Արցախի խնդիր Ադրբեջանի իշխանափոխության ծիրում… Իրանը եւ արցախյան խնդիրը

«Սերբիայի ու Կոսովոյի միջեւ ընթացիկ բանակցությունները, որ ԵՄ միջնորդությամբ անցկացվել են Բրյուսելում, կարիք ունեն ՄԱԿ-ի դիտորդական առաքելությանը»,- հայտարարել է Սերբիայի ԱԳ նախարար Վուկ Երեմիչը: Սերբերը հայտնել են, որ բանակցությունները բաց գոր-ծընթաց են, եւ իրենք ՄԱԿ-ից թաքցնելու որեւէ բան չունեն: ՄԱԿ ԱԽ նիստի ժամանակ, նախարարի խոսքերով, ՄԱԿ-ի դիտորդական ներկայությունը բանակցություններին կխթանի կողմերի միջեւ տեղեկատվության արդյունավետ փոխանակմանն ու հրատապ խնդիրների լուծմանը:

Արտակ Հայոցյան

Իրատես եւ չիրատես հայր ու որդի…

Ադրբեջանի նախագահի հայրը` Հեյդար Ալիեւն ավելի իրատես էր Արցախը` Ադրբեջանին վերադարձնելու վերաբերյալ իր գնահատականներում, այսպես է հայտարարել ԵԱՀԿ Մինսկի խմբի նախկին համանախագահ, 1992-1996թթ. ԼՂՀ հարցում ՌԴ նախագահի լիազոր ներկայացուցիչ Վլադի-միր Կազիմիրովը, որն իր զեկույցում առավելապես անդ
րադարձել է հակամարտության պատմությանը: Այս մասին նա  ասել է Երեւանում կայացած Հավաքական անվտանգության պայմանագրի կազմակերպություն (ՀԱՊԿ) «Տարածաշրջանում խաղաղության եւ անվտանգության հեռանկարներ» միջազգային կոնֆերանսի ժամանակ:
«Հեյդար Ալիեւը չէր դիմում այդ քանակի սպառնալիքների ու այդ աստիճան ճնշումների: Թեեւ գործող նախագահ Իլհամ Ալիեւը երդվելով հայտարարում էր, թե շարունակելու է հոր քաղաքականությունը»,- ընդգծել է Վ. Կազիմիրովը` ավելացնելով, որ այսօր ԼՂ հարցով բանակցութ-յուններն ընթանում են 2 ուղղությամբ, բայց գրեթե տարերային: Ըստ նրա` այդ ուղղություններն են հրադադարի ռեժիմի պահպանումն ու մադրիդյան հիմնական սկզբունքների քննարկումները:
Իսկ ՀՀ Պաշտպանության նախարար Սեյրան Օհանյանն իր ելույթում ընդգծել է, որ Հարավային Կովկասի տարածաշրջանում այսօրվա դրությամբ ի-րավիճակը անկայուն է, պայթյունավտանգ: «Ադրբեջանն իր հակահայկական հռետորաբանության մեջ ներքաշում է նաեւ այլ երկրների, առաջին հեր-թին Թուրքիային` կյանքի կոչելով մեր երկիրը տրանսպորտային, էներգետիկ եւ տնտեսական շրջափակման ենթարկելու քաղաքականությունը»,- հայտարարել է նախարարը` ավելացնելով, որ Ադրբեջանն ամեն ինչ անում է, որ ԼՂՀ հարցը ԵԱՀԿ Մինսկի խմբից տեղափոխի այլ ատյաններ: Այդ պատճառով նա կարեւորել է ՀԱՊԿ շրջանակներում համագործակցությունն ու աջակցությունը տարածաշրջանում անվտանգության ապահովման հարցում:
ՀՀ Անվտանգության խորհրդի քարտուղար Արթուր Բաղդասարյանն էլ նծել է, որ Հայաստանը ՀԱՊԿ հիմնական գործընկերն ու դաշնակիցն է եւ հանդես է գալիս տարածաշրջանում խաղաղության, համաձայնության եւ համերաշխության  ամրապնդման տեսանկյունից: «Սակայն, ցավոք, այսօր ապակառու-ցողական մոտեցում կա Ադրբեջանի, Թուրքիայի կողմից` լուծելու Կովկասյան տարածաշրջանում առկա խնդիրները: Դա մեզ հույս ու վստահութ-յուն չի տալիս, որ մոտ ապագայում մեր տարածաշրջանը կարող է զարգանալ հենց խաղաղության եւ համաձայնության ոգով: Մենք վստահ ենք, որ փոխադարձաբար ընդունելի փոխզիջումը շատ ավելի լավ է, քան անիմաստ հարմարավողականությունը»,- հայտարարել է նա:

Վահագն Նանյան

* * *

Իրանը՝ Արցախի խնդրի մասին

«Իրանի Իսլամական Հանրապետության դիրքորոշումը Լեռնային Ղարաբաղի հակամարտության կարգավորման առնչությամբ չի փոխվել: Իրանի ԱԳՆ-ն, ինչպես նախկինում, այժմ եւս, հաստատում է, որ Լեռնային Ղարաբաղի հակամարտության խաղաղ կարգավորման ճանապարհը միջազգային նորմերի եւ սկզբունքների հիման վրա երկկողմ բանակցությունների շարունակումն է, եւ Իրանը պատրաստ է օգնել այդ գործընթացին»:
Այդ մասին իրանական «ՄԵՀՐ» լրատվական գործակալությանը հաղորդմամբ՝ ի պատասխան ԼՂ հակամարտության վերաբերյալ ՀՀ-ում Իրանի դեսպա-նության տարածած հայտարարության մասին լրագրողի հնչեցրած հարցին, հայտարարել է Իրանի ԱԳՆ մամլո խոսնակ Ռամին Մեհմանփարստը:

ՀՀ-ում ԻԻՀ դեսպանության հայտարարությունը –
Երեւանում Իրանի Իսլամական Հանրապետության դեսպանությունը մեկ անգամ եւս շեշտում է, որ ԻԻՀ պաշտոնական դիրքորոշումը արտաքին քաղաքականության բոլոր խնդիրների վերաբերյալ արտահայտվում է մեծարգո նախագահի, արտաքին գործերի նախարարի եւ ԱԳՆ խոսնակի կողմից, ուստի հիշատակված շրջանակից դուրս արտահայտված ցանկացած տեսակետ համարվում է անձնական մոտեցում:
Դեսպանությունը հայտնում է, որ՝
ԻԻՀ արտաքին քաղաքականությունը տարածաշրջանային բոլոր հակամարտությունների վերաբերյալ հիմնված է եղել կողմերին երկխոսութ-յան հրավիրելու եւ հակամարտությունները կարգավորելու եւ տարածաշրջանում խաղաղություն եւ կայունություն հաստատելու ուղղութ-յամբ միջնորդական ջանքերը սատարելու վրա, եւ Տաջիկստանի, ԱՖղանստանի ու Իրաքի ներքին հակամարտությունների կարգավորման ուղղութ-յամբ ձեռնարկված քայլերը դրա վկայությունն է:
Հայաստանի Հանրապետության եւ Ադրբեջանի Հանրապետության միջեւ հակամարտության վերաբերյալ եւս այն համոզմանն է եղել, որ հարատեւ խաղաղության հաստատման համար այն պետք է կարգավորվի երկխոսության, ռազմական որեւէ ուժի չկիրառման եւ ինքնորոշման իրավունքի հարգ-ման միջոցով:
Եվ քանի որ Իրանի Իսլամական Հանրապետությունը միակ երկիրն է, որը հակամարտության գոտու հետ ունի ընդհանուր սահման, ուստի ցանկացած հրահրման եւ այս տարածաշրջանում լարվածության ստեղծման առնչությամբ հայտնում է իր մտահոգությունը եւ թույլ չի տալիս, որ նման հրահրումները տարածաշրջանում օտար ուժերի ներկայության առիթ դառնան:

Անի Մարության

«Լուսանցք» թիվ 19 (195), 2011թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում