Ո՛չ հայ-թուրքական «եղբայրության»-ը

Հայկ Թորգոմյան

Արեւմուտքը պարտադրում է… ու նաեւ սադրելու է
Հանրահայտ մասոնական Ջորջ Սորոսը, նաեւ՝ նրա կողմից ֆինանսավորվող եվրոպական ուսանողների միությունը աշխուժացել են վերջերս: Արդեն հավաքներ են կազմակերպել Երեւանում: Սրանք աշխուժացել են այնժամ, երբ ՀՀ նախագահ Սերժ Սարգսյանն իր թուրք գործընկերոջը հրավիրեց Երեւան եւ սկիզբ դրեց 2 երկրների հարաբերությունների կարգավորման գործընթացին:
Այդ ժամանակ, երբ Թուրքիայի ֆուտբոլի ֆեդերացիան իր քաղաքացիներին, ովքեր, ի դեպ, շատ էին ցանկանում ժամանել Հայաստան ու հետեւել իրենց թիմի խաղին, սորոսականները խորհուրդ էին տալիս, ելնելով անվտանգության նկատառումներից, չմեկնել Երեւան: Գրեթե նույնն էր անում նաեւ եվրոպական ուսանողների միությունը: Չնայած ՀՀ կառավարությունը հայտարարել էր անվտանգության երաշխիքների տրամադրման մասին եւ գործնական քայլեր էր կատարել՝ հյուրերին ընդունելու համար, թուրքերն ու սորոսականները իրենց «քաղաքական» հորդորներով համոզում էին թուրք ֆուտբոլասերներին, որ Հայաստանն անվտանգ երկիր չէ: Իսկ, ի՞նչ է, Թուրքիան ավելի անվտա՞նգ երկիր է: Հայաստան-Թուրքիա խաղը Երեւանում տեղի ունեցավ առանց որեւէ բարդության, մինչդեռ Թուրքիա-Հայաստան խաղը պետք է տեղի ունենար Կայսերիի նորակառույց մարզադաշտում, սակայն այդ քաղաքի բնակիչները հանդես եկան դրա դեմ, ինչն այնքան անհանգստացրեց թուրքական ֆեդերացիայի ղեկավարությանը, որ անվտանգության մարմինների ներկայացուցիչների հետ քննարկումների արդյունքում որոշվեց հանդիպումը տեղափոխել Բուրսա: Պարզ դարձավ, որ նույն այդ կառույցներն ի վիճակի չեն ապահովել հայ ֆուտբոլասերների անվտանգութ
յունը Կայսերի քաղաքում: Եվ դեռ հարց է` թուրքական կողմը որքանով է պատրաստ ապահովել հայկական պատվիրակության եւ ֆուտբոլասերների անվտանգությունը Բուրսայում: Իսկ սորոսականները այս առումով լռում են:
Հայ-թուրքական հարաբերություն կոչվածը մշտապես սրելու է երկու երկրների հարաբերությունները, քանզի երկու ժողովուրդներն էլ պատրաստ չեն հարաբերվելու ո՛չ հոգեբանորեն, ո՛չ էլ այլ առումներով: Եվ պետական նախաձեռնությունները միայն ջլատելու են եւ վտանգների մեջ են ներքաշելու հասարակ մարդկանց:

Արման Դավթյան

Թուրքիան եվրոպական երկիր չէ՛
«Սաբահ» օրաթերթը հրապարակել է մի տեղեկություն այն մասին, որն ուղղված է Թուրքիայի Եվրամիությանն անդամակցելու դեմ: Պարբերականի տեղեկացմամբ՝ «Ավստրիայի ազատություն» (FPO) կուսակցությունը Եվրամիությանը կոչ է արել դադարեցնել եվրաանդամակցության բանակցությունները Թուրքիայի հետ:
Կուսակցության ազդեցիկ գործիչներից մեկը հայտարարել է. «Թուրքիան Եվրոպային համապատասխանող երկիր չէ ու չի էլ լինի: Շուրջ 40 հազար քաղաքացի արդեն ստորագրել է մեր պատրաստած այն հայտարարության տակ, որը վերաբերում է Թուրքիայի անդամակցության շուրջ ընթացող բանակցությունների դադարեցմանը»:
Իսկ հիշյալ կուսակցության ղեկավար Հանս Քրիստիան Սթրեյչը հրապարակավ հայտնել է, որ իրենզ կազմակերպությունը Եվրախորհրդարան է ներկայացնելու երկու առանձին գրավոր հայտարարություն՝ խնդրո առարկայի վերաբերյալ:

Արտակ Հայոցյան

* * *
ԵԱՀԿ Մինսկի խմբի համանախագահները հոկտեմբերի 1-ին ժամանել են Երեւան: Այս մասին հայ-ադրբեջանական սահմանագծի Տավուշի մարզի Կիրանց բնակավայրի մերձակայքում ԵԱՀԿ գործող նախագահի գրասենյակի կողմից կանցկացվող սահմանագծի հերթական դիտարկման ժամանակ ասել է ԵԱՀԿ գործող նախագահի անձնական ներկայացուցիչ Անջեյ Կասպրչիկը:
Համանախագահները մեկնելու են նաեւ Ստեփանակերտ եւ Բաքու:
Կասպրչիկը նշել է, որ համանախագահների այցի նպատակն է նախապատրաստել Հայաստանի եւ Ադրբեջանի նախագահներ Սերժ Սարգսյանի ու Իլհամ Ալիեւի հերթական հանդիպումը:

  Լուսանցք» թիվ  33 (119),  2009թ.