Daily Archives: April 28, 2012

Երբ գյուղատնտեսության մասին խոսում են գյուղի ճամփան հնգամյակը մեկ հիշողները

Posted on by ՀԱՄ

Ամբողջ աշխարհում գյուղատնտեսության բնագավառն այն անվիճարկելի ճյուղերից է, որի զարգացման ու պահպանման ձեւերի մասին մտածում են պետությունները՝ աջակցող տարբեր օրենքներ ու մեխանիզմներ կիրառելով: Կան երկրներ, որտեղ նույնիսկ տարեցտարի ավելացնում են ոլորտին տրվող տարատեսակ սուբսիդիաների, լրավճարների չափերը: Մեր երկրում գյուղատնտեսությունը, ի տարբերություն շատ երկրների, նաեւ զարգացման տեսակետից հեռանկարային ճյուղ է՝ պայմանավորված «մաքուր մթերքի» արտադրության հնարավորություններով (արտերկրի մասնագետների գնահատականն է՝ հատկապես, երբ այսօրվա սննդամթերքի միջազգային շուկան նաեւ լցված է ոչ թե մթերքով, այլ՝ գենետիկորեն ձեւափոխված օրգանիզմներով): Խնդիրը գյուղատնտեսության ճիշտ վարումն է: Համապատկերում կարեւոր է դառնում, թե ինչպես են դրան վերաբերում ընտրություններին մասնակցող կուսակցություններն ու դաշինքը: Բայց վայ այն գյուղացուն, որ սեփական եղունգը թողած՝ կսպասի, թե ով կքորի իր գլուխը:

Continue reading →

Անիվն ու անվավոր փոխադրամիջոցը՝ Արմենոիդական մշակույթի չբացահայտված էջերից

Posted on by ՀԱՄ

Սկիզբը՝ թիվ 13-14-ում

3. Սայլ

Բնական մեծության հնագույն անվավոր փոխադրամիջոցի հայտնագործությունները պատկանում են մ.թ.ա. 25-24 դդ.:

Օգտագործելով Չայլդի մեթոդոլոգիան եւ առ 2010թ. մեզ հայտնի եղած տվյալները՝ հնարավորություն ունենք կատարել հետեւյալ եզրակացությունը: Անվավոր փոխադրամիջոցը կարող էր ստեղծվել Փոքր Ասիայում: Փոքր Ասիայի մշակույթը հանրությանը այսօր հայտնի է Պորտասար-Գյոբեկլի Թեփե անունով, որը 12.000 տարեկան է: Այս համատեքստում գերկենտրոնական է Չայլդի միտքը. «Անիվի գաղափարը եւ նրա պատրաստումը, ինչպես նաեւ արքայական թաղման ծիսակարգը, անվավոր փոխադրամիջոցի վրա տարածվել է Փոքր Ասիայից պոնտական խաշնարածների միջոցով դեպի միջագետքյան քաղաք պետություններ եւ ուշ նեոլիթյան Եվրոպա»: Հայտնի է նաեւ, որ եվրոպական եւ միջագետքյան փոխադրամիջոցները մեկ մշակութային ընդհանրության արգասիք են, իսկ նրանց կապող օղակ է Փոքր Ասիան:

Continue reading →