Daily Archives: November 24, 2011

Մեզանում հաճախ են շփոթում ազգայնականությունն ու ազգայնամոլությունը՝ նացիոնալիզմն ու շովինիզմը: Անգամ դրանց չտարբերակելը փորձում են ներկայացնել որպես առողջ եւ անառողջ ազգայնականության դրսեւորումներ: Սա նույնն է, թե չտարբերակեն ժողովրդավարությունն ու ամբոխավարությունը, եւ դրանք բնորոշեն որպես առողջ եւ անառողջ ժողովրդավարական եզրեր:

Հետաքրքիր է, որ Արեւմուտքում, ուր այդքան դեմ են ազգայնական, հատկապես ազգայնամոլական դրսեւորումներին, զանազանում, հստակ տարբերակում են դրանք: Եվ վաղուց պետական-քաղաքական ոլորտում ընդունել են ազգայնական ուժերի գոյության իրավունքը: Իսկ մեզանում, երբ հայը բնական ազգ է, ու ազգայնական լինելու պատմա-քաղաքական անհրաժեշտությունն անգամ ունենք ազգովի, չեն տարբերակում այդ երկու երեւույթները: Իսկ ովքեր էլ տարբերում են՝ ազգայնականությանը դեմ լինելով, միտումնավոր սխալ են ներկայացնում այդ գաղափարները՝ մեզ հասկանալի պատճառներով:

Այս օրերին շարունակվեցին պաշտոնյաների հրաժարականները, եւ դեռ նրանց շարքերը կհամալրվեն ըստ ընտրաթեժացումների: Առաջիկայում փոխվարչապետի լիազորությունները կարող են սահմանափակվել՝ առանձնացնելով տարածքային կառավարման նախարարությունը: Նշվում է, թե դրանք միավորվել էին Հ. Աբրահամյանի համար, ինչի անհրաժեշտությունը հիմա չկա: Ա. Գեւորգյանը կդառնա փոխվարչապետ, իսկ տարածքային կառավարման նախարար կնշանակվի մեկ այլ անձ: Հրաժարական ներկայացրած ԱԺ նախագահի փոխարեն ոմանք տեսնում են ՀՀԿ խմբակցության ղեկավար Գ. Սահակյանին, ով սակայն հերքել է դա՝ ասելով, որ երբ իրեն առաջարկել են, ինքը միշտ հրաժարվել է: Իսկ Գ. Սահակյանին առաջարկել են, քանի որ ինքն ունի մի շարք առավելություններ. «Դա իմ գաղափարն է, իմ սկզբունքը եւ իմ խոսքը: Այս գործիքներին տիրապետում եմ միայն ես»:

Իսրայելի նախագահ Շիմոն Պերեսը հայտարարել է, թե Իրանի նկատմամբ ռազմական գործողություն իրականացնելու հավանականությունն ավելի է մեծացել: «Իրանը մոտենում է միջուկային զենքի ստեղծմանը, եւ քանի դեռ մենք ժամանակ ունենք, պիտի պահանջնեք համաշխարհային գերտերություններից կատարել իրենց պարտավորությունները, այլ ոչ թե միայն պատժամիջոցներ սահմանել: Պետք է անել այն ամենն, ինչ անհրաժեշտ է, եւ մենք շատ տարբերակներ ունենք»,- նշել է Պերեսը՝ հավելելով, որ կան հանգամանքներ, որոնք մոտեցնում են խնդրի ռազմական լուծումը. «Կարծում եմ, իրավիճակն հենց այդպիսին է: Տարբեր երկրերի հետախուզությունները հետեւում են ժամային մեխանիզմով դրված ռումբի վրա նստած եւ տեղեկացնում իրենց ղեկավարներին, որ այդքան էլ շատ ժամանակ չի մնացել»:

Նախարարին ներկայացվել է այս տարվա 9 ամիսների ընթացքում տրանսպորտային տեսչության իրականացրած տեսչական աշխատանքները, այդ թվում՝ տարբեր խախտումների վերաբերյալ կազմած արձանագրությունները, որոնց թիվը զգալիորեն ավելացել է:

Բացարձակ է Հայր Արան՝ Արարիչը մեր, բացարձակ է նրա արարած ամենայնը աշխարհում: Եվ Արարչական բացարձակությունը իմաստությամբ է կերտվում, նորոգվում, պահպանվում: Իմաստուն է Հայր Արան: Եվ Տիրը՝ Իմաստության Աստվածն է Արարչական այդ որակը իրենում կրում, իրենով մարմնավորում:

Տիր խորհուրդը լեզվաբանորեն դեռ պարզված չէ: Ենթադրության կարգով կարելի է ասել, որ այն կազմված է Տ հաստատական՝ պահպանում արտահայտող հունչարմատով եւ Իր բառարմատով: Իր-ը Ար-ի (նշանակում է սերում, ծագում, զորություն) ձեւափոխությունն է, որ նշանակում է Արարչական առկա կեցություն, Արարչից սերված որակական որոշակիություն՝ արարում, բնական գոյություն: Եվ, հետեւաբար, Տիր նշանակում է Արարչական առկա կեցության, Արարչի արարումների հաստատում, պահպանում: Հիրավի՝ Տիր Աստվածն է իր՝ Արարչից բխած տիեզերական իմաստությամբ ճանաչում արարչագործության խորհուրդների համակարգությունը, իմաստավորում դրանց ծագումը, որպիսին լինելը, ինչ նպատակի համար գոյավորումը, եւ՝ այդպիսին լինելով՝ հաստատում, պահպանում դրանց գոյությունը: Որը եւ ամրագրում է Տիր բառ- խորհուրդը:

Տե՛ս  նաեւ թիվ 36

Ադրբեջանական  սին եւ ծիծաղելի պրպտումներ

Ադրբեջանցիները մոլորվելով իրենց չեղած ազգային ինքնության փնտրտուքներում՝ շարունակում են տարածաշրջանի «տերերի» մասին անմիտ հայտարարություններ անել: Կովկասի թաթարներին «ադրբեջանցիների հայր»-ը՝ Հեյդար Ալիեւը, հայտարարեց թուրք եւ սկսեց քարոզել (Թուրքիայի հետ) «մեկ ազգ, երկու պետություն» կարգախոսը:

Մինչ այդ՝ Ադրբեջանի պատմաբանները համառորեն պնդում էին, որ իրենք Կովկասի աղվանցիներն են: Այժմ էլ մեկումեջ այդ թեման արծարծում են: Չի բացառվում, որ իրենց հանկարծ հայտարարեն ույղուրներ եւ փորձեն ալթայա-ույղուրական մեծ Ադրբեջան հիմնել Ռուսաստանի ու Չինաստանի հաշվին…