ՆԱՏՕ-ն Նատո չէ՛, Գիվի

Հայտնի է, որ եւ՛ Վրաստանը, եւ՛’Ուկրաինան մեկ անգամ չէ, որ հայտարարել են, թե իրենք «նպատակասլաց են ՆԱՏՕ-ի շարքերը համալրելու համար»:
Հետաքրքիր է, որ վերջերս մի ամերիկյան պարբերական էլ մի նյութ հրապարակեց, որում ասվում է, թե Վրաստանի նախագահ Միխայիլ Սահակաշվիլին նշել է, թե ցավալի է, բայց Վրաստանը ներկայումս չի կարող դառնալ ՆԱՏՕ-ի անդամ…
Դրանից հետո Վրաստանի նախագահը հանդիսավոր կերպով Թբիլիսիում հայտնեց, թե ամերիկյան պարբերականը իրենից ներողություն է խնդրել, սակայն ամերիկյան լրատվամիջոցը շատ արագորեն հերքեց իր «մերժումը» եւ վերստին հաստատեց Սահակաշվիլու ասածը…
Ինչ էլ անեն Ուկրաինան ու Վրաստանը, ՆԱՏՕ-ի անդամ կարող են դառնալ կամ ԱՄՆ-ՌԴ համաձայնությամբ կամ ԱՄՆ-ՌԴ հարաբերությունների գերլարման պայմաններում: Առայժմ ոչ մեկը կա, ոչ էլ մյուսը:
Ուստի՝ ՆԱՏՕ-ին Նատոյի պես սիրաշահելու կարիք չկա՛, Գիվի՝ պարոն Միխայիլ Սահակաշվիլի:

Հայկ Թորգոմյան

«Լուսանցք», թիվ 28 (114), 2009թ.