել:

Continue reading →

– Հայը Հայաստանում է անգամ ապահայանում

– Դրսից խորհուրդ մի՜ տվեք

– Համաժողով՝ երիտքաղաքական եվրաօնանիզմով

– ԱԷՄԳ-ի հետ սերտացում՝ ի նպաստ նոր ՀԱԷԿ-ի

Հայը Հայաստանում է անգամ ապահայանում

Հուլիսի 1-ին ՀՀ սփյուռքի նախարար Հրանուշ Հակոբյանն ընդունել է ԱՄՆ-ի Գլենդեյլ քաղաքի քաղաքային խորհրդի անդամ Զարե Սինանյանին: Քննարկվել են առողջապահական, տնտեսական, հասարակական եւ այլ ոլորտների հարցեր:

Սփյուռքի նախարարը հյուրին ներկայացրել է նախարարության կողմից իրականացվող աշխատանքներն ու ծրագրերը, հրատարակած գրքերը: Մասնավորապես նշել է. «Խնդրում եւ միաժամանակ հորդորում եմ, որ ԱՄՆ-ի հայ համայնքում բոլորը խոսեն հայերեն, ձեւավորվի այնպիսի մթնոլորտ, որը նպաստի հայապահպանությանը: Կարեւոր է նաեւ, որ նոր ծնված երեխաների անունները լինեն հայկական: Ավելի ակտիվ մասնակցեք Սփյուռքի նախարարության իրականացվող ծրագրերին»:

Շատ լավ բաներ են ասվել իհարկե, եւ տրամաբանական է, որ Զարե Սինանյանը շնորհակալություն է հայտնել Հրանուշ Հակոբյանին՝ ջերմ ընդունելության եւ ԱՄՆ-ի հայ համայնքի հանդեպ մեծ ուշադրության համար:

Բայց հայազգի գործիչը մոռացել է (կամ էլ աչքի է ընկել ամերիկյան համեստությամբ) հայ նախարարին հիշեցնել, որ Հայաստան-հայրենիքում ապազգային ու անբարո երեւույթների, օտարադավանության եւ օտարալեզվության ախտը արդեն դուրս է եկել բոլոր սահմաններից (գրված եւ չգրված օրենքների)՝ խցկվելով մեր առօրյա կյանք, կրթօջախներ, զլմ-ներ, ամենուր տեղադրվող գովազդներ եւ այլուր:

Հայաստանում բացահայտ է խրախուսվում օտարախոսությունը, անգամ օտարալեզու դպրոցների բացման դեմ են պայքարում հայ մարդիկ հայրենիքում, էլ ու մնաց ոչ հայկական անունների դեմն առնել կարողանան:

Continue reading →

– Երկրապահը դեռ երկիր պահելու առաքելություն ունի

– Ազատամարտիկը սահմանի տեղը իմացողն ու այն հաստատողն է

…Այո, նմանները կան նաեւ այսօր, որ բանակի անվան տակ ինչպես նախկինում էին թալանով զբաղված, այնպես էլ դա անում են մինչեւ օրս: Եվ այս հարցերին պետք է առավել ուշադրություն դարձնել, եթե օրենքը սկսի գործել: Շուրջ 3 տասնյակ հազար կամավոր տղաներ եղան մարտադաշտերում 1989-1994թթ., բայց հարյուր հազարավոր «ազատամարտիկներ» ունենք: Պետք է վերջ դնել այս խեղկատակությանը եւ սին հերոսներին իրենց տեղը ցույց տալ: Սա եւ՜ արդար է, եւ՜ կնպաստի հետագայում էլ կամավորական հոծ խմբերի շարժ ակնկալել, ինչը մեզ դեռ խիստ անհրաժեշտ է լինելու…

Երկրապահը դեռ երկիր պահելու առաքելություն ունի

ԱԺ-ի քննարկումներոմ եւս նշվեց, որ ՀՀ գործող օրենսդրությամբ որեւէ կերպ սահմանված կամ առանձնացված չեն երիտասարդ սերնդի համար կյանքի ուղենիշ դարձած այնպիսի կարեւոր հասկացություններ, ինչպիսիք են՝ երկրապահը, կամավորականը կամ ազատամարտիկը: Այս պատվին արժանացած մարդիկ իրենց հայրենասիրությամբ, մտածելակերպով ու անձնազոհությամբ միշտ էլ բացառիկ դեր են ունեցել մեր պատմության մեջ: Եվ վստահաբար դեռ ունենալու են: ԱԺ պատգամավոր, ԵԿՄ վարչության նախագահ, գեներալ Մանվել Գրիգորյանի հեղինակած «Երկրապահ կամավորականների կարգավիճակի մասի­ն» օրենքի նախագիծը խորհրդարանի դատին ներկայացնելիս օրինագծի համահեղինակ Սամվել Ֆարմանյանը հայտարարեց. ՙԱմեն օր ենք մենք ականատես լինում, երբեմն նաեւ այս դահլիճում, երբ ինքնակայացման ճանապարհ է ընտրվում մարդկային, ստեղծարար, մասնագիտական որակներով իրենցից մի քանի գլուխ բարձր կանգնած մարդկանց անվանարկումը, երբ իրավիճակային, թվացյալ քաղաքական շահը սրբում-տանում է բոլոր սահմանները:

Այնպես որ՝ չպետք է բացառել, որ նմանաոճ գայթակղությունը վաղը կարող է ավելի հեռուն, այս անգամ վտանգավոր տեղ գնալ, եւ օրենքի նախագիծն անհրաժեշտ է մեզ բոլորիս եւ ոչ թե կամավորական ազատամարտիկներին՝ ճիշտ ուղու վրա պահելու մեր արժեհամակարգը՚:

Նշենք, որ այս օրինագծի հետ միասին ներկայացվել է նաեւ լրացում՝ «Զինծառայողների եւ նրանց ընտանիքների սոցիալական պաշտպանվածության երաշխիքների մասի­ն» օրենքում, որն արժանացել է կառավարության հավանությանը եւ ԱԺ Պաշտպանության, ներքին գործերի ու ազգային անվտանգության մշտական հանձնաժողովում դրական եզրակացություն է ստացել:

Continue reading →

– Հայկական խոհանոց – «Արվասար»-ի հազարով աղցան…

– Գյումրին պաշտոնապես ստանձնել է  ԱՊՀ մշակութային մայրաքաղաքի կոչումը

– Շաբաթվա մարզական կյանքից

Հայ Արիական Միաբանության պաշտոնական կայքը տրամադրում է գովազդային վահանակի տեղ:

– Հայ Արիական Միաբանության պաշտոնական կայքը (www.hayary.org) տրամադրում է գովազդային վահանակի տեղ…

– Կարդացեք եւ բաժանորդագրվեք «Լուսանցք» շաբաթաթերթ…

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

– «Արվասար»-ի հազարով աղցան

 Բաղադրությունը

Հազարի տերեւեր – 1 կապ

գազար – 1 հատ

տաքդեղ – 1 հատ

ընկույզ – 100 գ

չոր լավաշիկներ կամ աղի ձողիկներ – 50 գ

Continue reading →

Արյան արժեքը վերերկրային է

– Այսօր էլ կան ժողովուրդներ ու հանրույթներ, որ միայն ներընտանեկան ամուսնություններն են ընդունում: Իսկ այս իրողությունը հաճախ մեր որոշ «շատ կարդացածնե­ր» շփոթում են ներազգային ամուսնությունների հետ… Ո՜չ ու դարձյալ՝ ո՜չ: Ներընտանեկան եւ ներազգային հարթությունները տարաբնույթ են: Արարիչը մարդկանց հենց ազգային պատկանելությամբ է արարել, որ պահեն այն ու դրանով պահպանվեն…

Արյունախղծությունը հանգեցնում է գենետիկ երկվության, իսկ ամեն երկվություն իր հետ բերում է բազում մարմնական ու հոգեկան հակամարտություններ, որն էլ ավարտվում է քայքայիչ հիվանդությունների առաջացմամբ: Արյունակցական ամուսնությունները արգելակում են մարդու մարմնական, մտային ու հոգեւոր զարգացումը, ինչն էլ լրացուցիչ բարդություն է առաջացնում սերունդների հաջորդիվ կյանքերում:

«Լուսանցք»-ը բազմիցս անդրադարձել է ազգախեղման եւ գենաշեղման խնդիրներին, արյունապղծության եւ բազմալեզվության վտանգներին, հոգե-սեռամոլագարական վնասներին եւ այլաբնույթ հակամարդկային ու անբնական երեւույթների: Եվ ինչպես հայ արիների առաջնորդ Արմեն Ավետիսյանն է նշել, դրանց տարածումը կտրում է մարդուն իր բնական միջավայրից եւ բնազդական, բանական ու բնախոսական տիեզերահաս ընկալումներից ու հնարավորություններից:

Ինչպես այժմ, այնպես էլ հնում (օրինակ՝ հունական առասպելներում), որոշ երկրներում կամ հանրային շրջանակներում առկա էր սեռապղծության երեւույթը: Կրոնը եւ Հռեան քույր ու եղբայր էին, իսկ նրանց երեխաները՝ Զեւսն ու Հերան, ամուսնացան: Ընդ որում Զեւսը բռնաբարել էր իր մորը՝ Ռեային, իսկ նրա դստեր ամուսինն էր դարձել հարազատ եղբայրը:

Continue reading →

– Թուրքիայում ազգակցական ամուսնությունները 36% են կազմում – Կամ՝ կեղտոտ ամուսնական կապեր…

– Հակամարդը հասավ «երրորդ սեռ­ի» գոյությանը…

– Միասեռականների հաջողությունները ոգեշնչում են Եվրոպայի «յոթերորդ սեռի­ն» հավակնող մանկապիղծներին…

– Վատիկանը մանկապիղծների վերաբերյալ հաշվետվություն կտա…

– Անչափահասների հղիության հարցը՝ մտահոգիչ…

Թուրքիայում ազգակցական ամուսնությունները 36% են կազմում

Կամ՝ կեղտոտ ամուսնական կապեր

Կենդանական աշխարհում բազմիցս կարելի է հանդիպել այնպիսի դեպքերի, երբ «արյունակցական» կապեր ունեցող կենդանիները միմյանց հետ սեռական հարաբերությունների մեջ են մտնում: Մարդիկ, որպես կանոն, քննադատաբար են արտահայտվում արյունապղծություն կամ օտար բառով ինցեստ կոչվող երեւույթի մասին:

Աշխարհի շատ ժողովուրդների մոտ ազգակցական կապերի առկայության պարագայում սեռական կապերի արգելքը համարվում է բարոյականության եւ էթիկայի նորմա: Ավելին, ինչպես հայ արիներն են ասում՝ նաեւ բնականոն ուղղուց շեղում է դա, ինչը մարդուն ապամարդացնում է:

«Ինցեստ»-ն ինքնին լատիներենում նշանակում է կեղտոտ, անթույլատրելի:

Continue reading →

– Քաղաքական պոռնիկ ա՞նձը, թե՞ դիվանագիտական պոռնիկ պետությունը – Ըստ ծախու փաստաբանի՝ ինքն այն մարդն է, ով շան պես միշտ հաչում է…

Քաղաքական պոռնիկ ա՞նձը, թե՞ դիվանագիտական պոռնիկ պետությունը

Թվում է՝ երբեւէ չենք դադարի զարմանալ, թե ինչպես է հաջողվում մեր պետական այրերին ՀՀ հրավիրել տարաբնույթ տականքների ու ծախու լամուկների, ովքեր հայոց պետության բարձր ամբիոններից ցեխ են շպրտում Հայաստանի ու հայության վրա: Իհարկե, բարդ է բոլոր քաղաքական պոռնիկներին էն գլխից իմանալ, բայց չէ՞ որ դրա համար ունենք ԱԱԾ եւ ԱԳՆ բազմաթիվ կառույցներ, որոնք պարտավոր են գոնե երկիր հրավիրվածների ով լինելն արագ ճշտել: Իսկ Մոլդովայի խորհրդարանական փաստաբան Աուրելիա Գրիգորիուն համացանցի իր էջերում ադրբեջանցիների ոտքերը լվանում եւ դեռ այդ ջուրն էլ գովերգելով խմում էր երկար ժամանակ… Եվ դա պետք էր իմանալ:

ԱԺ-ում ընթացող «Իրավունքի գերակայության եվրոպական չափորոշիչները եւ իշխանությունների հայեցողության սահմանները Եվրոպայի խորհրդի անդամ երկրներու­մ» թեմայով համաեվրոպական խորհրդաժողովում հերթական խայտառակ դեպքը գրանցվեց: Նշյալ փաստաբանը «Մարդու իրավունքների պահպանումը եւ պաշտպանությունը «սառեցված հակամարտություններ­ի» տարածքում» թեմայով զեկույցի ժամանակ, անդրադառնալով արցախա-ադրբեջանական հակամարտությանը, ադրբեջանալիզական տեսակետներ արտահայտեց. «Հայաստանը գրավել է Ադրբեջանի տարածքների 20%-ը՝ ադրբեջանցիների նկատմամբ իրականացնելով ցեղասպանություն», եւ որ «Խոջալուի ցեղասպանությունն իրականացրել են հայերը, ինչն այլեւս միջազգայնորեն ճանաչված փաստ ­է»: Սույն ադրբեջանամետ քաղաքական պոռնիկը մեր պետությաանը որակեց որպես ագրեսոր երկիր: Մինչեւ մանրամասներին անդրադառնալը, նշենք, որ այդ, այսպես ասած տիկնոջ ելույթից հետո, խորհրդաժողովի մասնակիցներից ոմանք ծափահարեցին:

Continue reading →

– Վրաստանի եւ Ռումինիայի դեսպանատան աշխատակիցները պետք է արտաքսվեն Հայաստանից

…Լավ չի չէ՞ բատոնո Կանդելակի, երբ ձեր թշնամու պատճառով ձեր երկրում ձեզ դատապարտում են: Իսկ երբ մեր երկրում մեր թշնամու գովքն անելուց հետո՝ ոմն մի վրացի ոմն մի մոլդավացու է սատարում, դա՞ ինչ է կոչվում…

– ԵԽԽՎ ամբիոնից՝ հայերի պատմական հայրենիքի վերադարձի հարցը…

…Ուստի ինքնապաշտպանական նպատակներով անհատական եւ խմբակային իրավունքների պաշտպանությունը հայերի համար միակ հիմնական ճանապարհն է վերադարձնել պատմական հայրենիքը՝ Արեւմտյան Հայաստանն ու Կիլիկիան…

Վրաստանի եւ Ռումինիայի դեսպանատան աշխատակիցները պետք է արտաքսվեն Հայաստանից

Քաղաքագետ Լեւոն Մելիք-Շահնազարյանը հայտարարել է, որ «Հայաստանում Վրաստանի ու Ռումինիայի դեսպանատան աշխատակիցներին, ովքեր մասնակցություն էին ունեցել Ադրբեջանի եւ Մոլդովայի օմբուդսմեն Աուրելիա Գրիգորիուի կողմից կազմակերպած կեղտոտ բեմադրության մեջ, պետք է արտաքսել երկրի­ց»: Այդ մարդիկ չէին կարող չիմանալ, որ մասնակցում էին մեր երկրի դեմ ուղղված քաղաքական ակցիայի, այն երկրի, որտեղ նրանք իրականացնում են իրենց դիվանագիտական առաքելությունը: Եթե նրանք իսկապես այդ փաստաբանի ճակատագրի համար անհանգստանալու հիմքեր ունեին, ապա կարող էին դիմել Հայաստանի իրավապահ մարմիններին, այլ ոչ թե այնպիսի արարք գործեին, որն անհնար է չորակել «որպես գաղափարական դիվերսիա»: Դիվանագետները իրենց չեն կարող թույլ տալ նման անկիրթ քայլեր, ուստի կարծում եմ, որ նման գործելակերպի համար նրանք ինչ-որ մեկի կողմից շռայլորեն վճարվել են:

Continue reading →