Հայ Արիական Միաբանությունը տարիներ շարունակ պայքարում է ամենատարբեր «փոքրամասնությունների» դեմ, այդ թվում՝ աղանդավորականների: ՀԱՄ համար սա ոչ թե հավատքային պայքար է, քանզի հուդա-քրիստոնեությունն ինքնին աղանդ է եւ այն էլ օտարածին, այլ՝ հայարիականներիս համար ավելի քան հստակ է, որ բոլոր անբնական «փոքրամասնությունները» սարքովի են, վտանգավոր եւ աշխարհի գաղտնի ուժերի կողմից ներմուծվում են ամենատարբեր երկրներ՝ հակապետական ու հակազգային գործունեություն ծավալելու նպատակով:
Այդ վտանգները մեր կողմից բազմիցս ներկայացվել են (նաեւ՝ զլմ-ներով) ինչպես մարդկային հորջորջվող սեռական, լեզվա-կրթական, այնպես էլ հոգեւոր փոքրամասնություն կոչվածների առումով:
Եթե սեռական փոքրամանություն ասվածի հետեւորդներրն աղճատում են մարդու բնականոն, ընտանեկան կյանքն ու սերնդավատվական գործառույթը՝ միաժամանակ խեղելով մարդու արարչատուր բնույթը, ապա աղանդավորական փոքրամասնություններն աղճատում են մարդու հոգին, միտքը եւ խեղում մարդու բարոյահոգեբանական կերտվածքը: Այս անմարդկային (եւ ոչ միայն հիվանդագին) միջամտություններից էլ երկփեղկվում է մարդ արարածը եւ տառապում կործանարար երկվությամբ:
Հայ Արիական Միաբանությունը կոչ է անում ՀՀ իշխանություններին՝ պետականորեն արգելել աղանդավորական կազմակերպությունների (ինչ կրոնի հետեւորդներ էլ լինեն) գործունեությունը Հայաստանում եւ քրեորեն պատժելի դարձնել ինչպես նրանց, այնպես էլ սեռական փոքրամասնություն կոչվածների քարոզչությունը մեր Արարչատուր Հայրենիքում: Այդ հիվանդագին կամ պատվերով խեղումները որեւէ կապ չունեն հայ ազգային արժեհամակարգի հետ: Այս առումով արժե ուշադրություն դարձնել նաեւ միջազգային «մարդասիրական» կառույցներից ինչ-ինչ նպատակներով դրամաշնորհներ ստացող ամենատարբեր հասարակական եւ այլ կազմակերպությունների գործունեությանը, որոնք այդ դրամաշնորհային պատվիրված ծրագրերով քանդում են հայոց արժեհամակարգը, կրթա-մշակութային ոլորտը, լեզվամտածողությունը, հոգե-բարոյական նկարագիրն ու ամեն ազգային բան…
Հայ հանրությանը, թե՛ Հայաստանում, թե՛ Սփյուռքում, կոչ ենք անում՝ հրաժարվել անմարդկային ու հակազգային բոլոր դրսեւորումներից եւ հետեւել «առողջ հոգի՝ առողջ մարմնում» կարգախոսին՝ այդպիսով ծառայելով Հայքին ու Հային, եթե նույնիսկ իրենց բնակության վայր-երկրներում փոքրամասնական մոլագարությունները «մարդկային արժեք» են համարվում:
Հայ Արիական Միաբանության
Գերագույն Խորհուրդ
15.11.2010թ.
Loading ...
Armenian