Daily Archives: November 11, 2011

Երկրի ղեկավարի բարդույթը աստիճանաբար փոխանցվում է պետական եւ քաղաքական ոլորտներ, որտեղից էլ՝ հանրային-հասարակական կյանք, ինչն էլ դառնում է գործոն բացասական ու այլեւայլ ազդեցություններով: Ովքեր պատմական անցուդարձերի վերլուծության փորձեր են արել, լավ գիտեն, թե ինչքան կարեւոր է իրականության ընկալումը, ժամանակաշրջանի բազմակողմանի ուսումնասիրությունը եւ դեպքերի ու դեմքերի առարկայական ու ենթակայական համադրումները եւ էլի նման բաներ:

Դպրոցական տարիներիս մի ֆիզիկայի ուսուցիչ կար, որ ինքնատիպ մտածողություն ուներ, այնքան ինքնատիպ, որ երբ մի դասաժամի հարցրի, թե որոնք են այն կարեւոր պայմանները, որ ատոմային ռումբի պայթյունի դեպքում պետք է իմանանք, որպեսզի փրկվենք, պատասխանեց հաստատուն՝ միակ փրկվելու պայմանը ատոմային զենքի հարվածի ժամանակ այդ տարածքում չգտնվելն է… Իհարկե, հետո փորձեց ինչ-որ փրկարարական միջոցներ ներկայացնել:

Վերջերս աշխուժացել են աղանդների գործունեության դեմ կամ ի պաշտպանություն դրանց հանդես եկողները: Նաեւ հայ հանրությունն է ցուցաբերում անհանգստություն:

Սոցիալական կայքերն անգամ հետեւողական պայքար են ծավալել:

ՀՀ իշխանություններն էլ կարծես սկսել են հրապարակային պայքար՝ հատկապես քայքայիչ աղանդների դեմ: ՀՀ ԱԽ քարտուղար Արթուր Բաղդասարյանը նշել է. «Մենք ձեռնամուխ ենք եղել քայքայիչ աղանդներից պաշտպանվելու ռազմավարության մշակմանը»՝ միաժամանակ շեշտելով, որ Հայաստանում պաշտպանվում են, հարգվում են մարդու եւ քաղաքացու կրոնական խղճի, դավանանքի ազատությունները ամենաբարձր մակարդակով: