Category Archives: Հոդվածներ

Այս բաժնում տեղադրվում են Հայ Արիական Միաբանության գաղափարախոսությանը համահունչ հոդվածներ ու վերլուծականներ:

Գազ՝ Արցախի դիմա՞ց

Posted on by Hayary

Հունիսի 29-ին կայացել է Ռուսաստանի նախագահ Դմիտրի Մեդվեդեւի աշխատանքային այցը Բաքու: Այդ այցի նպատակներից էր երկու երկրների գազային ընկերությունների միջեւ համաձայնագրի ստորագրումը: Ըստ այդ փաստաթղթի, ադրբեջանական «Շահդենիզ» հանքավայրից հաջորդ տարի գազ է արտահանվելու Ռուսաստան:

Ռուսական մամուլը անմիջապես արձագանքեց, թե ՌԴ նախագահ Դմիտրի Մեդվեդեւին հաջողվել է համոզել Ադրբեջանի նախագահ Իլհամ Ալիեւին՝ հրաժարվել արեւմտյան բազմամիլիոնանոց ներդրումային խոստումներից:

Իսկ ինչպե՞ս արձագանքեց ադրբեջանական մամուլը:

Continue reading →

Այսպես ենք փակելու արտաքին պարտքը

Posted on by Hayary

Տնտեսական աճի անկման 15,7 տոկոսը Հայաստանի համար աննախադեպ է, բայց ԱԺ բյուջետային, ֆինանսավարկային հարցերի մշտական հանձնաժողովի նախագահ Գագիկ Մինասյանի կարծիքով, դա բնական է, քանզի համաշխարհային ֆինանսատնտեսական ճգնաժամ է. «Տնտեսական աճի անկման հիմնական պատճառը, բնականաբար, համաշխարհային տնտեսական ճգնաժամն է: Սակայն ես կարծում եմ, որ տարեվերջին տնտեսական անկման ցուցանիշը շատ ավելի փոքր կլինի, քան 10 տոկոսը: Ես կարծում եմ, որ այս ցուցանիշը կլինի միջինը ԱՊՀ երկրների համար», – հայտարարել է Գագիկ Մինասյանը:
Այս ճգնաժամի պայմաններում Հայաստանն անընդհատ վարկեր է վերցնում, հետո ինչպե՞ս է մարելու դրանք:

Continue reading →

Եթերային «հանճարեղ» արկածներ

Posted on by Hayary

«1492 թվական: Հաղթահարելով հազարավոր մղոն ջրային տարածություններ, Կոլումբոսը շրջանցելով Երկրագունդը (ընդգծումը՝ Ա.Հ.-ի) փորձում էր հասնել Հնդկաստան, սակայն, բացահայտեց նոր մայրցամաք: Այդժամ նա չէր գիտակցում իր բացահայտմնան բացառիկությունը: Փորձեք անել ձեր փոքրիկ բացահայտումը: Մենք հաղորդակից կլինենք»:
Սույն գովազդային տեսահոլովակը մենք դիտում ենք ամեն օր, տարբեր հեռուստաալիքներով եւ ոչ մեկի մտքով չի անցնում ուղղել տալ Երկրագունդը շրջանցելու «հանճարեղ» մղումը, հատկապես, երբ Կոլումբոսը երբեք չի շրջանցել այն… Նույնիսկ տիեզերանավի մասին պատկերացում չի ունեցել:
Ինչեւէ: Գովազդի վերջում ասվում է՝ «Փորձեք անել ձեր փոքրիկ բացահայտումը: Մենք հաղորդակից կլինենք»:
Անենք մի փոքրիկ բացահայտում:
 Continue reading →

Կառավարությունն ի՞նքն է նպաստում ուղեղների արտահոսքին

Posted on by Hayary

Վարչապետը վերադարձի մեխանիզմներ փնտրում ու… չի գտնում

«Լույս» հիմնադրամը ՀՀ նախագահի բարձր հովանու ներքո է գործում, մասնավոր նախաձեռնություն է, օգտագործելու է մասնավոր հատվածից հավաքագրված բարեգործական միջոցները: «Մենք պարտավորված ենք, որպեսզի հիմնադրամի գործունեությունը հասարակության համար լինի առավել թափանցիկ, եւ փորձելու ենք բոլոր գործառույթներն իրականացնել այս սկզբունքով», – ԵՊՀ-ում ուսանողների հետ հանդիպմանը հայտնեց վարչապետ Տ. Սարգսյանը: «Լույս» հիմնադրամի ներքո իրականացվում է կրթական ծրագիր, որի նպատակը աջակցելն է մեր տաղանդավոր ուսանողներին, որպեսզի վերջիններս կարողանան իրենց ուսումը շարունակել աշխարհի լավագույն համալսարաններում: «Դրա համար էլ փորձում ենք հավաքել միջոցներ եւ դրանք ուղղել այդ նպատակին», – նույն ԵՊՀ-ում ընդգծել է վարչապետը:  Ի դեպ, այս տարվա համար արդեն 400 մլն դրամ հավաքվել է:

Continue reading →

Միխայիլ Սահակաշվիլու անձնական երգիչը – 1

Posted on by Hayary

Վրաստանի նախագահ Միխայիլ Սահակաշվիլիու անձնական երգիչ, խորհրդական Վան Բայբուրթը (ոչ բարով՝ ազգությամբ հայ), հերթական երգն է գրել:
Խոսելով ջավախահայության խնդիրների մասին՝ նշել է. «Վրացական իշխանություններն ամեն ինչ անում են ջավախահայության վիճակը բարելավելու համար: Մասնավորապես, եթե Ախալքալաքի բյուջեն 5 տարի առաջ կազմում էր մոտ 700 000 լարի, այժմ 8 մլն է: Գործում է 64 հայկական դպրոց, որոնք ֆինանսավորվում են Վրաստանի բյուջեից: Խնդիրը վարչական ապարատի մեջ է: Ջավախահայերը ավելի շատ ինքնավարություն են ուզում, եւ Վրաստանը կամաց-կամաց գնում է դրան»:
Ինչու՞ ԱԺ պատգամավոր Շիրակ Թորոսյանին չեն թողել մտնել Վրաստան: Հարցին Վրաստանի նախագահի խորհրդականը պատասխանել է. «Ռուսական ռիտորիկայի համար»:

Continue reading →

«Ինձ իբր վրաերթի ենթարկողը մեր հանդիպումից հետո անհասանելի դարձավ»

Posted on by Hayary


Հայ Արիական Միաբանության առաջնորդի բացառիկ հարցազրույցը «Լուսանցք»-ին

– Ինչպե՞ս եք Ձեզ զգում հիվանդանոցից տուն տեղափոխվելուց հետո:
– Օրեցօր ավելի լավ եմ, կարելի է ասել՝ ապաքինման փուլում եմ: Պետք է նշեմ, որ «Էրեբունի» բժշկական կենտրոնի բուժանձնակազմը հրաշալի դրսեւորեց իրեն, եւ ամեն ինչ արեց ինձ ծանր վիճակից հանելու եւ բուժելու համար: Այսօր բուժումը շարունակում եմ տան պայմաններում, բայց նույն բժիշկների հսկողության ու խորհրդատվության ներքո: Երբ հետո մամուլում ու իմ բժշկական գործում կարդացի ոտից-գլուխ եղած կոտրվածքների, վնասվածքների ու այլ բաների մասին, շատ զարմացա, որ ողջ եմ մնացել ու ապաքինվում եմ: Անկեղծ ասած՝ նույնիսկ բժիշկներն են զարմացել: Շնորհակալ եմ նաեւ իմ ընկերներին ու հարազատներին, ովքեր միշտ կողքիս են եղել:

Continue reading →

Զորակցություն Արմեն Ավետիսյանին

Posted on by Hayary

Շարունակում ենք մեր ընթերցողներին տեղեկացնել Հայ Արիական Միաբանության առաջնորդ Արմեն Ավետիսյանի  առողջական վիճակի մասին (տես «Լուսանցք»-ի նախորդ համարները): Հիշեցնենք, որ մայիսի 4-ին պատահարի հետեւանքով (ըստ ոստիկանության հաղորդագրության՝ վրաերթի) Արմեն Ավետիսյանը հայտնվել էր «Էրեբունի»-ում՝ մարմնական բազմաթիվ ծանր վնասվածքներով: Հունիսի 3-ին Արմեն Ավետիսյանին բժիշկները թույլատրեցին հետագա բուժումը, ընդ որում՝ երկարատեւ, շարունակել արդեն տնային պայմաններում: Ի զորակցություն Արմեն Ավետիսյանի, մենք մայիսի 4-ից սկսած մեր բոլոր շաբաթական թողարկումներում տպագրում ենք այն նամակները, որոնք ստանում ենք խմբագրության հասցեով կամ էլփոստով:

Continue reading →

Զորակցություն Արիացի հայորդուն

Posted on by Hayary
Հայ Արիական Միաբանությունը (ՀԱՄ), Հայ ազգայնականների համախմբումը (ՀԱՀ) եւ «Լուսանցք»-ը շարունակում են նամակներ ստանալ՝ ի նշան զորակցության ՀԱՄ առաջնորդ Արմեն Ավետիսյանի:
Մեզ՝ ՀԱՄ-ին, ՀԱՀ-ին եւ «Լուսանցք»-ին իրենց բարեմաղթանքն են փոխանցում ԱՄՆ-ից, Իրանից, Բելգիայից, Հնդկաստանից, Հունգարիայից, Ռուսաստանից, Ավստրիայից, Գերմանիայից, Ֆրանսիայից, Կանադայից, Թուրքիայից անգամ, Ինդոնեզիայից…, Ջավախքից, Արցախից… հայորդիներ, ովքեր ծանոթ են Արմեն Ավետիսյանի գործունեությանը, ովքեր թեկուզ ինչ-որ չափով համակիր են նրա գաղափարախոսությանը:

Continue reading →

Ինչի՞ց է կախվում Վրաստանը

Posted on by Hayary
Վերջերս «Ջավախք» հայրենակցական միության նախագահ, ԱԺ պատգամավոր Շիրակ Թորոսյանը պատմում էր, թե ինչպես են վրացական սահմանի մոտ իրեն արգելել հատել սահմանը: Հունիսի 19-ին իրեն թույլ չեն տվել հատել հայ-վրացական սահմանը եւ ժամանել Թբիլիսի, որտեղ ինքը հայկական պատվիրակության կազմում պետք է մասնակցեր «Ֆրիդրիխ Նաումանի» անվան գերմանական հիմնադրամի նախաձեռնությամբ անցկացվող հանդիպումներին՝ Վրաստանի ԱԳՆ-ի, ռեինտեգրացման նախարարության, մի շարք հ/կ-ների եւ ԶԼՄ-ների հետ: Քննարկումների թեմաները պետք է լինեին հայ-վրացական հարաբերությունների, Վրաստանի ազգային փոքրամասնությունների, տարածաշրջանային ինտեգրացիայի հետ կապված հիմնախնդիրները:

Continue reading →

Ազգայնական տեսակետ տարբեր ոլորտների մասին

Posted on by Hayary
Այս օրերին Հայ Արիական Միաբանությունը, Հայ ազգայնականների համախմբումը եւ «Լուսանցք»-ը անընդհատ հանդես են գալիս քաղաքական դաշտում ազգայնական գործիչ Արմեն Ավետիսյանին զորակցությամբ (տես էջ 1): Ու քանի որ այս օրերին շատերն են հավակնում ազգայնական երեւալ (միշտ այդպես է նախընտրական ու հետընտրական փուլերում), հարկ ենք համարում մեջբերել իրապես ազգայնական Արմեն Ավետիսյանի տեսակետը տարբեր բնագավառների, դրանց զարգացումների ու հեռանկարների մասին:

Բարոյահոգեբանական բնագավառ

Առաջնորդվելով Համատիեզերական օրենքներով եւ լինելով  Բնությանը ներդաշնակ՝ Հայերը ստեղծել են ուժին եւ արդարությանը հիմնված հաստատուն բարոյահոգեբանական սկզբունքներ ու մտածելակերպ: Սակայն, հեռանալով արմատներից, կորցնելով ռազմատենչ եւ ազատատենչ բնաներդաշնակ Ոգին, շրջանցելով ՀայԱրիական ներցեղային օրենքներն ու բարոյականությունը, զրկվելով հզոր Հայրենիք-Բնօրրանից՝ դարերի ընթացքում  ձեւախեղվել եւ աղճատվել է Հայ ազգի բարոյականությունը, հոգեբանությունը, մտածելակերպը:

Continue reading →

Ահմադինեջադը իրականու՛մ ժողովրդականություն է վայելում

Posted on by Hayary


Հյուսիսային Թեհրանը շատ երազային է:  Այդտեղ կան բազմաթիվ բարձրակարգ շենքեր, խոշոր առանձնատներ, դղյակներ, հյուրանոցներ եւ համալսարաններ: Այդտեղից լավ է նայվում  Ալբրոզյան լեռնաշղթան, որ նշանավոր է իր դահուկային սպորտին հարմար վայրերով եւ, ըստ փորձառու դահուկորդների, այդ լեռնաշղթայի վրայի ձյան որակը աշխարհում լավագույններից է: Այդտեղ են ապրում Իրանի մեծահարուստներից շատերը, ովքեր ազատակա՜ն գաղափարների կրողներ են: Այդտեղ շատ են անգլերեն իմացողները: Այդտեղ շատ են հաճախում զբոսաշրջիկները եւ գործարար մարդիկ: Այդտեղ են հաճախում նաեւ լրագրողները արեւմուտքից, եւ այստեղ է, որ լրագրողները շփվում են տեղի բնակիչների հետ ու «ծանոթանում» Իրանի իրավիճակին:

Continue reading →

Ու՞մ չի ներում համաներումը

Posted on by Hayary
Հունիսի 19-ին ՀՀ նախագահի նախաձեռնությամբ գումարվեց ԱԺ արտահերթ նստաշրջան, որի օրակարգում ընդգրկված էր մեկ հարց՝ «Համաներում հայտարարելու մասին» ՀՀ նախագահի առաջարկը: Համաներման պայմանները եւ բովանդակությունը խորհրդարանականներին ներկայացրել է արդարադատության նախարար Գեւորգ Դանիելյանը: Նա նկատել է, թե ներկայացված փաստաթուղթը իր հստակությամբ շահեկանորեն տարբերվում է մնացած բոլորից, բացի այդ՝ ներառում է որոշ նորամուծություններ: Որպես այդպիսին նշել է այն կետը, որով նախատեսվում է պատժից ազատել 2008թ. մարտի 1-2-ին Երեւանում տեղի ունեցած իրադարձությունների առնչությամբ հանցագործություն կատարած անձանց: Սա այն դեպքերում, երբ ազատազրկման առավելագույն ժամկետը հինգ տարի է:

Continue reading →

Արդեն Բայբուրդաշվիլին չի՞ դառնա Բայբուրդաշվիլի

Posted on by Hayary

Երեկ Միխեիլ Սահակաշվիլիին ուղեկցող Վրաստանի խորհրդարանում հայ պատգամավոր Վան Բայբուրդյանը ասել է, որ տեղյակ չէ, թե ՀՀ Աժ պատգամավոր Շիրակ Թորոսյանին եւ մի խումբ հայ մանկավարժներին ինչու թույլ չեն տվել հատել Վրաստանի սահմանը: Հետաքրքիրն այն է, որ տեղյակ չէ, բայց ասում է, թե… Ջավախքի վերաբերյալ  Շիրակ Թորոսյանի ելույթներն ու տեսակետները  նրան ամենեւին դուր չեն գալիս: Ա1+-ին Վան Բայբուրդյանը ասել է, թե՝ «Թորոսյանի  ելույթները Վրաստանի հանդեպ ոչինչով չեն տարբերվում Զատուլինի ելույթներից: Նրանք կարծես երկվորյակներ լինեն»:
Վան Բայբուրդյանը հերքում է այն լուրերը, թե Վրաստանում վերսկսել են հայերին ստիպել փոխել իրենց  ազգանունները. «Նման բան չկա: Դա հիմարություն է: Եկեք, ինքներդ տեսեք, թե որ ջավախքցուն կարելի է ստիպել, որ նա փոխի իր անունը: Եթե մարդը չի ուզում փոխել իր ազգանունը, ապա դա երբեք չի անի, իսկ եթե որոշել է փոխել, նրան չես կանգնեցնի»:

Continue reading →

Թուրքիան հետքայլ է արել

Posted on by Hayary
Թուրքիան Հայաստանի հետ հարաբերությունները կարգավորելու հարցում, երկրի ներսում առկա կոշտ արձագանքներով պայմանավորված, «մարտավարական հետքայլ» է արել: «Ռոյթերզ» գործակալությանը տված հարցազրույցում այսպիսի տեսակետ է արտահայել Հարավային Կովկասում ԵՄ հատուկ ներկայացուցիչ Պիտեր Սեմնեբին:
«Հետքայլն արվել է Թուրքիայի կողմից, բայց դա բեկումնային շրջադարձ չէ»,- նշել է Պ. Սեմնեբին: Նա միաժամանակ հավելել է, թե իրենք հույս ունեն, որ քննարկումները կշարունակվեն: ԵՄ հատուկ ներկայացուցիչը հարցազրույցում նշել է նաեւ, որ շատ կարեւոր է, որպեսզի Թուրքիայի ու Հայաստանի միջեւ հարաբերությունների կարգավորման գործընթացում վերցված «պաուզան» շատ երկար չտեւի, այլապես առկա է «իմպուլսը կորցնելու» վտանգ:
Հասկանանք վերջապես՝ Թուրքիային մեզ հետ հարաբերությունները լավացնել պետք չէ: Դադարեցնենք նրա հետ սիրախաղը:

Վահագն Նանյան

«Լուսանցք», թիվ 24 (110), 2009թ.

Continue reading →

Ի՞նչ­ են այ­սու­հետեւ թաքց­նե­լու ՀՀ ­ԳԱԱ հու­մա­նի­տար բա­ժան­մուն­քի «տե­րե­րը»

Posted on by Hayary
«Լու­սանց­քը» հետեւո­ղա­կա­նո­րեն շա­րու­նա­կե­լով իր լրագ­րո­ղա­կան հե­տաքն­նութ­յու­նը, Լոս Ան­ջե­լե­սից ստա­ցավ ՀՀ ­գի­տութ­յուն­նե­րի ազ­գա­յին ա­կա­դե­միա­յի հու­մա­նի­տար բա­ժան­մուն­քի ս.թ. ապ­րի­լի 7-ի «պատ­մա­կան» ո­րո­շու­մը՝ ա­մե­րիկ­յան հա­յա­գի­տութ­յան տա­րա­ծած հա­կա­հայ­կա­կան տե­սա­կետ­նե­րի մա­սին:
Փաս­տա­թուղ­թը մեզ տրա­մադ­րել են Լոս Ան­ջե­լե­սում մեր հա­մա­կիր­նե­րը, ո­վքեր այն ձեռք են բե­րել «պատ­մա­բան», ՀՀ ­ԳԱԱ ար­տա­սահ­ման­յան ան­դամ Ռի­չարդ Հով­հան­նիս­յա­նի ան­մի­ջա­կան շրջա­պա­տից:
Մեր ըն­թեր­ցող­ներն ի­հար­կե գի­տեն, որ սույն «գեր­գաղտ­նի» փաս­տա­թուղ­թը ա­կա­դե­միա­յի հու­մա­նի­տար բա­ժան­մուն­քի պա­տաս­խա­նա­տու ա­կադ. Վլա­դի­միր Բար­խու­դար­յա­նը խստո­րեն պա­հում էր հան­րութ­յու­նից, նույ­նիսկ՝ բա­ժան­մուն­քի ան­դամ­նե­րի մեծ մա­սից: Նա հա­մա­ռո­րեն մեր­ժում էր այն հրա­պա­րա­կել՝ հա­կա­ռակ այն հրա­պա­րա­կե­լու ԱՄ­Ն-ում եւ Հա­յաս­տա­նում հնչած բազ­մա­թիվ բո­ղոք­նե­րի եւ պա­հանջ­նե­րի, ո­րոնց մի մա­սը տեղ գտավ մեր թեր­թի նա­խորդ հա­մար­նե­րում:

Continue reading →