Daily Archives: December 13, 2011

Հարգելի ՀՀ նախագահ Սերժ Սարգսյան.

Բիոմետրիկ նույնականացման փաստաթղթերի ներդրումը վտանգ է պարունակում մարդկության եւ Հայաստանի համար: Այս մասին մենք բազմաթիվ հրապարակումներ ենք արել, մեր մտահոգությունները ներկայացրել ՀՀ ԱԺ լսումների ժամանակ: Այս վտանգի մասին դեռ խոսվել է մարդկանց համարակալման ընթացքում, ինչը հետո անվանափոխեցին՝ սոցքարտերի ներդրում կոչելով, որից, ըստ էության, նպատակը չփոխվեց եւ մարդկանց ու ազգի համապարփակ տվյալների տրամադրումն օտարին իրականացավ օրենքի սահմաններում: Միայն դրանից հետո օրենքը բերվեց այն տեսքի, որը պահանջում էին «Ընդդեմ մարդկանց համարակալման» միավորման անդամները: Բայց շատ ուշ էր. ՀՀ բնակչությունն արդեն բաց համակարգ է օտարի համար…

Թիկնապահներ ունենալու մասին օրենքի քննարկումը մի քանի անգամ հետաձգվել է ԱԺ-ում: Բայց որպեսզի «հաստավիզ կաստալոմների» (թիկնապահը բոլորովին ուրիշ հասկացողություն է) խնդիրները եւ ամենօրյա «ապերոյական ռազբորկաները» ավարտվեն, պետք է հստակ օրենք լինի թիկնապահի մասին, որպեսզի մարդաջարդարարների եւ մարդաորսների տգետ ու ճղճիմ կամակատար «կաստան» ոչնչանա, եւ «լավ տղերքը» իրենց «տղայությունը» առօրյա կյանքում ապացուցեն անձնապես ու սեփական «շնորհքով»:

Ազգային ժողովը նորընտիր նախագահ ունի՝ ՀՀԿ պատգամավոր Սամվել Նիկոյանը: Քվեարկության ժամանակ բացի նրանից կար եւս մեկ թեկնածու՝ «Ժառանգության» ներկայացուցիչ Լարիսա Ալավերդյանը: Սակայն նա քիչ ձայներ հավաքեց, անգամ խորհրդարանական մյուս ընդդիմությունը՝ ՀՅԴ խմբակցությունը, իր ձայները տվել էր ՀՀԿ թեկնածուին, նույնիսկ կուսակիցները ձայները ամբողջությամբ չտվեցին Լ. Ալավերդյանին: Հիշեցնենք, որ «Ժառանգությունե խմբակցությունը 7 պատգամավոր ունի, իսկ Ալավերդյանի թեկնածությանը կողմ էր քվեարկել ընդամենը 4 խորհրդարանական: ԱԺ-ում չեն եղել ու քվեարկությանը չեն մասնակցել Րաֆֆի Հովհաննիսյանը, Զարուհի Փոստանջյանն ու այդ խմբակցության ցուցակով խորհրդարան եկած, այժմ ՍԴՀԿ շարքերն անցած Վարդան Խաչատրյանը:

Լիտվայի մայրաքաղաքում ԵԱՀԿ ԱԳՆ խորհրդի նիստի առիթով ԵԱՀԿ Մինսկի խմբի համանախագահ երկրների պատվիրակությունների ղեկավարները (ՌԴ ԱԳ նախարար Սերգեյ Լավրով, ԱՄՆ պետքարոտւղար Հիլարի Քլինթոն եւ Ֆրանսիայի Եվրոպայի հարցերով նախարար Ժան Լեոնետին) եւ Հայաստանի ԱԳՆ Էդվարդ Նալբանդյանն ու Ադրբեջանի ԱԳՆ Էլմար Մամեդյարովը վերահաստատեցին Լեռնային Ղարաբաղի հակամարտության խաղաղ կարգավորմանը հասնելու կարեւորությունը: Հայաստանի եւ Ադրբեջանի ԱԳ նախարարներն իրենց գոհունակությունը հայտնեցին համանախագահ երկրների ջանքերի, այդ թվում՝ նախագահներ Մեդվեդեւի, Օբամայի ու Սարկոզիի անձնական մասնակցության համար իրենց երկրների՝ համապարփակ խաղաղ կարգավորման հասնելու հարցում աջակցության առումով: