Monthly Archives: December 2011

Միջուկային էներգետիկան այն եզակի ոլորտներից է, որտեղ հավանում եմ պետական քաղաքականությունը: Գոնե առայժմ: ՀՀ 2-րդ եւ 3-րդ նախագահներն էլ միշտ հաստատակամ են եղել այն հարցում, որ մեր երկրին պետք է ատոմակայան՝ էներգետիկ անվտանգության նկատառումներից ելնելով: Իսկ էներգետիկ անվտանգությունը երկրի՛ անվտանգության կարեւորագույն բաղադրիչներից է: ՀՀ 1-ին նախագահից չեմ խոսում՝ տեսանելիորեն հասկանալի պատճառներով:

Ադրբեջանի սադրանքներին այսուհետ կտրվեն համարժեք պատասխաններ: Պատժիչ գործողության մեկնարկը տրված է. այն իրականացվելու է հայ-ադրբեջանական շփման գծի երկայնքով: Հայկական զինված ուժերը արդեն պատասխանել են Ադրբեջանի հերթական սադրիչ գործողությանը: Նախապես զգուշացվել էր, որ հայկական կողմի պատասխանը լինելու է առավել կոշտ եւ անհամաչափ:

Իրանական միջուկային ծրագրի դեմ միջազգային սահմանափակումներն ու պատժամիջոցները ներքին անվստահության մթնոլորտ են սերմանել: Հիշենք, դեռ ժամանակ առաջ, ԻԻՀ նախագահի եւ ԻԻՀ հոգեւոր առաջնորդի միջեւ լարվածություն էր առաջացել, ինչը կարծես հարթվեց: Հետո նախագահական շրջապատից մի շարք նախարարների եւ պաշտոնյաների վստահության հարցերն արծարծվեցին: Իսկ օրերս նախագահ Մահմուդ Ահմադինեժադի լրատվամիջոցների հարցերով խորհրդական, Իրանի պաշտոնական «ԻՌՆԱ» լրատվական գործակալության գործադիր տնօրեն Ալի Աքբար Ջավանֆեքրը հարցաքննության համար հրավիրվել էր դատարան: Նա Թեհրանի հեղափոխական դատարանի կողմից մեղադրվում է սուտ լուրեր եւ ասեկոսեներ հրապարակելու մեջ, «որոնք նպատակ ունեին, տագնապ առաջացնելով, շեղել հասարակական կարծիքն ընդդեմ դատական իշխանությունների պաշտոնյաների»: Տեղեկատվության մեջ նշվում է, որ ԻԻՀ նախագահի խորհրդականը այդ օրերին սրտի կաթված է ստացել եւ տեղափոխվել հիվանդանոց, սակայն վերջինս, բժիշկների կամքին հակառակ, դուրս է գրվել հիվանդանոցից, որպեսզի ներկա լինի դատական գործընթացներին:

Ռուս քաղաքագետ Անդրեյ Արեշեւի կարծիքով՝ առաջիկա ամիսներին Ղարաբաղյան հակամարտության բանակցային գործընթացում երկարատեւ ընդմիջման ականատես կլինենք: Թեպետ դա պայմանավորված կլինի ոչ միայն Հայաստանում եւ Ռուսաստանում սպասվող ընտրական գործընթացներով: Քաղաքագետի խոսքերով, շփման գոտում վերջին իրադարձություններն իրենց հերթին արդեն իսկ ստեղծում են ծայրահեղ բացասական մթնոլորտ՝ ցանկացած երկխոսության համար:

«Ադրբեջանը քաղաքականապես աջակցում է «Նաբուկո» ծրագրին, սակայն այս ծրագրում հաշվի չեն առնվել էներգիա արտադրող ընկերությունների շահերը»,-ահա թե ինչ է ասել Ադրբեջանի նավթային հետազոտությունների կենտրոնի տնօրեն Իլհամ Շաբանովը: Ու որպեսզի Եվրոպայի գլխի տակ դարձյալ փափուկ բարձ դնի, հավելել է. «Ադրբեջանը մշակել է սեփական ծրագիրը՝ էներգակիրներ մատակարարելու Եվրոպա»:

Դարձյալ նկատենք, որ ըստ ամենայնի, ամբողջական է Հայոց դիցարանը. նրանում ողջ բնությունը, բնական կյանքը իր բոլոր մասերով ու տիեզերական բոլոր զորությունները արտահայտված են: Արարչի կամքով բնությունը կազմված է չորս տարրերից՝ հուրից, օդից, ջրից եւ հողից: Եվ այդ տարրերի կենակից գոյությամբ է պայմանավորված բնական կյանքը: Ամեն մի տարր որոշակի՝ իրեն հատուկ էներգիա եւ դրանով պայմանավորված զորություն ունի: Բնության ամենազգացական տարրի՝ հուրի էներգիան, օրինակ, դրական էներգիա է, իսկ բնության ամենապասսիվ (ամենանյութական) տարրի՝ հողի էներգիան բացասական է: Համապատասխանաբար, մի էներգիայի հարուցած զորությունը արարող (ներգործուն, համակարգաստեղծ…) զորություն է, մյուսինը՝ չը-արարող (պասսիվ, մահաբեր, քաոսաբեր, կործանող, տրոհող…): 

Արաբական աշխարհում կտրուկ փոփոխությունները, հեղափոխություններն ու հեղաշրջումները նոր լիցք են հաղորդել տարածաշրջանային հարցերին: Նաեւ գերտերություններն են փորձում վերադասավորումներով ամրապնդվել այս կամ շրջանում եւ իրենց շահերին հետամուտ ռազմա-քաղաքական քայլեր նախաձեռնել: