Զորակցություն Արմեն Ավետիսյանին

Շարունակում ենք մեր ընթերցողներին տեղեկացնել Հայ Արիական Միաբանության առաջնորդ Արմեն Ավետիսյանի առողջական վիճակի մասին:

ՀԱՄ առաջնորդը մայիսի 4-21-ը «Էրեբունի» բժշկական կենտրոնի վերակենդանացման բաժանմունքում էր, եւ միայն մայիսի 21-ին է տեղափոխվել պալատ՝ գտնվելով բժիշկների խիստ հսկողության ներքո: Հիշեցնենք, որ մայիսի 4-ին պատահարի հետեւանքով (ըստ ոստիկանության հաղորդագրության՝ վրաերթի) Արմեն Ավետիսյանը հայտնվել էր «Էրեբունի»-ում՝ մարմնական բազմաթիվ ծանր վնասվածքներով:

Հունիսի 3-ին Արմեն Ավետիսյանին բժիշկները թույլ տվեցին հետագա բուժումը, ընդ որում՝ երկարատեւ, շարունակել արդեն տնային պայմաններում:

Քաջառողջություն ենք մաղթում ՀԱՄ առաջնորդին՝ ցանկալով շուտափույթ վերադարձ աշխատանքային բնականոն ռիթմի: