Category Archives: Հոդվածներ

Այս բաժնում տեղադրվում են Հայ Արիական Միաբանության գաղափարախոսությանը համահունչ հոդվածներ ու վերլուծականներ:

«Բրաբիոն»-ը «երկնագույնների» քարոզի՞չ

Posted on by ՀԱՄ

Արդեն մի քանի անգամ հետեւում ենք «Բրաբիոն»-ի հեռուստագովազդներին ու զանգվածային նախաձեռնություններին: Երբ այս՝ արդեն տխրահռչակ հիմնարկի կողմից հայտարարվեց, թե ով էշի վրա նստած գա «Բրաբիոն» կենտրոն, կստանա ծաղկեփունջ՝ իր սիրեցյալի համար, բավականին հետաքրքիր թվաց նախաձեռնությունը: Այն ե՛ւ հումոր, ե՛ւ իրապես զվարճալի պահեր էր ներառում:

Սակայն, սա ըստ ամենայնի, փորձնական խայծ էր «Բրաբիոն»-ի կողմից կազմակերպված, որպեսզի սկսի անարգել ու զանգվածաբար իր այլանդակ մտահաղացումներն իրականացնել:

Նախ՝ մարտի 8-ին, մերկ, միայն լողազգեստներով «տղամարդիկ» լցվել էին «Բրաբիոն», որպեսզի մի-մի անվճար ծաղկեփունջ տանեն իրենց «նանարներին»: Եվ «տղամարդիկ»-ն ու «նանարներին»-ը չակերտներում ենք դրել, որովհետեւ նորմալ տղամարդը քամակը բաց չէր գնա իր սիրեցյալի համար ձրի ծաղկեպսակ ստանալու թշվառ քայլին: Դա գրեթե մարմնավաճառության պես մի բան էր: Իսկ նորմալ աղջիկն էլ շնչակտուր իրեն չէր գցի հեռուստախցիկի առջեւ, որ «հիմնավորի», թե ինչպե՜ս է իրեն սիրում կողքին մերկ կանգնած ծաղկեփնջով «տղան» եւ ինչքա՜ն է ինքը փառավորված իր «ասպետի» սիրո «վեհ» դրսեւորմամբ եւ «հերոսական» արարքով…

Continue reading →

Կադրային քաղաքականության աճպարարությունը

Posted on by ՀԱՄ

Թե ինչ մեխանիզմով են մեր երկրում լուծում կադրային հարցերը, պարզ չէ: Անկեղծ ասած՝ հետաքրքիր էլ չէ: Կա փաստ, որ տեսանելի է դարձնում այդ կադրային քաղաքականության անարդյունավետությունը: Իսկ փաստն այն է, որ մեր երկրի գործերը շատ վատ են, նշանակում է՝ մեծամասնությունն իր գործը չի անում: Ոչ թե լավ է անում, կամ վատ, այլ՝ չի՛ անում: Քանզի եթե վատ էլ են անում, դա դառնում է տեսանելի, բացերն ու թերությունները շտկվում են ու, աստիճանաբար, ամեն ինչ դեպի լավն է գնում: Իսկ երբ չեն անում, վատն էլ չի երեւում, որ ինչ-որ բան շտկելու անհրաժեշտություն ծագի: Այնպես որ, առանձնապես ջանքեր պետք չեն ապացուցելու, որ երկրի գործերը լավ չեն, որովհետեւ մեծամասնությունը չի աշխատում: Է՛հ, թող այդ մեծամասնությանն աշխատեցնի ղեկավարությունը, ո՞վ է ձեռքերը բռնում: Այստեղ էլ հենց հանգում ենք կադրային քաղաքականության խնդրին: Ինչը մեր երկրի համար իսկապես խնդիր է, որովհետեւ այդ լուրջ խնդրի ելքը ոչ թե լուծումներով ենք առաջադրում, այլ՝ աճպարարությամբ:

Continue reading →

Ճգնաժամը հարստացնում է խելոքներին

Posted on by ՀԱՄ

Ցավոք, ճիշտ դուրս եկան նաեւ «Լուսանցք»-ի՝ ճգնաժամի հետ կապված կանխատեսումները: Ապացույցն այն է, որ G-20-ի գագաթնաժողովն ավարտվեց, իսկ Արժույթի միջազգային հիմնադրամը հարստացավ: G-20-ի անդամ երկրները, որպես աջակցություն, միջազգային տնտեսությանը 2010-ին ընդառաջ հատկացնելու են 5 տրիլիոն դոլար: 250 մլրդ դոլար հատկացվելու է SDR-ով (Արժույթի միջազգային հիմնադրամի արժույթ): ԱՄՀ-ի համար հավելյալ հատկացվելու է 500 մլրդ դոլար: Մյուս 250 մլրդ դոլարը կհատկացվի առեւտրի խթանման նպատակով:

Այսպիսով, գագաթնաժողովի արդյունքներով ԱՄՀ-ի բյուջեն կրկնապատկվել է՝ հասնելով 750 մլրդ դոլարի:

Continue reading →

Փնտրտուք

Posted on by ՀԱՄ

Զրույցներ հայոց լեզվի մասին

Շատ լավ կլիներ, եթե մեր դպրոցներում աշակերտներին մատուցվեր մեր գրաբար լեզուն, որը իր բառապաշարով եւ արմատների քանակով ավելի հարուստ է եղել, քան հին հունարենը կամ էլ հին լատիներենը: Գրաբարի անգամ ոչ խոր իմացությունը հնարավորություն կտա մեր ժողովրդին համատեղ ջանքերով լուծել երկու կարեւոր հարց: Առաջինը՝ դա երկու գրական լեզվի փոխարեն ունենալ մեկ միասնական լեզու, որի ստեղծման ուղին իրենց ստեղծագործությամբ ցույց են տվել Լեւոն Շանթը եւ Վահրամ Փափազյանը:

Մյուսը՝ դա միասնական ուղղագրության մշակումն է դասական ուղղագրության հիմքի վրա, որի կարեւորությանը ես կանդրադառնամ մի առանձին զրույցով՝ օրինակ բերելով Ջահուկյանի արդեն հիշատակածս հայտնի գիրքը:

Continue reading →

Ուրիշին խաբում, բայց մեր աչքն ենք հանում…

Posted on by ՀԱՄ

Ըստ պաշտոնական հաղորդագրությունների, հանցագործ աշխարհի ներկայացուցիչներից ոչ պակաս «կրիմինալ» են համարվում նաեւ ՀՀ պաշտոնյաների, պատգամավորների ու գործարարների երեխաները կամ էլ՝ նրանց հարազատները:

Ավելին՝ շատ բարձրաստիճան պաշտոնյաների եւ մեծահարուստ գործարարների որդիները նույնիսկ հանցագործ աշխարհի «կնքահայրեր» են փորձում դառնալ:

Ատրճանակից (խոշոր տրամաչափի զենքերից էլ չխոսենք) կրակելն ու մարդ վիրավորելը (սպանելուց էլ չխոսենք) կամ մարդուն դանակահարելը այս հղփացած «պապայի բալաների» համար դարձել է հաց ուտելու պես մի բան…

Եթե քաղաքամայր Երեւանում «ֆռֆռում» են ամենաբարձր պաշտոնյաների «հաբռգած» տղաները, ապա մարզերում դա անում են տեղական «էլիտայի» զավակները, ովքեր «հարց լուծողներ» են դարձել ու բավականին լկտի են «իրենց տարածքներում»…

Հիմա, իհարկե, շատ «պապաներ» իրենց «լափառոշ» զավակներին «կրիմինալ» աշխարհից կտրելու կտրուկ փորձում են անում՝ է՜ն սարքովի ուսման դիպլոմները արագ դնում են շրջանառության մեջ եւ իրենց «սիրասուն» տղաներին կամ աղջիկներին (իմա՝ փեսաներին) դարձնում են իրենց «հայրենանվեր» գործի «ծանրակշիռ» հետեւորդներ՝ խորհրդականներ, քաղաքապետեր ու թաղապետեր, գյուղապետեր ու ավագանու անդամներ…

Continue reading →

Ի վերջո ՀՀ-ն որեւէ նախաձեռնություն հանդես կբերի՞

Posted on by ՀԱՄ

Ինչպեսեւ ենթադրելի էր, Վրաստանում գնալով ուժգնանում է ներքաղաքական պայքարը, որը հղի է անկանխատեսելի հետեւանքներով: Օրեցօր հզորանում է վրացական ընդդիմությունը, չնայած, որ գործում է բազմաբեւեռ կարգավիճակով: Մենք այս մասին հստակ տեսակետ էինք հայտնել դեռ այն ժամանակ, երբ ռոզենկրեյցերական (մասոնական) վարդերով եւ ԱՄՆ-ի անթաքույց օժանդակությամբ իշխանության հասած Միխայիլ Սահակաշվիլին կոմունիստական ժամանակների գրեթե 99% ընտրացուցանիշով բազմեց Վրաստանի նախագահական աթոռին: Ակնհայտ էր, որ նա չի կիսելու իշխանությունն իր հեղափոխական ընկերների հետ: Այսօր, իշխանական բուրգի գագաթին հեղափոխական եռյակից մնացել է միայն բատոնո Միխեիլը…

Նախկին վարչապետը՝ Վաժա Ժվանիան, վաղուց է մահացել, այն էլ շատ կասկածելի պայմաններում, իսկ խորհրդարանի նախկին նախագահ Նինո Բուրջանաձեն արդեն ընդդիմություն է, որի կողմնակիցները անօրեն հալածվում եւ բանտարկվում են… Եվ այս բոլորը այսօր չէ, որ սկսվել է:

Աբխազիան, Հարավային Օսեթիան արդեն կորցրած, Աջարիան եւ Ջավախքը կորցնելու եզրին հայտնված Վրաստանը դարձավ ԱՄՆ-ի խամաճիկը՝ հույս ունենալով վերականգնել Վրաստանի երբեմնի (խորհրդային տարիների) միասնությունը, որի տարածքների ահռելի մասը այլ ազգերի (այդ թվում՝ հայերի) պատմական տարածքներն են:

Continue reading →

Կունենա՞նք Համասեռաշեն

Posted on by ՀԱՄ

Մեկ ամսից Շվեդիայում միասեռական ամուսնությունները թույլատրելի են լինելու: Շվեդական Ռայխստագը (խորհրդարանը) ապրիլի 1-ին բացարձակ մեծամասնությամբ ընդունել է մի օրենք, որը թույլատրում է ամուսնությունը միեւնույն սեռի ներկայացուցիչների միջեւ:

Միակ կուսակցությունը, որը դեմ է եղել օրենքին, քրիստոնյա-դեմոկրատներն են եղել: Սակայն, նրանց կոչը ոչ մի ազդեցություն չի թողել եվրամոլագարների վրա: «Մենք ուզում ենք փրկել ամուսնություն հասկացությունը», – պարզաբանել է քրիստոնյա-դեմոկրատների ներկայացուցիչ Իվոնն Անդերսոնը, սակայն… ու՞մ եւ ի՞նչ է բացատրել…

Նշված օրենքն ուժի մեջ կմտնի մայիսի 1-ից: Այն քննակվել է 3 տարիների ընթացքում:

Հիշեցնենք, որ եվրոպական մի շարք երկրներում (Դանիա, Նորվեգիա, Հոլանդիա, Ֆրանսիա) վաղուց ընդունվել են հատուկ օրենքներ, որոնցով թույլատրվում է ամուսնությունը միեւնույն սեռերի ներկայացուցիչների միջեւ: Վերջերս այս «փաղանգին» միացավ նաեւ Իսպանիան:

Continue reading →

Մայր «պրիռոդայի» 5-7 տոկոսանոց «խաղերը»

Posted on by ՀԱՄ

Ի վերջո ո՞վ է խթանում Հայաստանում համասեռականությունը

Մեր հանրությանը վերստին մտահոգում է համասեռականության թեման: Այս հիվանդագին երեւույթը պարբերաբար ներմուծում են Հայաստան եւ առանց այն էլ եղած ճգնաժամին մի նոր խնդիր են ավելացնում: Եթե հասկանալի է, թե ինչու է օտարը դա անում, ապա, մեղմ ասած, զարմանալի է, որ մերոնք են ամեն կերպ փորձում այս արատավոր երեւույթը սերմանել մեզանում:

Եվ փորձում են այդ ամենն անել՝ իբր ավանդապաշտ հայությանը ժամանակակից դարձնելու, զարգացնելու հիմար պատրվակով: Սակայն, համասեռական հարձակումը (ագրեսիան) նախաձեռնողները պետք է հասկանան մի պարզ ճշմարտություն, որ ավանդույթներն ու սովորույթները ազգային ու մարդկային դիմագծի պահպանման բնական պայմաններ են, եւ այսօր դրանք պաշտպանվում են անգամ ամենաժողովրդավար երկրներում: Եվրոպական պահպանողականությունը երբեք թույլ չի տալիս անգլիացուն՝ շեղվել իր ավանդույթներից, ֆրանսիացուն՝ իր, գերմանացուն էլ՝ իր, եւ այսպես շարունակ:

Continue reading →

Թանկությունն եկավ մեր բակը

Posted on by ՀԱՄ

Ազգային վիճակագրական ծառայության հրապարակած տվյալների համաձայն, ընթացիկ տարվա հունվար-փետրվարին պարենային ապրանքների շուկայում արձանագրված 0.7% ընդհանուր գնանկմանը մարտին հաջորդել է 1.0% գնաճ: Դիտարկվող պարենային 13 ապրանքախմբերից 8-ում 2009թ. մարտին փետրվարի համեմատ գրանցվել է 0.3-12.7% գնաճ:

2009թ. հունվար-փետրվարին մեր երկրում գրանցվել է շաքարավազի 0.3% գնանկում, իսկ մարտին՝ 12.7% գնաճ: Հայաստանի՝ դիտարկված քաղաքներում շաքարավազի գինն ավելացել է 8.0-24.6%-ով, ընդ որում, գնաճի ամենաբարձր ցուցանիշն արձանագրվել է Եղեգնաձորում: Մայրաքաղաքում շաքարավազի գինն ավելացել է 10.4%-ով:

Կենդանական եւ բուսական յուղի ապրանքախմբում 2009թ. հունվար-փետրվարին արձանագրված 11.2% ընդհանուր գնանկմանը մարտին հաջորդել է 5.4% գնաճ:

Continue reading →

Տիեզերական ընդունիչ կայան էլ ունեցանք

Posted on by ՀԱՄ

Ես տպավորված եմ. ընդամենը այսքանն ասաց վարչապետը, ինչպես մամուլում են բնութագրում՝ դասախոսել սիրող Տիգրան Սարգսյանը այն բանից հետո, երբ կառավարությանն առընթեր անշարժ գույքի կադաստրի պետական կոմիտեի «Գեոդեզիայի եւ քարտեզագրության կենտրոն» ՊՈԱԿ-ում գործարկվեց տիեզերական ընդունիչ կայանը (այդ կայանի շնորհիվ երկիր կհաղորդվեն Հայաստանի տարածքի վերաբերյալ տարածական տվյալներ, որոնց ընդունումը հայ մասնագետներն առաջին անգամ են անում): Գործընկերներս նկատեցին՝ այնքան տպավորված էր, որ խոսել անգամ չուզեց…

Բացատրենք, թե ինչ է իրենից ներկայացնում նշված ընդունիչ կայանը: Ըստ կադաստրի պետկոմի նախագահ Մանուկ Վարդանյանի, տիեզերական դիտարկումների կենտրոնում տեղադրված այս ընդունիչ կայանը հնարավորություն է ընձեռում օգտվել երկրամերձ ուղեծրով (մինչեւ 1000կմ) արհեստական արբանյակների հնարավորություններից եւ կատարել Երկրի հեռահար զոնդավորում: Արդյունքում բազմաբնույթ տեղեկատվություն ենք ստանում Երկրի մասին: Այդ տեղեկատվությունը Երկիր է հաղորդվում 8 ԳՀց հաճախականության ռադիոալիքներով: Տիեզերական ընդունիչ կայանը ընդունում է Երկրի արհեստական արբանյակներից ուղարկված տեղեկատվությունը, գրանցում է այն, որից հետո կատարվում է մշակում եւ արխիվացում:

Continue reading →

Իշխանություն -ընդդիմություն՝ 2:0

Posted on by ՀԱՄ

(Անցյալ տարվա մարտի 1-2-ի դեպքերի քննարկման հունվարյան եւ մարտյան «խաղերում» հաղթեց իշխանությունը)

ԵԽԽՎ-ն դրական գնահատեց

Մարտի 30-31-ին, Իսպանիայի Վալենսիա քաղաքում ԵԽԽՎ մոնիթորինգի հանձնաժողովը քննարկել է ՀՀ–ի կողմից ԵԽԽՎ-ի թիվ 1643 բանաձեւի կատարման ընթացքը: Հանձնաժողովը դրական է գնահատել ՀՀ քրօր-ի 225-րդ եւ 300-րդ հոդվածներում կատարված փոփոխությունները՝ միեւնույն ժամանակ կարեւորելով օրենքի կիրառման հետագա ընթացքը: ԵԽԽՎ-ում ՀՀ պատվիրակության ղեկավար Դավիթ Հարությունյանի կարծիքով, մինչեւ վեհաժողովի ապրիլյան նստաշրջան ՀՀ քրօր-ի համապատասխան հոդվածներում կատարված փոփոխությունները կկենսագործվեն, որի արդյունքներից էլ կախված կլինի՝ արդյո՞ք հանձնաժողովը կանդրադառնա ՀՀ խնդրին, թե՞ ոչ: Ըստ որոշ շրջանառվող լուրերի, իշխանությունները մինչեւ ԵԽԽՎ հաջորդ նստաշրջանը, արդեն ունեն պատրաստի «դեղատոմսեր»՝ բոլոր առկախ հարցերը կարգավորելու համար:

Continue reading →

«7-ի գործ»-ը կարճվեց

Posted on by ՀԱՄ

Երեւանի Կենտրոն եւ Նորք-Մարաշ համայնքների ընդհանուր իրավասության դատարանի վարույթում քննվող «7-ի գործ»-ը քրգործով մեղադրող դատախազները վերանայել են ամբաստանյալներ Շանթ Հարությունյանին, Ալեքսանդր Արզումանյանին, Հակոբ Հակոբյանին, Գրիգոր Ոսկերչյանին, Սուրեն Սիրունյանին, Մյասնիկ Մալխասյանին, Սասուն Միքայելյանին առաջադրված մեղադրանքները: Նկատի ունենալով, որ քրգործի դատական քննության ընթացքում՝ 2009թ. մարտի 18-ին, ՀՀ ԱԺ կողմից ընդունված «ՀՀ քրեական օրենսգրքում փոփոխություններ եւ լրացումներ կատարելու մասին» ՀՀ օրենքով փոփոխություններ են կատարվել քրօր–ի 225-րդ եւ 300-րդ հոդվածներում, մեղադրողները որոշել են դադարեցնել նշված ամբաստանյալների նկատմամբ ՀՀ քրօր-ի 300-րդ հոդվածի 1-ին մասով քրեական հետապնդումը, իսկ քրօր–ի 225-րդ հոդվածի 3-րդ մասով առաջադրված մեղադրանքը՝ փոփոխել եւ առաջադրել նոր մեղադրանք:

Continue reading →

Փնտրտուք

Posted on by ՀԱՄ

Զրույցներ հայոց լեզվի մասին

Հայ մեծ երախտավոր Գարեգին Սրվանձտյանցի մասին դպրոցական դասագրքերից գիտենք միայն այն, որ նա առաջինն է գրի առել «Սասնա Ծռեր» էպոսի առաջին տարբերակը, որը հրապարակել է «Սասունցի Դավիթ կամ Մհերի Դուռ» վերտառությամբ: Նա շատ բանավոր զրույցներ, ժողովրդական երգեր ու հեքիաթներ է գրի առել, բառարաններ է կազմել, որոնց մասին քիչ բան գիտենք, իսկ նրա արտահայտած մտքերը պատմության, ազգագրության, լեզվի (բարբառների) եւ հայրենի բնաշխարհի, գյուղերի ու քաղաքների մասին՝ մեզ գրեթե հայտնի չեն, թեեւ դրանք այսօր նույնքան արդիական են, ինչքան մեծ բանահավաքի կենդանության ժամանակ: Ընթերցելով նրա երկերը՝ կարելի է իմանալ, որ մոտ 130 տարի առաջ նրան նույն հարցերն են հուզել, ինչ մեզանից շատերին են հուզում այսօր: Օրինակ, որ Հայոց Լեռնաշխարհը ուժ է տալիս այնտեղ ապրողին, անգամ եթե նա հայ չէ, այլ, ասենք, քուրդ կամ թուրք: Չիմանալով Ուրարտուի մասին՝ նա կարծում էր, որ Վասպուրականի տարածքում գտնված բեւեռագրերը (սեպագրեր) պետք է ընթերցել կամ գրաբարով կամ էլ տեղի բարբառով, սակայն մինչեւ այսօր էլ սեպագիր ընթերցող հայ մասնագետներ չունենք, որոնք կարող են սպառիչ պատասխան տալ, թե ի՞նչ լեզվով պետք է ընթերցվեն պատմական Հայաստանում հայտնաբերված սեպագրերը…

Continue reading →

Գառնո տաճարը՝ լուսե կրակների մեջ

Posted on by ՀԱՄ

Մարտի 31-ի լույս ապրիլի 1-ի գիշերը Գառնո արիական-հեթանոսական տաճարի շուրջն էին խմբվել համանուն գյուղի բնակիչները, բազմաթիվ հյուրեր: Գիշեր էր, բայց լուսավոր էր ու տոնական, պարի հետ մեկտեղ հնչում էր երաժշտություն: Արգելոց-թանգարանի տարածքի ռադիոֆիկացումից եւ գեղարվեստական լուսավորման համակարգի տեղադրումից հետո, այն ողողվեց լույսերի գունային բազմերանգների մեջ: Դրանց քանակը շուրջ 16 մլն. է:

Տոնական միջոցառմանը ներկա էին նաեւ պետական, քաղաքական գործիչներ: Պետբյուջեից 100 մլն. դրամ է հատկացվել՝ Գառնի եւ Զվարթնոց արգելոց-թանգարաններում այս համակարգերի տեղադրման համար: Այժմ, Գառնո տաճարի տարածքը կարող է օգտագործվել համերգների, թատերականացված եւ այլ ազգային միջոցառումների համար: Սա ավելի կնպաստի զբոսաշրջության զարգացմանը, քանզի եւ՛ Գառնո եւ՛ Զվարթնոցի տաճարները պատմականորեն հին ու ձգող վայրեր են…

Գառնիի տաճարի ամբողջ տարածքով տեղադրվել են 90-ից ավելի բարձրախոսներ եւ 24 լուսարձակներ:

Արմեն Դավթյան

«Լուսանցք» թիվ 12 (98), 2009թ.

Continue reading →

ՍԵՐԺ ՍԱՐԳՍՅԱՆԻՆ ՀԱՋՈՂՎԵԼ Է ՀԱՍՆԵԼ ՈՐՈՇԱԿԻ ՆԵՐՔԱՂԱՔԱԿԱՆ ԿԱՅՈՒՆՈՒԹՅԱՆ

Posted on by ՀԱՄ

<Իրավունք de facto> թիվ 24 (84) – 03.04-06.04.2009թ.


Ներքաղաքական գալիք զարգացումների և հանրությանը մտահոգող այլ խնդիրների վերաբերյալ իր տեսակետն է հայտնում Հայ արիական միաբանության առաջնորդ ԱՐՄԵՆ ԱՎԵՏԻՍՅԱՆԸ

-Պարոն Ավետիսյան, քաղաքային ավագանու ընտրությունները, փաստորեն, մեկնարկել են։ Մասնակցում են 6 կուսակցություն և 1 դաշինք։ Ինչո՞վ բացատրել մնացած քաղաքական ուժերի, այդ թվում` Ձեր կազմակերպության պասիվությունը։

-Դեռևս 2008-ի նախագահական ընտրությունների ժամանակ մենք և մի շարք ազգայնական կազմակերպություններ հայտարարեցինք, որ չենք պաշտպանում 9 թեկնածուներից ոչ մեկին, քանի որ ոչ մեկի նախընտրական ծրագիրը հարազատ չէր մեր սկզբունքներին։ Թեպետ միաժամանակ ակնհայտ էր, և մեր այդ կանխատեսումն արդարացավ, որ նախագահական ընտրություններն ընթանալու են երկբևեռ պայքարի հարթությունում։ Այսինքն` մի կողմից կար իշխանությունը Ռոբերտ Քոչարյանից Սերժ Սարգսյանին հանձնելու անցումային գործընթաց, և մյուս կողմից` հին իշխանությունը Լևոն Տեր-Պետրոսյանի դեմքով պետք է փորձեր իրականացնել իշխանափոխություն։

Անցած մեկ տարվա ընթացքում այս իրավիճակը չի փոխվել, և քաղաքային ավագանու ընտրությունները, կարծես, դարձել են նախագահականի շարունակություն։ Համենայն դեպս, ակնհայտ է, որ հիմնական մրցապայքարում դարձյալ այդ երկու ուժերն են` իրեն ընդդիմություն հռչակած հին իշխանությունը և իշխող կոալիցիան։ Թեպետ, իհարկե, այն հանգամանքը, որ կոալիցիայի կուսակցությունները տարաբաժանված են գնում ընտրությունների, ինչ-որ հակասությունների առկայության հետևանք է, որոնք ընտրապայքարում կարող են ավելի ընդգծված դրսևորումներ ունենալ։ Այս իրողությունից ելնելով ենք մենք «Հայ ազգայնականների համախմբման» շրջանակներում քննարկել քաղաքային ավագանու ընտրություններին մասնակցելու հարցը։ Այնպես չէ, որ մենք չենք կարևորում ընտրություններն իբրև քաղաքական միջոցառում, ցանկացած մակարդակի ընտրական գործընթացն էլ կարևոր է։ Սակայն հաշվի առնելով մեր համեստ ֆինանսական հնարավորությունները և այն ահռելի հավանական «ներդրումները», որ կլինեն այս ընտրապայքարում, անիմաստ համարեցինք մասնակցել, որովհետև ստիպված կլինեինք գործընթացի կեսից մասնակցությունից հրաժարվել։


Continue reading →