Daily Archives: June 18, 2011

1. Անձնական եւ անանձնական տիրույթներում – ՀԱՄ առաջնորդ Արմեն Ավետիսյան
2. Թուրքական ընտրությունների ծավալումները տարածաշրջանում – Առջեւում հայկական ընտրություններն են…
3. Հարատեւ երկխոսություն (նախընտրական)… Հայ -թուրքական հարցեր… Ներքին խնդիրներ…
4. Ադրբեջանը աշխարհիկ եւ հոգեւոր ճգնաժամում… Կռիվ է ընկել – Պարսից ծոց եւ Մեռյալ ծով
5. Հոգեւոր դիվանագիտության «ֆուտբոլային» ընթացքը – պարտության շեմին… Ջավախքահայերի խնդիրները կաթողիկոսները չկարգավորեցին
6. Հայ քրիստոնյայի լուսավորիչ Գրիգորիսի «տեսիլքը»… ՀԱՄ Քրմական խորհրդի անդամ՝ քուրմ Մանուկ
7. Նոր ԱԷԿ – կդիմանա աշխարհում ամենամեծ աէրոբուսի՝ A-380 հսկայի ընկնելու հարվածին… Տնտեսական հարցեր
8. Հայկական խոհանոց եւ… Շաբաթվա մարզական կյանքից

Անձնական եւ անանձնական տիրույթներում

Հայ տեսակի յուրաքանչյուր ինքնաճանաչ ներկայացուցիչ սկզբունքային է համարում ազգի միասնությունն ու արյան մաքրությունը, բուն հայկական ակունք-արմատներին վերադառնալու անհրաժեշտությունը, հայրենիքի ազատությունն ու անկախությունը, ամբողջականությունն ու հզորությունը, եւ բոլոր ուժերով ու միջոցներով պայքարում է հանուն այս սրբազան նպատակների իրականացման:
Անցած հազարամյակների, նաեւ ներկա պայքարի փորձը, երկրում առկա իրադրությունը հանգեցրել են ազգի ինքնահաստատմանը եւ հայ տեսակի արարող արմատներին վերադառնալու գաղափարին: Առաջացել են բարդ ու տարաբնույթ խնդիրներ, որոնցից յուրաքանչյուրը ազգի գոյատեւման, ազատ, անկախ զարգացման, հայրենիքի միասնության համար կարեւոր են ու սկզբունքային…

Թուրքիայում խորհրդարանական ընտրություններն ավարտվեցին: Ինչպես սպասվում էր՝ վարչապետ Էրդողանի կուսակցությունը հաղթեց երկրի խորհրդարանական ընտրություններում՝ հավաքելով ձայների 50,1%-ը: Այսպիսով՝ իշխող «Արդարություն եւ զարգացում» կուսակցությունը 550 տեղից բաղկացած մեջլիսում կստանա 326 տեղ, ինչը հնարավորություն կընձեռի ԱԶԿ-ին կրկին ձեւավորել երկրի կառավարությունը, սակայն նոր Սահմանադրության ընդունման հարցում ստիպված է լինելու ստանալ ընդդիմադիր կուսակցությունների աջակցությունը խորհրդարանում:
Ակնհայտ է, որ թուրքական քաղաքականությունը չի փոխվի, եւ Անկարան տարածաշրջանում կշարունակի իր խորամանկ բազմաբեւեռ դիվանագիտությունը: Թուրքիայի կառավարությունը հրաժարական է ներկայացրել երկրի նախագահ Աբդուլլահ Գյուլին, որն ընդունվել է. «Մենք հրաժարական ենք ներկայացնում Գյուլին, որից հետո հանձնարարական կստանանք կազմելու նոր կառավարություն: Շարունակելու ենք մեր աշխատանքները»,- ասել է Էրդողանը: Ընտրություններում 3-րդ անգամ անընդմեջ հաղթանակած ԱԶԿ-ն կազմելու է իր 3-րդ, իսկ հանրապետական Թուրքիայի 61-րդ կառավարությունը:

Իշխանությունը հայտնեց, որ ընդունել է երկխոսություն սկսելու ՀԱԿ-ի առաջարկը, եւ այդ երկխոսությունը վաղուց է սկսվել, ընթանում է ու մի շարք դրական փոփոխությունների արդեն իսկ հանգեցրել է: Սակայն ՀՀԿ-ն, որպես իշխանության մեծամասնական ուժ, չշտապեց գնալ ՀՀԿ-ՀԱԿ ուղղակի երկխոսության ճանապարհով, ինչը վստահաբար կհանգեցներ իշխանական եւ ընդդիմադիր մյուս ուժերի ընդվզմանը:
Այժմ էլ, երբ երկխոսությունը ունեցավ դրական երանգներ, դեռեւս հարցական են մնում իշխող քաղաքական կոալիցիայի մյուս առաջատար ուժի՝ ԲՀԿ-ի վերաբերմունքը եւ խորհրդարանական ու արտախորհրդարանական այլ ընդդիմադիր կազմակերպությունների հետագա քայլերը:
Այս ընթացքում ՀԱԿ-ն արդեն լքել են մի խումբ ընդդիմադիրներ, որոնց կարող են միանալ նաեւ վերջերս ՀՀՇ-ից հեռացածները: Կան նաեւ նախկին ընտրություններում ընդդիմության վստահված անձինք, ովքեր ընտրություններում ձայներ են ապահովել:

Ադրբեջանը՝ աշխարհիկ եւ հոգեւոր ճգնաժամում

Վերջերս տարածաշրջանային խնդիրներին վերաբերող վերլուծություններում առավել հաճախ է նշվում, որ ռազմական ու ռազմավարական առումներով հայերն առավել լավ դիրքերում են, քան ադրբեջանցիները: Ադրբեջանը, եթե տնտեսապես որոշակիորեն առաջ է մեզանից, ապա ռազմավարական իմաստով դիրքային վատ պայմաններում է հայտնվել: Ազատագրված տարածքները՝ մինչեւ ՀՀ եւ ԼՂՀ սահմանները, նաեւ հայ-վրացա-ադրբեջանական շրջանի հատվածը, հայերի աշխարհա-քաղաքական ու ռազմավարական դիրքերն ուժեղացրել են: Այդ դիրքերի հենց ռազմավարական նշանակությունը մեզ առավելություն է տալիս նաեւ ռազմական՝ պատերազմական ժամանակաշրջանում: Բաքուն այս ամենը նույնպես լավ է հասկանում: Եթե հավելենք նաեւ զինված ուժերի մարտական ոգին ու կարողությունները, ապա դա եւս մեր օգտին է խոսում:

Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոս Գարեգին Բ-ն միջեկեղեցական ու հովվապետական 6-օրյա այցով եղավ Վրաստանում՝ Վրաց Ուղղափառ եկեղեցու Իլիա Բ Կաթողիկոս-Պատրիարքի եւ Վիրահայոց թեմի թեմական խորհրդի հրավերով: Բագրատաշեն սահմանակետում նրան դիմավորեցին Վիրահայոց թեմի հոգեւորականներն ու Վրաստանում ՀՀ արտակարգ եւ լիազոր դեսպան Հովհաննես Մանուկյանը: Այնուհետեւ վրացական Սադախլո անցակետում պատվիրակությանը դիմավորել է Նորին Սրբություն Իլիա Բ-ն, վրաց ուղղափառ եկեղեցու բարձրաստիճան հոգեւորականներ, ինչպես նաեւ Թբիլիսիի ու Մառնեուլիի շրջանի սահմանամերձ հայ համայնքների ներկայացուցիչներ: Այնուհետեւ Ամենայն հայոց հայրապետի պատվիրակությունը եւ դիմավորողները մեկնել են Թբիլիսի, ուր Սուրբ Երրորդություն (Սամեբա) մայր տաճարում տեղի է ունեցել բարիգալստյան պաշտոնական արարողությունը, որին ներկա են եղել հայ եւ վրաց եկեղեցիների բազում հավատացյալներ:
Վրաց պատրիարքը վերստին ողջունել է հայոց կաթողիկոսի այցը Վրաստան, եւ այսպես պաշտոնական ու բարիդրացիական է սկսվել հայ-վրացական կրոնական առաջնորդների հանդիպումը: Նշվել է, որ կան երկկողմ խրթին հարցեր ու դժվարություններ, որոնք պետք է հաղթահարվեն: Կաթողիկոսը հանդիպել է նաեւ Վրաստանի նախագահ Միխեյիլ Սահակաշվիլու հետ:

Հայ քրիստոնյայի լուսավորիչ Գրիգորիսի «տեսիլքը»
Որ քաղաքական գործի սկիզբ էր՝ այսօրվա հետեւանքներով

«Լուսանցք»-ում քանիցս ասվել է, որ հայ պատմագետը, մեկ-երկու բացառությամբ, 301թ. դեպքերը սխալ է հասկացել, մեկնաբանել, ներկայացրել: Ավելին՝ ոչ միայն սխալ, այլեւ՝ այդ չարաբաստիկ ժամանակաշրջանին վերաբերող շատ՝ պատմիչների կողմից ներկայացված փաստեր անտեսել է, որի իրավունքը պատմագետը չունի: Այդպիսի անտեսված բազմաթիվ փաստերից է Ագաթանգեղոսի հիշատակած Գրիգորիսի (հայ քրիստոնյայի լուսավորչի) «տեսլիքը»1,- մի փաստ, որում կիսաբացահայտորեն, կիսաթաքնատեսորեն ներկայացված է 301-ին ու դրանից հետո Հռոմի ու նրա վստահած անձ Գրիգորիսի կողմից Հայաստանի գլխին բերածների պատմությունը (պատկերացնու՞մ եք, հայ պատմագետը ինչ փաստ է անտեսել):
Մինչ տեսիլքին անցնելը՝ նույն Ագաթանգեղոսի օգնությամբ ուրվագծորեն ներկայացնենք Վաղարշապատ մայրաքաղաքում այդ «տեսլիքին» նախորդող իրադարձությունների ընթացքը:

Որ պետք է դիմանա աշխարհում ամենամեծ աէրոբուսի՝ A-380 հսկայի ընկնելու հարվածին
(Սկիզբը՝ թիվ 22-ում)

ՀՀ էներգետիկայի եւ բնական պաշարների նախարարի տեղակալ Արեգ Գալստյանն այն տեսակետին է, որ ատոմակայանի չաշխատելը ինքնին բնապահպանական տեսակետից լուրջ խնդիրների կբերի. «Իմ անձնական կարծիքն է, որ ատոմակայանի չաշխատելու պատճառով հանրապետությունում լուրջ էկոլոգիական խնդիրներ առաջացան՝ հատվեցին անտառներ, իջավ Սեւանա լճի մակարդակը: Անվտանգության առումով մենք եղանք ավելի խոցելի, հանրապետությանը գազ մատակարարող միակ գազամուղի շարքից դուրս բերելը հանգեցնում էր նրան, որ մենք շատ ծանր վիճակներում էինք հայտնվում: Չի կարելի ունենալ ատոմակայան ու չշահագործել»,- այսպես ասել էր փոխնախարարը Արմավիրի մարզում՝ կառուցվելիք ԱԷԿ-ի հետ կապված առաջին հանրային լսումների ժամանակ:

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028)
(ռեստորանն ընդունում է կոլեկտիվ հայտեր)

Ընկույզով հալվա

Բաղադրությունը
Յուղ – 1 բաժակ
ալյուր – 2 բաժակ
մեղր – 1 ճաշի գդալ
վանիլի փոշի – 1 գ
ընկույզ – 50 գ

Պատրաստման եղանակը
Յուղը մարմանդ կրակով հալեցնել, ավելացնել ալյուրը: Սա բովել այնքան ժամանակ, մինչեւ դարչնագույն դառնա:
Հետո կրակի վրայից վերցնել, խառնել մեղրը: Այնուհետեւ պատառաքաղով ձեւավորել, տալ ուզած տեսքը, վրան լցնել ընկույզը:
Շատ արագ է պատրաստվում: Ուստի եւ՛ ժամանակ կխնայեն մեր տնտեսուհիները եւ՛ մշտապես քաղցրեղեն կունենան սիրելիների համար:
Սիրո՛վ վայելեք:

* * *