Համ էլ կապրեն Համասեռաշենում…

Համ էլ ֆուտբոլ են խաղում…
Թուրքական «Ֆեներբախչե» թիմի գլխավոր մարզիչ Քրիստոֆ Դաումը գերմանական «Բիլդ» թերթին տված հարցազրույցում հաստատել է այն փաստը, որ թիմի մի քանի ֆուտբոլիստներ պարբերաբար օգտվել են Ստամբուլի մարմնավաճառների ծառայություններից: «Ցավոք, պետք է խոստովանեմ, որ այդ ասեկոսեները համապատասխանում են իրականությանը: Երբեք չէի պատկերացնի, որ իմ խաղացողները ներքաշված կլինեն սեռական սկանդալի մեջ»,- ասել է Դաումը եւ նշել, որ ինքն այցելել է այն հյուրանոցը, որտեղ ֆուտբոլիստները վարձել էին մարմնավաճառներին, զրուցել աշխատակիցների հետ եւ վերջնականապես համոզվել, որ բոլոր խոսակցություններն իրական են:
«Ֆեներբախչե» թիմն արդեն վաճառքի է հանել «մոլորյալ» ֆուտբոլիստներին՝ Թուրքիայի հավաքականի կիսապաշտպան Կոլիմ Կազիմ Ռիչարդսին, ով արմատներով բրազիլացի է, եւ նրա հայրենակիցներ Վեդերսոնին, Բալիկաին ու Անդրե Սանթոսին:
Ինչպես ասում են՝ սա էլ մի այլ խաղից է… Չնայած, ավելի նախընտրելի է, քան համասեռամոլությունը:
Արման Դավթյան

Հ.Գ. – Խմբ. կողմից – Իսկ Եվրոպայում համասեռամոլությունն այլեւս հիվանդություն են համարում, փոխարենը մեզ մոտ ջանում են այն իբրեւ ապրելակերպ դիտարկել… Բժիշկների՞ն է դա ձեռնտու, թե՞…

Գիշերային ակումբներում վառվում են

ՌԴ Պերմ քաղաքում կատարված ողբերգությունը 146 մարդու կյանք խլեց: Թե դատաստանի առջեւ քանի մարդ կկանգնի, ժամանակը ցույց կտա: Անգամ հրաժարական տվեցին նահանգապետը, քաղաքագլուխը, այլ պաշտոնյաներ:
Պերմի դեպքը համակարգված թերությունների մի շղթա է, որով տառապում են ռուսական քաղաքների ու գյուղերի համանման բոլոր հաստատությունները՝ այստեղ անվտանգության մարմինների ու համակարգերի իրականում բացակայություն է, շինարարական նորմերի խախտում, վերահսկողության չգոյություն:
Թե ինչ վիճակում են ՀՀ-ում այս կարգի հաստատությունները, միանգամայն անհայտ է: Ինչ է կատարվում մեզ մոտ այդ հաստատությունների ներսում՝ նույն անվտանգույան համակարգերի առումով, նույնպես անհայտ է: Բայց որ նման հաստատությունները ծառայում են մի նպատակի` սերնդի այլասերման, ակնհայտ է: Ռուսաստանյան դեպքերը բացահայտեցին մի փաստ. հիմնական տերերը ի հայտ չեկան եւ չգտնվեցին, փոխարենը ծուղակում հայտնվեցին երկրորդական դեմքեր, ովքեր այդ «մեղրակարասից» կերել եւ կեղծ փաստաթղթերով թույլ էին տվել գործունեություն ծավալել ոչ մի նորմերի չհամապատասխանող շինություններում:
Մոտենում է հայ քրիստոնյաների ամանորը. մեր գիշերային «օբյեկտ»-ներում էլ ակտիվությունը մեծանում է եւ հաճախորդի խլխլոց է սկսվում: Արտակարգ իրավիճակների ծառայություններին հետաքրքրե՞լ է արդյոք, թե հասարակական այդպիսի հաստատություններում անվտանգությունն ինչ մակարդակի է:
Թե՞ պետք է մի հայկական «Պերմ» լինի, որ նոր հետաքրքրվեն:

Աշոտ Բադալյան

«Լուսանցք» թիվ  44 (140), 2009թ.