Daily Archives: November 10, 2011

Հավատամքի այբբենարանը – Հայոց դիցարանը. խորհուրդներ, զորություններ

Posted on by ՀԱՄ

 

Սկիզբը՝ թիվ 34 (210)-ում

2. Անահիտ՝ Աստվածամայր խորհուրդը

Հայ դիցաբանական համակարգությունում Գերագույն Զորությանը՝ Արային (Արարչին) կենակից Զորությունը Աստվածամայր Անահիտն է: Եվ ընդհանրապես էլ՝ բոլոր դիցաբանական՝ ազգային հավատքային համակարգերում կա այն բնական պատկերացումը, որ Աստվածների Հայրը՝ Արարիչը, անպատկերացնելի է առանց Աստվածների Մոր, ով տարբեր համակարգերում, պարզ է, յուրահատուկ ձեւով է ընկալվում:

Continue reading →

Տեր կանգնելու կամքը

Posted on by ՀԱՄ

Ֆրանսիայի նախագահ  Սարկոզիի Հայաստան այցը դեռ քննարկում են աշխարհի զլմ-ները, փորձագետները, վերլուծաբանները: Այնքան միամիտ չեմ, որ ուրախանամ այն մտքից, թե Սարկոզին ՀՀ-ում էր պաշտոնական, իսկ Ադրբեջանում եւ Վրաստանում՝ աշխատանքային այցով: Քանզի աշխատանքային այցի ընթացքում էլ կարելի է հստակ պայմանավորվածությունների գալ, իսկ պաշտոնականի ժամանակ՝ ասել արարողակարգային բառեր, արտահայտություններ ու գնալ: Բայց եւ այնքան միամիտ չեմ, որ չհասկանամ, որ Սարկոզիի՝ Երեւանում Ծիծեռնակաբերդի հուշահամալիրում լինելը, իսկ Բաքվում «Շեհիդների պուրակ» չգնալը քաղաքական նպատակ ուներ: Ասեմ, որ այդ պուրակում թաղված են այն բաշիբոզուկ շները, որոնք 1990թ. Բաքվի հայերի ջարդը կազմակերպեցին: Թյուրքական մամուլը վայնասուն բարձրացրեց: Թուրքավարի՝ Սարկոզիի գլխին բարդեցին ամբողջ Աֆրիկայի դժբախտությունների մեղքը, որպեսզի իրենք լուսապսակով երեւան: Բայց վայնասունի պատճառը իրականում Սարկոզիի՝ «Շեհիդների պուրակ» չգնալը չէր:

Continue reading →

Լուսնահաչ՝ գայլային ոռնոցից առաջ

Posted on by ՀԱՄ

Հայ-ադրբեջանական եւ հայ-քրդական հարաբերությունները՝ թուրքական հոգսե՞ր
 

Ֆրանսիայի նախագահի այցը խառնեց թուրքերի ու ադրբեջանցիների սպասումները: Նախագահ Սարկոզին շատ կտրուկ արտահայտվեց ինչպես Արցախի չլուծվող կարգավիճակի վտանգավորության, այնպես էլ Թուրքիայի կողմից Հայոց ցեղասպանության չճանաչման եւ հայ-թուրքական հարաբերությունների սառեցման հետեւանքների մասին: Անկարային նույնիսկ մտածելու սահմանափակ ժամանակ տրվեց:

Ադրբեջանում, այս հարցում թերեւս նաեւ Վրաստանում, եւս մեկ նախանձի առիթ եղավ Հայաստանի հանդեպ, քանզի Սարկոզին կովկասյան տարածաշրջան՝ պաշտոնական 2-օրյա այցով եղավ Հայաստանում, իսկ Ադրբեջանում ու Վրաստանում՝ ընդամենը մի քանի ժամով եւ՝ աշխատանքային այցով: Բաքվում անգամ ժամերն էին հաշվել՝ թե ամենակարճ այցն էր երբեւէ, որը տեւել է 2.5 ժամ…

Continue reading →

Արեւմուտքը Հայաստա՞նն է ընտրում

Posted on by ՀԱՄ

ԵԽԽՎ-ում  ադրբեջանական պատվիրակությունը դեմ է քվեարկել ՀՀ հարցով ԵԽԽՎ Մոնիտորինգի հանձնաժողովի բանաձեւի նախագծին, իսկ հայ պատվիրակները իրենց ելույթից հետո, ցուցադրաբար լքել են դահլիճը՝ նախընտրելով չլսել իրենցից հետո ելույթ ունեցող ադրբեջանցի պատվիրակներին:

Հայաստանի համազեկուցող Ջ. Պրեսկոտը դիմելով ադրբեջանցիներին՝ խորհուրդ է տվել. «Ուրիշի աչքի փուշը տեսնելու փոխարեն, ձեր աչքի գերանը հանեք: Այնպիսի տպավորություն է, որ ամենաժողովրդավարական երկիրն եք ներկայացնում»:

Իսկ Ադրբեջանի ներկայացուցիչներին դուր չի եկել, որ ԵԽԽՎ-ն արձանագրել է ՀՀ առաջընթացը ու առաջիկա անելիքները: Ամենաշատ արծարծվող թեման, որ հայերից շատ ադրբեջանցիներն էին քննարկում, 2008թ. մարտյան իրադարձությունների ժամանակ 10 մահվան դեպքերի բացահայտումն էր: ԵԽԽՎ-ն այս հարցն էլ է լուծված համարել (չնայած դա ՀԱԿ-ի եւ պաշտոնական Բաքվի սրտովը չէ):

Continue reading →

Քաղաքական սպասում՝ հայացքներ Հայաստանից դուրս

Posted on by ՀԱՄ

Ս. Սարգսյանը հեռախոսազրույց ունեցավ ՌԴ կառավարության նախագահ Վ. Պուտինի հետ, շնորհավորեց նրան ծննդյան 59-ամյակի կապակցությամբ: ՀՀ նախագահը կարեւորելով հայ-ռուսական ռազմավարական համագործակցությունը՝ արժեւորեց ՌԴ վարչապետի անձնական ներդրումը: Ռուսաստանի ուղղությամբ ամեն բան թերեւս խաղաղ էր, ՀՀ եւ ՌԴ նախագահների հարաբերությունները քաղաքական ասպարեզում համարվում էին երկկողմանի նպաստավոր, սակայն երբ վերջերս Մեդվեդեւը հայտարարեց, որ հաջորդ նախագահական ընտրություններում աջակցելու է Պուտինին, Ռուսաստանի ուղղությամբ նոր հետաքրքրություն առաջացավ՝ հաշվի առնելով Պուտին-Քոչարյան ցայսօր գործող կապը:

Բայց  ակնհայտ է, որ նախագահ Սարգսյանը կարողանում է ելքեր գտնել դժվարին իրավիճակներում, ինչը հակամարտության նոր հեռանկարներ է բացում  Սարգսյան-Քոչարյան հարաբերություններում:

Հնարավոր է այս հարաբերությունները անգամ ինչ-որ տեղ գերազանցեն Սարգսյան-Տեր-Պետրոսյան բանակցությունները՝ առավել հետաքրքրություն բորբոքելով քաղաքական ասպարեզում:

Continue reading →

Հայկական խոհանոց –

Posted on by ՀԱՄ

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028)

(ռեստորանն ընդունում է կոլեկտիվ հայտեր)
Թթվասերով մսագնդիկներ
 

Continue reading →