Monthly Archives: June 2010

1. Համահայկական բանակ ընդդեմ համաթուրքական և այլ ճակատների – Արմեն Ավետիսյան
2. Ամառային Արևադարձը Գառնիում
3. Լեզուն սուրբ է – ուրացողը դավաճան
4. Պարտադիր համարժեք քայլերի նախաշեմին․․․ Բաքուն դավաճան է․․․
5. Արցախի խնդիրը կլուծվի և պետք է անցնել հակահարձակման
6. Ներքին լուրեր և մարզական կյանք
7. Արտաքին լուրեր
8. Գրային համակարգը որպես դավանաբանական բարդույթ

Հունիսի 21-ի ուշ գիշերը՝ լույս 22-ի առավոտյան, Հայ Արիական միաբանության (ՀԱՄ) ու Հայ ազգայնականների համախմբման (ՀԱՀ) անդամներն այցելեցին Գառնո արիական-հեթանոսական տաճարի տարածք՝ դիմավորելու Ամառային Արեւադարձը:
Բնության այդ ծեսի մասնակիցների մեջ էին նաեւ ՀԱՄ առաջնորդ Արմեն Ավետիսյանն ու «Լուսանցք» շաբաթաթերթի գլխավոր խմբագիր Արմենուհի Մելքոնյանը, վերջերս «Հայ Արի ասպետ»-ի կոչում ստացած Աշոտ Օհանյանն ու Ռուզաննա Նահապետյանը, ովքեր էլ նախաձեռնեցին օրվա խորհրդին հարիր երգերի ու ձոների կատարումները:
Հետո արիների մի մասը, մտնելով հինավուրց տաճար, փառաբանեց Հայ Աստվածներին ու Հայոց Հավատը:
Գառնո տաճարի տարածքում տեղ-տեղ արորդիների վրաններն էին երեւակվում անձայն մթության մեջ, ինչը կարծես ցրվեց, երբ արորդիները հայկական ուտեստներով ու ավանդական գինեձոներով լցրեցին գիշերային լռությունը… Նրանք պատրաստվում էին դիմավորելու արեւածագը…
Ներկաները փառաբանեցին Տիեզերքի Արարչին, Հայ Աստվածներին, մեծ ու արժանապատիվ նախնիներին…
Նաեւ Արիական միասնական ու հզոր Հայաստանը վերակերտելու մաղթանք հղեցին հայությանը:
Այդ ուշ ժամին, փոքր խմբերով տաճար էին այցելում գառնեցիներ ու այլ հայորդիներ:
 
Կարեն Բալյան

«Լուսանցք» թիվ 24 (155), 2010թ.

Հունիսի 18-ին ժամը 23.30-ի սահմաններում Չայլու գյուղի մերձակայքում Ադրբեջանից ԼՂՀ տարածք է ներխուժել զինված հետախուզական խմբավորում, որի առաջխաղացումը հայկական կողմը կասեցրել է: Սահմանն անցած ադրբեջանցիներին հաջողվել է թափանցել արցախա-ադրբեջանական զորքերի շփման գոտու հյուսիսարեւելյան հատված:
Թշնամու զինված խմբավորումն առճակատվել է հայկական կողմի դիրքապահներին եւ տեղի է ունեցել դիմահար մերձամարտ: Հայկական կողմի ձեռնարկած միջոցառումների արդյունքում հակառակորդի առաջխաղացումը կասեցվել է, ովքեր թողնելով մեկ դիակ եւ զինամթերք՝ հետ են քաշվել: Մարտի ընթացքում հայկական կողմը տվել է 4 զոհ եւ 4 վիրավոր:

Հացը կարեւորագույն սննդամթերքներից է: Աշխարհի ժողովուրդներն իրենց ապրելակերպին հարիր համապատասխան հաց են ստեղծել: Չնայած իրենց ձեւով, թխման եղանակով հացերն իրարից տարբերվում են, սակայն ունեն մեկ ընդհանրություն, բոլորն էլ ունենում են արտաքին կոշտ (չոր) կեղեւ եւ ներսում փափկամաս: Ի տարբերություն աշխարհի բոլոր ժողովուրդների հացերի` հայկական հացը` լավաշը չունի արտաքին չոր կեղեւ, փափկամաս եւ, որն ամենակարեւորն է, այն չի հնանում: Շաբաթներ, ամիսներ, տարիներ պահելով` այն արագ վերականգնում է իր «թարմությունը», դառնում բուրավետ, դյուրամարս եւ սննդարար հաց: Այս հատկանիշներից զուրկ են ներկայումս այլ ժողովուրդների կողմից օգտագործվող ազգային եւ «համազգային» հացերը:

Անկարայի ներկայացուցիչը Վաշինգտոնում անհանգստացած է Հայոց ցեղասպանության բանաձեւի հնարավոր վերարծարծումից:
ՄԱԿ-ի Անվտանգության խորհրդում Իրանի դեմ կիրառվելիք նոր պատժամիջոցներ սահմանող բանաձեւին «ոչ» քվեարկելուց հետո պաշտոնական Անկարան իր դիրքորոշումը Վաշինգտոնին բացատրելու համար ԱՄՆ է ուղարկել վարչապետ Էրդողանի գլխավորած իշխանական կուսակցության` «Արդարություն եւ զարգացում» (ԱԶԿ-AKP)-ի փոխնախագահ Օմեր Չելիքին:
Ըստ թուրքական «Զաման» օրաթերթի` Օ. Չելիքը հրավիրված մամուլի ասուլիսի ժամանակ անդրարձել է նաեւ ԱՄՆ մի խումբ կոնգրեսականների հնչեցրած այն պատրաստակամության հարցին, թե նրանք պատրաստվում են Հայոց ցեղասպանությունը դատապարտող օրինագիծ կազմել եւ բերել օրակարգ: Նա այդ կապակցությամբ ասել է. «Անհրաժեշտ է, որ Թուրքիան աջակցություն ստանա Իսրայելի հետ կապված իր արդար դիրքորոշման հարցում: Բայց եթե դրա փոխարեն Թուրքիան քննադատության ենթարկվի, եթե խոսվի թեմայի հետ ոչ մի առնչություն չունեցող Հայկական կամ քրդական հարցերի մասին, ապա ակնհայտ է, որ նման բանը չի համապատասխանում բարեկամական հարաբերություններ հասկացությանը: Բարեկամները միմյանց շանտաժի չեն ենթարկում»:

       Ուստի` ՀՀ իշխանություններին կոչ ենք անում եւս մեկ անգամ ճանաչել ՀՀ-ԼՂՀ վերամիավորման փաստը եւ համարժեք միջոցների դիմել` պաշտպանելու հայության իրավունքներն ու անվտանգությունը մեր միասնական երկրի մի հատվածում:

1. Մեր պետական լեզուն անմրցակից է – Արմեն Ավետիսյան
2. Իշխող քաղաքական ուժերը լեզվաքաղաքականությունից բան չեն հասկանում
3. Հայաստանը մարդարարության օրրան և արիականության կենտրոն
4. Հայաստան – Արցախ
5. Ուխտագնացություններ Սևակի ու Նժդեհի շիրիմներին …
6. Երևանը տարածաշրջանային խճանկարում
7. Ներքին խնդիրներ և մարզական կյանք
8. Արտաքին հարցեր
9. Արտերկրի լուրեր
10. Իրանական պատրաստություններ
11. Ահաբեկչությամբ դեպի նեոօսմանիզմ և պանթուրքիզմ

Նույնիսկ աշխարհի հզոր պետությունները իրենց պետական լեզվի հետ բացառում են
որեւէ օտար լեզվի մրցակցություն

Հանրակրթության ոլորտի խնդիրները, շարունակական «բարեփոխումների»
քաղաքական, հոգեբանական, սոցիալ-տնտեսական հետեւանքները

20-րդ դարի ավարտն ու 21-րդ դարի սկիզբը մեզանում «նշանավորվեց» համապարփակեցման (գլոբալացման) գործընթացով՝ մասնավորապես՝ հոգեւոր-կրթամշակութային ոլորտում: Այս բնագավառում օտարամուտ, օտարածին արժեքների ներխուժման վտանգի մասին Հայաստանի ազգայնական կառույցներն ահազանգել են դեռեւս 90-ականների սկզբից, երբ երկրում ան-կախ-ության գործընթացին զուգահեռ տեղի էր ունենում կախ-ության (կախվածության գցելու) գործընթաց:
Սակայն, ցավոք, վտանգը ոչ միայն չգիտակցվեց, այլեւ ահազանգողներին պիտակավորեցին: Քանզի՝ «ով էշ՝ իրենք էլ փալան» կենսակերպը որդեգրեցին ան-կախ Հայաստանի կախված իշխանությունները:

Լեզվաբանությունը գիտություն է լեզվի համակարգի, նրա գոյաձեւերի, զարգացման, հաղորդակցման կանոնների մասին: Հիմնականում ընդգրկում է աշխարհաճանաչողություն՝ նյութ-բառ-անձ փոխհարաբերություն, գրագիտության դասընթաց, ճարտասանություն՝ գեղեցիկ եւ տրամաբանված խոսքի կառուցում:
Քաղաքականությունը պետական կառավարման համակարգի ուղղորդված, բայց չկանոնարկված՝ իրավիճակային ազատության աստիճան ունեցող գործընթաց է: Լեզվաքաղաքականությունը պետական-ազգային անվտանգության գործոն Է, առավելագույն քաղաքական ուշադրություն եւ նրբանկատություն պահանջող ոլորտ, ներառում է լեզվահոգեբանություն, հասարակագիտություն, նաեւ միջպետական հարաբերություններ:

Հունիսի 15-ին քայլերթ եղավ. այն կառավարության շենքի դիմացից անցավ Նալբանդյան փողոցով, Սայաթ-Նովա պողոտայով, Օպերայի շենքի հարեւանությամբ գտնվող Ֆրանսիական հրապարակով եւ Մաշտոցի պողոտայով, Ամիրյան փողոցով մուտք գործեց կրկին Հանրապետության հրապարակ:
ՀՀ պետական դրոշի տոնին մասնակցեցին հիմնականում դպրոցականներ, ուսանողներ եւ երիտասարդներ: Քայլերթի մասնակիցներին առաջնորդում էր զինվորական նվագախումբը, իսկ բոլոր մասնակիցների ձեռքին եռագույնն էր, նրանք կրում էին հենց մեր եռագույնի ձեւով վերնաշապիկներ:
Այսպես առաջին անգամ տոնվեց ՀՀ պետական դրոշի օրը, որն ընդունվել է մեր Գերագույն խորհրդի կողմից 1990թ. օգոստոսի 24-ին, իսկ 2006թ. հունիսի 15-ին ընդունվել է «ՀՀ դրոշի մասին» գործող օրենքը:

Կառավարությունը երեկվա նիստում որոշեց, որ Գյումրի քաղաքի «Էլեկտրատեխնիկական գործարան» ՓԲԸ նախկին ճաշարանի շենքում գտնվող «Հանդիպում» (15 թվական) եւ «Խաչքարի մոտ» որմնանկարներն ամրացնելու, ՀՀ կառավարական թիվ 1 շենք տեղափոխելու եւ վերականգնելու ծախսերն իրականացնելու նպատակով «Մինաս Ավետիսյան» մշակութային բարեգործական հիմնադրամին, որպես նվիրաբերություն, կտրամադրի 20 մլն դրամ (կառավարության պահուստային ֆոնդի հաշվին):
Ինչպես տեղեկացրեց մշակույթի նախարար Հասմիկ Պողոսյանը, որոշումը պայմանավորված է «Հանդիպում (15 թվական)» (5,5/3,5մ) եւ «Խաչքարի մոտ» (5,5/3,5մ) որմնանկարներն ամրացնելու, կառավարական շենք տեղափոխելու եւ վերականգնելու, դրանով իսկ այն հետագա անդառնալի ոչնչացումից փրկելու անհրաժեշտությամբ: