Daily Archives: June 26, 2012

 

Հայ Արիական Միաբանությունը բազմիցս ահազանգել է տարածաշրջանում նեո-օսմանիզմի եւ նեո-պանթուրքիզմի վտանգների մասին: Համաշխարհային ներկա աշխարհա-քաղաքական բեւեռները վստահաբար նկատում են նորացված թուրքական ծավալապաշտական այս քաղաքական խաղերը, բայց, ըստ երեւույթին, կարծում են, թե դա նորից կծառայեցնեն իրենց գերնպատակներին: Սակայն համաթուրքական ծավալումներն այսօր չեն կարող 1900-ականների զարգացումներն ունենալ, ինչը թույլ կտա Եվրոպային, Միացյալ Նահանգներին ու Ռուսաստանի Դաշնությանը՝ սեփական ռազմա-քաղաքական եւ ռազմա֊տնտեսական խաղերը պարտադրել Անկարային:

Իրավիճակն այլեւս նույնը չէ:

1. Թուրքիան իր զավթած տարածքով (779,5 հազ. կմ²) եւ ավելի քան 70 մլն. բնակչությամբ՝ քիչ թե շատ կայացած պետություն է, որ ունի նաեւ ՆԱՏՕ-ական վարժանքներ անցած զինուժ եւ այլ զինական, ռազմարդյունաբերական, էներգետիկ-տնտեսական … կարողություններ:2. Անկարան դեռ կարողանում է շահարկել «1 ազգ – 6 պետություն» համաթուրքական տեսությունը` իր ծավալապաշտական ծրագրերում (համաթուրքական դաշինքում) որոշակի ներառելով նաեւ Ադրբեջանին (68 հազ. կմ² (նախկին 86,6 հազ. կմ² բռնազավթված տարածքների մոտ 18 հազ. կմ² հայկական տարածքները Արցախի հետ միասին ազատագրված են արդեն)), Ղազախստանին (2.724,9 հազ. կմ²), Ուզբեկստանին (447,4 հազ. կմ²), Թուրքմենստանին (488,1 հազ. կմ²) եւ Ղրղըզստանին  (199,9 հազ. կմ²), ընդհանուր առմամբ՝ ավելի քան 70 մլն. բնակչությամբ եւս: