Արտաքին խնդիրներ եւ լուրեր

ԱՄՆ-ում «Heritage» հիմնադրամի՝ Եվրոպայի ու Եվրասիայի հետազոտությունների ծրագրերի տնօրեն, նախկին խորհրդային հանրապետութ-յունների գծով փորձագետ Արիել Քոհենը քննադատել է ՌԴ վերաբերյալ նախագահ Բարաք Օբամայի աշխատակազմի քաղաքականությունը:
Ըստ ադրբեջանական «Ենի Մուսավաթ»-ի, Քոհենն իր կայքում գրել է. «Արմատականներին աջակցելով եւ օգտվելով զենքով ապահովելու վրա հաշվարկված նեոխորհրդային մարտավարությունից՝ Ռուսաստանը կրկին վերադառնում է Մերձավոր Արեւելք: Դրանով Կրեմլն օգտվում է Օբամայի՝ «ոչինչ չեմ տեսնում» լոզունգի վրա հիմնված քաղաքականությունից՝ շարունակում է էքսպանսիան հետխորհրդային տարածք եւ աջակցում հակաարեւմտ-յան ռեժիմներին: Օբամայի աշխատակազմի քաղաքականության արդյունքում Եվրասիայում ԱՄՆ-ի ազդեցության կտրուկ նվազումն անխուսա-փելի է: Դա վտանգում է ԱՄՆ-ի եւ նրա դաշնակիցների անվտանգությունը»:

Արման Դավթյան

Կարեւորն ու հիմնականը տեսակն է՝ գենը, կրոնը փոփոխական է

ՀՀ ոստիկանապետ, գեներալ մայոր Ալիկ Սարգսյանը եւ Իրանի ոստիկանական ուժերի հրամանատար, գեներալ Էսմայիլ Ահմադիմողադամը Թեհ-րանում կայացած հանդիպման ժամանակ քննարկել են ԻԻՀ եւ ՀՀ ոստիկանությունների միջեւ հարաբերությունների խորացմանը, ապօրի-նի թմրամիջոցների, ահաբեկչության, թրաֆիկինգի դեմ համատեղ պայքարին առնչվող հարցեր:
«Հայաստանն ու Իրանն ունեն մոտ քաղաքական հարաբերություններ, մշակութային եւ պատմական ընդհանրություններ: Իրանի ոստիկանական ուժերը պատրաստ են Հայաստանի իրենց գործընկերների հետ համագործակցել տարբեր ոլորտներում»,- նշել է գեներալ Է. Ահմադիմողադամը: Հայաստանի ոստիկանապետն էլ ասել է, որ իրանցիներն ու հայերն ունեն պատմական խորը արմատներ, որն էլ կարող է լավ հիմք ստեղծել ընդ-հանուր համագործակցության համար:

*  *  *
Ադրբեջանի Ընտրական հանձնաժողովը 100-ավոր կրոնական կողմնորոշում ունեցող թեկնածուների արգելել է մասնակցել այդ երկրի խորհրդա-րանական ընտրություններին: Իրանական կայքերը տեղեկացնում են, որ Ադրբեջանի կառավարությունը բոլոր պետական ծառայողներին հրահան-գել է, որ իրենց գրասենյակներից հանեն կրոնական նշանակության բոլոր իրերն ու պատկերները:
«Ադրբեջանն իր այդ հակակրոնական քաղաքականության եւ Իսրայելի հետ մոտ հարաբերություններ ունենալու պատճառով կորցրել է իր գրավ-չությունը: Բաքվի իշխանությունները փակում են մզկիթներ, որեւէ կրոնական միջոցառման մասնակցելու համար ձերբակալում տասնյակ քաղաքացիների»,- գրում է «ՖԱՐՍ»-ը:

Կարեն Բալյան

ԵԽԽՎ դիտորդները ժամանում են Ադրբեջան` դիտորդական առաքելություն իրականացնելու նպատակով

ԵԽԽՎ պատվիրակությունը ժամանել է Բաքու` նոյեմբերի 7-ին Ադրբեջանում կայանալիք խորհրդարանական ընտրություններում դիտորդական ա-ռաքելություն իրականացնելու նպատակով: Պատվիրակությունը ղեկավարում է բելգիացի Պոլ Վիլը: Եվրոպացի դիվանագետների պատվիրակության կազմում կա 30 մարդ, նրանք դիտարկումներ են իրականացնելու նոյեմբերի 5-8-ն ընկած ժամանակահատվածում: Ծրագրված են դիտորդների հանդի-պումները իշխանության ու քաղաքացիական հասարակության ներկայացուցիչների հետ: Նրանց հետ միասին դիտարկումներ է իրականացնելու ԵԱՀԿ/ԺՀՄԻԳ-ը, եւ նոյեմբերի 8-ին արդեն այս պատվիրակությունները հանդես կգան համատեղ հայտարարությամբ:
Սեպտեմբերի 28-ից ԵԽԽՎ առաքելությունը դիտարկումներ է անցկացնում նախընտրական Ադրբեջանում եւ նկատել էր բացթողումներ ու խնդիրներ երկրում ընտրությունների վերաբերյալ հանրային քննարկումների անցկացման, իշխանությունների կողմի ընտրական պրո-ցեսներին միջամտելու նաեւ պատգամավորության թեկնածուների գրանցման հետ կապված:
Նկատենք, որ ԵԱՀԿ/ԺՀՄԻԳ-ը նույնպես միջանկյալ զեկույց էր Ադրբեջանում նախընտրական քարոզարշավի անցկացման վերաբերյալ ու նկատել, որ առաքելությունը ստացել է ստույգ տեղեկություններ ընտրողների վրա ճնշումներ գործադրելու, վախեցնելու վերաբերյալ, թեկնածու-ների օգտին տրված իրենց ստորագրությունների հետ կանչման նպատակով: Առկա են եղել նաեւ ուղղակի ճնշումներ ինչպես թեկնածուների, այնպես էլ նրանց ներկայացուցիչների եւ բարեկամների վրա:

Գոհար Վանեսյան

Եվրոպան չի կարող առանց Բելառուսի
Բելառուսի նախագահ Ալեքսանդր Լուկաշենկոյի կարծիքով, Եվրոպան չի կարող առանց Բելառուսի, քանի որ Բելառուսը Եվրոպայի սիրտն է: «Մենք շատ հետաքրքրված ենք Եվրամիությունով, եւ, կարծում եմ, որ Եվրոպան չի կարող առանց մեզ, քանի որ մենք Եվրոպայի սիրտն ենք»,- հայտարարել է Ա. Լուկաշենկոն Գերմանիայի եւ Լեհաստանի արտաքին գործերի նախարարների հետ հանդիպման ժամանակ:
Նրա խոսքով, այն քայլերը, որոնք այսօր իրականացնում է ԵՄ, չի նպաստում հարաբերությունների արագ բարելավմանը:
Խոսելով «Եվրոպական գործընկերության» ծրագրի մասին` Բելառուսի նախագահն ասել է, որ այն «տեղում դոփում է». «Մենք շատ ենք ասել, որ հետաքրքրված ենք այդ ծրագրով, բայց, ցավոք, դեռեւս հույսեր են, քան իրականություն»,- ասել է Ա. Լուկաշենկոն:

«Լուսանցք» թիվ 38 (169), 2010թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում