Category Archives: Հոդվածներ

Այս բաժնում տեղադրվում են Հայ Արիական Միաբանության գաղափարախոսությանը համահունչ հոդվածներ ու վերլուծականներ:

Թուրքական պատմակեղծարարության տարածումը ՀՀ-ում

Posted on by Hayary
Վերջին ամիսներին հայ-թուրքական հարաբերությունների վերաբերյալ հատուկ ուշադրություն են դրսեւորում Տնտեսական եւ սոցիալական հետազոտությունների թուրքական հիմնադրամն ու հատկապես նրա աշխատակից Այբարս Գյորգյուլյուն: Նա մասնակցել է Երեւանում տեղակայված Կովկասյան ինստիտուտի՝ Ստամբուլում 2008 թ. օգոստոսի 1-4-ին կազմակերպած «Կովկասյան հարեւանություն. Թուրքիան եւ Հարավային Կովկասը» կոնֆերանսին եւ այնտեղ զեկուցում կարդացել «Թուրքիա-Հայաստան հարաբերությունները. հավիտենական փակուղի՞» վերնագրով (ի դեպ, էջատակի ծանոթագրությամբ հայտնվում է, թե այս զեկուցման որոշ մասեր նախապես հրապարակվել են (էջ 124)՝ առանց հստակեցնելու, թե դրանք որտե՞ղ եւ ե՞րբ են հրապարակվել):

Continue reading →

Հիշեցնող հուշաքարեր

Posted on by Hayary
Սանկտ-Պետերբուրգում բազմաթիվ եկեղեցիներ կան, սրանք կառուցվել են տարբեր ժամանակներում, եւ յուրաքանչյուրն ունի կառուցման իր պատմությունը: Ռուսական ուղղափառ քրիստոնեական հավատքի բազմաթիվ մեծ ու փոքր շքեղաշուք կառույցների թվում կա մեկը, որն առավել ուշագրավ ու հետաքրքիր է իր կառուցման, տեղի ընտրության պատմությամբ ընդհանրապես, եւ մասնավորապես մեզ՝ հայերիս համար: Ասենք, որ նմանատիպ կառույցների եւ, ընդհանրապես, անվանումները կառուցողների, հովանավորների եւ այլոց մասին տեղեկություն տալիս են մուտքի մոտ, պատերին փակցված տարբեր ձեւի եւ չափերի վահանակները:

Continue reading →

Սպորտային լուրեր

Posted on by Hayary
Շաբաթվա մարզական կյանքից

Դարչինյանը պահպանեց տիտղոսը
WBA/WBC վարկածով աշխարհի չեմպիոն, թեթեւ քաշային կարգի պրոֆեսիոնալ բռնցքամարտիկ Վիկ (Վախթանգ) Դարչինյանը հաջողությամբ պաշտպանեց իր տիտղոսը: Կալիֆոռնիայի նահանգի Ռանչո Միրեջ քաղաքում կայացած մրցամարտում հայ բռնցքամարտիկը մաքուր հաղթանակ տարավ մեքսիկացի Թոմաս Ռոխասի նկատմամբ՝ վերջինիս նոկաուտի ենթարկելով 2-րդ ռաունդում: Մինչ այս մենամարտը Դարչինյանը հեշտությամբ հաղթել էր Ռոխասին նոկաուտի ենթարկած Խորխե Արսեին:
Մեր բռնցքամարտիկի հետ կրկին ցանկանում է մենամարտել ֆիլիպինցի Նոնիտո Դոյերը, ով միակ թեթեւ քաշային բռնցքամարտիկն է, ում հաջողվել է հաղթել Վիկին՝ 2007թ.-ին: Վ. Դարչինյանն այս անգամ էլ հանդես եկավ հայկական եռագույն դրոշի ներքո` արժանիորեն ներկայացնելով մեր երկիրը:

Continue reading →

Իշխող գաղափարն ու կրո՞նը, թե՞ եկող` վերածնվողը

Posted on by Hayary
Հայ գաղափարախոսական ոլորտում մերթընդմերթ անդրադարձ է արվում ազգայնական բնագավառին, հատկապես` Գարեգին Նժդեհի ցեղակրոն ուսմունքին: Հետաքրքիր է, որ ամեն մի կրոնի կամ գաղափարի հետեւորդ գրեթե միշտ, նախեւառաջ, տեսնում է իր կրոնն ու գաղափարը, հետո միայն՝ ազգն ու ազգայինը (էլ չասենք՝ ազգայնականը): Եվ սա «տրամաբանական» է, քանի որ մեզանում առկա գաղափարների եւ կրոնների մեծամասնությունը ներմուծովի են եւ ծառայում են համաշխարհայնացման (գլոբալիզացիայի) նպատակներին: Եվ միայն ազգայնական ոլորտում է կարեւորվում նախեւառաջ ազգը, հետո մարդը` որեւէ գաղափարի կամ կրոնի հետեւորդ մարդը: Այսպես է նաեւ հայոց հին արիադավան հավատում:

Continue reading →

Քրիստոնեական ծուլությունը, մեր վարչապետը եւ մեր աճող «տոնական» օրերը

Posted on by Hayary
Հայտնի իրողություն է՝ աշխատասիրությունը, աշխատանքով հացը վաստակելը, հողածինների՝ բնության ամենապասիվ տարերքն ունեցողների կրոնի՝ հուդայականության կողմից մերժելի վարք ու բարք է: Դա այդպես է նաեւ այդ կրոնի մի՝ աղանդավորական՝ ճյուղ քրիստոնեությունում: Ասվածը քրիստոնեական սուրբ գրքով՝ Նոր կտակարանով հիմնավորենք:
– Այդ գրքում Հիսուսի՝ իր աշակերտներին պատգամած գլխավոր աղոթքը «Հայր մեր»-ն է, որի սկզբունքներից մեկը «Հաց տուր մեզ հանապազօր»-ն էլ, որը քրիստոնյաները հա՜ կրկնում են իրենց մեռելաթաղումների ժամանակ անգամ: Ասել է թե՝ քրիստոնեության հիմնադիրը իր աշակերտներին ու հետեւորդներին հորդորում է հա՜ հաց մուրալ, առանց դա ձեռք բերելու համար աշխատելու:

Continue reading →

Կառավարությունն ինքն իր վրա «մուննաթ» եկավ

Posted on by Hayary
Կառավարության երեկվա նիստում ֆինանսների նախարար Տիգրան Դավթյանը ներկայացրեց 50% եւ ավելի պետական մասնակցությամբ առեւտրային կազմակերպություններում վերստուգող հանձնաժողովների 2008թ. գործունեության նկատմամբ հսկողության արդյունքները: Այս ուսումնասիրությունը հետաքրքրական չէր լինի, եթե չվերաբերեր պետական կառավարման հատվածին: Կառավարությունը զեկույցը լսեց ու ինքն էլ իր վրա «մուննաթ» եկավ, թե պետական մասնակցությամբ ձեռնարկությունները լավ չեն աշխատում: Սա էլ հո մասնավոր ներդրողի մեղքը չէ՞, էհ, լավ կառավարեք, թող լավ աշխատի:
Բայց ավելի հետաքրքիրն այն է, որ սրանով պետությունը հող է նախապատրաստում ապապետականացնելու այն ընկերությունները, որոնք քիչ թե շատ պետական են մնացել: Ու պատճառաբանությունը մեկն է՝ պետությունը լավ կառավարիչ չէ:

Continue reading →

Արցախն իմ հայրենիքն է

Posted on by Hayary


Նոյեմբերի վերջերին Արցախում էին գտնվում Վրաստանից (Թբիլիսիից, Ջավախքից, Աջարիայից) ժամանած տարբեր հայկական երիտասարդական միությունների ներկայացուցիչներ: Նպատակը մասնակցությունն էր «Արցախն իմ հայրենիքն է» երիտասարդական համաժողովին, որը նախաձեռնել էր «Հայկի Սերունդ» հկ-ն՝ ԼՂՀ մշակույթի եւ երիտասարդության հարցերի նախարարության հետ համատեղ:
Այցը ամրապնդեց նաեւ համագործակցությունը Արցախի եւ վիրահայ համայնքի երիտասարդական կազմակերպությունների միջեւ: Ծանոթանալով Արցախի առօրյային ու խնդիրներին` վիրահայ երիտասարդները ավելի կազմակերպված կպաշտպանեն Արցախի շահերը Վրաստանում: Այցը կրում էր ինչպես գործնական, նույնպես եւ պատմաճանաչողական բնույթ: Երիտասարդներին ընդունել է ԼՂՀ մշակույթի եւ երիտասարդության հարցերի նախարարը:

Continue reading →

ԻԻՀ-ՌԴ «սառեցում». ո՞րն է ելքը

Posted on by Hayary
ԻԻՀ Զինված ուժերի բրիգադային գեներալ Մուհամմեդ Հասան Մանսուրիան «Իռնա» գործակալությանը հայտնել էր, որ Իրանը կարող է դատական հայց ներկայացնել Ռուսաստանի դեմ, եթե Մոսկվան չկատարի Իրանի C-300 զենիթային համակարգեր մատակարարելու իր պարտավորությունը: «Ռուսներն իհարկե գտնվում են սիոնիստական լոբբիի եւ ԱՄՆ-ի ճնշման տակ, դրա համար էլ հրաժարվում են կատարել իրենց պարտավորությունը: Բայց, քանի որ Իրանի եւ Ռուսաստանի միջեւ կնքվել է պաշտոնական համաձայնություն, Թեհրանը կարող է արդարության հասնել միջազգային դատարանի միջոցով»,- հայտարարել է Մանսուրիան, ով ԻԻՀ հակաօդային պաշտպանության զորքերի հրամանատարի տեղակալն է:

Continue reading →

Մեր փոստից. ամենայն պարզությամբ

Posted on by Hayary
Կորած ներդաշնակության հետքերով

5 տարի առաջ ուսանում էի Ռուսաստանի Նիժնի Նովգորոդ քաղաքում գործող «Մարդու Էկոլոգիայի Ակադեմիա» կոչվող ուսումնական հաստատությունում:
Դասերից մեկի ժամանակ ռեկտոր Լոբանովը հնչեցրեց ոչ հազվադեպ հանդիպող կարծիք, որ «վայրագ հայրիշխանական արիացիները» զավթեցին մայրիշխանական Հնդկաստանը, եւ տիրող ներդաշնակ կարգերը գլխիվայր շրջեցին:
Ստիպված եղա նրա խոսքը ընդհատել, որ դա լոկ պիատրովսկի-դյակոնովական տեսակետ է, եւ որ Արիների մոտ հայրիշխանություն կոչվածը չի եղել:
Նա հարցրեց.

Continue reading →

Ազգայնականները «ազգի մորթը» չեն շահարկում

Posted on by Hayary
Դեկտեմբերի 1-ին «Էրեբունի» բիզնես-կենտրոնում կայացավ «հայ-թուրքական արձանագրությունների» դեմ պայքարող քաղաքական եւ հասարակական ուժերի հերթական հավաքը: Նախաբանում նշվեց, որ այդ արձանագրությունների վավերացման դեմ ուղղված հավաքից առաջ ԱԺ ՀՅԴ խմբակցությունը, օգտվելով իր իրավունքից, հարցապնդում է ներկայացրել մեր կառավարությանը՝ պարզելու, թե ինչպես է կառավարությունն իրականացրել հայ-թուրքական հարաբերությունների կարգավորման ամբողջ գործընթացը՝ պահանջելով բոլոր այն փաստաթղթերն ու հիմնավորումները, որոնք ցույց են տալիս, թե ինչպես է սկզբից մինչեւ վերջ կատարվել գործընթացը: Պատասխանը ՀՅԴ-ին չի բավարարում, եւ մոտակա քառօրյայում այս հարցն ԱԺ-ում կքննարկվի:

Continue reading →

Կոմունիստական ներկայով «պահպանողական» համագումարը

Posted on by Hayary
ՀՀԿ 12-րդ համագումարն ավարտեց աշխատանքը: Սա իշխող կուսակցության հերթական նախապատրաստական փուլն էր՝ լուրջ ռազմավարական ծրագրերից առաջ, որոնցից մեկը՝ հայ-թուրքական արձանագրությունների հարցն է: Վերջում նորընտիր գործադիր մարմինը կարճ նիստ հրավիրեց, որից հետո հրապարակվեցին ՀՀԿ խորհրդի 103 անդամների անունները: Մինչեւ ՀՀԿ համագումարի ավարտը ՀՀ նախագահը հանդես եկավ կարճ ելույթով: Նա նշեց, որ համագումարի սկզբում հնչեցրած ելույթում անդրադարձել է ՀՀ առկա խնդիրներին եւ մարտահրավերներին:

Continue reading →

Թուրքիայի նման պետությանը չենք կարող ինչ-որ բան ստիպել

Posted on by Hayary
«Հայ-թուրքական հարաբերությունների հաստատումով որեւէ կերպ չի խոչընդոտվելու ցեղասպանության խնդրի ճանաչմանը հետապնդելու քաղաքականությունը: Դեռ ավելին՝ դա նոր հնարավորությունն է տալու, որպեսզի Թուրքիայում հնարավոր լինի բացախոսության մթնոլորտում բարձրացնել այդ հարցի քննարկումը եւ թուրք հասարակությանը պատրաստել, որպեսզի նա կարողանա բաց աչքերով նայել իր անցյալին եւ ընդունել իր երկրում տեղի ունեցած ողբերգության պատճառները եւ փորձել նաեւ այդ հետեւանքների հետ կապված խնդիրները կարգավորել»,- լրագրողների հետ հանդիպմանը ասաց ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը:

Continue reading →

Արցախի հարցը վերստին վեր է հանվում

Posted on by Hayary
Հունաստանի մայրաքաղաք Աթենքում ավարտվեց Եվրոպայում անվտանգության եւ համագործակցության կազմակերպության արտգործնախարարների խորհրդի 17-րդ նստաշրջանը, որին մասնակցեց նաեւ մեր երկրի պատվիրակությունը՝ ԱԳ նախարար Էդվարդ Նալբանդյանի գլխավորությամբ: Նստաշրջանին մասնակցեցին ԵԱՀԿ անդամ 56 երկրների արտաքին քաղաքական գերատեսչությունների ղեկավարներ, ինչպես նաեւ՝ շուրջ 2 տասնյակ միջազգային կազմակերպությունների բարձրաստիճան ներկայացուցիչներ:

Continue reading →

Հայոց քրմերը եւ նրանց զավակները 301թ. Հայրենական մեծ պատերազմում

Posted on by Hayary


«Հայ» պատմիչ-պատմագետների պատմություններից իր տարրական պատմազգացողությունը կորցրած ընթերցողին հասկանալի լինելու համար բացատրեմ, թե ինչի մասին է խոսքը:
297թ. Հռոմի եւ Պարսկաստանի միջեւ կնքված Մծբինի հաշտության պայմանագրից անմիջապես հետո Տրդատ Գ-ն Հռոմի Դիոկղետիանոս կայսեր կողմից Արշակունյաց թագը ստանալով՝ հռոմեական զորքերով վերադառնում է Հայաստան, այստեղի հռոմեասեր ուժերի օգնությամբ հաղթում է պարսկական զորքերին ու նրանց օժանդակող հայկական ուժերին՝ այդպես Հռոմի հովանու ներքո վերականգնելով Արշակունյաց թագավորական դինաստիան: Տրդատի՝ Հռոմից բերած բանակը հիմնականում համալրված է լինում ծպտված քրիստոնյաներով, որոնց գլխավորն է լինում Գրիգորիսը՝ թագավորի գրագիրը: Սրանցով թեւավորված՝ ակտիվանում են երկրում գտնվող ծպտյալ ջհուդ, ասորի եւ մյուս այլածին քրիստոնյաները:

Continue reading →

Պատմագրություն եւ ճշմարտություն

Posted on by Hayary
Ինձ միշտ մտատանջում էր մի հարց. ոչ մի քրիստոնեական պետությունում մինչքրիստոնեական մշակույթը չոչնչացվեց, իսկ Հայաստանում հրի ու սրի ճարագ դարձավ ամեն ինչ՝ տաճար, մեհյան, մատյան: Հավելենք մարդկային զոհերը: Ինչու՞:
Հարցի պատասխանը ստացա Համլետ Դավթյանի «Մեզ անծանոթ Վարդանանց պատերազմը» գրքում: Այն լոկ հրապարակախոսական-փաստագրական աշխատություն չէ: Հ. Դավթյանը համարձակորեն (ես կասեի՝ նաեւ ըմբոստությամբ) համարձակվել է բացել հայ առաքելական եկեղեցու 1700-ամյա իրական դեմքը քողարկող սեւ վարագույրը եւ խորաթափանց գիտնականի հմտությամբ բացահայտել նրա անցած` հիմնականում պետականակործան ու ազգադավ ճանապարհը:
Հ. Դավթյանից առաջ էլի եղել են պատմաբաններ, ովքեր մասնակիորեն քննդատել են եկեղեցուն (իսկ խորհրդային ժամանակաշրջանում նույնիսկ քարկոծել ու դատապարտել են), սակայն ինչ -ինչ պատճառներով խուսափել են (կամ վախեցել են)  գրել իրական պատմությունը: Այս առումով «Մեզ անծանոթ Վարդանանց պատերազմը» գիրքը բացառիկ արժեք է: Հեղինակը գրում է. «Հայ ժողովրդի պատմությանը վերաբերող հարցերի մի փունջ կա, որոնց պատասխանները, անկասկած, յուրաքանչյուրս ունենք…

Continue reading →