«Խոջալու»-ն փորձում են «ընդդիմախոս» դարձնել Սումգայիթին, Բաքվին, Շահումյանին եւ …

Posted on by Hayary

ՀՀ ՊՆ Ազգային ռազմավարական հետազոտությունների ինստիտուտի փոխտնօրեն Վահրամ Տեր-Մաթեւոսյանը փետրվարի վերջերին Խոջալուի իրադարձություններին նվիրված հանրային դասախոսություն է ներկայացրել Կալիֆորնիայում գտնվող Բերքլիի համալսարանում: Իր ելույթում նա նշել է, որ Խոջալուն Ադրբեջանի հակահայկական քարոզչության առանցքն է եւ ներկաներին անհրաժեշտ տեղեկություններ է տրամադրել Խոջալուի իրադարձությունների վերաբերյալ, ներկայացրել ռազմական կրակակետերի վերացման մարտական գործողության մանրամասները եւ ադրբեջանական կողմի գործողությունները, որոնց հետեւանքով Աղդամի մատույցներում ադրբեջանցի գրոհայինների կողմից սպանվեցին ու հետագայում մորթազերծ արվեցին Խոջալուից գաղթած թուրք-մեսխեթցիները: Նաեւ մեջբերումներ են արվել այդ օրերի ադրբեջանական ու թուրքական իշխանությունների հրապարակային հայտարարություններից, որոնք վկայում են, որ 1992թ. փետրվարին ադրբեջանական զորքերի վերահսկողության տակ գտնվող տարածքում իրականացված սպանդը Ադրբեջանի ներքաղաքական վերադասավորումների համատեքստում կազմակերպված սադրանք է:
Continue reading →

Կարեւորենք, բայց չարժեւորենք

Posted on by Hayary
Ըստ թուրքական լրատվամիջոցների, Հայոց ցեղասպանության N252 բանաձեւի ընդունման հավանականությունը մեծ է: Վաշինգտոնի եւ Անկարայի միջեւ լարվածությունը հետզհետե սրվում է: Զլմ-ների կարծիքով, թեեւ ԱՄՆ Ներկայացուցիչների պալատի 46 անդամների մի մասն առայժմ չի կողմնորոշվել բանաձեւը սատարելու կամ մերժելու հարցում, այդուամենայնիվ, Հայոց ցեղասպանությունը դատապարտող բանաձեւի ընդունման հավանականությունը մեծ է:
Վաշինգտոնում թուրքական կողմը լոբբիստական գործունեություն է ծավալել: Մասնավորապես, Թուրքիայի մեջլիսի Արտաքին հարաբերությունների հանձնաժողովի նախագահ Մուրաթ Մերջանը հանդիպումներ է անցկացնում Սպիտակ տան ներկայացուցիչների ու կոնգրեսականների հետ` փորձելով ամերիկացի օրենսդիրներին հետ պահել հիշյալ բանաձեւի ընդունումից: Գործում են նաեւ ԱՄՆ-ի թուրքական կազմակերպություններն ու միությունները:

Continue reading →

Վրաստանի մայրաքաղաքում ուժեղ փոթորիկ է

Posted on by Hayary
Թբիլիսիի քաղաքապետարանի արտակարգ իրավիճակների ծառայությունը քաղաքում արտակարգ դրություն է հայտարարել եւ բնակիչներին խորհուրդ տվել մնալ տներում:
Քաղաքի տարբեր մասերում փոթորիկը արմատախիլ է անում ծառերը, պոկում բարձրահարկ շենքերի տանիքները եւ այլ վթարների պատճառ դառնում:
Վրաստանի օդերեւութաբանական ծառայությունը հաղորդել է, որ քամու ուժգնությունը հասնում է 33 մ/վ-ի: Ըստ հետազոտությունների, քամին շուտ կդադարի, սակայն ոչ կայուն եղանակը կպահպանվի մինչեւ մարտի 7-ը:

Continue reading →

Վերին Լարսը` որպես հակակշի՞ռ

Posted on by Hayary


Վերջապես բացվել է Վրաստանի եւ եւ Ռուսաստանի միջեւ միակ ցամաքային՝ Վերին Լարսի անցակետը, որը փակ էր 2006թ.-ից: Մարտից նոյեմբեր ժամանակահատվածում անցակետը կգործի ժամը 06:00-ից մինչեւ 22:00, իսկ մյուս ամիսներին՝ 07:00-ից մինչեւ 19:00-ը:
Վերին Լարս անցակետով կկարողանան անցնել միայն ավտոտրանսպորտային միջոցները: Անցակետի բացումը հատկապես շահեկան է Հայաստանի համար, քանի որ այն օգտագործվում է մեր երկիր բեռների փոխադրման համար:
Անցակետի փակումից ի վեր Հայաստանի եւ Ռուսաստանի միջեւ բեռնափոխադրումները իրականացվում են Փոթի-Նովոռոսիյսկ ճանապարհով:

Continue reading →

«100-ականների» «100 քայլ»-ը կտանի դեպի կործանում

Posted on by Hayary
ՀՀՇ-ն հերթական խա՞ղն է սկսել

Հայ ազգային կոնգրեսը հրապարակային քննարկման է ներկայացրել սոցիալ-տնտեսական քաղաքականության համակարգային վերափոխման «100 քայլ» ծրագիրը, որի հիմնական նպատակն է Հայաստանում ստեղծված տնտեսական համակարգի արմատական վերափոխումը եւ ժողովրդի գործուն մասնակցությամբ կայուն զարգացման տնտեսության ստեղծումը:

Continue reading →

Քաղաքական խաբկանք, որ միջակություն է ենթադրում

Posted on by Hayary
Կամ` Վարազդատ Տերոյանը դեմոկրատիայի մասին

Մարդկությունը քաղաքականության ասպարեզում մշտապես ձգտել է ազատության: Քաղաքական պատմությունը ներկայացվել եւ ներկայացվում է որպես բռնության եւ ազատության անհաշտ պայքար: Մեր օրերում եւս, թերեւս ավելի ուժգին, քաղաքական, հասարակական, մշակութային գործիչների մեծամասնությունը, օգտագործելով յուրաքանչյուր հարմար առիթ, բարբառում են ազատությունից՝ խոսքի, ձայնի, խղճի եւ այլն: Դեմոկրատիան համարվել եւ համարվում է բարձրագույն իդեալ, որին ընդհանրապես կարող է հասնել մարդկությունը, իսկ քաղաքական գործչի համար մասսայական հարգանք եւ պատիվ վայելելու լավագույն գրավականն է ներկայանալ որպես դեմոկրատիայի պաշտպան եւ մարտիկ:

Continue reading →

Եկեղեցին` խավարի նոր օջա՞խ

Posted on by Hayary
Հայկական ճարտարապետությունն ուսումնասիրող կազմակերպության տնօրեն, հուշարձանագետ Սամվել Կարապետյանը կառավարության ընդունած հերթական մի որոշման դեմ այսպես արտահայտվեց. «…Անիմաստ, անտրամաբանական եմ համարում նոր եկեղեցու կառուցումը»: Ըստ կառավարության որոշման, «Մոսկվա» կինոթատրոնի ամառային դահլիճի շենքի զբաղեցրած հողատարածքը անհատույց՝ սեփականության իրավունքով պետք է օտարվի Մայր Աթոռ Սուրբ Էջմիածնին՝ նախկինում խորհրդային իշխանության կողմից քանդված Սուրբ Պողոս-Պետրոս եկեղեցու տեսքով համապատասխան տեղում նոր եկեղեցի կառուցելու համար:

Continue reading →

Շաբաթվա մարզական կյանքից

Posted on by Hayary
3-ը՝ աշխարհի գավաթի խաղարկությունում
Իրանի Յազդ քաղաքում ավարտված երիտասարդ սուսերամարտիկների աշխարհի գավաթի խաղարկության հերթական փուլի մրցաշարում գյումրեցի ճկասուսերակիր Արմենակ Գասպարյանը հաղթանակներ տոնեց նախնական փուլում եւ մտավ գլխավոր փուլ ու գրավեց մրցանակային 3-րդ տեղը: Հայաստանի մյուս ներկայացուցիչները, դատարկաձեռն են վերադարձել հայրենիք:

Continue reading →

Հայտարարություն ԱՄՆ արտաքին հարաբերությունների պալատի վճռի մասին

Posted on by ՀԱՄ
Հայ ազգայնականների համախմբման (ՀԱՀ) խորհուրդը ողջունում  է ԱՄՆ-ի Ներկայացուցիչների պալատի արտաքին հարաբերությունների հանձնաժողովի որոշումը՝ քվեարկությամբ ընդունած թիվ 252 բանաձեւը, որով կոչ է արվում ԱՄՆ-ի նախագահին միջոցներ ձեռնարկել, որպեսզի պետության արտաքին քաղաքականությունը հստակեցվի եւ ըմբռնում ցուցաբերվի այն հարցերում, որոնք վերաբերում են մարդու իրավունքներին, էթնիկ զտումներին եւ նմանօրինակ իրադարձություններին, այդ թվում՝ կարեւորվել է Հայոց ցեղասպանությունը ճանաչելու հարցը:

Երկար տարիներ Հայոց ցեղասպանության ճանաչման ու դատապարտման խնդիրը տարաբնույթ քննարկումների է ենթարկվում աշխարհի պետությունների օրենսդիր եւ գործադիր մարմիններում: Ավելի քան 20 պետություններ եւ միջազգային կազմակերպություններ են ճանաչել ու դատապարտել 1915-1923թթ. Արեւմտյան Հայաստանի (ներկայումս՝ Թուրքիայի) տարածքում 1,5-3 մլն հայերի նկատմամբ իրականացված ցեղասպանությունը, որի պատճառով հայությունը կորցրեց իր հայրենիքի մեծ մասը եւ ազգային դիմադրության բոլոր հնարավորությունները:

Continue reading →

Զորավար (Ռազմավար)

Posted on by Hayary

 

 

Ստեղծվել է «Զորավար» (Ռազմավար) անվանումով խաղը, որը պատկանում է աշխարհում լայն տարածում ստացած  «Ռազմական խաղերի» (,,Warning Game,,) դասին: Այս եւ նմանատիպ խաղերը կգան լրացնելու հաճելի եւ օգտակար, նաեւ մտածելու կարողություններ ստեղծող խաղերի շարքը՝ հայարիականության համապատասխան ոլորտում:

Continue reading →

Լուսանցքի թիվ 138-Ի հոդվածները

Posted on by Hayary

Continue reading →

Արցախյան շարժման 22-րդ տարում

Posted on by Hayary
1988թ. փետրվարի 18-ը` պատմական ու բեկումնային տարեթիվ
Երբ անգամ պատմակեղծարար Ադրբեջանը չի կարողանում թաքցնել ճշմարտությունը
Ելնելով միջազգայնորեն այդքան արծարծվող մարդու իրավունքների համընդհանուր սկզբունքներից, ինչպես նաեւ «Ցեղասպանություն հանցանքը կանխելու եւ այդ հանցանքի համար պատժելու մասին» ՄԱԿ-ի 1948թ. դեկտեմբերի 9-ի կոնվենցիայի դրույթներից, հաշվի առնելով նաեւ այն, որ ներկայիս Հայաստանի Հանրապետությունը Հայոց ցեղասպանության զոհվածների ու տուժածների ժառանգորդն է (իհարկե, առանձին դիտարկվում է նաեւ սփյուռքահայության հանգամանքը, քանզի սփյուռքն ինքը Հայոց ցեղասպանության հետեւանք ու ծնունդ է), ստանձելով Հայ Դատի օրինական տիրոջ (պետական կարգավիճակով) պարտականությունները, Երեւանում պետք է ստեղծել Ազգային համաձայնության հանձնաժողով (ԱՀՀ)՝ Հայ Դատի համապարփակ (այդ թվում՝ Արցախ-ԼՂՀ կարգավիճակի լուծման) խնդիրներով զբաղվելու համար:

Continue reading →

Հայոց ցեղասպանությունը` առանցքային հարց հայ-թուրքական կոչված արձանագրություններում

Posted on by Hayary
Թուրքիայի եւ Իսրայելի շահերը…
Թուրքական թերթերը նշել են, որ թեեւ Թուրքիայի ու Իսրայելի հարաբերությունները վերջին շրջանում աննախադեպ լարվածության են հասել, այնուամենայնիվ, երկու երկրների արտգործնախարարությունների միջեւ օրերս առաջին անգամ խորհրդակցություններ են տեղի ունեցել կովկասյան եւ ռուսական թեմաներով:
Իսրայելի ԱԳՆ Եվրասիայի հարցերով խորհրդականի օգնական, Թուրքիայում Իսրայելի նախկին դեսպան Փինհաս Ավիվին, անդրադառնալով այդ խորհրդակցություններին, Հայոց ցեղասպանության վերաբերյալ մասնավորապես ասել է. «Մեր պաշտոնական դիրքորոշումը չի փոխվել: Դա մի հարց է, որը պետք է լուծվի միայն Հայաստանի եւ Թուրքիայի միջեւ»:

Continue reading →

Դատի տվո՜ղն ո՞վ է

Posted on by Hayary
Ռ. Քոչարյանի դեմ պատրաստված նյութերը 2-3 շաբաթվա ընթացքում ՀԱԿ-ը կուղարկի Հաագայի դատարան. օրերս լրագրողների հետ հանդիպման ժամանակ ասել է ՀԱԿ ներկայացուցիչ Դավիթ Շահնազարյանը: Ներկայացվելիք հայցի ծավալը 400 էջ է: Նախկինում Դ. Շահնազարյանն ասել էր. «Մեղադրական եզրակացությունը, ինչպես նաեւ հավաքված ստորագրությունները, ոչ միայն մարտի 1-ին Ռ. Քոչարյանի՝ մարդկության դեմ կատարած հանցագործությունների համար են, այլեւ 10 տարվա գործունեության հանցագործությունների մասին են»:

Continue reading →

Ջավախքում արտագաղթի խնդիր կա

Posted on by Hayary
Ջավախքահայության իրավունքների պաշտպանության համակարգող խորհրդի նախաձեռնությամբ վերջերս կազմակերպվել էր «Սամցխե-Ջավախք-Ծալկա տարածաշրջանի հայապահպանությունը եւ ջավախահայության իրավունքների պաշտպանությունը» թեմայով սեմինար-քննարկում:
Միջոցառմանը զեկուցումներով հանդես եկան ԱԺ պատգամավոր Շիրակ Թորոսյանը, ԳԱԱ պատմության ինստիտուտի տնօրեն Աշոտ Մելքոնյանը, «Նորավանք» ԳԿՀ փորձագետ Թամարա Վարդանյանը, «Միտք» վերլուծական կենտրոնի փորձագետ Հրանտ Մելիք-Շահնազարյանը եւ փորձագետ Ռոբերտ Թաթոյանը:

Continue reading →