Ներքին խնդիրներ եւ լուրեր

Հայ-էմիրաթական առեւտրատնտեսական հարաբերություններն ընդլայնելու եւ զարգացնելու, ինչպես նաեւ՝ ՀՀ ներդրումային հնարավո-րությունները դիտարկելու նպատակով Զարգացման հայկական գործակալությունը այս շաբաթ կազմակերպել էր հայ-էմիրաթական գործարար համաժո-ղով: Եվ շատ վատ էր կազմակերպել: Առաջին լուսանկարը հենց դրա վկայությունն է: Բայց սկզբից սկսենք:
ԱՄԷ-ից պատվիարկություն էր ժամանել Էմիրությունների արտաքին առեւտրի նախարար Շեյխա Լուբնա ալ Քասիմիի գլխավորությամբ: Հա-մաժողովում ողջույնի խոսքով հանդես եկավ ՀՀ վարչապետ Տիգրան Սարգսյանը:

Աստղինե Քարամյան

*** ՀՀ-ի եւ ԱՄԷ-ի միջեւ 2006-2009թթ. առեւտրաշրջանառության ծավալը կազմել է 124.9 մլն դոլար, որից արտահանումը՝ 28 մլն, ներ-մուծումը՝ 101.3 մլն դոլար: 2009թ. արտահանումը կազմել է 5.3 մլն դոլար, իսկ ներմուծումը՝ 30.7 մլն դոլար: Արտահանում ենք բանջա-րեղենի, պտուղների, ընկույզների, բույսերի մասերի վերամշակումից ստացված մթերքը, բնական կամ արհեստական մարգարիտ, թանկարժեք, կի-սաթանկարժեք քարեր, թանկարժեք մետաղ, պղինձ: Ներմուծում ենք ներկանյութեր, լաքեր, մեխանիկական մասեր, կահույք, անկողնային պարա-գաներ:

Կենսաթոշակի վճարումը՝ քաղաքակիրթ ձեւով
Մնում է ապրելն էլ քաղաքակիրթ լինի

Կառավարության երեկվա նիստում քննարկվեց մի որոշում, համաձայն որի, կենսաթոշակային վճարման կարգը փոփոխություններ է կրում: Այ-սուհետ յուրաքանչյուր կենսաթոշակառու կարող է բացել հաշիվ առեւտրային բանկում եւ ստանալ իր թոշակը: Պետությունը թոշակառուին բանկային քարտը տրամադրում է անվճար: Վարչապետ Տիգրան Սարգսյանը համոզված է, որ այս փոփոխությամբ կլուծվի հերթերի խնդիրը: Ի վերջո, կենսաթոշակ ստանալու անկանխիկ ձեւը քաղաքակիրթ է:
Այսուհետ, կենսաթոշակը կվճարվի ոչ միայն կանխիկ, այլեւ անկանխիկ եղանակով՝ բանկի կամ կազմակերպության միջոցով: Կենսաթոշակը կվճարվի ան-կանխիկ կամ կանխիկ եղանակով՝ կենսաթոշակառուի դիմումի հիման վրա: Սոցապ պետական ծառայությունը, յուրաքանչյուր ամսվա վճարման ցուցակ-ները բանկին կամ կազմակերպությանն է տրամադրում ոչ ուշ, քան մինչեւ տվյալ ամսվա 7-րդ աշխատանքային օրը: Կենսաթոշակառուն իրավունք ունի ցանկացած ժամանակ դիմել տարածքային բաժին՝ կենսաթոշակը ստանալու եղանակը կամ բանկը կամ կազմակերպությունը փոխելու համար: Կեն-սաթոշակը ստանալու եղանակը ընտրելու (փոխելու, այլ բանկի կամ կազմակերպության միջոցով կենսաթոշակը ստանալու) համար կենսաթոշակա-ռուն դիմում է ներկայացնում ծառայության՝ իր բնակության վայրի տարածքային բաժին: Կենսաթոշակը բանկի միջոցով վճարվում է տեղեկատ-վությունը ստանալու ամսվան հաջորդող ամսից:
Նշենք նաեւ կենսաթոշակների վճարման համար սահմանված նվազագույն ծառայությունների առավելագույն սակագները: Բանկային (քարտային) հաշվի բացումը եւ սպասարկումը անվճար է: Քարտերի թողարկումը եւ տրամադրումը նույնպես անվճար է: Անվճար է նաեւ բանկային (քարտային) հաշվից միջոցների կանխիկացումը (տվյալ բանկի սպասարկման կետերում):  Քարտային գործարքների վերաբերյալ ամսական քաղվածքի տրամադրու-մն էլ է անվճար: Դեմ չեմ, կենսաթոշակ ստանալու քաղաքակիրթ ձեւ է: Մնում է, որ թոշակի չափն էլ… քաղաքակիրթ լինի, որ տարեցները արժա-նավայել ապրեն:

Աստղինե Քարամյան

Ընտրական տեխնոլոգիաներն արդեն գործում են
«Голос Армении»-ն տեղեկացնում է, որ «Մարդու իրավունքներ-96» հ/կ-ն տեղեկատվություն է տարածել, թե իբր ՀՀ քաղաքացիների հետ հե-ռախոսային հարցումների արդյունքում պարզել է, որ եթե խորհրդարանական ընտրությունները կայանային վաղը, ապա դրանց արդյունքնե-րը հետեւյալը կլինեին. «ՀԱԿ-16,3%, Բարգավաճ Հայաստան- 8,8%, ՀՀԿ-8.2%, Ժողովրդական կուսակցություն-5%, ՀՅԴ-4%, Ժառանգություն-2.8%, Օրինաց երկիր-0%»: Թերթը գրում է, որ նման արհեստական թվերը շատ հեռու են իրականությունից եւ ուղղված են բացառապես արտաքին լսարանին, քանի որ ներքին լսարանն այդ անհեթեթությանը պարզապես չի հավատա:
Հոդվածագիրը նշում է, որ այս զեկույցի գլխավոր ինտրիգը նրանում է, թե իբր ՀԱԿ-ը ՀՀԿ-ից երկու անգամ ավել ձայն է հավաքել: Ըստ նյու-թի հեղինակի` այս զեկույցը ընդդիմադիր կուսակցության եւ օտար գրանտերից սնվող կազմակերպությունների պատվերն է, որոնք հող են նախապատրաստում հետագայում` արդեն ընտրություններից հետո, խորհրդարանական ընտրությունների արդյունքները կեղծված համարելու եւ ցույցեր ու մարտի 1-ի մոդելով տարատեսակ երթեր ու սադրանքներ կազմակերպելու համար:

Գարեգին Նժդեհի կամուրջն արդեն երթևեկելի է
Հայ մեծանուն հերոս Գարեգին Նժդեհի կամրջի վերակառուցումը, որը Երեւանի քաղաքապետարանի ծրագրերով սկսվել էր այս տարվա մարտին, ավարտ-ված է: Կամուրջը բաց է երթեւեկության համար: 450 մ ընդհանուր երկարությամբ կառույցը իրար է կապում Շենգավիթ ու Էրեբունի վարչական համայնքները: 1968թ. շահագործման հանձնված կամուրջը նախկինում երբեւէ չէր հիմնանորոգվել: 1985թ. կամրջի տակ բռնկված հրդեհի պատ-ճառով ուղետարի կրող կոնստրուկցիաները լրջորեն վնասվել էին, ինչի հետեւանքով դրանց կրողունակությունը նվազել էր: 1997թ.-ից կա-ռույցը վթարային էր ճանաչվել, սակայն որեւէ աշխատանք չէր արվել: Փլուզման եզրին հասած կամրջի նորոգումը առաջնային անհրաժեշ-տություն էր:
Քաղաքապետարանի տեղեկացմամբ, ուղետարի վերակառուցման նախահաշվային արժեքը 1 մլրդ. 823 մլն. դրամ է: «Կամուրջշին» ընկերության տնօրեն Վլադ Ասատրյանի տեղեկացմամբ` վերակառուցման ընթացքում հին կամուրջը գրեթե ամբողջությամբ կազմաքանդվել է, փոխարենը կա-ռուցվել նորը: Փոխվել են ուղետարի բոլոր 23 թռիչքներն ու 328 հեծանները, ուժեղացվել է կրողունակությունը: Օգտագործվել է մոտ 2600 խմ միաձույլ բետոն եւ երկաթբետոն, 1510 տոննա ասֆալտբետոն: Թարմացվել է կամրջի արտաքին տեսքը, տեղադրվել են նոր բազրիքներ: Ասֆալտապատվել է 20 մետր լայնությամբ երթեւեկելի շերտը, նորոգվել են 3 մ լայնությամբ երկկողմանի մայթերը, անցկացվել է արտաքին լուսավորության նոր համակարգ:

ՄԱԿ-ի մարդկային զարգացման զեկույցում Հայաստանը 76-րդն է
ՄԱԿ-ի Զարգացման ծրագիրը հրապարակել է Մարդկային զարգացման հերթական զեկույցը: Ըստ զեկույցի` աշխարհում ապրելու համար ամենալավ երկրների շարքում Հայաստանը զբաղեցնում է 76-րդ տեղը: Ցուցակում երկրները բաժանված են խմբերի, ըստ զարգացվածության աստիճաննե-րի` շատ բարձր, բարձր, միջին, ցածր:
169 երկրների մեջ ցուցակը գլխավորում է Նորվեգիան, 2-րդ տեղում է Ավստրալիան, 3-րդը` Նոր Զելանդիան:
Հատկանշական է, որ վերոնշյալ դասկարգման մեջ Թուրքիան զբաղեցնում է 83-րդ տեղը, Ադրբեջանը` 67-րդ, Վրաստանը` 74-րդ, Ռուսաստանը` 65-րդ -տեղը: Ցուցակը եզրափակում են Նիգերիան, Կոնգոյի Ժողովրդավարական Հանրապետությունը եւ Զիմբաբվեն:

Իրական գնաճը 15-17% կլինի
Այս տարեվերջին գնաճի ցուցանիշը կլինի 7-10%-ի սահմանում: Նման կանխատեսում է արել ՀԱԿ անդամ, նախկին վարչապետ Հրանտ Բագրատյանը: «Համենայն դեպս իրենց ասած 4%-ը հեքիաթ է, չի լինի»,- կարծիք է հայտնել նա, ապա ավելացրել, որ Հայաստանում գնաճը հաշվելու լուրջ խնդիր կա:
«Նոր ծառայությունները ուշ են ընդգրկում, հին ծառայությունները շնորհիվ տեղեկատվական տեխնոլոգիաների անընդհատ իջնում են: Նորմալ գնաճ հաշվելուց սա պետք է բացառել: Եթե այդպես հաշվեին գնաճի կլիներ 15-17%»,- բացատրել է Հայ ազգային կոնգրեսի անդամ, ընդ-դիմադիր տնտեսագետը, ապա նշել, որ այս խորամանկ հնարքը վաղուց օգտագործում են Կենտրոնական բանկն ու Ազգային վիճակագրակլան ծառայությու-նը:

32.903 ծնունդ` այս տարվա ինն ամիսների ընթացքում
Այս տարվա  9-ը ամիսների ընթացքում ծնունդների թիվը նախորդ տարվա նույն ժամանակահատվածի համեմատ աճել է 2,8%-ով, ասել է Ազգային վի-ճակագրական ծառայության մարդահամարի եւ ժողովրդագրական բաժնի պետ Կարինե Կույումջյանը:
2010թ. հունվար-սեպտեմբեր ամիսներին գրանցվել է 32.903 ծնունդ` նախորդ տարվա նույն ժամանակահատվածում գրանցված 32.019-ի համեմատ: Կ. Կույումջյանից նաեւ տեղեկացնաք, որ նույն ժամանակահատվածում հանրապետությունում մահացության դեպքերն աճել են 1%-ով: Հունվար-սեպտեմբեր ամիսներին գրանցվել է մահացության 20.793 դեպք, իսկ նախորդ տարի նույն ժամանակահատվածում` 20.588 դեպք:
2010թ. հոկտեմբերի 1-ի դրությամբ մշտական բնակչության թվաքանակն, ըստ Ազգային վիճակագրական ծառայության մարդահամարի եւ ժողովրդագրա-կան բաժնի պետի, կազմել է 3 մլն. 259 հազար. 100 մարդ: 2010թ. հունվարից հոկտեմբերի 1-ի ընկած ժամանակահատվածում բնակչության թիվն ա-վելացել է 9.600 մարդով, իսկ 2009թ. հոկտեմբերի 1-ից մինչեւ 2010թ. հոկտեմբերի 1-ը բնակչության թիվն ավելացել է 13.200 մարդով:

«1-03»-ը օրական շուրջ 448 կանչ է ստանում
«Շտապ օգնության»-«1-03. ծառայությունը 1 օրում ստանում է 448 կանչ: Այս մասին ասել է ծառայության փոխտնօրեն Նունե Ժամկոչյանը: Նրա խոսքով, օրական մոտավորապես այդքան ահազանգեր է ստանում ծառայությունը: Հիմնականում, ծառայության փոխտնօրենի փոխանցմամբ, գրանցվում են հիպերտոնիկ, սիրտ-անոթային հիվանդություններին վերաբերող կանչեր. կանչերի մի մասն էլ մանկական հասակի բնաչութ-յան ,գանգատով» է գրանցում: Իսկ սեզոնային կանչերի վերաբերյալ մասնագետը նշեց, որ անհանգստանալու առիթներ չեն եղել: «Ցրտերը նոր ես սկսվել: Դեռ սպասել է հարկավոր, արդյունքը հետո կերեւա»,- նշել է նա:
Ինչ վերաբերում է վերջերս հանրապետությունում հաճախակի գրանցվող թունավորման դեպքերին, ապա «1-03» ծառայությունը այդպիսի ա-հազանգեր չի գրանցել: «Թունավորման դեպքեր, եթե լինեն էլ, մենք հիվանդին տանում ենք «Նորք» ինֆեկցիոն հիվանդանոց: Բայց այդպի-սի զանգեր չկան, գուցե հիվանդներին սեփական միջոցներով միանգամից այդ հիվանդանոց են տանում»,-ասաց Ն. Ժամկոչյանը:
Հիշեցնենք, որ մինչ այս (06.08.2010թ.), ծառայության տնօրեն Թագուհի Ստեփանյանը նշել էր, որ ծառայության կանչերը հենց տարվա սկզբից 2009թ. համեմատ ավելացել են ու մինչեւ օգոստոս` անցյալ տարվա համեմատ այս տարի 1300-1500 ավելի կանչ է գրանցվել:
 
Կապի ծառայություններից ստացած հասույթն ավելացել է ավելի քան 2%-ով
Հայաստանում այս տարվա առաջին 10 ամիսների ընթացքում փոստային եւ սուրհանդակային ծառայություններից ստացված հասույթը կազմել է 1.642.0 մլն. դրամ: Նախորդ տարվա նույն ժամանակահատվածի համեմատ աճը կազմել է 14,8%:
Ազգային վիճակագրական ծառայության հրապարակած տվյալներով, նույն ընթացքում կապի ծառայություններից ստացված հասույթն, ընթացիկ գնե-րով, կազմել է 124.858.3 մլն. դրամ: Աճը համադրելի գներով կազմել է 2,2%:

Սեփ. լրատվություն

«Լուսանցք» թիվ 38 (169), 2010թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում