Նախարարներն արձակուրդ չեն գնա

Նա հավելեց, որ եթե նույնիսկ բարձրաստիճան պաշտոնատար անձինք գնան արձակուրդ այս ամռանը, ապա պետք է այն լինի կարճաժամկետ եւ միայն ՀՀ-ում: «Մեկ ամսվա դիմումներ խնդրում եմ չներկայացնել, եւ դուք էլ ձեր տեղակալներին հայտնեք, որ մեկ ամսվա արձակուրդ նրանք այս տարի չեն ստանալու: Մեր տնտեսական ցուցանիշներն այս տարի բարվոք չեն, եւ 2009թ. ամենածանր տնտեսական տարին է մեր կառավարության համար: Եվ մենք պետք է աչալուրջ լինենք», – ընդգծեց գործադիր իշխանության ղեկավարը:
Ըստ նրա, այս ամառվա սեզոնը ծանր աշխատանքի սեզոն է լինելու կառավարության համար, որովհետեւ ցուցանիշները դեռեւս շարունակում են վատանալ:
Իսկ քանի դեռ ցուցանիշները վատ են, կառավարությունն աշխատելու է: Ափսոս, խեղճ նախարարները անթալիաներում իրենց հաստամարմինները արեւի տակ չեն փռի կամ եվրոպաներում կազինոներ չեն մտնի: Այսքանից հետո ո՜նց աշխատեն:
Անի Մարության

«Լուսանցք», 23 (109), 2009թ.