Daily Archives: September 2, 2011

Ավելին՝ Թուրքիայի խորհրդարանն ի թիվս այլ օրինագծերի անվավեր է ճանաչել նաեւ դիվանագիտական հարաբերությունների հաստատման եւ երկկողմ հարաբերությունների ամրապնդման մասին արձանագրությունները, որոնք ստորագրվել էին 2009թ. հոկտեմբերի 10-ին Ցյուրիխում 2 երկրների ԱԳ նախարարներ Էդվարդ Նալբանդյանի եւ Ահմեդ Դավութօղլուի միջեւ: Թուրքիայի խորհրդարանի ներքին կանոնադրության համաձայն, տվյալ օրենսդրական շրջանում վերջնական լուծում չգտած օրինագծերը համարվում են անվավեր: Այդպիսով, փաստաթղթերը հանվել են այդ երկրի օրենսդիր մարմնի օրակարգից, սակայն, օրենքում կա մի կետ, ըստ որի՝ կառավարությունը կամ պատգամավորները օրինագիծը կարող են վերականգնել: Օրենսդրական շրջանը 4 տարի է: Այժմ ավարտվել է 23-րդ օրենսդրական շրջանը:

Իշխանություն-ՀԱԿ երկխոսությունը  ծավալվում էր, երբ «Լուսանցք»-ը արձակուրդի մեկնեց: Այդժամ թվում էր՝ երկխոսությունը տանում է հանդարտ կարգավորման, եւ երկրի ներքաղաքական կյանքը այս նոր ձեւաչափում կգործի, անգամ այլ ընդդիմադիր ուժեր կներգրավվեն: Սակայն, վերլուծաբանները հաճախ հակառակ կանխատեսումներ էին անում, ինչը իրականություն դարձավ:

Երկխոսության առաջին փուլում, երկու կողմերի մարդկանց մեծամասնությունն ակնկալում էր, որ երկխոսություն կլինի նաեւ սոցիալ-տնտեսական հարցերի շուրջ, ինչն ավելի է մտահոգում բնակչությանը: Տպավորություն կար, որ այս երկխոսությամբ ոգեւորված է միայն քաղաքական դաշտը, իսկ հանրությունը սպասում է (թեեւ մեզ համար ակնհայտ էր, որ կտրուկ փոփոխություններ դժվար լինեն, եւ լուրջ սպասելիքներն անտեղի էին):

Առաջին հանդիպումներից ակնկալիքները մեծ էին, քանզի նախօրոք հրապարակավ քննարկվում էր աշխատակարգն ու օրակարգը: Բայց դա էլ հետզհետե անհետաքրքիր դարձավ: Ընդդիմադիր կողմը հասկացավ, որ սպառվում է իրենց նկատմամբ մարդկանց հետաքրքրությունը, կորում է հավատը: Եվ Լեւոն Տեր-Պետրոսյանը հանրահավաքներից մեկում հայտարարեց, որ եթե 1-2 ամսում արտահերթ ընտրություններ չհայտարարվեն, ապա ընդդիմության միակ օրակարգային հարցը կմնա իշխանական կոալիցիայի եւ Սերժ Սարգսյանի անհապաղ հրաժարականի հարցը…

Երիտասարդ կատարողների միջազգային Մանկական «Նոր ալիք-2011» երգի մրցույթի եզրափակչում հաղթել է Ուկրաինան ներկայացնող 13-ամյա Անդրանիկ Ալեքսանյանը: Նրան է հանձնվել գլխավոր մրցանակը` «Հախճապակյա ալիք»-ը եւ հաջորդ տարի այցելություն Յուրմալա:

Ըստ աղբյուրի, տղան իր ձայնով այնպես է հիացրել ժյուրիի անդամներին ու հանդիսատեսին, որ նրան ծափահարել են կանգնած` «բռավո, բռավո» բացականչելով: Մրցանակը տղային հանձնել է կոմպոզիտոր, Մանկական «Նոր ալիք 2011»-ի ժյուրիի նախագահ Իգոր Կռուտոյը:

Բաքուն  պիտի երաշխավորի մեր  անվտանգությունը