Շաբաթվա մարզական կյանքից

Նշենք նաեւ, որ մրցաշարի լավագույն թիմ ճանաչվեց Հայաստանի առաջին հավաքականը, լավագույն տեխնիկա ունեցող բռնցքամարտիկ‘ Անդրանիկ Հակոբյանը, մրցավար՝ Ռոման Մալաեւը (Ռուսաստան): Մրցաշարի հաղթողների համար սահմանվել էր 5000, 2-րդ տեղի համար՝ 3000, 3-րդի համար՝ 1000 դոլար պարգեւավճար:

Մրցեցին Եվրոպայի դպրոցականները
Հունական Սալոնիկ քաղաքում ավարտվեց շախմատի Եվրոպայի դպրոցականների առաջնությունը: Հայաստանի միակ մասնակից Ռոբերտ Ասատրյանը 11 տարեկան շախմատիստների մրցումներում, 9 հնարավորից վաստակելով 4 միավոր, գրավեց 33-րդ տեղը: Նա չեմպիոնին զիջեց 4 միավորով:
Բոլորից հաջող հանդես են եկել Թուրքիայի պատանի շախմատիստները, որոնք նվաճեցին 4 ոսկե, 2 արծաթե եւ 3 բրոնզե մեդալ: Երկրորդ արդյունքը ցույց տվեցին Ադրբեջանի ներկայացուցիչները՝ 3 ոսկի, 2 արծաթ, 1 բրոնզ, Հունաստանը՝ 1 ոսկի, 3 արծաթ, 3 բրոնզ, Ռուսաստանը՝ 1 ոսկի, 2 արծաթ, 1 բրոնզ, Վրաստանը՝ 1 ոսկի, 2 բրոնզ:
Զուգահեռ ընթացող միջազգային մրցաշարում Հայաստանը ներկայացնող Դավիթ Զաքարյանը 9 հնարավորից վաստակեց 6 միավոր եւ զբաղեցրեց 12-րդ տեղը:
Մրցաշարի հաղթող դարձավ բուլղարացի Մարյան Պետրովը, որը եւս 3 շախմատիստների հետ վաստակեց 7 միավոր, սակայն լրացուցիչ ցուցանիշներով առաջ անցավ նրանցից:

Հոկեյը Երեւանում
Ապրիլի 14-18-ը Երեւանում ընթացավ տափօղակով հոկեյի աշխարհի մեծահասակների առաջնության 3-րդ դիվիզիոնի «Բ» խմբի մրցաշարը, որին կմասնակցեն Հայաստանի, Մոնղոլիայի, Հյուսիսային Կորեայի եւ ՀԱՀ-ի հավաքականները:
ՀՀ կառավարությունն իր պահուստային հիմնադրամից 15 մլն. դրամ է հատկացրել նախարարությանը՝ մրցաշարը կազմակերպելու համար: Մրցաշարը կնպաստի մեր երկրում այս մարզաձեւի զարգացմանը, մարզիկների վարպետության բարձրացմանը: Մրցումների արդյունքում կձեւավորվի տափօղակով հոկեյի ՀՀ ազգային հավաքականի վերջնական կազմը, որը կմասնակցի 2014թ. Սոչիում կայանալիք ձմեռային Օլիմպիադայի որակավորման մրցաշարին:
Մեր հոկեյիստներն առաջին խաղում 9:2 հաշվով պարտության մատնեցին Հարավաֆրիկյան Հանրապետության հավաքականին, Հյուսիսային Կորեայի ընտրանին հաղթեց Մոնղոլիայի թիմին՝ 22:1:
Իսկ մինչ առաջնությունը, Հայաստանի հավաքականն ընկերական հանդիպում էր անցկացրել Վրաստանի հավաքականի հետ եւ հաղթել՝ 22:1 հաշվով:  

Հրաշալի մասնակցություն
Բելառուսի մայրաքաղաք Մինսկում ավարտվեց ծանրամարտի Եվրոպայի առաջնությունը: Հայաստանից մասնակցած 8 ծանրորդներ, որոնցից 7-ը դարձան մրցանակակիրներ՝ նվաճելով 7 ոսկե, 9 արծաթե եւ 4 բրոնզե մեդալ:
Ոչ պաշտոնական հաշվարկով Հայաստանի հավաքականը մեդալների քանակով գրավեց թիմային 4-րդ տեղը:

Ազգային առաջնությունում
Ֆուտբոլի Հայաստանի առաջնության բարձրագույն խմբի մրցաշարը մտնում է հունի մեջ: 3-րդ փուլից հետո մրցաշարային աղյուսակը այսպիսի տեսք ունի.

                             Խ  Հ  Ո  Պ     Գ     Մ
1. «Փյունիկ»        3   2  1   0    7-2    7
2. «Ուլիս»            3   2  1   0    6-2    7
3. «Կիլիկիա»       3   2  0  1     6-4    6
4. «Միկա»            3   2  0  1     8-4    6
5. «Բանանց»       3   1  1  1     7-8    4
6. «Գանձասար»  3   1  0  2     2-4    3
7. «Իմպուլս»        3   0  1  2     2-8   1
8. «Շիրակ»          3   0  0  3     1-7    0

Ռմբարկուներն են.-
Սամվել Մելքոնյան («Բանանց»)-3, Էդուարդո դո Սանթոս («Բանանց»)-3, Սարգիս Մովսիսյան («Կիլիկիա»)-2, Մինդաուգաս Գրիգալեւիչյուս («Միկա»)-2, Արսեն Ավետիսյան («Գանձասար»)-2, Ալբերտ Թադեւոսյան («Փյունիկ»)-2, Գագա Թբիլաշվիլի («Ուլիս»)-2, Ուլիսես Մոնտենեգրո («Միկա»)-2:

Ֆուտզալի առաջնությունում
Հայաստանի ֆուտզալի առաջնության 14-րդ տուրում կայացած հանդիպումները գրեթե ի հայտ բերեցին չեմպիոնին: Մրցաշարային աղյուսակը 14-րդ փուլից հետո.

                           Խ  Հ  Ո  Պ         Գ        Մ
1. «Քախսի»      12 11  1  0    116-37    34
2. «Էրեբունի»    11  7  2  2     77-30     23
3. «Գյումրի»      11  3  1  7     55-113   10
4. «Եվրոպա»    11  2  3  6      34-48      9
5. «Հրազդան»  11  1  1  9      34-88      4

Ռմբարկուներ են.-
Արմեն Գյուլամբարյան («Քախսի»)-35, Գրիգոր Կապուկրանյան («Քախսի»)-21, Վանիկ Ղազարյան («Հրազդան»)-16, Հենրիկ Գրիգորյան («Եվրոպա»)-13, Արտյոմ Բեռնեցյան («Գյումրի»)-12, Սարո Գալստյան («Էրեբունի»)-12, Վահան Սարգսյան («Էրեբունի»)-12, Վարդգես Իսրայելյան («Էրեբունի»)-11, Էդգար Կիրակոսյան («Քախսի»)-11:

Գավաթային խաղեր
Ֆուտբոլի ՀՀ գավաթի կիսաեզրափակիչ 1-ին խաղում Երեւանի «Ուլիս»-ը 0:2 հաշվով պարտվեց Երեւանի «Փյունիկ»-ին: «Ուլիս»-ը առաջին պարտությունը կրեց ոչ միայն գավաթի խաղարկությունում, այլեւ մրցաշրջան-2010-ում: Մինչ այդ անցած տարվա բրոնզե մեդալակիր թիմը անցկացրած 5 խաղում տարել էր 3 հաղթանակ եւ 2 հանդիպում ավարտել էր ոչ-ոքի:
Իսկ Երեւանի «Բանանց»-ը ոչ-ոքի՝ 1:1 խաղաց Աշտարակի «Միկա»-ի հետ եւ պատասխան խաղից առաջ դեռ ոչինչ որոշված չէ: Թիմերի նարավորությունները հավասար են՝ 50:50:

Միջին արդյունքներ
Դուբայում ավարտված շախմատի միջազգային մրցաշարում Հայաստանի 5 շախմատիստներից առավել հաջող հանդես եկավ գրոսմայստեր Հրանտ Մելքումյանը: Նա եւս 7 մասնակիցների հետ վաստակեց 7 միավոր, սակայն լրացուցիչ գործակիցներով նա զբաղեցրեց 6-րդ տեղը: Նրանից մեկ աստիճանով հետ մնաց Վրաստանը ներկայացնող հայազգի շախմատիստ Դավիթ Հարությունյանը: Մրցաշարի հաղթող ճանաչվեց վենեսուելացի Էդուարդո Իտուրիսագան, որը ստացավ 8000 ԱՄՆ դոլար պարգեւավճար: Հրանտ Մելքումյանը պարգեւատրվեց 2200 դոլարով: Պարգեւատրվողների ցանկում հայտնվեց նաեւ Գաբրիել Սարգսյանը, որը պարտության մատնեց Ավստրիայի դրոշի ներքո հանդես եկող վրացի գրոսմայստեր Դավիթ Շենգելիային եւ 6,5 միավորով զբաղեցրեց 10-րդ տեղը: Նա վաստակեց 1200 դոլար:
Մեր մյուս շախմատիստները Տիգրան Քոթանջյանը, Տիգրան Լ. Պետրոսյանը եւ Գեւորգ Հարությունյանը գրավեցին համեմատաբար համեստ տեղեր:

1 լողորդ՝ 2 արծաթ
Տյումեն անցկացվեց ՌԴ լողի բաց առաջնությունը հենաշարժողական համակարգի խնդիրներ ունեցողների համար: Մասնակցեցին 200-ից ավելի լողորդներ՝ Ռուսաստանից, Ղազախստանից եւ Թաիլանդից: Հայաստանը ներկայացել էր 1 մասնակցով: 15-ամյա Մարգարիտա Հովակիմյանը առաջին անգամ հանդես եկավ միջազգային մրցաշարում: Մեր լողորդուհին ստացավ միջազգային սպորտային դասակարգում՝ S6, SB5, SM6: Նա մրցեց 4 լողատարածություններում եւ բարձր պահեց ՀՀ պատիվը‘ նվաճելով 2 արծաթե մեդալ: Հայաստանի հավաքականը թիմային հաշվարկով զբաղեցրեց 18-րդ տեղը (24 թիմերի շարքում):

Արսեն Պետրոսյան

«Լուսանցք» թիվ 14 (145), 2010թ.