Daily Archives: July 9, 2010

1. Գաղափարն ու գաղափարակիրներն ընդդեմ գաղափարազուրկների – Արմեն Ավետիսյան
2. Հայությունը պետք է միշտ… առանց խուճապի դիմակայի պատերազմին
3. Հայ ազգայնականությունը ինտերնետ-համացանցում
4. Տարածաշրջանի ապօրինի զավակը
5. Պետք է հաղթել և ամենուր և այլ լուրեր
6. Պատերազմը կվտանգի Ալիևի ունեցվածքը և այլ լուրեր
7. Հայերն ու հրեաները միասին…
8. Ներքին հարցեր և խնդիրներ
9. Գիտական և մարզական լուրեր
10. Հայ դասական արիությունը – Գարեգին Նժդեհ

Գաղափարն ու գաղափարակիրներն ընդդեմ գաղափարազուրկների

Ցավոք, երկար ժամանակ է, ինչ մեր հանրությունը ոչ համարժեք է արձագանքում գաղափարներին, գաղափարակիրներին եւ գաղափարազուրկներին: Չնայած, սա միայն հայ հանրությանը չի վերաբերում: Այսինքն՝ ճիշտ գաղափարի եւ այն ճշմարտորեն կրողների իրականությունը հանկարծ ու խառնվում է գաղափարազուրկ, իրապես գաղափարը եսակենտրոն մղումներով գործածողների հանրույթին: Պատճառը իբր գաղափարակիրների, իրականում՝ գաղափարազուրկների տվյալ գաղափարի անհարկի արծարծումն է կամ այդ գաղափարի տակ պատսպարվելու հանգամանքը…

Ադրբեջանական պանթուրքիզմ

Ըստ իրանական «Արաննյուզ. իռ»-ի, «Բաքվի անարժան կառավարության կողմից հրատարակված գրքերում Իրանի հյուսիսային նահանգները համարվում են ադրբեջանական… Ներկայիս շինծու Ադրբեջանի Հանրապետություն պետությունը ստեղծվել է 1918թ. պանթյուրքական գաղափարախոսության պարագլուխ Մոհամմադ Ամին Ռասուլզադեի գլխավորությամբ օսմանյան զորքերի կողմից իրանական տարածքներ ներխուժման արդյունքում»:
Նշվում է, որ դեռեւս Ադրբեջանի Հանրապետության 2-րդ նախագահ Աբուլֆազ Էլչիբեյը, ելնելով պանթյուրքական գաղափարախոսությունից, հայտարարել էր. «Մենք Իրանի մասնատմամբ եւ «Մեծ Ազերբայջանի» ստեղծմամբ հիմնելու ենք Մեծ Թուրանը՝ Թուրքիայից մինչեւ Չինաստանն ընկած հատվածը»:

Ըստ «Էրմենիհաբեր» լրատվական կայքի եւ «Միլլիեթ» օրաթերթի, ԱՄՆ պետքարտուղար Հիլարի Քլինթոնի երեւանյան այցը վտանգել է Թուրքիայի շահերը: Թուրքական մամուլը հատկապես հեղեղված է Քլինթոնի՝ Հայոց ցեղասպանության թանգարան կատարած այցի նկարներով ու նյութերով: Թուրքական զլմ-ները հիշեցնում են, որ անցած տարի ստորագրվեցին հայ-թուրքական արձանագրությունները, որոնց շնորհիվ կարող էին հիմնվել դիվանագիտական հարաբերությունները, բացվեր սահմանը, մշակվեին պատմական խնդիրների շուրջ երկխոսության գործառույթներ: Բայց «Անկարան, տուրք տալով Բաքվի հակազդեցություններին եւ պայման դնելով ղարաբաղյան խնդրի լուծումը, փաստորեն ճանապարհ հարթեց արձանագրությունների սառեցման համար»:
«Առաջին հայացքից թվում է՝ Թուրքիային դրանից ի՛նչ վնաս որ: Ներկայումս՝ ոչ մի: Բայց անկեղծ ասած` Վաշինգտոնից վատ ազդակներ են գալիս: Առաջիկայում ԱՄՆ Կոնգրեսում նորից կքննարկվի Հայոց ցեղասպանության բանաձեւը: Անցած ապրիլին ի հայտ եկած վտանգն այս անգամ առավել լուրջ կարող է լինել»,- աղմկում են թուրք վերլուծաբանները` դա պայմանավորելով 2 պատճառով:

Կա­ռա­վա­րութ­յան ե­րեկ­վա նիս­տում ա­ռող­­ջա­պա­հութ­յան նա­խա­րար Հա­րութ­յուն Քուշկ­յանն անդ­րա­դար­ձավ «Մար­դուն օր­գան­ներ եւ հյուս­վածք­ներ փոխ­պատ­վաս­տե­լու մա­սին» օ­րեն­քում լրա­ցում­նե­րի ան­հրա­ժեշ­տութ­յա­նը: Գոր­ծա­դի­րը քննար­կեց եւ հա­վա­նութ­յան ար­ժա­նաց­րեց դրանք:
Լրա­ցում­նե­րի անհ­րա­ժեշ­տութ­յու­նը պայ­­մա­նա­վոր­ված է հե­տեւ­յալ հան­գա­ման­քով. կյան­քը ցույց է տա­լիս, որ լի­նում են դեպ­­քեր, երբ ա­զա­տազրկ­ման դա­տա­պար­տ­­ված ան­ձի մեր­ձա­վոր ազ­գա­կա­նը (ա­մու­սի­նը, ե­րե­խան եւ այլն) օր­գա­նի կամ հյուս­ված­քի փոխ­պատ­վաստ­ման կա­րիք է ու­նե­նում, իսկ ա­զա­տազրկ­ման դա­տա­պարտ­ված ան­ձը, ցան­կա­նա­լով օգ­նել իր ազ­գա­կա­նին, պատ­րաս­տա­կա­մութ­յուն է հայտ­նում հան­դես գալ որ­պես դո­նոր, սա­կայն, փոխ­պատ­վաս­տու­մը հնա­րա­վոր չի լի­նում ի­րա­կա­նաց­նել, քա­նի որ գոր­ծող օ­րենսդ­րութ­յամբ դա ար­գել­վում է: Նման ար­գել­քի առ­կա­յութ­յու­նը շատ դեպ­քե­րում ան­հար­կի խո­չըն­դոտ է լի­նում, ինչն էլ լուրջ դժ­­գո­հութ­յուն է ա­ռա­ջաց­նում ա­զա­տազրկ­ման դա­­տա­պարտ­ված ան­ձանց եւ նրանց ազ­գա­­կան­նե­րի շր­­ջա­նում:

Ըստ չինական զլմ-ների տեղեկատվության, Չինաստանի արեւելքում գտնվող Խանչժոու քաղաքի օդանավակայանը 1 ժամով փակվել էր այն բանից հետ, երբ օդանավակայանի ռադարներին հայտնվել է չբացահայտված թռչող օբյեկտ՝ ՉԹՕ:
Կասկածողներ էլ կան իհարկե, ովքեր դեռ փորձում են պարզել, թե ինչ է եղել իրականում, ինչ է երեւացել ռադարների էկրանին: Ինչեւէ, շուրջ 1 ժամ անց օդանավակայանի աշխատանքը վերսկսել է:
Նախկինում ՉԹՕ-ների մասին շատ եւ պարբերաբար տեղեկատվություն էր տրվում այս կամ այն երկրից, սակայն մարդկությունն այնքան է մխրճվել իր հոգսերի մեջ, որ ըստ երեւույթին «Թռչող ափսեներ»-ի ժամանակը չունի դեռ…

* * *

Ա
Ես էլ թագաւորազն եմ*)
Շաւասպ

Պարզել անցեալի իրենց պարտութեանց պատճառները, նորէն մոռացութեան տալ պատմութեան խրատականը եւ ապա, նոր աղէտներից զարնուած՝ վերստին սերտել պատմութեան դասերը – ահա՛ անհեռատես ազգերի ճակատագիրը:
Որքան մոռացկոտ, այնքան տկար ու դժբախտ է դա: Մոռացա՞ւ իր պատմութիւնը, ասել է՝ անխրատ է ժողովուրդը եւ պատժի արժանի:
Միշտ էլ ուժեղին պիտի պատկանի երկիրը. Յովբի այդ խօսքերով է ազգերին խրատում պատմութիւնը: