Անգ­լուխ ձիա­վոր­նե­րի նոր քա­ղա­քա­կա­նութ­յու՞ն

Կու­սակ­ցա­պետ Ծա­ռուկ­յա­նը մի հարց էլ «պար­զա­բա­նեց», որ «ՀԱԿ-ին ֆի­նան­սա­պես ա­ջակ­ցե­լը սուտ հեր­յու­րանք­ներ են՝ ժո­ղովր­դին թյու­րի­մա­ցութ­յան մեջ գցե­լու հա­մա­ր»: ԲՀԿ-­ՀԱԿ հա­մա­գոր­ծակ­ցութ­յան, այդ թվում ֆի­նան­սա­կան ա­ջակ­ցութ­յան մա­սին հրա­պա­րա­կում­ներ ար­դեն նաեւ ուկ­րաի­նա­կան մա­մու­լում են ե­ղել, բայց դա ո­րակ­վեց սուտ: «Մենք հա­մա­գոր­ծակ­ցում ենք ոչ միայն ՀԱԿ-ի հետ, այ­լեւ, օ­րի­նակ, ՀՅԴ­-ի հետ՝ ար­դար, թա­փան­ցիկ ընտ­րութ­յուն­ներ ու­նե­նա­լու հա­մար: Իսկ մնա­ցա­ծը «մու­տի­լով­կա­նե­ր» են, խառ­նաշ­փոթ են ա­նում. «Մենք հա­մա­պա­տաս­խան փաս­տա­թուղթ ենք ստո­րագ­րել նաեւ ՀՀԿ­-ի հետ, ին­չի՞ մա­սին է խոս­քը»,- հա­վե­լել է Գ. Ծա­ռուկ­յա­նը:

Իսկ հա­մա­պա­տաս­խան փաս­տա­թուղթ ստո­րագ­րած ԲՀԿ­-ի ընտ­րա­ցու­ցա­կի թիվ 2-ը՝ Վ. Օս­կան­յա­նը, սա էլ է ան­տե­սում եւ հայ­տա­րա­րում է, թե «ԲՀԿ-ն ա­ռան­ձին կա­ռա­վա­րութ­յուն է կազ­մե­լու… ԲՀԿ-ն հա­վակ­նում է ընտ­րութ­յուն­նե­րում հաղ­թել, հնա­րա­վո­րինս մեծ ներ­կա­յութ­յուն ձե­ւա­վո­րել խորհր­դա­րա­նում, կա­ռա­վա­րութ­յուն կազ­մե­լ»: Ա­վե­լին՝ քո­չար­յա­նա­կան Օս­կան­յա­նը պնդել է, թե «զուտ քա­ղա­քա­գի­տա­կան ա­ռու­մով ե­թե մի կու­սակ­ցութ­յու­նը կոա­լի­ցիա­յի մեջ մե­ծա­մաս­նութ­յուն ու­նի, դա ար­դեն ձե­ւա­կան է՝ ԲՀԿ-ն գնում է ա­ռան­ձին, իր ծրա­գիրն ու­նի, ո­րը ոչ մի կապ չու­նի ՀՀԿ ծ­րագ­րի հետ»:

Ես, որ­պես լրագ­րող, կա­րող եմ ա­սել  այն, ինչ մտա­ծում եմ, են­թադ­րում եմ, բայց այս պա­հին կխո­սեմ որ­պես զուտ ընտ­րող եւ կա­սեմ, որ պար­զա­պես հիաս­թափ­ված եմ այն Գա­գիկ Ծա­ռուկ­յա­նից, ո­րին գո­նե պատ­կե­րաց­նում էի մին­չեւ ընտ­րա­ցու­ցակ­նե­րը կազ­մե­լը: Այդ օր­վա­նից չկա այ­լեւս ԲՀԿ ­նա­խա­գահ Ծա­ռուկ­յան եւ կա մաս­նատ­ված (կամ այդ ճա­նա­պար­հը բռնած) ԲՀԿ, ո­րի նա­խընտ­րա­կան ո­րե­ւէ խոս­տում այ­լեւս հա­վաս­տի չէ եւ ան­հաս­ցե է հնչում… Նախ­կին ԱԳ նա­խա­րար Օս­կան­յա­նը շա­տե­րի հա­մար ե­ղել եւ մնում է ԱՄՆ դրա­ծո (ինչ­պես Ժի­րայր Լի­պա­րիտ­յա­նը, ո­րի հետ ե­կան ՀՀՇ ­տա­­րի­նե­րին) եւ նրա այ­դ­­օ­րի­նակ մուտ­քը քա­­ղա­քա­կան դաշտ կամ նպ­­ա­տակ ու­ներ ոչն­չաց­նել քա­ղա­քա­կան գոր­ծիչ Ծա­ռուկ­յա­նին (հաս­կաց­նե­լով, որ զբաղ­վի միայն տնտե­սութ­յամբ), կամ նպա­տակ ու­ներ « ԲՀԿ-ն ա­ռան­ձին կա­ռա­վա­րութ­յուն է կազ­մե­լու» մի­ջո­ցով վար­չա­պե­տի ա­թո­ռին բե­րել Ռո­բերտ Քո­չար­յա­նին:

«Լու­սանցք»-ն­ ար­դեն գրել է, որ ՌԴ ­նո­ր­­­ըն­տիր նա­խա­գահ ու այ­լեւս նախ­կին վար­չա­պետ Վլա­դի­միր Պու­տի­նը ՀՀ 2-րդ ­նա­­խա­գա­հին խնդրել է ա­ջակ­ցել ի­րեն տն­­տե­սա­կան ո­լոր­տում, որ­տեղ նաեւ հա­յաս­տան­յան ձեռ­նար­կութ­յուն­ներ են նե­րառ­ված: Բայց սա ե­ղել է այն բա­նից հե­տո, երբ Ռ. Քո­չար­յա­նը Վ. Օս­կա­ն­­յա­նին եւ այ­լոց «մտ­ց­րեց» ԲՀԿ­ ընտ­րա­ցու­­ցակ եւ պայ­քար էր սկսել «ԲՀԿ ­կա­­ռա­վա­րութ­յան ձե­ւա­վոր­ման հա­մար»… Տա­կա­վին վեր­ջերս, անդ­րա­դառ­նա­լով ՀՀ 2-րդ ­նա­խա­գա­հի՝ Մոսկ­վա­յում գտնվե­լու փաս­տին, ո­րոշ զլմ-­ներ եւս գրե­ցին, թե «Քո­չար­յա­նը Մոսկ­վա­յի Սպի­տակ տա­նը պաշ­տո­նա­պես հան­դի­պել է ՌԴ ­նո­րըն­տիր նա­խա­գահ Պու­տի­նին եւ պաշ­տո­նա­կա­նից զատ, Քո­չար­յանն ու Պու­տի­նը մի ան­գամ էլ կար­ճա­տեւ հան­դի­պում են ու­նե­ցել, եւ ՀՀ ­նախ­կին նա­խա­գա­հին մեծ քա­ղա­քա­կա­նութ­յուն վե­րա­դառ­նա­լու ցան­կա­լի ե­րաշ­խիք­նե­րը չեն տր­­վե­լ»…

Ստաց­վում է՝ Ռ. Քո­չար­յա­նին վար­չա­պետ դարձ­նե­լու ծրա­գի­րը չի կա­րող գոր­ծել եւ Վ. Օս­կան­յա­նի բո­լոր «ինք­նագ­լուխ» հայ­տա­րա­րութ­յուն­նե­րը վնա­սե­լու են միայն Գ. Ծա­ռուկ­յա­նին: Իսկ ե­թե ԲՀԿ ­նա­խա­գա­հը չի կա­րո­ղա­նում վե­րահս­կել ի­րա­վի­ճա­կը, ու­րեմն հնա­րա­վոր է «փուռն է տրվել» Ս. Սար­­գս­­յան – Ռ. Քո­չար­յան զույ­գի քա­ղա­քա­կան խա­ղե­րում… Բայց ՀՀԿ­-ա­կան շատ գոր­­ծիչ­ներ էլ հայ­տա­րա­րում են, թե ԲՀԿ-ն դար­ձավ ՀԱԿ-ի գոր­ծի­քը, քան­զի Վ. Օս­կա­ն­­յա­նը կա­­տա­րում է Լ. Տեր-Պետ­րոս­յա­նի քա­ղա­քա­կան պատ­վե­րը:

Ա­վե­լին՝ ՀՀԿ­-ում են­թադ­րում են՝ Օս­կան­յա­նը կոա­լի­ցիա­յի վե­րա­բեր­յալ հայ­տա­րա­րութ­յուն­ներն ինք­նագ­լուխ չի հնչեց­րել: «ԲՀԿ­-ում Օս­կան­յա­նի հեր­թա­կան քայ­լն­ էլ ե­ղել է կու­սակ­ցութ­յան ղե­կա­վա­րի գի­տութ­յամբ եւ լիա­զո­րութ­յամ­բ»,- ա­սել է ԱԺ ՀՀԿ խմ­բակ­ցութ­յան քար­տու­ղար Գա­գիկ Մե­լիք­յա­նը՝ մեկ­նա­բա­նե­լով ԲՀԿ­-ա­կան Նաի­րա Զոհ­րաբ­յա­նի այն հայ­տա­րա­րութ­յու­նը, թե՝ ե­թե Վար­դան Օս­կան­յա­նը միա­ցել է ընտ­րութ­յուն­նե­րի վե­րահս­կո­ղութ­յան նպա­տա­կով միաս­նա­կան շտա­բի ձ­­ե­ւա­վոր­ման նա­խա­ձեռ­նութ­յա­նը, եւ իր ստո­րագ­րութ­յու­նը դրել այդ նա­խա­ձեռ­նութ­յան տակ, ա­պա դա ե­ղել է Գա­գիկ Ծա­ռուկ­յա­նի ի­մա­ցութ­յամբ եւ լիա­զո­րութ­յամբ: Եվ հաշ­վի առ­նե­լով այն, որ ըստ Ն. Զոհ­րաբ­յա­նի, ԲՀԿ-ն «կար­գա­պա­հ ­կու­սակ­ցութ­յուն է», կա­րե­լի է են­թադ­րել, որ նաեւ նախ­կի­նում ԲՀԿ ­հա­մա­մաս­նա­կան ցու­ցա­կի 2-րդ ­տե­ղում հանգր­վա­նած Վ. Օս­կան­յա­նի հայ­տա­րա­րութ­յուն­նե­րը, այդ թվում՝ ԲՀԿ­-ի՝ կոա­լի­ցա­յի կազ­մում ձ­­ե­ւա­կան լի­նե­լու մա­սին, ինք­նագ­լուխ չի հնչեց­վե­լ.- հա­վե­լել է Գ. Մե­լիք­յա­նը:

ՀՀԿ ­փոխ­նա­խա­գահ, ԱԺ ՀՀԿ խմ­բակ­ցութ­յան ղե­կա­վար Գա­լուստ Սա­հակ­յանն էլ պա­տաս­խա­նե­լով այն հար­ցին՝ թե ին­չու է ԲՀԿ-ն ընդ­դի­մութ­յան հետ միա­սին մի ճամ­բա­րում գոր­ծում, ա­սել է, որ դա Օս­կան­յա­նին պետք է հարց­նեք, ո­րի տե­սա­կետ­նե­րը չի կի­սում ԲՀԿ-ն: Գ. Սա­հակ­յա­նը հա­մոզ­ված է, որ Վ. Օս­կան­յա­նը ոչ թե ա­ռան­ձին խաղ է խա­ղում, այլ ին­քը նույն ի­րա­վի­ճա­կա­յին մո­տե­ցում­ներն ու­նի, ինչ Լե­ւոն Տեր-Պետ­րոս­յա­նը:

Ո­րոշ վեր­լու­ծա­բան­ներ էլ նկա­տել են, որ ՀԱԿ-ը թեկ­նա­ծու չի ա­ռա­ջադ­րել այն ըն­տ­­րա­տա­րած­քում, որ­տեղ ա­ռա­ջադր­ված է ԲՀԿ­ ղե­կա­վա­րը, իսկ ՀՀՇ ­վար­չութ­յան նա­խա­գահ Ա­րամ Մա­նուկ­յա­նն­ այդ ա­ռու­մով ա­սել է. «Պար­զա­պես հար­մար թեկ­նա­ծու չենք ու­նե­ցե­լ»: ՀԱԿ-ը նաեւ խոս­տա­ցել է հա­­կա­քա­րոզ­չութ­յուն չա­նել ՀՅԴ­-ի, «Ժա­ռան­գութ­յա­ն» եւ ԲՀԿ­-ի նկատ­մամբ: Ե­թե ա­ռա­ջին եր­կուսն ընդ­դի­մա­դիր­ներ են, ա­պա ԲՀԿ-ն իշ­խա­նա­կան թեւ է… Բայց այդ ի­շխա­նա­կան թե­ւը, ըստ «Հրա­պա­րակ»-ի, թիվ 18 ընտ­րա­տա­րած­քում ո­րո­շում է կա­յաց­րել սա­տա­րել ՀԱԿ ներ­կա­յա­ցու­ցչի թեկ­նա­ծութ­յու­նը: Ըստ լու­րե­րի՝ դա նա­խա­ձեռ­նել է ՀՀ­ ոս­տի­կա­նութ­յան ներ­քին զոր­քե­րի նախ­կին հրա­մա­նա­տար Գրի­գո­րի Գրի­գոր­յա­նը՝ Շե­րի­ֆը, ով նույն­պես ծնուն­դով այս մար­զից է:

ԱԺ ՀՀԿ խմ­բակ­ցութ­յան քար­տու­ղար Գ. Մե­լիք­յա­նը մեկ­նա­բա­նե­լով ՀՀՇ­ վար­չութ­յան նա­խա­գահ Ա­. Մա­նուկ­յա­նի հայ­տա­րա­րութ­յու­նը՝ շնոր­հա­վո­րել է «կոա­լի­ցիոն գոր­ծըն­կե­րո­ջը. ԲՀԿ-ն ի դեմս ՀՀՇ ­վար­չու­թ­­յան նա­խա­գա­հի, նոր մա­մու­լի խոս­նակ ու­նի»: Իսկ ՀՀՇ ­վար­չութ­յան նա­խա­գա­հն­ ա­սել էր, որ ԲՀԿ-ն ուժ է, ո­րը պայ­քա­րում է կեղ­ծիք­նե­րի դեմ եւ փոր­ձում է դառ­նալ ին­ք­­նու­րույն քա­ղա­քա­կան ուժ, ան­կա­խա­նալ ՀՀԿ­-ից: «Իսկ Ռո­բերտ Քո­չար­յա­նը նրանց հետ կապ չու­նի, այս­պի­սի քա­ղա­քա­կան գոր­ծիչ Հա­յաս­տա­նում չկա, ու­նեմ հստակ փաս­տեր, որ այդ մար­դը ո­րե­ւէ քա­ղա­քա­կան ու­ժե­րի չի կպնի եւ ոչ մի ուժ չի ցան­կա­նում նրա հետ աշ­խա­տել… եւ ար­տա­հա­յաս­տան­յան, եւ հա­յաս­տան­յա­ն»: ՀԱԿ-ում «հա­ստատ» կար­ծում են, որ ԲՀԿ-ն ճիշտ ու­­ղի է ընտ­րել, իսկ ՕԵԿ-ին ՀՀԿ-ն «քցե­լու է»…­

«Հա­յոց աշ­խար­հը»-ը գրել է. «ՀԱԿ-ի «բար­գա­վա­ճե­լո­ւ» հույ­սը վեր­ջինն է մեռ­նում. ԲՀԿ-ն ՀԱԿ-ի ձեռ­քին «գոր­ծի­ք» դառ­նա­լու հե­ռան­կարն ըն­դու­նեց ի գի­տութ­յուն»: «Ժա­ռան­գութ­յա­ն» եւ «Ա­զատ դե­մոկ­րատ­նե­րի» ներ­կա­յա­ցու­ցիչ­նե­րն­ էլ հայ­տա­րա­րե­ցին, թե «ՀԱԿ-ի եւ ԲՀԿ­-ի մի­ջեւ պայ­մա­նա­վոր­վա­ծութ­յուն կա՝ ԱԺ անց­նե­լով ստեղ­ծել նոր կոա­լի­ցիա: Հա­վա­նա­բար հա­տուկ Տեր-Պետ­րոս­յա­նին ու ՀԱԿ-ին եր­ջան­կաց­նե­լու հա­մար»:

ԲՀԿ ­խորհր­դա­րա­նա­կան խմբակ­ցութ­յան ան­դամ Ն. Զոհ­րաբ­յա­նն­ ա­րագ հեր­քեց այդ լու­րը՝ նշե­լով. «ԲՀԿ-ն ո­րե­ւէ քա­ղա­քա­կան ու­­ժի հետ ո­րե­ւէ ստվե­րա­յին հա­մա­ձայ­նութ­յուն չու­նի: Միակ պայ­մա­նա­վոր­վա­ծութ­յու­նը, որ կա բո­լոր այն ֆոր­մատ­նե­րում, որ­տեղ կա ԲՀԿ-ն, մեկն է՝ ա­նել հնա­րա­վո­րը ընտ­րութ­յուն­նե­րի ա­զատ, ար­դար ըն­թացքն ա­պա­հո­վե­լու հա­մա­ր»: Բայց միեւ­նույնն է, է­լի կար­ծիք­ներ են հնչում, թե այս ա­մե­նը ՀՀ 1-ին նա­խա­գահ Տեր-Պետ­րոս­յա­նի կան­խա­տե­սումն էր՝ գայ­թակ­ղել ԲՀԿ­-ին եւ դրա­նով լու­ծել 2 խնդիր՝ 1. իշ­խա­նա­կան կոա­լի­ցիա­յից մաս պո­կե­լու մի­ջո­ցով թու­լաց­նել իշ­խա­նութ­յու­նը, 2. հա­մա­գոր­ծակ­ցութ­յու­նը գլուխ բե­րե­լու դեպ­քում նա­խընտ­րա­կան շրջա­նում փոր­ձել ա­ռա­վե­լա­գույնս օգտ­վել ԲՀԿ­-ի ֆի­նան­սա­կան-նյու­թա­կան հնա­րա­վո­րութ­յուն­նե­րից՝ բնա­կա­նա­բար ի շահ կոնգ­րե­սի օգ­տա­գոր­ծե­լով նաեւ ԲՀԿ­-ի քա­ղա­քա­կան, մարդ­կա­յին ու բա­րո­յա­կան նե­րու­ժը: Իսկ ԲՀԿ ­ղե­կա­վա­րի հայ­տա­րա­րագ­րից «Հայ­կա­կան ժա­մա­նակ»-ը մեջ­բե­րել էր. «…Ա­դա­մանդ­ներ, ոս­կե­ղեն­, կա­հույք­ներ, «Ռոլս-Ռոյս կու­պե ֆան­տո­մ» եւ այլ մե­քե­նա­ներ ու շի­նութ­յուն­ներ, նաեւ բան­կա­յին հա­րուստ հա­շիվ­ներ»…­ ին­չը ՀԱԿ-ին «հա­րա­զատ» էր թվա­ցել… Կար­ծես ի­րենք չու­նեն……

­Զուր չէր, որ դեռ ա­միս­ներ ա­ռաջ «Լու­սանցք»-ը գրում էր «եր­կու իշ­խա­նութ­յուն – եր­կու ըն­դ­­դի­մութ­յուն հնա­րա­վոր տար­բե­րա­կի մա­­սին», որ կա­րող էր ա­ռա­ջա­նալ նա­խընտ­րա­կան ըն­թաց­քում:

Այս ա­մե­նը մի պահ այն­պես ազ­դեց ԲՀԿ ­նա­խա­գա­հի տրա­մադ­րութ­յան եւ մտա­ծո­ղու­թ­­յան վրա, ու ան­գամ զրույց­ներ ե­ղան, թե ԲՀԿ-ն կփո­խի իր ո­րո­շու­մը եւ ՀՀԿ­-ի ու ՕԵԿ-ի հետ կմաս­նակ­ցի միաս­նա­կան հա­մա­մաս­նա­կան ընտ­րա­ցու­ցա­կով: Բայց այդ­պես չե­ղավ: Ըստ ո­րոշ վեր­լու­ծա­բան­նե­րի, այդ դեպ­քում մի հստակ «նա­խա­գա­հա­կան թիմ» կմտներ խորհր­դա­րան, որ ՀԱԿ-ի կամ ՀՅԴ­-ի ու «ժա­ռան­գութ­յան» ներ­կա­յաց­վա­ծ­­ու­թ­­յունն ար­դեն կա­րե­ւոր չէր էլ լի­նի:

Չնա­յած այս խառ­նի­խուռն ի­րա­վի­ճա­կին, ԲՀԿ ­նա­խա­գա­հը հայ­տա­րա­րել է. «Ինչ էլ լի­նի՝ ԲՀԿ-ն չի պատ­րաստ­վում ցեխ շպրտել ու­րիշ­նե­րի վրա… Ով­քեր թույլ են՝ նրանք էլ ի­րա­կա­նաց­նում են դա, բայց կա­րե­ւո­րը ժո­ղովր­դի կար­ծիքն ու ընտ­րութ­յունն է»: Սա նաեւ պա­տաս­խանն էր այն տե­սաե­րի­զի, որ­տեղ ե­րե­ւում է, որ ԲՀԿ ­նա­խա­գահ Գա­գիկ Ծա­ռուկ­յա­նը ժո­ղովր­դի հետ հան­դիպ­մա­նը գնա­ցել է զեն­քով:

Բայց մի շարք հար­ցեր դե­ռեւս մնում են օ­րա­կար­գում՝ դեռ չպար­զա­բան­ված. հի­մա Օս­կան­յա­նը ԲՀԿ­-ի՞ց­ է, թե՞ ԲՀԿ­-ից չէ… Հի­մա Օս­կան­յա­նը Քո­չար­յա­նի՞, թե՞ Տեր-Պետ­րոս­յա­նի «մարդն» է… Հի­­մա Օս­կան­յա­նը Ծա­ռուկ­յա­նի՞ դեմ է, թե՞ գոր­ծող նա­խա­գահ Սերժ Սարգս­յա­նի…

Ա­րամ Ա­վետ­յան

«Լու­սանցք» թիվ 15 (236), 2011թ.