Daily Archives: April 30, 2011

1. ՀՀ նախագահի առաջանցիկ քայլը՝ քաղաքական նոր սպասումների առանցք (Հայ արիներն ու ազգայնականները դեռ կարտահայտվեն)…
2. Ադրբեջանում հեյդարիզմին սատարում են նոր ալիեւիստները
3. Ցեղասպանության միա՛յն ճանաչումը բավարար չէ. Իսկ դատապարտումը հայրենիքի վերադարձն է հայերին…
4. Հային եւ արաբին պառակտելու փորձերի մասին…
5. Պտույտ մը Երեւանին մեջ… սփյուռքահայի աչքերով – Գեւորգ Յազըճյան
6. Մեզ խորհուրդ տվող միջազգայիններն արդեն «լեզվին են տալիս». ՄԱՀ-ը չի՛ կարող հային մահ բերել…
7. Հայկական խոհանոց եւ… Շաբաթվա մարզական կյանքից

«Կարեւորելով մարդու իրավունքների ոտնահարման կանխարգելումը հնարավոր ներքաղաքական լարված իրավիճակներում, ինչպես նաեւ անկեղծ հավա-տալով, որ մեր հասարակության զարգացման եւ պետության հզորացման համար իսկապես անհրաժեշտ է քաղաքական ուժերի երկխոսություն ու ա-ռողջ համագործակցություն՝ ես ցանկանում եմ հանդես գալ Հայ ազգային կոնգրեսի եւ խորհրդարանական իշխող կոալիցիայի միջեւ միջնորդ դառնալու առաջարկով»,- հայտնել է ՀՀ Մարդու իրավունքների պաշտպան Կարեն Անդրեասյանը՝ մարտի 1-ի դեպքերի վերլուծությունում:

Ըստ BBC-ի, Արցախի ու Ադրբեջանի միջեւ սահմանն աշխարհի ամենաամրացվածներից է: Վերջերս BBC-ի ռուսական ծառայությունը ԼՂ-ի հակա-մարտության վերաբերյալ ռեպորտաժ էր պատրաստել, որը վերնագրել էր՝ «Ղարաբաղ. պատմությունը գրվում է երկու տարբերակով»: Ներկայացվել են ԽՍՀՄ-ի փլուզումից հետո ստեղծված իրավիճակը, մասնավորապես, դրա հետեւանքով տեղի ունեցած արյունալի իրադարձությունները: «Լեռնա-յին Ղարաբաղի ու Ադրբեջանի միջեւ սահմանը մնում է աշխարհում ամենաամրացվածներից մեկը, բայց դիպուկահարների կրակից այնտեղ հա-ճախ են մարդիկ զոհվում»,- ասված է այդ ռեպորտաժում, որում նաեւ ընդգծվել է, թե չնայած այն հանգամանքին, որ 1994թ. Հայաստանի ու Ադրբեջա-նի միջեւ հրադադարի պայմանագիր է ստորագրվել, այնուամենայնիվ, մոտ 16 տարվա ընթացքում Հայաստանը, Ադրբեջանը, ինչպես նաեւ Արցախը այդ-պես էլ լիակատար խաղաղության չեն հասել…

Ցեղասպանության միա՛յն ճանաչումը բավարար չէ
Իսկ նաեւ դատապարտումը հայրենիքի վերադա՛րձն է ցեղասպանվածների ժառանգներին՝ մե՛զ

Ապրիլի 24-ին Ծիծեռնակաբերդի հուշահամալիրը, Հայոց Ցեղասպանության թանգարան-ինստիտուտը մարդաշատ էին մինչեւ ուշ գիշեր: Բազմա-հազար այցելուները հայաստանահայեր, արցախահայեր եւ սփյուռքահայեր էին, ինչպես նաեւ՝ այլազգիներ աշխարհի տարբեր երկրներից:
…Հերթական անգամ քննարկման թեմա դարձավ ԱՄՆ նախագահ Բարաք Օբամայի ամենամյա ապրիլքսանչորսյան ուղերձը, որում նա խուսափեց «Ցե-ղասպանություն» բառն արտասանել՝ գործածելով «Մեծ Եղեռն» հայերեն արտահայտությունը: «Մենք ակնածանքով հիշում ենք 96 տարի առաջ տեղի ունեցած սահմռկեցուցիչ դեպքերը, որոնք հանգեցրին 20-րդ դարի վատթարագույն նախճիրներից մեկին: 1915թ. Օսմանյան կայսրության վեր-ջին շրջանում ջարդերին եւ տեղահանություններին զոհ դարձան 1,5 միլիոն հայեր: Ես մշտապես հայտնել եմ իմ սեփական գնահատականը 1915թ. տեղի ունեցածի վերաբերյալ, եւ պատմության մասին իմ դիրքորոշումը չի փոխվել»,- հայտարարել է նա:

Հայ առաքելական եկեղեցին որպես ազգի միասնության գրավական, լավա հնչում չէ՞

Հենց ա՛յս վերնագրով «Ֆեյսբուք» սոցիալական կայքում տեղադրված՝ եկեղեցու այս փոքրիկ բնութագրումը տպագրում ենք առանց որեւէ խմբագ-րումների:
Ապրիլի 24-ին Համշենից մի մարդ էր եկել Հայաստան (տե՛ս http://madhab.livejournal.com/12195.html):
Համշենում այս մարդը բավական հեղինակություն ունի, համարում է իրեն հայ, ազատ խոսում է հայերեն: Գիտի գրել եւ կարդալ հայերեն՝ ինքնուսույց է:
Վերջերս Համշենի հայերի մոտ նկատվող հայկական ինքնության զարթոնքի ֆոնի տակ, նման այցելությունները առավել քան կարեւոր են:

Դիտարկում եւ նկատողություն –
Խնդիրների մեջ՝ խնդիրները չե՞ն տեսնում
Նորից երեւանյան երթուղային տաքսիների ցուցանակների մասին1

ՀՀ լրատվամիջոցներից տեղեկացա, թե Երեւանի քաղաքապետարանի փոխադրանու վարչության պետ Հենրիկ Նավասարդյանը ապրիլի 22-ին հրավիրել է մամուլի ասուլիս, որի ընթացքում խոսել է ոլորտում առկա խնդիրների մասին, պատասխանել լրագրողների բազմաթիվ հարցերին: Պր. Նավասարդյանը ներկայացրել է իր ղեկավարած վարչության՝ երեւանյան ավտոբուսների եւ միկրոավտոբուսների աշխատանքի դիտարկման արդյունքնե-րը: Նա հայտնել է, թե ինքն անձնապես «հաճախ» օգտվում է հասարակական փոխադրանու այս տեսակներից՝ «նաեւ անձնապես խնդիրները տեսնելու համար»:

Միջազգային որոշ կառույցներ, այս պարագայում՝ ՄԱՀ-ը (միջազգային արժույթի հիմնադրամ), երկրներ է ղեկավարում, որովհետեւ ֆինան-սապես սնում է նրանց: Մեխանիզմը պարզ է, բացատրության կարիք չկա: Բայց այդ ղեկավարումն անում է իբր խորհրդատվությամբ, կարծիքով, տեսա-կետով եւն: Ու իր «աղբյուրից» օգտվող բոլոր երկրներին համահարթեցնում է՝ նույն օրենքներով ու պահանջներով: Որովհետեւ մե՜ծ «ակ-նոց» է կրում ու ոչ մի երկրի ոչ մի առանձնահատկություն չի «նկատում»: Ու զարգացող երկրին կարող է թելադրել  պահանջ, որ զարգացածն ան-գամ չի անում, կամ՝ զարգացածն է միայն ի վիճակի անել: Թեեւ երկու դեպքն էլ զարգացողի համար նույն բացասական հայտարարն է… Բացեմ փակագծե-րը:

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028)
(ռեստորանն ընդունում է կոլեկտիվ հայտեր)

Հոնով բրնձապուր

Բաղադրությունը
Չորացրած կամ թարմ հոն – 160 գ
բրինձ – 50 գ
շաքար – 5 գ
ձիթայուղ – 30 գ
գլուխ սոխ – 30 գ
աղ, կարմիր պղպեղ՝ ըստ ճաշակի