Daily Archives: September 3, 2010

1. ,,Լուսանցք,,-ը վերադարձավ արձակուրդից. Իսկ մենք պատրաստվենք պատերազմի, որ հաղթենք.
2. Սեպտեմբերի 1. Նոր ուսումնական տարի.
3. Օգոստոսի 11-ը Նավասարդի տոնն է. Հայկը նետահարեց Բելին.
4. Արցախը ո'չ Կոսովո է, ո'չ էլ Ադրբեջան.
5. Թուրքերը շահարկում են Վանի Ս. Խաչ եկեղեցու պատարագը.
6. Թուրքերը կթաղեն հայ լեռնագնացներին. ..
7. Հակամարտություն. Հայաստան-Ռուսաստան – Ադրբեջան-Թուրքիա.
8. Ներքին լուրեր.
9. Արտաքին լուրեր.
10. Մարզաշխարհը քաղաքականության մեջ.

«Լուսանցք»-ը վերադառնում է մեկամսյա արձակուրդից հետո: Մենք, իհարկե, կուզեինք արձակուրդ չգնալ, քանի որ ասելիք միշտ էլ կա, իսկ արձակուրդը մի տեսակ խզում է ընթերցող-թերթ կապը: Բայցեւ ամենօրյա տքնաջան աշխատանքից հետո կարճատեւ հանգիստն անհրաժեշտություն է պարզապես:
Հիմա վերադառնում ենք այդ մեկամսյա ընթացքում անցած-դարձածի յուրօրինակ ամփոփումով, վերադառնում ենք յուրաքանչյուր ընթերցո-ղին ասելու. «Բարեւ, ես Ձեր թերթն եմ»:
Ձերն եմ, որովհետեւ իմն են Ձեր հոգսերը, տխրություններն ու ուրախությունները, հրճվանքը, հիասթափությունն ու հուսավա-ռությունը: Ձերն եմ, որովհետեւ Ձեզ համար են իմ շաբաթական, ամենօրյա ու ամենժամյա տքնանքները: Ձերն եմ, որովհետեւ սպասում եք ինձ` արձագանքելու իմ աշխատանքին:

ՀՀ-ում 2010-11թթ. ուսումնական տարվա առաջին օրը իրենց դռները բացեցին 1404 դպրոց՝ 1313 հիմնական, 91՝ ավագ: Աշակերտների քանակը դեռ պարզ չէ, հայտնի կլինի միայն սեպտեմբերի 10-ից հետո: Իսկ ըստ կանխատեսումների, 1-ին դասարան կհաճախի մոտ 37.390 երեխա: 91 ավագ դպրոցներից 37-ը գործելու է Երեւանում, 11-ը՝ Կոտայքում, 9-ը՝ Շիրակում, 6-ը՝ Արմավիրում, 5-ական՝ Լոռիում եւ Գեղարքունի-քում, 4-ական՝ Սյունիքում ու Տավուշում, 3-ական՝ Արարատում, Վայոց Ձորում ու Արագածոտնում: ՀՀ-ում գործում է նաեւ 59 մասնավոր դպրոց, որոնց կրթական ծրագիրն ամբողջությամբ համապատասխանում է պետական դպրոցների ծրագրերին:

Օգոստոսի 11-ին Հայոց Նավասարդի տոնն էր: Ցավոք, այս անգամ էլ այն չնշվեց պետականորեն: Հայ արիները, ազգայնականները եւ մի շարք գիտա-մտավոր կազմակերպությունների ներկայացուցիչներ դեռ տարիներ առաջ առաջարկել էին այդ օրը ԱԺ կողմից հաստատել որպես Հայոց Ինքնության օր: Սակայն ցայսօր հարցը դրական լուծում չի ստացել: Ինչպես միշտ Հայ առաքելական եկեղեցին եւ որոշ քրիստոնյա հայեր ընդվզեցին, քանզի Ազգային Ինքնության օրը չէր առնչվում քրիստոնեությանը (հետաքրքիր է` ինչու՞ պիտի առնչվեր, ե-թե հայության տարիքը տասնյակ հազարամյակներ է հաշվվում, իսկ քրիստոնեականը շուրջ 2 հազարամյակ… ընդամենը):

Վանի Սուրբ Խաչ եկեղեցում սեպտեմբերի 19-ին նախատեսված պատարագի արարողությանը Ամենայն Հայոց Կաթողիկոսը չի մասնակցի, բայց Մայր Աթոռից ներկա կլինեն 2 ներկայացուցիչ:
Ինչպես բազմաթիվ քաղաքական եւ հասարակական ուժեր, անհատներ, այնպես էլ ՀՀ հանրային խորհուրդը քննարկել եւ բացասական է գնահատել Աղթամարի Ս. Խաչ եկեղեցում թուրքական իշխանությունների նախաձեռնած միջոցառումը` այն անվանելով շոու եւ կոչ է արել հայությա-նը՝ հրաժարվել դրան մասնակցելուց: Այս թուրքական ձեռնարկը հետապնդում է նյութական ու քաղաքական շահեր եւ նպատակներ, որի մասին ար-դեն շատ է խոսվել: Կարծում ենք` Էջմիածինը ամենայն լրջությամբ կվերաբերի հայության տարբեր հատվածների մտահոգություններին եւ կհրաժարվի թուրքական այս կրոնախաղին մասնակցելուց:

ՌԴ ­նա­խա­գահ Դմիտ­րի Մեդ­վե­դե­ւի օգս­տոս­յան 3-օր­յա այ­ցը ՀՀ ­շատ կա­րե­ւոր էր ՀՀ-ՌԴ ռազ­մա­վա­րա­կան հա­րա­բե­րութ­յուն­նե­րի զար­գաց­ման ա­ռու­մով, քա­նզի 2 երկր­նե­րի ­ռազ­մա­վա­րա­կան փոխ­գոր­ծակ­ցութ­յու­նը մեր պե­տա­կան ան­վ­տ­ան­­գութ­յան բաղ­կա­ցու­ցիչ մա­սե­րից է. հա­մոզ­ված են ՀՀ ­նա­­խա­գա­հի աշ­խա­տա­կազ­մում:
Բարձր մա­կար­դա­կով քննար­կ­­վեց Գյում­րիում ռու­սա­կան ռազ­մա­կա­յան­նե­րի ժամ­կե­տի եր­կա­րաձգ­ման հա­մա­ձայ­նագ­րի կնքու­մը, ինչ­պե­սեւ տա­րա­ծաշր­ջա­նա­յին, ռազ­մա­կան անվ­տան­գութ­յու­նը ե­րաշ­խա­վո­րե­լու նպա­տա­կով նույն ռազ­մա­կա­յա­նի՝ գոր­ծա­ռույթ­նե­րն­ ընդ­լայ­նե­լու մա­սին հա­մա­ձայ­նա­գի­րը:

Հարգելի «Լուսանցք»-ի խմբագրություն: Ձեզ եմ դիմում՝ զրույցի ակնկալիքով: Ուզում եմ մի հարց տալ, որի պատասխանը գուցե միա-սին գտնենք, կամ էլ…
Ես ապրում եմ միջին երեւանցու պես: Միջին երեւանցին նշանակում է ոչ թե ինչպես արտասահմանում է՝ նորմալ աշխատավարձ, բնակարան, ավ-տոմեքենա, այլ՝ խորհրդային տարիներին ստացած բնակարան, հացը հացին հասցնող աշխատավարձ եւ 6-7 ձմեռը մեկ փոխող կոշիկներ: Սա նշանա-կում է, որ ես ռեստորաններ այցելել չեմ կարող՝ թեկուզ առիթից առիթ (վերջին անգամ ռեստորան եմ այցելել խորհրդային տարիներին՝ ԱՄՆ-ից ժամանած բարեկամուհուս հետ): Ահա այդ բարեկամուհիս կրկին Հայաստան եկավ այս տարվա հուլիսին: Ու քանի որ ինձ ու ընտանիքիս բերած նվերների առումով բավականին շռայլ էր գտնվել, ինչը բնորոշ չէ դրսերում ապրող մեր հայրենակիցներին, ամուսնուս հետ որոշե-ցինք լավությունը փոխհատուցել: Իմ թոշակն ու ամուսնուս կանխավ վերցրած աշխատավարձը (շինարարություն է անում օրական 2.500 դրամով) միացրեցինք ու որոշեցինք մեր հյուրին գոնե երեւանամերձ վայրերում պտտեցնել ու ռեստորանում ճաշի հրավիրել: Եվ գիտե՞ք ինչ եղավ: Արդի հայերենով ասած՝ կատարյալ քցոցի: Ներողություն եմ խնդրում իմ այն աշակերտներից (եթե իհարկե թերթ են կարդում), ում տա-րիներ շարունակ սովորեցրել եմ հնարավորինս ճիշտ խոսել հայերեն:

Իրանի Իսլամական Հանրապետության դեսպան պարոն Սաղաիյանը Երեւանի Կապույտ մզկիթում տեղի ունեցած «Ղոդս»-ի միջազգա-յին օրը եւ մարդու իրավունքների վերանայումը» համաժողովի ընթացքում Պաղեստինի հիմնախնդիրը որակեց որպես վիթխարի, իսլամական, մարդկային եւ համաշխարհային իրադարձություն, եւ անդրադառնալով ԲալՖուրի հայտարարությանն ու Անգլիայի կող-մից սիոնիստական վարչակարգի կազմավորման գաղափարին ասաց. «Այս պետությունը միակ պետությունն է, որը ձեւավորվել է ուժի եւ բանակի աջակցությամբ, կառավարությունը կազմավորվել միայն դրանից հետո»: