Բազմաբեւեռ պայքարի ,,հայկական ալիք,,-ը (Ջավախքի ու Նախիջեւանի խնդիրները)…

Հայկական Ջավախքում ազգային հիմնախնդիրները ոչ մի կերպ լուծում չեն գտնում, ինչը հետզհետե նպաստում է Ջավախքի հայաթափմանը… Սա էլ հենց պաշտոնական Թբիլիսիի նպատակն է:
Վրաստանի իշխանությունները շարունակում են ջավախքահայության նկատմամբ վարել հալածական քաղաքականություն…
Պարբերաբար տեղի ունեցող հայ-վրացական (իբր՝ եղբայրական, բարեկամական կամ հարեւանական) բարձրաստիճան հանդիպումներն անգամ չեն կարգավո-րում բազմաբնույթ հարցերը:
Վրացական կողմից միայն խոստումներ են հնչում… իսկ հակահայկական դրսեւորումները ոչ մի ձեւով չեն դադարում:

Վահագն Նանյան

Նախիջեւանի հիմնահարցը պետք է հասունացնել

ԵՊՀ Պալեանների անվան դահլիճում տեղի ունեցավ միջազգային հարաբերությունների ֆակուլտետի միջազգային հարաբերությունների եւ դիվանագիտության ամբիոնի վարիչ, պրոֆեսոր Էդիկ Զոհրաբյանի «Նախիջեւանի հիմնահարցը 1920-1921թթ.» աշխատության շնորհանդե-սը: Գիրքը հեղինակի՝ Նախիջեւանի հիմնահարցին նվիրված եռամաս ուսումնասիրության 3-րդ՝ վերջին հատորն է, որտեղ համակողմանի ներկայացվում են Ադրբեջանի խորհրդայնացումից հետո նախիջեւանյան հիմնահարցում տեղի ունեցած զարգացումները, խնդրի լուծման ուղղությամբ ծավալած ռազմական ու դիվանագիտական գործընթացները: Է. Զոհրաբյանը ներկայացնում է նախիջեւանյան հարցի տեղն ու դերը հայ-ադրբեջանական, հայ-ռուսական եւ հայ-թուրքական հարաբերություններում, անդրադառնում այն հարցին, թե ինչպես եւ ինչու հիմնա-հարցը փոխադրվեց ռուս-թուրքական հարաբերությունների ոլորտ, իսկ խորհրդայնացված Հայաստանը դուրս մղվեց դրա լուծման դիվանագիտական գործընթացից:
«Լուսանցք»-ը հրապարակումներում բազմիցս անդրադարձել է մեր զավթված տարածքների խնդրին, այդ թվում՝ Նախիջեւանի, եւ այժմ էլ հա-մոզված ենք, որ արցախյան խնդրի հետ զուգահեռ պետք է արծարծել Նախիջեւանի հարցը: Առավել եւս, որ երբ Արցախի՝ Ադրբեջանին նվիրումը կա-տարվել է Կովկասի կոմունիստների բյուրոյի կողմից, ապա Նախիջեւանի՝ Ադրբեջանին նվիրումը կատարվել է Ադրբեջանի կոմունիստների ո-րոշմամբ… Այս ծաղրուծանակ որոշումները «միջազգային հանրություն» կոչվածը համարում է տարածքային անձեռնմխելիության իրավուն-քի առարկա… երբ դեռ ԽՍՀՄ գոյության տարիներին այդ երկիրը համարում էին «չարի կայսրություն»…

Անի Մարության

«Լուսանցք» թիվ 9 (185), 2011թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում