Արիական իմաստության վերհանումը` ազգային վերածննդի հաղթաթուղթ

2. Նպատակը
ա) Հետազոտությունների միջոցով բացահայտել ու հիմնավորել (հայ)արիականության սկզբունքները, արժանիքները, մարդկության զարգացման գործում կատարող առաքելությունը եւ այլն:
բ) Փաստական տվյալների ու ապացույցների հիմամբ բացահայտել եւ մարդկությանը հասու դարձնել արիների ու հայերի հաջորդական սերտ կապը, ընդհանուր ծագումնաբանությունը, արիականության սկզբունքների եւ համամարդկային առաջադիմական ու հոգեւոր-բարոյական սկզբունքների նույնականությունը, ազգային եւ առաքինի համամարդկային արժեքների համադրելիությունը:
գ) Մշտապես հետամուտ լինել եւ հսկողության տակ պահել հակաարիական ուժերի գործողությունները, պարզել նրանց ծրագրերն ու նպատակները` արիական սկզբունքները զերծ պահելով նրանց նենգափոխումներից: Միաժամանակ բացահայտել այն վտանգավոր հետեւանքները, որ կարող են առաջանալ արիական շարժումների մեջ ինչպես խեղաթյուրումների, այնպես էլ անհեռատեսության ու ծայրահեղության պատճառով:

3. Գործունեության ձեւերը
ա) Գիտական հետազոտությունների, ուսումնասիրությունների եւ այլ գործառույթների կազմակերպում ու աջակցում, անհրաժեշտության դեպքում թեմատիկ պատվերների ձեւակերպում:
բ) Ռազմավարական եւ ընթացիկ ծրագրերի կազմում` ինչպես սեփական, այնպես էլ համակիր անձած կամ կազմակերպությունների հետ համատեղ աշխատանքներ կատարելու համար:
գ) Այլ կազմակերպությունների կամ անհատների պատվերով, սեփական գործունեության հետ առնչվող աշխատանքների իրագործում:

4. Իրագործման մեթոդները
ա) Ներգրավելով կամ համագործակցելով անկեղծորեն ազգային մտածելակերպով օժտված մտավորականների՝ պատմաբանների, լեզվաբանների, հումանիտար տարբեր ճյուղերի մասնագետների, ինչպես նաեւ իսկապես ազգանվեր քաղաքական ու հասարակական գործիչների հետ, մամուլի տարբեր աշխատությունների, հոդվածների, հեռուստա-ռադիոհաղորդումների եւ այլ տեղեկատվական միջոցների օգտագործմամբ ամեն կերպ տարածել ու պարզաբանել (հայ)արիական գաղափարներն ու սկզբունքները:
բ) Ամբողջական կամ համառոտ թարգմանություններով միջազգային հանրությանը բացատրել արիականության էությունը, սկզբունքներն ու նպատակները` օգտագործելով ինտերնետի կամ տեղեկատվական ու կապի ժամանակակից այլ միջոցները:
գ) Խորհրդատվությամբ, տվյալներով ու նյութերով օժանդակել ու խրախուսել անհատ հետազոտողներին, որոնք սեփական նախաձեռնությամբ ու
խղճի կոչով որոշել են իրոք օգտակար լինել հայերի ու արիների ընդհանուր ծագումնաբանության ուսումնասիրությանը, մարդկության զարգացման գործում հայերի կատարած ներդրումներին եւ այլն:
դ) Կազմակերպել տարբեր հանդիպումներ, գիտաժողովներ, քննարկումներ: Քարոզելու ու հասկանալի դարձնելու համար (հայ) արիական գաղափարները` բացահայտել հակաարիական ուժերի հերթական գործողությունների նպատակներն ու դրանց վտանգավոր հետեւանքները:
ե) Կապեր հաստատել ու համագործակցել այն կազմակերպությունների հետ, որոնց գաղափարախոսությունն ու գործելակերպը նպաստում է արիական սկզբունքների եւ հայ ազգային գաղափարախոսության, հին հավատի ամրապնդմանն ու տարածմանը՝ համաձայնեցնելով նրանց հետ առանձին մոտեցումներն ու գործողությունները:
Նախածրագիրը (առավել ծավալուն մեկնաբանությամբ) ներկայացրել ենք ՀԱՄ կառույցի Հոգեւոր դասին, հարկ եղած դեպքում այն կարող է լրացվել, զարգացվել, ինչպես առանձին կետերը հստակեցնելու կամ որոշակիացնելու նպատակով, այնպես էլ նոր, հրատապ կամ հեռանկարային ուղղությունների ծագման պարագայում՝ առանձին ենթածրագրերի կամ որոշումների միջոցով` համաձայն սույն փաստաթղթի տառին եւ ոգուն:

Արամ Ավետյան

Հայտարարություն – կոչ

Հայությու՛ն.  
Հայ Արիական Միաբանությունը (ՀԱՄ), Հայ ազգայնականների համախմբումը (ՀԱՀ) ու «Լուսանցք» շաբաթաթերթը ամիսներ առաջ հայտարարեցին Հայաստանի մայրաքաղաք Երեւանում Արիական Մայր տաճար կառուցելու մասին: Այս քայլն արվեց՝ արդեն վաղուց գործող Գառնո Հեթանոսական տաճարի հետ Հայաստանը Համաարիական կենտրոն դարձնելու նպատակով: Հայտարարությանը հետեւեցին հետեւյալ քայլերը՝ 1. Երեւանում գտնվող բանկերից «Էյչ-Էս-Բի-Սի»-ում բացվեց հաշվեհամար Արիական Մայր Տաճարի կառուցելու համար, 2. Ստեղծվեց Հոգեւոր դաս, որն աշխատանքներ է ծավալում Հայաստանում եւ Սփյուռքում Քրմական դաս  ձեւավորելու ուղղությամբ: 3. Բանակցություններ են ընթանում հայազգի եւ այլազգի (արիական ազգերի) պաշտոնատար եւ գործարար շրջանակների հետ` Երեւանում Համաարիական կենտրոն ստեղծելու առումով (Արիական Մայր Տաճար` Քրմական դասով, Արիական իմաստության եւ մարտարվեստների կենտրոն ու դպրոց եւ այլն):

Եվ այսպե՛ս հայեր.
Այս նախաձեռնությունն ընթացքի մեջ է եւ կարիք ունի բոլորիդ աջակցության եւ մասնակցության: Մասնակցի՛ր, ով հայորդի, եւ քո լուման բե՛ր այս սրբազան գործին, որի հաջողությունը վեր կհանի Հայոց Ինքնությունն ու Առաքելությունը, կվերականգնի Հայոց միասնական Հայրենիքը:

Ուրե՛մն հայեր.
Վերականգնենք Հայոց հավատը, Արարչական Տիեզերակարգը, ապահովենք Հայ Աստվածների վերադարձը ու ապացուցենք աշխարհին, որ Հայը Աստվածամարդ է եւ վերադառնում է իր Արմատներին: Արիական Մայր Տաճարի կառուցումը Երեւանում կդառնա այս ամենի հավաստումը: Թող ամեն հայ իր մասնակցությունը բերի այս սուրբ գործին՝ նյութական, մտավոր կամ հոգեւոր առումով:

Հիշե՛ք հայեր.
Հայաստանն այսօր կործանվում է համաշխարհայնացման ճիրաններում, մեր երկիրը ոտնատակ են անում տարբեր աղանդավորական, սեռամոլագարական, մասոնական եւ նմանատիպ այլ ուղղությունները, իսկ իշխանությունների եւ քրիստոնեական հայ եկեղեցու պատասխանատուները ոչ մի լուրջ քայլ չեն ձեռնարկում այս ամենից Հայրենիքն ու Ազգն  ազատելու համար: Ավելին՝ կամա թե ակամա նպաստում են դրանց գործին` համագործակցելով կամ հարաբերվելով այս ուժերի հետ, հանդուրժելով դրանց ներկայությունը Հայաստանում:
Հայ Արիական Հայաստանը կմերժի այս ամենը եւ Հայկականությունը, Հայադավանությունը, Հայրենանվիրվածությունը կդառնան ինչպես հայաստանահայության, այնպես էլ համայն հայության չափորոշիչները:

Մի՛ հապաղեք հայեր.
Հանգանակություն արե՛ք, աջակցե՛ք Երեւանում Արիական Մայր տաճարի կառուցմանը, որը միայն սկիզբն է Հայաստանում բոլոր տաճարների, հոգեւոր կենտրոնների վերականգնման գործում:  

Հ. Գ. – «Էյչ-Էս-Բի-Սի» բանկի հաշվեհամարներին (փոխանցումներ՝ դրամով, դոլարով, եվրոյով եւ ռուսական ռուբլիով) կարող եք ծանոթանալ www.hayary.org կայքում կամ զանգահարելով 52-38-75 հեռախոսահամարով: Շուտով հնարավոր կլինի կատարել փոխանցումներ նաեւ ինտերնետ-համացանցով, որի մասին կտեղեկացնենք լրացուցիչ:

Հայ Արիական միաբանություն (ՀԱՄ)
Հայ ազգայնականների համախմբում  (ՀԱՀ)
«Լուսանցք» շաբաթաթերթ              

«Լուսանցք» թիվ 8 (139), 2010թ.