Ո՛չ մեկն իրավունք չունի սուր ճոճել Հայաստանի պետության դեմ – ԱՍԱԼԱ

Հայաստանի Հանրապետութեան Հանրային Կարծիքին –

«…ո՛չ մէկ իրաւունք կրնայ ունենալ սուր ճօճելու Հայաստանի Պետութեան դէմ»

Մեզի ծանօթ մութ ուժերու հրահրումով, ժամանակէ մը ի վեր, Հայաստանի Հանրապետութեան մէջ, կը բեմականացուի ԱՍԱԼԱ-ի անուան շահագոր-ծումով հայկական պետականութեան դէմ սանձազերծուող խօլ արշաւ մը, որուն համար կ՛օգտագործուի Ալեք Ենիգոմշեանի անունը:
Ալեք Ենիգոմշեանը, թէեւ կը ներկայանայ տարբեր-տարբեր կազմակերպութեանց անունով եւ ինքզինք կը ներկայացնէ «ԱՍԱԼԱ-ի նախկին անդամ»՝ լրատուական միջոցներ խոշորացոյցի տակ կ՛առնեն 2-3 տարի ԱՍԱԼԱ-ի մէջ ունեցած իր անցեալը, որպէս զի հայրենի իշխանութեանց դէմ սան-ձազերծուող արշաւին կարենան տալ նաե՛ւ ԱՍԱԼԱ-ական գունաւորում:

Իր հիմնադիր-ղեկավար Յակոբ Յակոբեանի քաղաքական գիծին հաւատարիմ՝ Հ.Ա.Հ.Գ.Բանակը, հակառակ իր քննադատական կեցուածքին, անցեալին միշտ պաշտ-պանած է Խորհրդային Հայաստանը, իսկ ներկայիս կը պաշտպանէ Հայաստանի 3-րդ Հանրապետութեան 3 նախագահներն ալ անխտիր:
Հ.Ա.Հ.Գ.Բանակը, չընդունելով հանդերձ Հայաստանի Հանրապետութեան ընկերային յոռի երեւոյթները՝ չի կամենար եւ չի կարենար պայքար տա-նիլ հայրենի իշխանութեանց դէմ:
Հ.Ա.Հ.Գ.Բանակի այս կեցուածքը չունի շահադիտական որեւէ միտում, այլ կը զգենու Հայրենիքը զօրաւոր տեսնելու եւ զօրաւոր Հայրենիքով Սփիւռքը զօրաւոր պահելու տարրական ողջախոհութիւն մը:
Յեղափոխականի իր պարկեշտութեան դէմ մեղանչելով՝ Ալեք Ենիգոմշեանը կը դիպչի մեր Երկրի ամենազգայուն երակին՝ Հայոց Բանակին, երբ նոյն այդ Բանակի օրուան առթիւ՝ Բանակէն ներս տեղի ունեցող յոռի դէպքերու առթիւ կը մրոտէ այդ Բանակը կանգուն պահող Հայաստանի պետակա-նութիւնը:
Նա՛մանաւանդ Ալեք Ենիգոմշեանը, որ, մինչեւ այսօր, իր իսկ պատկանած Բանակէն, Հայաստանի Ազատագրութեան Հայ Գաղտնի Բանակէն ներս տեղի ունե-ցած տխուր դէպքերը կը ծածկէ կամ աղաւաղեալ ձեւով կը ներկայացնէ՝ բարոյական ո՛չ մէկ իրաւունք կրնայ ունենալ, ժամանակ առ ժամանակ, աջ ու ահեակ, սուր ճօճելու Հայաստանի Պետութեան դէմ:
Նա՛մանաւանդ Ալեք Ենիգոմշեանը, որ, մինչեւ այսօր, կ՝արդարացնէ Հ.Ա.Հ.Գ.Բանակը կռնակէն հարուածած դաւաճան Մոնթէ Մելքոնեանի ոճրային դա-ւադրութիւնը՝ բարոյական ո՛չ մէկ իրաւունք կրնայ ունենալ, ժամանակ առ ժամանակ, աջ ու ահեակ, սուր ճօճելու Հայաստանի Պետութեան դէմ:
Հայաստանի իշխանութիւնները, Լեւոն Տէր Պետրոսեանէն մինչեւ Սերժ Սարգսեան՝ պետականօրէն արժեւորած են ԱՍԱԼԱ-ի զինեալ պայքարը եւ ընդունած՝ ԱՍԱԼԱ-ի ազատամարտիկները հայրենի հողի վրայ:
Միա՛յն երախտամոռներ կրնան ուրանալ պատմական այս փաստը:
Յակոբեանը ողջ է, բոլորս Յակոբեան ենք:

Հայաստանի Ազատագրութեան Հայ Գաղտնի Բանակ
01.28.2011

Հ.Գ. – Խորը հարգանք ունենալով «ԱՍԱԼԱ»-ի գործունեության հանդեպ՝ «Լուսանցք»-ի էլփոստին ուղարկված հերթական նամակը տպագրում ենք առանց որեւիցե կրճատման: Պատրաստ ենք տպագրել նաեւ Ալեք Ենիգոմշյանի տեսակետը:

«Լուսանցք» թիվ 4 (180), 2011թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում

Այս գրառումը հրապարակվել է Հ.Ա.Մ., Հոդվածներ խորագրում։ Էջանշեք մշտական հղումը։