Ոչ միայն տարածքային պատերազմներ եւ … Ներքին լուրեր եւ հարցեր

…Էլի կան անպաշտպաններ
Վերջերս հայտնվել է եւս մեկ համակարգչային վիրուս, ինքնավերարտադրվող «որդ» անունով: Սա արագորեն տարածվում է ամբողջ համակարգչային ցանցերում:

Անի Մարության

Ո՞վ է հակահայկական գրքեր ու տետրեր ներմուծող այդ բ …-ի տղան, կամ` աղջիկը,
կամ` հովանավորողը, կամ` պատվիրատուն, կամ…

Մինչ աշխարհում իրապես գիտնականներ Պարիս  Հերունին ու ազգությամբ ոչ հայ, բայց, կրկնում ենք, իրապես գիտնականներն ապացու-ցում են (Հերունու մասին անցյալով խոսել չենք կարող), թե ովքեր են եղել ու կան հայերը ու ինչ ժառանգություն են թողել այս երկրագնդին, Երեւանի գրախանութներում հակահայկական գրքեր են վաճառվում:
Այսպես` ՀՀ մայրաքաղաքի գրախանութներում մի հակահայկական եւ հակագիտական գրքի վաճառք է կազմակերպվել: Դա 10 հազար դրամ արժողութ-յամբ «ըՏսՖՔՈÿ ՌսսþրՑՐՌՐՏՉՈվվՈÿ ֆվՓՌՍսՏտպՊՌÿ չպՏչՐՈՒՌՌ» գիրքն է, որը հրատարակել է ռուսաստանյան «ԾՈւՏվ» հրատարակչությունը 2009թ.` բրիտանական «The kingfisher geographi encyclopedia» ընկերության աջակցությամբ:
Այս «Պատմական» գրքում աղավաղված են Հայաստանի եւ հայության մասին տեղեկությունները:
Վստահաբար այս «գիրքը» թուրք-ադրբեջանական հովանավորություն ունի: Այնտեղ նշված է, որ Հայաստանում հիմնական պետական լեզուն, բացի հայերենից, նաեւ ադրբեջաներենն է, իսկ Հայաստանի հիմնական կրոններն են ուղղափառությունն ու մահմեդականությունը (հատկապես շիա ուղղությունը, որը դավանում են նաեւ Ադրբեջանում):
Խեղաթյուրված են հայոց պատմության այլ տվյալներ եւս, նաեւ Արցախի պատմությունն ու ազատագրական պայքարը: Նշված է, թե 1988-1989թթ. Հայաստանն ու Ադրբեջանը պատերազմել են հենց Արցախի կարգավիճակի պատճառով, որից հետո ադրբեջանցիները կորցրել են «մեծամասամբ հայե-րով բնակեցված այդ տարածքը»:
Այս «գրքի» ռուսերեն տպագրությունը 15 հազ. է եւ չի բացառվում, որ այն թարգմանված լինի նաեւ անգլերեն եւ այլ լեզուներով, քանզի տարածվել է նաեւ եվրոպական երկրներում:
Բայց զարմանալին այս հերթական թուրք-ադրբեջանական սադրանքը չէ, այլ այն, որ նման հակահայկական եւ սխալ տվյալներով գիրքը վաճառվում է Հայաստանում, ու ոչ ոք դրա համար պատասխան չի տալիս…
Պատասխան չտվեցին նաեւ նրանք, ովքեր դպրոցական տետրեր էին վաճառում, որոնց վրա Ադրբեջանի քարտեզն էր՝ Արցախը այդ երկրի կազմում ու նաեւ` թուրքական «տարածքների ու մշակույթի» քարոզով տետրեր կային: Իսկ հայ-թուրքական սին հարաբերությունները Երեւանում «բա-ցեցին» նաեւ թուրքական խանութ… Հիմա էլ այլալեզու կրթության հիվանդության վարակն է մտել ոմանց մեջ…
Մի խոսքով, եթե հայկական պետություն ունենք, ազգային անվտանգություն, որը հայերին է ծառայում, ապա վաղուց պատասխան տվողներ պետք է լինեին (ու ոչ միայն Հայաստանում)՝ հակահայկական եւ հակագիտական բացահայտ քարոզչությամբ զբաղվելու համար…

Արտակ Հայոցյան

ԱԱԾ պաշտոնյան «Գրին քարտ»-ով մեկնել է ԱՄՆ
Panorama.am կայքը, հղում անելով «Հայկական ժամանակ» թերթին, գրում է, որ թերթի տեղեկություններով՝ ՀՀ ազգային անվտանգության ծառայության կադրերի բաժնի նախկին պետը՝ Վարդան Եղիազարյանն, այժմ բնակվում է ԱՄՆ-ում, ուր մեկնել է «Գրին քարտով», որ շահել է խա-ղարկությամբ:
«ԱԱԾ կադրերի բաժնի պետն այդ գերատեսչության այն եզակի պաշտոնյաներից է, ով տիրապետում է, կամ առնվազն իրավունք ունի ծանոթանալ այդ կա-ռույցի կադրերի ողջ բազային` գործակալներից սկսած՝ վերջացրած արտերկրում եղած լրտեսներով»: Թերթը (եւ ոչ միայն «ՀԺ»-ն) կատարվածը խայ-տառակություն է որակել:

Երեւանում մեկնարկում է ԱՊՀ Վերահսկիչ մարմինների
ղեկավարների խորհրդի 10-րդ նստաշրջանը
Երեւանում տեղի ունեցավ ԱՊՀ բարձրագույն վերահսկիչ մարմինների ղեկավարների խորհրդի 10-րդ նստաշրջանը:
 Հայաստան ժամանած պատվիրակությունը եղավ Ծիծեռնակաբերդում` հարգանքի տուրք մատուցեց Ցեղասպանության զոհերի հիշատակին, իսկ այ-նուհետեւ Կառավարության ընդունելությունների տանը ընթացավ խորհրդի 10-րդ նստաշրջանը: Նստաշրջանի պաշտոնական բացման ժամանակ ե-լույթի խոսքով հանդես է եկել ՀՀ վերահսկիչ պալատի նախագահ Իշխան Զաքարյանը:

Սեպտեմբերի 28-ի երեկոյան ՀՀ ԱԺ նախագահ Հովիկ Աբրահամյանի
գլխավորած պաշտոնական պատվիրակությունը ժամանել է Բեռն
Շվեյցարիայի Համադաշնության մայրաքաղաքում մեր պատվիրակությանը միացել է Շվեյցարիայում ՀՀ արտակարգ եւ լիազոր դեսպան Շարլ Ազնավուրը: ԱԺ պատվիրակության առաջին հանդիպումը Շվեյցարիա-Հայաստան բարեկամության պատգամավորական խմբի անդամների հետ էր: ԱԺ նախա-գահ Հովիկ Աբրահամյանը նշել է, որ խորհրդանշական է, որ բարեկամական երկրում իր առաջին հանդիպումը կայանում է հենց Շվեյցարիա-Հա-յաստան բարեկամական խմբի հետ, որի ծավալած եռանդուն եւ անաչառ գործունեության շնորհիվ է նաեւ, որ 2 երկրների միջեւ զարգանում եւ խորանում են բարեկամական հարաբերությունները:
ԱԺ նախագահը նշեց, որ երկու ժողովուրդները նույն հոգեւոր ու մշակութային արժեքների կրողներն են, 2 երկրները գրեթե նույն բնապատկերն ունեն, չունեն ելք դեպի ծով, սակայն ունեն համոզմունքներ, հմտություններ եւ գիտելիքներ:
Հ. Աբրահամյանը իր երախտագիտությունը հայտնեց 2003թ. դեկտեմբերի 16-ին Հայոց ցեղասպանության ճանաչման վերաբերյալ Շվեյցարիա-յի Ազգային Խորհրդի կողմից բանաձեւի ընդունման համար եւ այդ գործում ընդգծեց Շվեյցարիա-Հայաստան բարեկամական խմբի ծավալած ակտիվ գործունեությունը: Նա նշեց, որ հայ-շվեյցարական երկկողմ հարաբերությունների առավել սերտացման համար կարեւոր է միջխորհրդարանա-կան համագործակցության զարգացումը:
Այդ համատեքստում նա գոհունակություն հայտնեց Շվեյցարիայի խորհրդարանում հայ-շվեյցարական բարեկամության խմբի ծավալած ակտիվ ու արդյունավետ գործունեության համար` նշելով, որ 2008թ. բարեկամական խմբի այցը Հայաստան բավականին արդյունավետ էր եւ խթան հանդիսացավ ոչ միայն խորհրդարանական համագործակցության խորացման, այլեւ տնտեսական կապերի ամրապնդման եւ զարգացման համար:
Շվեյցարիա-Հայաստան բարեկամության խորհրդարանական խմբի համանախագահներ Ուելի Լոյենբերգերը եւ Դոմինիկ Դը Բյումանը բարձր գնահատեցին ՀՀ ԱԺ նախագահ Հ. Աբրահամյանի այցը երկու երկրների բարեկամությունը եւ փոխգործակցությունը ամրապնդելու եւ խորաց-նելու առումով: Շվեյցարացի պատգամավորները կարեւորեցին միջխորհրդարանական հարաբերությունների խորացումը, փոխայցերը եւ հա-մագործակցությունը միջազգային կառույցներում:
Անդրադառնալով տարածաշրջանային խնդիրներին` պարոնայք Լոյենբերգերը եւ Դը Բյումանը կարեւորեցին Հարավային Կովկասում կայունութ-յան եւ խաղաղության հաստատումը եւ նշեցին, որ ղարաբաղյան հակամարտությունը պետք է լուծվի խաղաղ ճանապարհով` ինքնորոշման սկզբունքի հիման վրա:
ԱԺ նախագահի գլխավորած պատվիրակությունը հանդիպումներ ունեցավ նաեւ Շվեյցարիայի Համադաշնության նորընտիր փոխնախագահ, Արտաքին գործերի նախարար տիկին Միշլին Կալմի-Ռեյի, Համադաշնության Պետությունների խորհրդի նախագահ տիկին Էրիկա- Ֆորստեր Վանինիի եւ Ազգային խորհրդի նախագահ տիկին Պասկալ Բրուդերեր Ուիսի հետ:

Իշխանությունն օբյեկտիվ ընդդիմության շունչ չի զգում
«Կապիտալ»-ին տված հարցազրույցում ԵԽԽՎ-ում հայաստանյան պատվիրակության անդամ, ԱԺ ԲՀԿ խմբակցության պատգամավոր Նաիրա Զոհրաբյանը, խոսելով ԵԽԽՎ աշնանային նստաշրջանի մոնիտորինգային հանձնաժողովում՝ Եվրոպայի խորհրդի առջեւ Հայաստանի ստանձնած պարտավորու-թունների կատարման վերաբերյալ լսումների, ինչպես նաեւ ներքաղաքական գործընթացների վերաբերյալ, մասնավորապես նշել է. «Ես չեմ կա-րող ասել, որ բոլոր խնդիրները լուծել ենք՝ կապված մարդու իրավունքների եւ ժողովրդավարության, ազատ խոսքի, արդարադատության, իրավա-պահ և ոստիկանական համակարգի եւ
մի շարք այլ խնդիրների հետ, սակայն կարծում եմ՝ բավականաչափ խնդիրներ լուծված են, իսկ որոշ խնդիրներ էլ լուծման գործընթացում են:…
Օբյեկտիվ ընդդիմություն, որն իրապես օբյեկտիվ կքննադատի երկրում առկա խնդիրները, իշխանություններին մատնացույց կանի նրանց թերությունները և թերացումները, Հայաստանում չկա»:…
Անդրադառնալով ՀՀԿ փոխնախագահ Ռազմիկ Զոհրաբյանի այն հայտարարությանը, որ եթե ՀՀԿ-ն ցանկանա, կկարողանա պառակտել ԲՀԿ-ն` Նաիրա Զոհ-րաբյանն ասել է. «Զոհրաբյանին հիշեցնեմ, որ այդ մենաշնորհը պատկանում է հասարակությանը: Ի տարբերություն Ռազմիկ Զոհրաբյա-նի՝ մենք կարծում ենք, որ մեր երկրում ամեն բան որոշում է ընտրությունը եւ ժողովրդի քվեն: Իսկ թե առաջիկա ընտրություններին ում ձայն կտա հասարակությունը, եկեք թողնենք ժողովրդի ընտրությանը»:

Նուբարաշենում տեղեր են բացվում ԲՀԿ-ի համար
«Ժամանակ»-ի իշխանական աղբյուրները փախանցում են, որ առաջիկայում «Նուբարաշեն» ՔԿՀ-ում տեղ կբացվի ԲՀԿ-ական որոշ քրեական հեղինա-կությունների համար: «Իշխանական վերնախավում, ընդ որում` բացառապես ամենավերեւներում, ԲՀԿ-ին ընդդիմադիր դաշտ գործուղելու ծրա-գիր են մշակել, ճիշտ այնպես, ինչպես 2006-ին դա արեցին ՕԵԿ-ի դեպքում…իսկ ՔԿՀ-ից նման ինֆորմացիոն արտահոսքեր են կազմակեր-պում, որպեսզի ԲՀԿ ընդդիմացման ծրագիրն ավելի հավատընծա լինի»,- գրում է թերթը:

Հեռուստատեսության եւ ռադիոյի մասին օրենքում լրամշակումներ կատարելու համար
աշխատանքային խումբ է ձևավորվում
ՀՀ Նախագահ Սերժ Սարգսյանի առաջարկով` օմբուդսմեն Արմեն Հարությունյանը կազմավորում է աշխատանքային խումբ` «Հեռուստատեսութ-յան եւ ռադիոյի մասին» օրենքի լրամշակման նպատակով:
ՀՀ Մարդու իրավունքների պաշտպան Ա. Հարությունյանը խնդրել է ՀՀ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանին, ՀՀ տրանսպորտի եւ կապի նախարար Մանուկ Վարդանյանին, Հայաստանի հե-ռուստատեսության եւ ռադիոյի ազգային հանձնաժողովի նախագահ Գրիգոր Ամալյանին, Հանրային հեռուստատեսության տնօրեն Գագիկ Բու-նիաթյանին եւ Հանրային խորհրդի նախագահ Վազգեն Մանուկյանին` առաջարկել իրենց կողմից ներկայացուցիչ:

Հայկական էստրադայի այսօրվա վիճակը Հանրային հեռուստառադիոընկերության
էստրադային-սիմֆոնիկ նվագախմբի գեղարվեստական ղեկավար եւ գլխավոր դիրիժոր Երվանդ Երզնկյանը նորմալ է համարում
«Ա1+»-ի հետ զրույցում նա կարծիք հայտնեց, որ պետք է նաեւ դրա միջով անցնել, որպեսզի կարողանանք դանդաղ, բայց հաստատուն վերականգնել այն, ինչ կորցրինք Խորհրդային Միության փլուզումից հետո:
«Շատերն ասում են, թե ռաբիսը շատ է, կյանքը ռաբիսացել է: Մեր կյանքը ոչ միայն ռաբիսացել է, այլեւ դարձել է մի մեծ КВН, եւ դա ավե-լի վատ է, քան ռաբիսը: КВН-ը պրոֆեսիոնալ արվեստ չէ, իսկ ոչ պրոֆեսիոնալներն ավելի վտանգավոր մարդիկ են, մինչդեռ ռաբիսն անկեղծ մարդ-կանց արտահայտվելու ձեւն է՝ ավելի ցածր մակարդակի վրա: Սակայն ես կարծում եմ, որ այդ ամենը կանցնի»,- գտնում է Երվանդ Երզնկյանն` ավելացնե-լով, որ հուսադրող է գոնե այն, որ այսօր ավելի շատ երգիչներ կան, քանի տարիներ առաջ, երբ մատների վրա հնարավոր կլիներ նրանց հաշվել: Միայն, թե ըստ նրա` մեր երգարվեստի մակարդակի բարձրացումն ակնհայտ կլինի, երբ սկսվի վատ եւ լավ երգիչների զտումը:
Լավ երգիչ, կատարող դառնալու խնդիրը, նրա ասելով, ծագում է հենց կոնսերվատորիա ընդունվելիս: «Կոնսերվատորիայի մակարդակն ընկել է, սա-կայն ոչ թե դասախոսների այլ ուսանողների պատճառով: Եթե առաջ կոնսերվատորիա ընդունվելը շատ բարդ էր, ապա այսօր հեշտացել է, քանի որ կոնսերվատորիան կանգնած է տնտեսական ծանր խնդիրների առաջ եւ ստիպված ընդունում է ոչ լիարժեք պատրաստ կադրերի՝ միայն նրա համար, որպես-զի կարողանա ապահովել դասախոսների աշխատավարձը: Ի դեպ, Հայաստանում դասախոսական ամենացածր աշխատավարձը մերն է»,- նշել է Երզնկյանը, ով նաեւ դասավանդում է կոնսերվատորիայում:
Ըստ նրա` այսօր հատկապես տաղանդավոր երիտասարդ կատարողների, արվեստագետների համար ճանաչում ձեռք բերելը շատ դժվար է: Դրա համար հովանա-վորներ ու գումարներ են հարկավոր, իսկ երգիչներին այսօր ճանաչում են իրենց տեսահոլովակներով: Երվանդ Երզնկյանը վստահեցնում է, որ իր ղեկավարած նվագախումբը սկսնակներին հնարավորություն է տալիս նվագախմբի հետ կենդանի կատարմամբ հանդես գալ ու փորձ ձեռք բերել:
Ի դեպ, Երվանդ Երզնկյանին շատ հաճախ խուսափում են շոուների հրավիրել. «Շատ դեպքերում այդ հեռուստաշոուների կազմակերպիչներին դուր չի գալիս իմ կարծիքը, քանի որ միշտ ճիշտ բաներ եմ ասում: Ես երբեք չեմ ասի այն, ինչ չեմ ցանկանում ասել, իսկ այդ հեռուստա-շոուները խարսխված են գովեստի վրա, որը սխալ է, քանի որ ինտրիգը կորչում է»:
Ինչ վերաբերում է իր ղեկավարած նվագախմբին, ապա Երվանդ
Երզնկյանը վստահեցնում է, որ իրենք կատարում են հայկական էստրադայի դասական կատա-րումները, որոնք մի պահ մոռացվել էին, սակայն այժմ նորից մեծ պահանջարկ ունեն:

2020-ին անտառ չենք ունենա
Կանխատեսումների համաձայն, Հայաստանի հանրապետությունում 2020թ. ընդհանրապես անտառ չի լինի: Այսօր այս մասին լրագրողների հետ հանդիպման ժամանակ ասաց «Էկոլուր» բնապահպանական-հասարակական կազմակերպության ղեկավար Ինգա Զառաֆյանը:
Բնապահպանը ներկայացնելով երկրում Ամերիկյան համալսարանի կողմից 2006թ. կատարված հետազոտության արդյունքները, նշեց, որ անտառածածկ տարածքն ընդամենը 7,8% է կազմում: Իսկ եթե Հայաստանը կորցնի անտառածածկ տարածքները, ապա, ըստ նրա, կկորցնի նաեւ ջրային ռեսուրսները: Ի. Զառաֆյանի հավաստմամբ, երկրին արդեն իսկ սպառնում է անապատացման վտանգը:
Իսկ ասուլիսի մյուս բանախոսի, ազգագրագետ Հրանուշ Խառատյանի խոսքով, անարդարացի է, որ անտառները հաճախ հատվում են «բիզնես նպատակ-ներով»: Իր ասածն ազգագրագետն ապացուցեց օրինակով: Ըստ նրա,ներկայում էլ անտառ է հատվում, մեքենաներով տարածքը հսկվում է, որ մարդիկ չմտեն անտառ: նա ներկայացրեց Լոռու եւ Տավուշի մարզերի անտառամերձ բնակավայրերի բնակիչների շրջանում իրականացված հետազոտության արդյունքերը: Բացի այդ, Հ. Խառատյանը նկատեց, որ հստակ չեն անտառի հետ հարաբերվելու մարդկանց գիտելիքները:
«Հետազոտության համաձայն, անտառին սրտացավ վերաբերվող բնակչությունը շատ քիչ պատկերացում ունի, թե ինչպես է կառավարվում անտառը, միշտ չէ, նաեւ, որ անտառապետն է տեղյակ այս խնդիրներից: Այս մարզերում փայտը որպես վառելիք է օգտագործվում ոչ միայն այն բնակավայ-րերում որտեղ բնական գազ չկա, այլեւ այնտեղ, որտեղ բակչությունն ապահովված է բնական գազով»,- նկատել է ազգագրագետը:
Վերջում, հասարակական կազմակերպության ղեկավարը, ներկայացնելով անտառհատումներրի վերաբերյալ վիճակագրական տվյալներ, նկատեց, որ անտառահա-տումների վերաբերյալ պաշտոնական ու ոչ պաշտոնական թվերը չեն համապատասխանում: Այսպես` գյուղատնտեսության նախարարության կայքում նշված տվյալների համաձայն, հանրապետության ողջ տարածքի 17.2 տոկոսն անտառածածկ է, սակայն այս թիվը 1992թ. տվյալ է: «Էկոլուր»-ի ղեկավարը, բնականաբար, հավաստեց, որ այդ թիվը 2010թ. համար հնացած է:

Դեռեւս հայտնի չէ` 2011թ-ին հայաստանցի սպառողների համար գազը կթանկանա, թե ոչ
«Հայռուսգազարդ» ընկերության հասարակայնության հետ կապերի եւ լրատվության բաժնի պետ Շուշան Սարդարյան որեւէ տեղեկատվություն ա-ռայժմ դժվարացավ հայտնել:
Հիշեցնենք, որ սեպտեմբերի սկզբին ռուսական «Գազպրոմի» վարչության նախագահի տեղակալ Անդրեյ Կրուգլովը հայտարարել էր, թե Հայաս-տանի պարագայում գազի շուկայական գնագոյացմանը անցում կկատարվի 2011թ.-ին, ինչը նշանակում է, որ մեր երկրի համար կգործի գազի եվրոպա-կան գինը:
Իսկ Հայաստանին վաճառվող ռուսական գազի թանկացման հարցը քննարկվել է դեռ օգոստոսի կեսին՝ Ռուսաստանի նախագահ Դմիտրի Մեդվեդեւի` Հա-յաստան կատարած այցի ժամանակ: ՀՀ վարչապետ Տիգրան Սարգսյանն էլ դրա վերաբերյալ նշել է, որ «Հայռուսգազարդ» ընկերության ղեկավարությանը տրված է համապատասխան հանձնարարական՝ ռուս գործընկերների հետ շարունակել բանակցությունները, որպեսզի գազի գնային քաղաքականութ-յունը եւ մեթոդաբանությունը Հայաստանի համար լինեն կանխատեսելի: Ներկայում 1 խմ գազի դիմաց բաժանորդը վճարում է 132 դրամ:

Սեփ. լրատվություն

«Լուսանցք» թիվ 33 (164), 2010թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում