Ինչու՞ Քոչարյանը այցելեց ԻԻՀ

Վահագն  Նանյան

… Իսկ Վրաստանի վարչապետը` ՀՀ
Մեկօրյա աշխատանքային այցով հունվարի 26-ին Երեւանում էր Վրաստանի վարչապետ Նիկա Գիլաուրիի գլխավորած պատվիրակությունը: Այցի շրջանակներում Վրաստանի վարչապետը մասնակցեց հայ-վրացական տնտեսական համագործակցության միջկառավարական հանձնաժողովի 8-րդ նիստին: Նիստից հետո տեղի ունեցավ ՀՀ եւ ՎՀ վարչապետների կարճատեւ մամլո ասուլիսը:
Ամեն ինչ եղավ ըստ կանխորոշածի՝ ըստ օրակարգի: Երկու վարչապետներն էլ ջերմ բարեկամական խոսքեր հղեցին միմյանց: Սա հասկանալի է` արարողակարգային է: Բայց այս արարողակարգ կոչվածում ասվում են բաներ, որոնք չպիտի ասվեն: Օրինակ, որ «էլ ավելի կամրապնդվի հայ-վրացական ավանդական բարեկամությունը»: Որովհետեւ էլ ավելի-ի համար նախ պետք է գոնե նորմալ հարաբերություններ լինեն, որ այդ նորմալը էլ ավել-ացվի: Կամ` մեր երկու երկրների հարաբերությունները ավանդաբար բարեկամական չեն եղել:
Փոխարենը Վրաստանը կարողանում է ասել իր ուզածը: Երբ ՎՀ վարչապետին հարցրին, թե ինչպիսի՞ն է ռուս-վրացական հարաբերություններում Հայաստանի դերը, նա կարճեց. «Ռուս-վրացական հարաբերություններում ես տեսնում եմ Ռուսաստանի դերը»:
Ինչու՞ ՎՀ վարչապետը հապճեպ եկավ Երեւան: Պատճառը պետք է փնտրել հայ-թուրքականի՞ համատեքստում: Որքանո՞վ է Վրաստանը շահագրգռված հայ-թուրքական սահմանի բացմամբ տնտեսական տեսակետից, եւ Վրաստանն ունի՞ հաշվարկներ, թե բեռնափոխադրման տարանցիկ ուղու մասով ինչքա՞ն վնաս է կրելու այդ պարագայում: Նաեւ՝ պատրաստվու՞մ է Վրաստանն արդյոք վերանայել բեռնափոխադրման եւ տարանցիկի սակագները: Երբ Ն. Գիլաուրիին ուղղեցին այս հարցերը, նա թե` իրենք ողջունում են հայ-թուրքական սահմանի բացումը: Ինչպե՞ս կարող է ՎՀ-ն ողջունել դա, երբ տարանցիկի գումարների մեծ մասից է զրկվելու. ՎՀ-ն ՀՀ-ի դժվարին վիճակներից միշտ է օգտվել եւ տարանցիկի գործոնը շահարկել: Բայց ոչ, սակագները փոփոխել չի պատրաստվում, քանի որ ՎՀ վարչապետը վստահ է. «Հայ-թուրքական սահմանի բացումը ազդեցություն չի ունենալու սակագների վրա»: Վստահ է, որովհետեւ… նման են Թուրքիան ու Վրաստանը իրենց քաղաքականությունում… Վստահ է, որովհետեւ հայ-թուրքական սահմանի բացումը, ինչպես որոշ տխմարներ են կարծում, մեզ արշալույս չի բերելու, ու Հ
Հ-ն դարձյալ մնալու է ՎՀ-ի հույսին: Մինչեւ թելադրել սովորենք նաեւ մենք:
Իսկ Երեւան Ն. Գիլաուրիի գալը գուցե պետք է փնտրել էներգետիկայի ոլորտում. հատկապես նրանց կողմը շատ էր ուզում իմանալ, թե երբ կսկսվի 400 ԿՎ էլեկտրահաղորդման գծի շինարարությունը:

Աստղինե  Քարամյան
   «Լուսանցք» թիվ 3 (134), 2010թ.