Վերականգնվում են Հայոց Հավատի համայնքները, Քրմական դասը… եւ փա՛ռք Հայոց Տրնդեզին – Տիեզերքի Տիրոջը՝ Արարչին…

Սեփ. լրատվություն

* * *
Հայոց Տրնդեզ – Տիեզերքի Արարչին ընդառաջ

Փետրվարի 13-ին հինավուրց Մեծամորի տարածքում կկայանա Հայոց Տրնդեզի ծիսական ու տոնական արարողություն:
Հայ արի քրմի թեկնածուները կվառեն ծիսական կրակը՝ Արեգակի խորհրդանիշը երկրում, եւ կկատարեն հայարիական-հեթանոսական ծիսակարգ՝ ուղղված Տիեզերքի Արարչին՝ Ամենայն Ստեղծիին:
Հայ ազգայնականները կփառաբանեն Տիեզերքի իրական Տիրոջը՝ Արարչին՝ Տիեզերքն Արարողին, նաեւ՝ Հայ Աստվածներին ու Հայոց փառահեղ նախնյաց:
Կլինի նաեւ տոնական միջոցառում եւ հայկական ուտեստների համտեսում:

Հայ ազգայնականների համախմբում (ՀԱՀ)

Նախնյաց ոգիները զորավիգ
Ո՜վ, Արորդի՛, քո Հավատքը նաեւ պաշտամունք է սուրբ Նախնիների: Միայն նախնիներիդ զգալով է, որ դու կապրես աստվածահաճո կյանքով: Դա է կամ-քը Հայր Արայի:
Դեպի հավերժություն են ձգվում քո նախնիք՝ մինչեւ Արարիչ: Եվ  հավերժության մեջ են արարել նրանք քեզ: Ուրեմն դու էլ հավերժից ես գալիս, եւ քո մեջ հավերժող հուրը կա:
Քո բոլոր նախնիք ոգեղինացած շրջապատում են քեզ – նրանք քեզ հետ են, քո շուրջն են. նրանք տեսնում են քեզ, նրանք լսում են քեզ, նրանք զգում են քեզ:
Քո նախնյաց ոգիները Մայր Հողից դուրս չեն՝ նրանք հենց Մայր Հողի վրա են, եւ հենց այդ Հողի վրա միայն դու կարող ես զգալ նրանց, հարաբերվել նրանց հետ: Քո նախնյաց ոգիները զորավիգ են քեզ ամեն պահ եւ ամենուր… Քո նախնիք քո անցյալն են. հենց նրանք էլ քո ապագան են…

Հատված «Ուխտագիրք Արորդյաց»-ից

«Լուսանցք» թիվ 5 (181), 2011թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում