Իմ անկախությունը… Դառնամ արմատներիս Արիական… – «Լուսանցք»-ի գլխավոր խմբագիր Արմենուհի Մելքոնյան

Մինչեւ ամբողջացնեմ-մեկտեղեմ թռիչքը ոգուս ու անձիս:

Իմ անկախությունը վերադա՛րձն է՝ դեպի ապագա՝ հայահավաքով ու հողահավաքով:

Ու այս ճանապարհին իմ անկախությունը հզորությա՛ն ու ապահովության զգացողությունն է, որ կարո՛ղ է ու պարտավո՛ր է տալ հայ զինվորը:

Իմ անկախությունը այն հայ մա՛յրն է, որ տղամարդ է մեծացնում, ոչ թե տղեկ:

Այն ուսուցի՛չն է, որ աշակերտի մեջ հայի թշնամու հանդեպ հանդուրժողականություն չի՛ սերմանում:

Այն աշակե՛րտն է, որ վրիժառության ծիլն արդեն ի՛նքն է փայփայում:

Իմ անկախությունը այն հայ մարդն է, որ հիշողությանը սոսկ իբրեւ անցյալի՛ չի վերաբերում:

Իմ անկախությունը արթնացու՛մն է հայ գենիս:

Իմ անկախությունը հայի՛ անկախություն է:

Արմենուհի Մելքոնյան

«Լուսանցք»  շաբաթաթերթի գլխավոր  խմբագիր

*  *  *

Հ.Գ. – Հրանտ Մաթեւոսյան շատ եմ սիրում, անասելի՛ շատ, այնքան, որ մեկ անգամ կարդացածս ու սրտումս մեխվածը երբեք չեմ մոռանում: Ցավոք, հնարավոր է, որ որոշ բառեր տարիներ անց չհիշեմ, բայց ամբողջը դաջվում է: Շունչը դաջվում է, եւ այլեւս ապահովագրված ես՝ թթվածինդ միշտ կա…

«Անկախությունը հանրապետության բոլոր ուստրերի ու դուստրերի ամենժամյա ճորտական աշխատանքն է, հենց որն էլ մեզ բոլորիս տեր կկարգի միմյանց ու այս երկրին, որն արդեն ոչ ոքի չենք զիջի»:   

* * *

«Ճանապարհը, որ տանում է դեպի Անկախության տաճար, հարթ եւ ուղիղ չէ, ինչպես մտածում են ոմանք: Դա լեռ բարձրանալ է՝ վայրէջքներով ու կեռմաններով: … Միայն բարոյական հաղթանակներին ապավինելը, ինչ-որ միֆական «իմիջի» մասին մտածելը՝ մեր ժողովրդին իրական անկախության չի հասցնի» (Վարդգես Պետրոսյան):

* * *

«Էն ո՞ր ոչուփուչը վեր կկենա ու «ոչ» կասի իր արյան շրջանառությանը, իր աչքի լույսին, իր արդար հացին, իր պետականության հիմքերին, իր թոռների ու թոռնթոռների մարդավայել կյանքին: Աստված չանի, եթե հանկարծ գտնվի մի այդպիսինը. մեր ամբողջ ազգի այտերն ամոթից պիտի շիկնեն» (Համո Սահյան):

* * *

«Կը խորհինք թե Սեպտեմբերի 21-ի այո-ն ոչ թէ լրումն է մեր անկախութեան իտեալի, այլ շարունակումն է անկախութեան առաւել վճռական ու գործարար գործընթացի, ապահովումովը մեր հայրենիքի քաղաքական անվտանգութեան եւ տնտեսական զարգացման: Օրհնութիւն եւ փառք ճառագայթող այդ աստղին ու յաւետ ազատ՝ արմենական մեր ազգին» (Վազգեն Ա):

«Լուսանցք» թիվ 32 (208), 2011թ.