Daily Archives: June 6, 2011

Տարիներ շարունակ հայ հանրության մի զգալի մասը պայքարեց այսպես կոչված սոցիալական քարտերի համակարգի ներդրման դեմ՝ բազմիցս հիմնավորելով դրանց վտանգավորությունը ազգային ու պետական անվտանգության տեսանկյունից: Նախնական օրենքում հստակ էր, որ դրանք անհատական բնույթի քարտեր են եւ իրականում համարակալման խնդիր են լուծում: Օրենքով թույլատրվում էր մարդու (իմա՝ ազգի) կյանքին առնչվող բոլոր տվյալները հավաքել ու կուտակել մեկ տեղում՝ կենտրոնացված, որը նույն օրենքի համաձայն կարող էր ձեռք բերել անգամ միջազգային որեւէ կազմակերպություն (պարզ է՝ նաեւ թշնամի պետությունը՝ քողարկված ձեւով): Այսպես ՀՀ բնակչության մեկտեղված-համակարգված տվյալները հավաքվեցին մեկ միջազգային համակարգչում եւ դրանք փոխանցվեցին այնտեղ՝ որտեղից էլ վճարել էին այդ համակարգի ներդրումն իրականացնելու համար: