Daily Archives: September 4, 2011

«Լուսանցք»-ի մեկամսյա արձակուրդից հետո այս փոքրիկ նախաբանն արդեն պատրաստ էր տպագրության, երբ ձեռքս ընկավ նախորդ տարվա ճիշտ նույն ամսվա ու օրվա թողարկումը՝ դարձյալ արձակուրդից հետո: Գիտե՞ք, որն էր զարմանալին: Նույն տողերով էի դիմել ընթերցողին. «Բա՜րեւ, ասել է թե՝ փա՜ռք Արեւին»:

Սա նշանակում է, մենք միշտ ողջունում ենք արեւառա՛տ, բարի՛, արիաբա՛ր: Ձեզ հետ կիսելով Ձեր տխրություններն անգամ, այնուամենայնիվ, միշտ հուսավառելու՛ ենք Ձեզ: Քանզի ընկճվելը, Ձեզ հետ միասին իհարկե, մեր զբաղմունքը չէ:

Ու թեեւ մենք մեր ընթերցողներին զգուշացրել էինք, որ արձակուրդ ենք մեկնում, շատերն անուշադիր էին եղել ու չկարդալով տեղեկատվությունը, անհանգստացել էին: Ինչու չէ, ուրախացողներ էլ էին եղել՝ այլ բան կարծելով, ովքեր… կհիասթափվեն այսօր: Մենք նրանց էլ ենք ասում՝ բարեւ, քանզի փա՛ռքն արեւինն է, որի հուրից արի մարդիկ է՛լ ավելի են զորանում, իսկ չարիները՝ սպառվում, սմքում, մոխրանում:

Ըստ «Wikileaks»-ի, Լեւոն Տեր-Պետրոսյանի դեմ ջհուդամասոնական դավադրությունների քարոզչությունը ֆինանսավորել է Սերժ Սարգսյանը

«WikiLeaks»-ն իր հերթական հրապարակման մեջ նշվում է, որ ՀՀ 1-ին նախագահ, «ընդդիմության ղեկավար Լեւոն Տեր-Պետրոսյանի դեմ իրականացվել է սեւ PR», որտեղ նրան մեղադրել են իսրայելական եւ մասոնական դավադրությունների մեջ:

Այս քարոզչությունն իրականացվել է հիմնականում պետական լրատվամիջոցների կողմից: Այս փաստաթուղթը թվագրված է 2008թ. հունիս ամսով եւ արձանագրված է ամերիկյան դիվանագիտական փաստաթղթում, որը նախապատրաստել է փոխդեսպան Փենինգթոնը: Նաեւ նշվում է, որ հակաքարոզչությունը 2008թ. նախագահական արշավի ժամանակ սկսված գործընթացի շարունակությունն է եղել, որ տպագիր «Գոլոս Արմենիի» եւ «Հայոց աշխարհ» լրատվամիջոցներում նման հրապարակումներ եղել են 2008թ. մայիսին, որոնք, ըստ դեսպանատան աղբյուրների, ֆինանսավորվել են նախագահ Սարգսյանի կողմից: