Daily Archives: May 7, 2011

1. Մայիսի 9-ը Հաղթանակի օրն է… ,,Թղթե շերեփ,,-ի պատժամիջոցները միշտ համարժեք չեն
2. Համաշխարհային հեղափոխության հակաահաբեկչական դրսեւորումները…
3. Երկու իշխանություն – երկու ընդդիմություն. Վտանգավոր եզրագծում…
4. Փրկենք հային՝ Թուրքիայում… Հայի մայրաքաղաքը՝ Հայաստանում…
5. Ներքին լուրեր եւ խնդիրներ… Մամուլը վտանգված է
6. Տարածաշրջանային նոր զարգացումներ…
7. Հայկական խոհանոց եւ… Շաբաթվա մարզական կյանքից

Արցախյան ազատամարտի վճռորոշ մարտերից էր Շուշիի ազատագրումը:
Եվ այն դարձավ հիրավի հաղթանակի օր, հաղթության տոն: Հայ մարտիկների մեծ ու նվիրական սխրանքը դարձավ եւս մեկ հերոսական պատմութ-յուն, իսկ այդ օրը եկավ լրացնելու պետական փառապանծ տոների ցանկը:
Մայիսի 9-ին հայությունը կրկին նշելու է Հաղթանակի օրը:
Արցախյան պատերազմի մասնակիցների համար օրը յուրահատուկ նշանակություն ունի, քանզի Շուշիի վերատիրումը հայ ռազմիկների կողմից վերջնականապես հուսալքեց թյուրք-ադրբեջանցի զինվորներին, ովքեր այլեւս ճողոպրում էին ռազմադաշտի տարբեր ճակատնե-րից…
1992թ. մայիսի 9-ը նախաստեղծ հողն էր ադրբեջանական պարտության եւ 1994թ. թշնամու աղերսանքով կնքված զինադադարի:
Այս մայիսյան օրերին հայությունը նշում է նաեւ Երկրապահի տոնը (մայիսի 8-ին) եւ 1945թ. 2-րդ աշխարհամարտում կռած Հաղթանակի տոնը (մայիսի 9-ին), երբ խորհրդային բանակի կազմում մարտնչող հայ զինվորները Բեռլինում պարեցին Հայոց Քոչարին…

Երբ «հեղափոխականներն» են ասում՝ նոր հեղափոխությունների ծրագրով.
աշխարհն ավելի անվտանգ չի դառնում

«Արաբական հեղափոխական ալիքը» շարունակում է ալեկոծությունները: Այն արդեն միտում ունի վերածվելու «համաշխարհային հեղափոխական ա-լիքի»… Իհարկե, այս անգամ դա «բանվորա-գյուղացիական» չի կոչվում, այլ՝ «ժողովրդավարական», սակայն նույն նպատակով է արվում (աշխարհակալութ-յան սկզբունքով) եւ նույն ուժերի կողմից, որոնք «համաշխարհային հեղափոխական ալիք» նախաձեռնեցին նաեւ 1917-ին…
Այսօր, այդ հեղափոխությունը, եթե անգամ չի «մտնում» որոշ երկրներ, միեւնույնն է՝ ազդեցություն թողնում է: Եվ սա նոււյնպես հաշվի էին առել «հեղափոխականները»…
Արաբական որոշ երկրներ դեռեւս կարողանում են ընդդիմանալ հարվածող ալիքին: Այդ վիճակում է նաեւ մեր հարեւան Իրանը: Այնուամենայնիվ, համեմատաբար կայուն Իրանում արդեն հակասություններ են նկատվում երկրի վարչական ու հոգեւոր ղեկավարության միջեւ:

Վերջերս հրապարակվեց, թե Թուրքիայի քրդական «Խաղաղություն եւ ժողովրդավարությունե կուսակցությունը եւս մեծամասնական ընտրակարգով ա-ռաջադրել է հայազգի թեկնածուի՝ կուսակցության անդամ քաղաքագետ-գրող, Արդվինում ծնված Իսմեթ Շահինին (Ստամբուլի 2-րդ ընտրատարածք): Հայտնի է, որ շուրջ մեկ տասնյակ հայազգի թեկնածուներ են առաջադրվելու թուրքական խորհրդարանի այս ընտրություններին: Չի բացառվում, որ Շահինի ստեղծվելիք կուսակցությունը Թուրքիայում դառնա տեղի հայերի քաղաքական-հասարակական ամբիոնը, ինչպիսիք ունեն քրդերը:
Այսպես անգամ Թուրքիայում հնարավոր է հայկական քաղաքական ուժ ձեւավորվի:
Իսկ ի՞նչ են անում մեր հանրապետության կուսակցությունները, հասարակական-քաղաքական այլ ուժերը, որոնք ոչ միայն Հայաստանի, այլեւ համայն հայության ամբիոնները պիտի լինեն: Այսօր ՀՀ քաղաքական ուժերի մեծամասնությունը «սնվումե է արտաքին ուժերից եւ կամ նրանց է ծառայում, կամ էլ՝ լավագույն դեպքում մի կերպ համադրում է ազգային ու միջազգային շահերը… Էլ ուր մնաց թե կարողանան պաշտ-պանել համահայկական շահերն ու խնդիրները: ՀՀ քաղաքական ուժերը, արտաքին ուժերից «սնվելուե փոխարեն, պետք է իրենք «սնենե հայկական կազմակերպություններին, հայությանը, որ բնակվում է աշխարհի ավելի քան 100 երկրներում:

Մայիսի 3-ին մամուլի ազատության միջազգային օրն էր: ՀՀ-ում այն նշվում է 1994թ.-ից: Մամուլի ազատության օրը հայտարարվել է ՄԱԿ-ի գլխավոր ասամբլեայի կողմից հատուկ բանաձեւով՝ 1993թ. դեկտեմբերի 20-ին: 
Մայիսի 3-ի օրը աֆրիկյան Նամիբիի մայրաքաղաք Վինդուխում աֆրիկյան երկրների ազատ մամուլի ներկայացուցիչները ընդունեցին Վին-դուխյան հռչակագիրը, որով կոչ էր արվում կառավարություններին ապահովել մամուլի ազատությունն ու ժողովրդավարական բնույթը: Հռչակագ-րում ընդգծվում էր, որ ազատ եւ անկախ մամուլը յուրաքանչյուր ազատ հանրության կարեւոր մասն է համարվում: Ամեն տարի այս օրը ՄԱԿ-ի գլխա-վոր քարտուղարը հանդես է գալիս ամենամյա ուղերձով: Լրագրողների պաշտպանության կոմիտեն յուրաքանչյուր տարի մայիսի 3-ին հրապարա-կում է «մամուլի ազատության 10 հակառակորդների» ցուցակը:

Թուրքական խարդավանքներ
Թուրքիայի վարչապետ Ռեջեփ Թայիփ Էրդողանի ավտոշարասյունը ենթարկվել է զինված հարձակման, որի հետեւանքով մեկ ոստիկան սպանվել եւ մեկն էլ վիրավորվել է: Դեպքը պատահել է Թուրքիայի վարչապետի՝ Քասթամոնու քաղաքում իրականացրած հանրահավաքից հետո, երբ աշխատակազմին եւ իշխող կուսակցության անդամներին տեղափոխող ավտոշարասյունը մոտեցել է Իլգազ լեռան ստորոտին: Էրդողանը չի եղել ավտոշարասյան մեջ, քանի որ հանրահավաքից հետո ուղղաթիռով մեկնել է Ամասիա:
Թուրքական անվտանգության ուժերն այս հարձակման մեջ կասկածում են քրդական PKK-ին, կամ մեկ այլ քրդական ռազմականացված կառույցի՝ TIKKO-ին:
Արդեն որերրորդ անգամն է՝ թուրք պաշտոնյաներն իրենց վրա կատարվող մահափորձերի ու ահաբեկումների մեջ մեղադրում են քրդական կազմակեր-պություններին, եւ սա պատահական չէ: Անկարան մեկ անգամ չէ, որ Արեւմուտքին տրամադրում է քրդերի դեմ՝ հայտարարելով, թե միջազգային հա-կաահաբեկչական պայքարը պետք է ներառի նաեւ քրդական զինյալ կառույցների ոչնչացման հարցը, ինչի հետ Արեւմուտքը դեռեւս համաձայն չէ:

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028)
(ռեստորանն ընդունում է կոլեկտիվ հայտեր)

Տավարի մսապուր ծնեբեկով

Բաղադրությունը
ծնեբեկ – 300 գ
գլուխ սոխ – 50 գ
հալած յուղ – 20 գ
կարտոֆիլ – 100 գ
ալյուր – 5 գ
զաֆրան – 2 գ
աղ,
մաղադանոս՝
ըստ ճաշակի